Dagblaðið Vísir - DV - 18.07.1986, Blaðsíða 32

44
FÖSTUDAGUR 18. JÚLÍ 1986.
Sviðsljós
Ólyginn
sagði . . .
-j*
Carl Lewis
hefur það fram yfir aðra dauð-
lega menn að geta forðað sér
óvenjuhratt og örugglega við
óþægilegar aðstæður. Hann er
talinn heimsins besti hlaupari
og hefur það meðal annars veitt
honum tækifæri til að syngja inn
á plötu - spyrjið ekki Sviðsljósið
hvað er skylt með raddfegurð
og skreflengd - og síðast en
ekki sist er það kvikmynda-
bransinn. Hlauparinn sést hér
við leik í Hollívúddmyndinni
Skítugur þvottur og virðist þar
þara ekkert síðri en á hlaupa-
brautinni - að sögn hörðustu
aðdáenda.
George
Michael
gerir það gott sem sólóisti þrátt
fyrir að gamla Whamgengið sé
fyrir bí í bili. Kappinn er því hinn
ánægðasti og vill sem minnst
um fortíðina ræða - það er hér
og nú og á.morgun sem gildir.
í fjarlægri fortíð var hann sumsé
ekki alveg sami súpergæinn
heldur fremur feitlaginn fir með
gleraugu og kolómögulegt nafn
- Yorgos Kiriakou Panayiotou.
Með þetta á þakinu var ekki
nokkur vegur að komast lengra
en í næsta kirkjukór svo þessum
þreytandi staðreyndum var hent
út í hafsauga - og heimurinn
féll að fótum hans.
Ryan O'Neal
var hársbreidd frá hörkuslags-
málum á súperfínum veitinga-
stað í Beverly Hills um daginn.
Einn gestanna stóð upp, gekk
að borði Ryans og spurði fullur
áhuga hversu mörg afkvæmi
hann ætlaði að eiga með Farrah
áður en þau gengju upp að alt-
arinu. Ryan kunni ekki að meta
áhuga kappans á pappírsleysi
þeirra hjónaleysanna og stóð
því upp til þess að gefa spyrlin-
um einn á snúðinn. En Farrah
gekk á milli þannig að málið
hefur ennþá marga lausa enda,
giftingarleysið stöðugt óhrekj-
anleg staðreynd og gesturinn
jafnnær um fyrirætlanir Ryans í
nánustu framtíð.
Formaðurinn og varaformaðurinn sitja á rökstólum
- Hrafnhildur Eyjólfsdóttir og Hörður Hermannsson.
Félag íslenskra unglinga í Lúx
var stofnað sunnudaginn 18. maí
síðastliðinn klukkan tvö að ís-
lenskum tíma. Kosið var í stjóm,
formaður, varaformaður, peninga-
kall, ritari og reddari, en síðan
tekið 'til við að skipuleggja starf-
semina. Fyrst á dagskrá var
þjóðhátíðardagurinn, 17. júní, sem
haldinn var hátíðlegur aðeins síðar
vegna skólagöngu barna og
dreifðrar byggðar Islendinga í Lúx-
emborg.
Ungmennafélagið sá um hin fjöl-
breyttu skemmtiatriði dagsins,
íslendingar fengu skemmtigarðinn
í Berdorf lánaðan og ekkert vant-
aði nema íslenska fánann sem
einhverra hluta vegna var ófáan-
legur á staðnum. Grillaðar voru
íslenskar pylsur, lambakótelettur
og fleira, í eftirrétt kleinur, popp-
korn og kaffi, og bömin fengu
sælgætispoka að auki.
í Islendingafélaginu í Lúx em nú
eitt hundrað sextíu og þrír full-
orðnir en í ungmennafélaginu
rúmlega tuttugu unglingar. Lætur
nærri að í allt séu íslenskir Lúxem-
borgarar nærri fjögur hundruð
manns og fjölgar stöðugt - því ís-
lenskar fjölskyldur á staðnum eru
talsvert duglegar við barneignirn-
ar.
Meðfylgjandi myndir og upplýs-
ingar fengust hjá einum úr
ungmennafélaginu nýstofnaða -
Aldísi Guðrúnu Gunnarsdóttur í
Ehnen í Lúxemborg.
í stofunni heima með fööur sínum,
Gerry O’Dowd, og bræðrunum
David og Gerald. Núna er fjöl-
skyldan i upplausn.
Boy með ástinni sinni - Marilyn.
Sagt er að kynni þeirra hafi leitt
til þess harmleiks sem nú er að
gerast því Marilyn hefur verið háð-
ur eiturlyfjum árum saman.
segir Boy George
Samkvæmt síðustu fregnum er
Boy George ekki hugað lengra líf
en í hæsta lagi sjö vikur. Orsökin
er ofnotkun heróíns sem hann hef-
ur verið háður um nokkurt skeið.
Fyrstu skrefin tók hann á Jamaica
árið 1982 þar sem hann dvaldi í
leyfí með Marilyn en þá þegar var
sá síðamefndi háður fíkniefnum.
Hann fékk síðan Boy til þess að
reyna kókaín í ferðinni og smám
saman þróaðist neyslan út í sterk-
ari efni. Nú þarf Boy George heróín
fyrir um sextíu þúsund íslenskar
krónur dag hvem.
Þræll eitursins
„Ég er þræll eitursins," er haft
eftir popparanum, „og það þarf
ekki annað en líta á mig einu sinni
til að sannfærast um að dauðinn
er á næsta leiti.“
Fyrrum kærasta Boy - Jon Moss
- segist hafa varað hann við um-
gengni við Marilyn og vini hans
en stjarnan kærði sig ekkert um
að hlusta á það. Bróðir hans,
David, hefur haft af þessu þungar
áhyggjur og endaði með því að
kæra til lögreglunnar. Því sitja
bróðir þeirra beggja - Gerald - og
kærastan Marilyn nú inni fyrir að
hafa útvegað heróín handa Boy
George og selt honum það síðan -
og sjáfur er popparinn undir lækn-
ishendi en undir ströngu eftirliti
lögreglunnar.
„Bróðir minn hefur lést um tutt-
ugu og sex kíló á síðustu mánuðum
og tennurnar em að losna ein af
annarri. Það hreinlega varð að
gera eitthvað. Auðvitað getur þetta
orðið til þess að hann vilji aldrei
við okkur tala framar en það geng-
ur samt fyrir að reyna að bjarga
lífi hans. Engin leið var að gera
það á annan máta.“
Við þetta nýtur David stuðnings
„Það þarf engan lækni til þess að
sjá að ég er dauðans matur,“ seg-
ir popparinn Boy George. Myndin
var tekin af honum í London í síð-
ustu viku og sýnir að poppgoðið
búttaða hefur breytt verulega um
lögun og útlit allt.
Gerry, föður síns, og bróður sfns,
Richards.
„Þetta varð að gerast þótt það
kosti fangelsisvist Geralds og
Marilyn. Okkur var engin önnur
leið fær - því miður.“
Verði endalokin þau að söngvar-
inn dáði hressist eitthvað bíður
hans hinn langi armur laganna -
fangelsisvist og háar fjársektir
verða ekki umflúnar eftir þetta.