Dagblaðið Vísir - DV - 18.02.1987, Blaðsíða 23

MIÐVIKUDAGUR 18. FEBRÚAR 1987.
23
Erlendir fréttaritarar
Bróðir Palme segir
blaðaskrifin óhróður
Gurmlaugur A. Jónsson, DV, Lundú
Fjölskylda Olofs Palme hefur fram
að þessu alveg haldið sig utan við
allar vangaveltur íjölmiðla um
morðrannsóknina. En um helgina lét
Claes Palme, 69 ára gamall bróðir
Olofs Palme, loks frá sér heyra.
Claes Palme, sem er lögmaður, var
greinilega mikið niðri fyrir er hann
ræddi við Kvállsposten vegna frétta
að undanfömu um að rannsókn
Hans Holmér hafi beinst mjög að
einkalífi Olofs Palme. Sænska út-
varpið hafði það eftir ónafngreindum
saksóknara í málinu að þar hefði
eitthvað komið fram sem væri þess
eðlis að Holmér hefði tak á ríkis-
stjóminni og hún hefði því ekki
getað losað sig við hann.
Óhróður
„Þetta er óhróður og ekkert ann-
að,“ sagði Claes Palme í viðtalinu
við Kvállsposten. „Þetta tal um
leynilegt einkalíf Olofs er fráleitt.
Olof hafði ekkert einkalíf. Ég þekkti
hann að sjálfsögðu mjög vel og veit
að hann hafði enga möguleika til
neins slíks vegna þess að það var
alltaf fólk á hælum hans.“ Claes
Palme segist hafa velt því fyrir sér
hvaða „vitleysingar" standi á bak
við þennan óhróður. „Kannski er
það Svenska Dagbladet (málgagn
íhaldsmanna)," segir Claes. Hann
heldur því fram að Svenska Dag-
bladet hafi um árabil ofsótt Olof
Palme. „Hvað sem því líður verður
að stöðva þennan óhróður í tæka
tíð,“ segir Claes Palme.
Nánir vinir
I Kvállsposten kemur það fram að
þrátt fyrir að Claes og Olof Palme
hafi ekki verið sammála í stjórn-
málum hafi engu að síður verið náin
vinátta með þeim bræðrum og að
Claes hafi reynst Lisbeth Palme og
sonum hennar mikil hjálp eftir að
Olof Palme var myrtur.
Meðal þeirra fjölmiðla sem fjallað
hafa um rannsókn Holmérs á einka-
h'fi Palmes að undanfömu er Afton-
Sænskir fjölmiðlar hafa að undanförnu birt frétfir þess efnis að rannsókn
Hans Holmér hafi beinst mjög að einkalifi Olofs Palme. Hafi þar komið
fram eitthvað sem sé þess eðlis að stjómin hafi ekki getað losað sig við
Holmér.
bladet (stuðningsblað ríkisstjómar
jafnaðarmanna). Blaðið heldur því
fram að Holmér hafi aleinn staðið á
bak við þann þátt rannsóknarinnar
og saksóknurum í málinu hafi reynst
erfitt að fá vitneskju um þessa hlið
málsins.
Harðorð mótmæli
Rifjar blaðið upp að daginn eftir
rnorðið hafi fréttafulltrúi lögregl-
unnar skýrt frá því að Lisbeth Palme
hafi talið sig þekkja morðingjann en
hafi ekki getað komið þvi fyrir sig
hvar hún hafi séð hann áður. Geti
það rennt stoðum undir tilgátuna
að morðið sé á einhvern hátt tengt
einkalifi Palmes.
Ingvar Carlsson lét fyrir helgina
fara frá sér harðorð mótmæli vegna
frétta um að Hans Holmér byggi
yfir einhverjum þeim upplýsingum
um einkalíf Palmes sem hefðu orðið
þess valdandi að ríkisstjórnin trevsti
sér ekki til að sparka honum.
Mótmæltu
tollum af
innkomnum
ávísunum
Ámi Þ. Jónæan, DV, Paría:
Nýlega var tilkynnt að bankar hér
í Frakklandi myndu taka toll af inn-
komnum ávísunum. Viðskiptavinir
bankanna mótmæltu þessum að-
gerðum og eru bankar famir að
draga ákvörðun sína til baka.
Franskir bankar hafa hingað til
látið notendum ávísanareikninga
ókeypis ávísanahefti í hendur. Þetta
hefur meðal annars haft það í för
með sér að Frakkar skrifa upphæðir
allt niður í örfáa franka á ávísana-
eyðublöðin. Það kostar bankana
hins vegar jafnmikla vinnu að skrifa
inn slíkar ávísanir eins og þær sem
hljóða upp á hundruð þúsunda eða
milljónir franka.
Oft skrifar fólk slíkar smáauraá-
vísanir tilneytt, eins og til dæmis í
póstverslunum sem eru algengar hér
í landi. Verða menn að skrifa rétta
upphæð á ávísunina. Hvorki einum
eyri meira né minna en varan kostar
í hvert skipti. Jafnvel þótt viðskipta-
vinurinn vilji ná sér í lausafé eða
greiða hluta upphæðarinnar i pen-
ingum.
Bankamönnum með sitt peninga-
vit blæðir það að sjálfsögðu að þurfa
að kosta margfalt meiri upphæð í
skriffinnsku ávísunar en verðgildi
hennar nemur. Einnig mun nokkuð
algengt að fólk haldi ávísanareikn-
ing með litlum innstæðum.
Af þessum ástæðum hafa banka-
stjórar nú um nokkurt skeið lagt á
ráðin til að leysa vandamál þetta og
komust þeir að þeirri niðurstöðu að
tekinn skyldi sérstakur tollur af inn-
komnum ávísunum.
Tilkynningin um ákvörðun þessa
mæltist það illa fyrir hjá almenningi
og franska fjármálaráðherranum að
Crédit Lyonnais bankinn, einn
stærsti banki hér í landi, dró ákvörð-
un sína til baká og eru nú flestir
aðrir bankar að fara að dæmi hans.
Þess ber að geta að óánægja al-
mennings stafar meðal annars af því
að hérlendir bankar greiða ekki
vexti af innstæðum ávísanareikn-
inga en vaxtagreiðslur innlána eru
aðeins af sérstökum sparireikning-
um og oftast það lágar að vart heldur
í horfinu við verðhækkanir. Þykir
það vera að bæta gráu ofan á svart
að sekta menn í hvert skipti sem
þeir taka út af eigin sparifé sem
bankamir velta í lánakerfinu án
minnstu ávöxtunar fyrir eigendur
þess.
Brennu-
vargur
gefur sig
fram
Haukur L. Hauksson, DV, Kaupmaimah.:
Eftir rúmlega þrettán ára þögn
hefur maðurinn á bak við mann-
skæðasta bruna í Danmörku eftir
stríð gefið sig fram. Maðurinn er
38 ára gamall fáviti og hefur i smá-
atriðum skýrt lögreglunni frá því
hvernig hann kveikti í Hótel Hafn-
ia í Kaupmannahöfn í september
1973.
I þeim bruna létust þrjátíu og
fimm manns, aðallega af reykeitr-
un.
Brennuvargur þessi sat í gæslu-
varðhaldi frá því i desember 1985,
sakaður um tuttugu og sjö íkveikj-
ur og tvö mannslát. Var hann
dæmdur sekur. Neitaði hann öllu
um brunann í Hotel Hafnia þar til
hann var dæmdur til vistar á lok-
aðri deild fyrir fávita. Þá viður-
kenndi hann allt í einu að hafa
kveikt í eldhúsi hótelsins með fyrr-
greindum afleiðingum.
Lögreglan efast ekki um réttmæti
framburðar mannsins. Farið hefur ;
verið í öll smáatriði brunans með
honum. Brennuvargurinn segir að
sér hafi fundist það spennandi og
kynferðislega æsandi að kveikja í.
Samkvæmt framburði mannsins
var það hrein tilviljun að hann
kveikti í Hotel Hafnia. Var hann á
leið heim frá því að heimsækja
kunningja sinn. Gekk hann fram
hjá hótelinu og langaði þá skyndi-
lega til að sjá hótelið brenna.
Kveikti hann þá í. Fylgdist hann
með slökkvistarfinu á gangstétt-
inni hinum megin götunnar. Fjórir
hinna látnu voru Danir en flestir
Bandaríkjamenn.
Lögreglan var aldrei í vafa um
að um íkveikju væri að ræða en -
varð að gefast upp við rannsókn
málsins ári eftir. Ríkissaksóknari
mun nú ákveða hvort brennuvarg-
urinn verður sóttur til saka fyrir
hótelbrunann. Lögreglan vill ekki
útiloka að brennuvargurinn hafi
enn fleiri íkveikjur á samviskunni.
/ÍLPINE
Toppurinn í bíltækjum
Skipholti 7 - Simar 20080 og 26800.
nra*
fM ■ Mw- iW

LÖAOEO
FM!