Dagblaðið Vísir - DV - 27.10.1987, Síða 11

ÞRIÐJUDAGUR 27. OKTÓBER 1987.
11
Utiönd
Enn fall á
Wall Street
Ólafur Arnarsan, DV, New York;
Það á ekki af verðbréfamarkaðinum
í New York að ganga. í gær lækkaði
Dow Jones vísitalan um hundrað
fimmtíu og sex stíg, niður í liðlega
seytján hundruð níutíu og þrjú stíg.
Þetta er annað mesta tap sögunnar á
Wall Street en það mesta var, að sjálf-
sögðu, á mánudaginn fyrir viku.
Vegna þessa mikla taps var ákveð-
ið að framlengja styttri opnunartíma
kauphallarinnar út þessa viku. Upp-
haflega hafði verið áætlað að eðlileg-
ur opnunartími hæfist aftur á
miðvikudag.
Verðbréfasalar í New York áttu
ekki hvíldarstund um helgina. Bæði
á laugardag og sunnudag voru þeir
fram á kvöld að koma lagi á sín mál
og reyna að átta sig á því hvað fór
úrskeiöis í síðustu viku.
Stjórnmálamenn hafa heldur ekki
setíð auðum höndum. Þeir hafa
keppst við að gefa yfirlýsingar um
hvað stjórnvöld þurfa að gera tíl að
jafnvægi komist aftur á verðbréfa-
markaðinn. í gær átti síðan Reagan,
forseti, fund með leiðtogum beggja
flokka á þingi landsins, um fjárlaga-
hallann. I dag mun hefja störf sérstök
samráðsnefnd stjórnarinnar og
þingsins. Hlutverk hennar er að
finna leiðir til aö draga úr fjárlaga-
hallanum.
Margir virtir hagfræðingar og
verðbréfasalar eru hins vegar á
þeirri skoðun aö afskipti stjórnvalda
geti ekki orðið til annars en ills. Segja
þeir að eina hlutverk stjórnvalda í
málum sem þessum eigi að vera í
gegnum seðlabankann og þá í þéirri
mynd að auka peningastreymi og
lækka vexti. Það er mjög almenn
skoðun að fjárlagahallinn og við-
skiptahallinn eigi litla, eða jafnvel
enga sök á hér og því sé mjög hættu-
legt að grípa tii dæmis tíl nýrra
skatta til að draga úr fjárlagahallan-
um. Benda menn á að markaðir hafi
í síðustu viku tekið mjög vel við sér
eftír hrunið, þangað til vísbendingar
bárust um að Reagan, forsetí, væri
jafnvel tilbúinn í skattahækkanir til
að draga úr fjárlagahallanum.
Hvort þetta sjónarmið er að öllu
leyti rétt skal látið ósagt. Það er samt
sem áður ljóst aö misvitrir stjórn-
málamenn, sem láta sér ekkert
mannlegt ólviðkomandi, geta með
óvarkárum aðgeröum hæglega vald-
ið óbætanlegu tjóni á verðbréfa-
markaöinum og þannig höggvið að
rótum efnahagslegra framfara í
Bandaríkjunum.
í morgun virtist markaöurinn í
Tokýo hafa tekiö vel við sér á nýjan
leik og eru menn því bjartsýnir á að
gengi verðbréfa í New York verði
mun hagstæðara í dag en í gær.
Ástandið er hins vegar slíkt að það
er varla svo að sérfræðingar treysti
sér til að spá eina klukkustund fram
í tímann, hvað þá lengra.
Umsjón:
Ingibjörg Bára Sveinsdóttir og Halldór Valdimarsson
Verðbréfahöndlari hallar sér fram á borðið, örþreyttur eftir hamaganginn
á markaðinum í gær. Simamynd Reuter
M
SUZUKI SWIFTCTi
SPRÆKUR SPORTBHÍ
FYRIR ATHAFNAFÓLK
w