Dagblaðið Vísir - DV - 16.01.1988, Blaðsíða 36
— 48
LAUGARDAGUR 16. JANÚAR 1988.
Skák
Þröstur fyrsti
Evrópumeistarinn
Einhverjum kann að þykja lítt til
þess koma þótt íslenskum skák-
manni hafi tekist að verða Evrópu-
meistari í skák. Á síðasta ári tókst
okkar mönnum í tvígang að hreppa
heimsmeistaratitil. Það voru
Hannes Hlífar Stefánsson, í flokki
16 ára og yngri, og Héðinn Stein-
grímsson sem varð heimsmeistari
barna, 12 ára og yngri. Evrópu-
meistaratitill Þrastar Árnasonar á
dögunum er þó fyrsti titill sinnar
tegundar sem íslenskur skákmað-
ur hefur náð. Þröstur var meistari
í sama aldursflokki og Hannes. Enn
eitt dæmið um stórkostlegan ár-
angur íslenskra unghnga.
Þröstur Ámason og Hannes Hlíf-
ar eru jafnaldrar og hér í eina tíð
skiptust þeir á um að stela sigrin-
um hvor af öðrum á skólamótum
og helstu unglingamótum innan-
lands. Yíirleitt voru nöfn þeirra
nefnd í sömu andránni. Þeir voru
ákaflega jafnir við skákborðið þótt
skákstíllinn væri ólíkur; Hannes
var þekktur fyrir glannaskap en
Þröstur tefldi á traustari grunni.
Það er alkunna að ungir skák-
menn taka framforum í stökkum.
Stundum koma löng tímabil þar
sem skákþroskinn virðist standa í
stað en svo er eins og stíflan bresti.
Á íslandsmótinu í Grundarfirði
1986 voru jafnmiklar væntingar í
garð Þrastar og Hannesar sem voru
nýgræðingar í landshðsflokki. Þá
vildi aftur á móti þannig til að
Þröstur var kafsigldur í meirihluta
skákanna en Hannes stóð uppi í
hárinu á þeim sterku. Hannes var
greinilega orðinn snjallari og síðan
hefur þjóðin fylgst með framgangi
hans. Minna hefur til Þrastar
spurst en hann hefur stundað sína
hst í hljóði og nú fyrst er hann að
uppskera árangur erfiðisins.
Frammistaöa Þrastar á Evrópu-
meistaramótinu, sem fram fór í
Saltsjöbaden, rétt utan við Stokk-
hólm, bendir ótvírætt til þess að
Þröstur hafi nú náð þrepi hærra á
styrkleikalistanum og að mikils
megi af honum vænta í framtíð-
inni. íslendingar mega vera stoltir
af því að eiga bæði Evrópumeistara
og heimsmeistara í sama aldurs-
flokki. Þaö hlýtur að teljast eins-
dæmi.
Þröstur svo gott sem tryggði sér
sigurinn með kraftmikilli byrjun á
mótinu. Hann vann sex fyrstu
skákirnar og hreint ofmat hindraði
hann í að ná efsta sætinu létt. í stað
þess að sigla lygnan sjó reyndi
hann aö vinna sjöundu skákina í
röð en tapaði þá fyrir Frakkanum
Degraeve, sem lesendur kannast
e.t.v. viö frá skák hans við Hannes
Hhfar í lokaumferðinni á heims-
meistaramóti sveina í Innsbruck í
fyrra. Síðan jafntefli við V-Þjóð-
verjann Appel en tap í níundu og
síðustu umferð setti titilinn aftur í
hættu, Þröstur og Degraeve hlutu
6'A v. en Þrésti var dæmdur Evr-
ópumeistaratitillinn vegna mun
hagstæðari stigatölu (samanlagðir
vinningar andstæðinganna). í 3,-
5. sæti urðu Júgóslavinn Markovic,
ísraelsmaðurinn Boim og V-Þjóð-
veijinn Appel, sem allir hlutu 6 v.
í sveinaflokki voru átján þátttak-
endur en í stúlknaílokki tefldu tólf.
Þar á meðal var Guðfríður Lilja
Grétarsdóttir, þrefaldur íslands-
meistari kvenna. Hún var meðal
þeirra efstu svo th ahan tímann en
varð að lokum að sætta sig við 4.
sæti óskipt. Það er þó langbesti
árangur sem íslensk skákkona hef-
ur náð á erlendum vettvangi frá
Þröstur Arnason er fyrsti íslenski Evrópumeistarinn í skák.
upphafi, að undanskildum Norður-
landameistaratitli Guðlaugar
Þorsteinsdóttur. Sigurvegari varð
júgóslavneska skákkonan Bojkovic
meö 8/2 v. af 9 mögulegum.
Fruteau, Frakklandi, varð í 2. sæti
með 6 /1 v., Van Anerongen, Holl-
andi, hlaut 5 'A v. og Guðfríður Lilja
5 v.
Lítum á sigurskák Þrastar gegn
ísraelsmanninum Boim. Þröstur
teflir byijunina ekki sérlega mark-
visst og svartur nær að jafna taflið.
Er hann hins vegar sneiðir hjá
drottningakaupum vinnur Þröstur
tíma og tekst að opna tafhð sér í
vh. Eftir það gefur hann engin griö.
Er ísraelsmaðurinn fehur á tíma í
Skák
Jón L. Árnason
39. leik er staða hans gjörtöpuð.
Hvítt: Þröstur Árnason
Svart: Inon Boim (ísrael)
Drottningarbragð
1. d4 d5 2. c4 e6 3. Rc3 Rf6 4. Bg5
Be7 5. e3 Rbd7 6. Hcl c6 7. Rf3 (H)
8. cxd5
Algengara er að halda spennunni
með 8. Dc2, eða 8. Bd3. Svartur
hefði nú mátt nota tækifærið til að
létta á stöðunni með 8. - Rxd5.
Næsti leikur hans leiðir til upp-
skiptaafbrigðisins af drottningar-
bragöi sém virðist heldur ekki gefa
honum slæma möguleika því að
hróksleikur hvíts til cl fehur ekki
alls kostar inn í áætlun hans.
8. - exd5 9. Bd3 Re4 10. Bxe4 Bxg5
11. Bbl BfB 12. <L0 He8 13. Re2 Rf8
14. Rf4 Rg6 15. h3 Dd6 16. Rh5 Bd8
17. Rg3 Bc718. Hel Df619. Rfl Bf5!
Eftir uppskipti á hvítreitábiskup-
um hefur svartur leyst byrjunar-
vandamálin sómasamlega. Taflið
er nú að heita má í jafnvægi.
20. Bxf5 Dxf5 21. Dc2 Df6(?)
Engin þörf var á því að sniðganga
drottningakaup. Eftir 21. - Dxc2 22.
Hxc2 Bd6 stendur svartur síst lak-
ar. Nú tekst Þresti að snúa taflinu
sér í vh með nokkrum beinskeytt-
um leikjum, reyndar með góðri
hjálp andstæöingsins.
22. b4! Re7?! 23. e4! dxe4 24. Dxe4
Bd6 25. b5
í örfáum leikjum hefur hvítur
náð frumkvæði á drottningarvæng
og yfirhöndinni á miðborðinu. Það
er þó langt frá því að hvitur hafi
vinningsstöðu.
25. - Hac8 26. bxc6 bxc6 27. Re3 Dg6!
Hann hefur séð sig um hönd og
býður nú drottningakaup. Ekki var
27. - Rg6 sérlega ráðlegt vegna
svarsins 28. Rg4! sem gefur hvítum
betra tah.
28. Rc4 Bb4 29. Dxg6 Rxg6?
Svartur ber ekkert skynbragð á
tíma í skák. Nú forðar hvitur
hróknum með leikvinningi og peð
svarts á c6 er dæmt th að falla.
Eftir 29. - hxg6 30. He2 Rf5! eru
máhn alls ekki einfóld. T.d. 31.
Hxe8+ Hxe8 32. Rce5 Rxd4! 33.
Rxd4 Hxe5 34. Rxc6 Hc5! o.s.frv.
með jöfnu tafli.
30. Hxe8+ Hxe8 31. Rce5 Rxe5 32.
Rxe5 C5-3.3. Rc6! Ba3 34. Hc3 Bb4 35.
Hc2!
Þannig nælir hann sér í peðið.
Hvítur á nú vinningsstöðu.
35. - a5 36. dxc5 Kf8 37. Ra7 He7 38.
Rb5 He8 39. a3
Og svartur féll á tíma um leið og
hann ætlaði að leika 39. - Bel. Staða
hans er töpuð.
Nýr skákbæklingur
IBM á íslandi hefur gefið út bækl-
ing sem ber yfirskriftina Skák-
þrautir fyrir börn og unglinga.
Bæklingurinn fjallar um endatöfl
og er hinn fyrsti þriggja slíkra sem
fyrirtækið hefur ákveðið að gefa
út. Hinir verða um leikfléttur og
áætlun í skák.
í bæklingnum eru 12 skákþrautir,
grundvállarstöður' úr einföldum
endatöflum sem öllum er hollt að
þekkja, bæði leikum og lærðum.
Auk þess er þar að finna ýmis heil-
ræði til ungra skákmanna. Bækl-
ingunum er ætlað að stuðla að
framgangi skáklistarinnar meðal
ungu kynslóðarinnar.
Davíð Ólafsson, Jón Þorvaldsson
og Ólafur H. Ólafsson hafa haft veg
og vanda af efni bæklinganna. Þeg-
ar nemanda hefur tekist að theinka
sér dæmin er ætlunin að hann hafi
samband við taflfélagið í sínu
byggðarlagi, eða þann sem sér um
skákstarfið í skólanum. Síöan
veröur farið yfir dæmin með hon-
um og þeir seni leysa þau rétt fá
sérstakan grip í viðurkenningar-
skyni frá IBM.
Astæða er til að fagna þessu
frafhtaki enda er þessi fyrsti bækl-
ingur smekklegur á allan hátt og
dæmin þannig valin að allir ættu
að hafa gagn af. Bæklingarnir
koma út í tengslum við veglegt
unglingamót sem IBM mun standa
fyrir nú í mars og ættu að vera
ungum skákmönnum gott vega-
nesti. -JLÁ