Dagblaðið Vísir - DV - 03.12.1987, Síða 11

FIMMTUDAGUR 3. DESEMBER 1987.
11
Kenna hermdarverka-
mönnum hvarf þotunnar
Stjórnvöld í Suöur-Kóreu sögðust í
gær fullviss um að hermdarverka-
menn hefðu átt hlut að hvarfi far-
þegaþotunnar frá kóreska flugfélag-
inu KAL á sunnudag. Park Soo-Oil,
aðstoðarutanríkisráðherra S-Kóreu,
sagði fréttamönnum í gær að ýmis-
legt renndi stoðum undir þá skoðun
stjómvalda að þotunni hefði verið
grandað til þess að sverta ímynd
Suður-Kóreu á alþjóðavettvangi.
Taldi ráðherrann ætlun hermdar-
verkamannanna að skapa efasemdir
um hæfni S-Kóreumanna til að sjá
um ólympíuleikana á næsta ári.
N-Kóreumenn grunaðir
Aðspurður um það hverjir gætu
hugsanlega staðið á bak við tilræði
af þessu tagi sagði ráöherrann að
ónefnd ríki gætu talið sér hag í að
raska jafnvægi Suður-Kóreu. Átti
ráðherrann þar greinilega við Norð-
ur-Kóreu þótt hann fengist ekki til
að segja það berum oröum.
Sjálfsmorð grunaðra
Meðal þess sem s-kóresk yfirvöld
telja að renni stoðum undir kenning-
ar um hermdarverk er hegðun
tveggja kóreskra borgara, sem fóru
úr þotunnni í Bahrain, síðasta við-
komustað hennar áður en hún hvarf.
Fólk þetta, eldri maður og ung kona,
reyndi að fremja sjálfsmorð með eit-
urinntöku þegar flugvallaryfirvöld í
Bahrain vildu yfirheyra það. Karl-
manninum tókst að bana sjálfum sér
en konan lifði af og er nú á sjúkra-
húsi í lögregluvörslu.
Fólk þetta er talið vera Kóreufólk,
sem búsett hefur verið í Japan und-
anfariö. Bæði ferðuðust þau á fölsk-
um japönskum skilríkjum.
Á leið til Rómar
Að sögn s-kóreskra embættis-
manna hóf parið, sem þóttist vera
faðir og dóttir, ferð sína í Bagdad og
fór um Abu Dhabi og svo áfram til
Bahrain. Til Bagdad kom fólkið frá
Belgrad.
Embættismenn yfirheyrðu hjúin á
hóteli í Bahrain daginn eftir að þotan
hvarf. Að sögn þeirra kváðust þau
þá ætla til Rómar en vilja feröast
ofurlítið um Mið-Austurlönd fyrst.
Bæði töluðu þau reiprennandi jap-
önsku.
Daginn eftir yfirheyrslurnar
reyndu þau svo að fara frá Bahrain.
Útlendingaeftirlit tók þau þá til yfir-
heyrslu. Áður en til yfirheyrslu gat
komið drógu þau upp sígarettur, sem
reyndust hafa í sér hylki með blá-
sýru, og bitu í hylkin, með þeim
aíleiðingum að karlinn lét lífið, en
konan er enn þungt haldin á sjúkra-
húsi.
Tengsl könnuð
Gjaldkeri hjá kóreska flugfélaginu
KAL, sem var um borð í þotunni er
hvarf á leið hennar til Bahrain, seg-
Aðstandendur þeirra sem voru um borð j kóresku þotunni biða þess enn
að fá einhverjar fregnir af afdrifum ættingja og vina. Símamynd Reuter
Karlmaðurinn, sem framdi sjálfsmorð í Bahrain i vikunni, ferðaðist á vega-
bréfi sem gefið var út á nafn þessa manns, Shinichi Hachiya.
Simamynd Reuter
ist muna eftir fólki þessu úr fluginu
og hafi sér þótt það heldur skugga-
legt.
Ber gjaldkerinn að karlinn hafi
meðal annars farið á salemi rétt aft-
an við stjórnklefa þotunnar og er
talið hugsanlegt að hann hafi komið
fyrir sprengju þar.
Grunur leikur á að þessi sami mað-
ur hafi átt hlut að máli þegar sautján
háttsettir suður-kóreskir embættis-
menn og blaðamenn létu lífið í
sprengjutilræði í Rangoon í septemb-
er 1983. Þar gætu einmitt verið
fundin tengsl flugslyssins við stjóm-
völd í Norður-Kóreu því á sínum
tíma var þeim kennt um tilræðið í
Rangoon.
Hugsanleg tengsl tvímenninganna
við Norður-Kóreu eru nú til athug-
unar, sem og tengsl þeirra við þá
kóreska borgara sem búa í Japan og
eru hliðhollir Norður-Kóreu.
Þá hafa komið fram hugmyndir um
að þau tengdust japönsku hermdar-
verkasamtökunum Rauða hernum. í
síðustu viku handtók lögregla í Jap-
an einn leiðtoga samtakanna og
reyndist hann þá hafa í fórum sér
farseöil til Seoul, höfuðborgar Suð-
ur-Kóreu. Hafa því vaknað gmn-
semdir um að Rauði herinn hygði á
aðgerðir þar.
Kenna Roh um
Samtök Kóreumanna í Japan, sem
eru hliðholl Norður-Kóreu, hafa þeg-
ar mótmælt því harðlega að eiga
aðild að hvarfi þotunnar. Fullyrða
forystumenn samtakanna raunar að
Roh Tae-Woo, forsetaframbjóðandi
stjórnarflokks Suður-Kóreu, og hans
menn standi að baki hvarfsins. Segja
þeir að frambjóðandinn þurfi á ein-
hverju slíku máli að halda til að
fylkja s-kóreskum kjósendum að sér
í komandi kosningum.
Hver þessi tengsl em upplýsist þó
ekki fyrr en konan veröur búin að
ná sér nægilega mikið til þess að
unnt verði að yfirheyra hana. Bíöa
yfirvöld í Bahrain þess nú spennt aö
svo verði.
Stjórnvöld í Bahrain hafa sagt að
ef konan reynist hafa gerst sek um
einhvern glæp muni hún að sjálf-
sögðu verða framseld s-kóreskum
yfirvöldum. Hins vegar hefur engin
slík beiðni komið fram enn sem kom-
ið er og ekkfeinu sinni ljóst hvort
S-Kóreumenn hyggjast senda menn
til að yfirheyra konuna.
Árangurslaus leit
Leit að þotunni hafði í gær ekki
borið neinn árangur. Talið var að
hún hefði hrapað nálægt landamær-
um Thailands og Burma og voru
leitarflokkar að störfum á því svæði.
Leitarstarfið var mjög erfitt því
svæðið er vaxið frumskógi og leitar-
menn verða að fara með varúð, bæði
vegna villtra dýra á svæðinu, þar á
meðal tígrisdýra, og vegna þess að á
þessu svæði hefur einn af stærstu
herjum uppreisnarmanna frá Burma
höfuðstöðvar sínar.
Vegna nærveru uppreisnarmann-
anna vilja stjórnvöld ekki beita
hermönnum við leitina aö flaki þot-
unnar. Vonast þau hins vegar til þess
aö unnt reynist aö fá skæruliða upp-
reisnarmanna til þess að taka þátt í
leitinni enda séu þeir í mun betri
aðstöðu til þess en aðrir.
Spennuástand ríkir enn á Haiti
Kyrrð ríkti í fyrsta sinn í heilan
mánuð í Port au Prince, höfuðborg
Haiti, í gær þó að mikil spenna ríki
nú í landinu eftir að kosningum þar
var aflýst á sunnudag. Fyrrum leyni-
lögregla Duvalier-feðga, sem ríktu
sem einræðisherrar í Haiti um ára-
bil, hleyptu þeim upp.
Talið er að herforingjaráð, sem far-
ið hefur meö völd í landinu að
undanfórnu, undir stjóm hershöfð-
ingjans Henri Namphy, sé ófúst til
að afsala sér völdum og hafi því átt
þátt í aö kosningunum var hleypt
upp.
Frambjóðendur eru að vonum
óhressir með ástand mála og hafa
þeir hvatt fólk til allsherjarverkfalls
og algerrar óhlýðni viö stjórnvöld á
næstunni. Einn þeirra, Sylvio
Claude, hvatti stjómina til að láta af
völdum ekki síðar en á fimmtudag.
Orðrómur er í gangi á eyjunni um
aö til verkfalla geti komiö strax á
fóstudag og er því fólk byijað aö
hamstra matvæli eftir því sem tök
em á en Haitibúar hafa löngum ver-
ið taldir ein fátækasta þjóð á jörðinni.
Samtök Ameríkuríkja hafa verið
hvött til aö senda friðargæslusveitir
til eyjarinnar en þau hafa aftekið það
með öllu. Þau fordæma hins vegar
harðlega að kosningar skyldu ekki
hafa veriö haldnar og harma drápin
sem átt hafa sér staö að undanfornu.
Suður-Ameríkuríki hafa óttast að
Bandaríkjastjóm kynni aö grípa til
þess ráðs að senda her til Haiti en
að sögn talsmanns Hvíta hússins
hafa engar slíkar aðgerðir verið
áformaöar.
Úflönd
Kosningaórói
Tveir frambjóðendur voru
skotnir til bana í kosningatengd-
umn óeirðum á Filippseyjum í
morgun. Báðir vora mennirnir í
framboöi til embættis borgar-
stjóra, hvor í sinni borginni, en
fyrirhugaö er aö ganga til sveitar-
stjómarkosninga á eyjunum í
næsta mánuði.
Búist er viö aö mun fleiri eigi
eftir aö falla í kosningabarátt-
unni.
Fyrir kosningar þær sem
haldnar voru í maímánuöi á
Filippseyjum létu um fimmtiu
manns lifið. Þaö voru friösamleg-
ustu kosningar sem haldnar hafa
veriö á eyjunum.
Kosningabaráttan fyrir kosn-
ingarnar í næsta mánuöi hófst
nú i vikunni en kosið verður um
sjötíu og fimm héraösstjóraemb-
ætti og fimmtán hundraö borgar-
og bæjarstjóraembætti. Fram-
bjóöendur era um hundraö og
fimmtíu þúsund.
Safha brakinu
JEtjörgunarmenn vinna nú aö
því að slæöa upp lik og brak úr
þotunni frá suður-afríska fiugfé-
laginu sem fórst á hafi úti, nálægt
Mauritius, um síðustu helgi.
Lítil von er talin til þess að flug-
riti þotunnar finnist, þrátt fyrir
mikla leit, því meginhluti flaks
hennar liggur á mjög miklu dýpi.
Telja verður því vonlítiö að fulln-
aðarskýring á slysinu fáist
nokkum tíma.
Hundrað og sextíu manns fór-
ust með þotunni sem var af
gerðinni Boeing 747.
Mótmæla sundrungu
Hópur suður-kóreskra stúdenta
hefur nú sest aö ó skrifstofu Kim
Dae-jung, eins af leiötogum
stjómarandstöðu landsins og
hafa stúdentarair efnt til hungur-
verkfalls til að mótmæla sundr-
ungu síjómarandstöðuafla.
Krefjast stúdentamir þess aö
forsetaframbjóðendur stjórnar-
andstööunnar, þeir Kim Dae-jung
og Kim Youngsam, sameinist um
eitt framboð til þess að von sé um
að sigra frambjóðanda stjómar-
innar.