Dagblaðið Vísir - DV - 28.02.1989, Blaðsíða 2

2
ÞRIÐJUDAGUR 28. FEBRÚAR 1989.
Fréttir
Sölufélag garðyrkjumanna hyggst kaupa fasteignir SIM:
Söluverð húseignarínnar í
Síðumúla hefur þrefaldast
Miklar líkur eru á því að eignir Sam-
bands íslenskra matjurtaframleið-
enda í Síðumúla 34 verði seldar Sölu-
félagi garðyrkjumanna. Eignarhald á
þessu húsnæði orsakaði miklar deil-
ur þegar sambandið krafðist þess að
fá afsal fyrir húsinu af hendi ríkis-
ins. Var sú krafa sett fram í krafti
þess að þeir væru réttir fulltrúar
garðyrkjumanna.
Að sögn Árna Vilhjálmssonar, lög-
manns SÍM, hefur þegar verið gert
ákveðið samkomulag um söluna en
formlegt samþykki stjóma félaganna
verður að fá áður en endanlega verð-
ur gengið frá kaupunum. Tímamörk
eru á kaupunum því greiðslustöðvun
Ágætis, sem er fyrirtæki SÍM og er
skráður eigandi hússins, líkur 11.
mars. Fyrir þann tíma verður að
vera gengið frá sölunni.
í dag er Ágæti hf. með starfsemi í
hluta hussins en það fyrirtaeki er
sagt vera alls óskylt „gamla“ Ágæti.
SÍM á „gamla“ Ágæti og hefur rekst-
ur þess verið mjög erfiður vegna
skuldastöðunnar en rekstur þeirra
hefur aðallega falist í útleigu húsins.
Samkvæmt heimildum DV mun tap-
ið á því fyrirtæki hafa numið um 42
milljónum á síðasta ári. Ágæti hf.
mun hins vegar hafa skilað rekstrar-
afgangi á síðasta ári að sögn Sturlu
Friörikssonar, framkvæmdastjóra
fyrirtækisins. Eigendur Ágætis hf.
eru reyndar flestir í SÍM og því einn-
ig eigendur aö „gamla“ Agæti sem
var sameignarfélag.
SÍM fékk afsal að eigninni nú í
ágúst. Eru þeir hjá samtökunum ekki
ánægðir með hve seint þeir fengu
afsalið og kenna þvi um þegar tapið
á síðasta ári er rætt. Eignin var þeg-
ar sett á sölu í ágúst en sölutregða á
markaðnum hefur gert það að verk-
um að eignin er enn óseld.
Keyptu húsið á 62 milljónir
í október 1987 var máhð komiö á
það stig að SÍM var farið að vonast
eftir afsali frá ríkinu. í fjárlögum
fyrir það ár var til heimild til þess
en þáverandi landbúnaðarráðherra,
Jón Helgason, hafði skrifað undir
sölusamning með fyrirvara um sam-
þykki Alþingis. Sú heimild rann út
þannig að hana varð að endurnýja á
síðasta ári. Lög um það voru ekki
samþykkt fyrr en í maí.
Deilan í málinu orsakaðist af því
að aðrir garðyrkjumenn en þeir sem
voru í SIM töldu að þar með væri
ríkið að rétta félaginu eignina á gjaf-
verði. Samkomulag hafði verið gert
um að húseignin, sem var í eigu
Grænmetisverslunar landbúnaðar-
ins á meðan það fyrirtæki var og
hét, ætti að falla í skaut matjurta-
framleiðenda og ætti verðið að vera
lágt. Menn greindi hins vegar á um
það hvort SÍM gæti tahst eðlUegur
fulltrúi matjurtaframleiðenda því
ekki nema hluti þeirra var í sam-
bandinu.
Verð það sem SÍM borgaði fyrir
húsið virðist hagstætt þegar hugsan-
legt söluverð nú er rætt. SÍM borgaði
62 miUjónir fyrir húsið í fyrra á hag-
stæðum kjörum en samkvæmt heim-
Udum DV nemur söluverð þess nú
um 170 til 200 mUljónir króna. Það
sést vel hve hagstætt verðið var því
þessar 62 mUljónir voru greiddar í
ágúst, um leið og afsaUð kom, með
útgáfu skuldabréfa. Verðið á húsinu
hefur því þrefaldast á nokkrum mán-
uðum.
Árni VUhjálmsson sagðist ekki
vilja tjá sig um söluverðið nú, þegar
það var borið undir hann. Sagði að
ekki væri rétt að hann tjáði sig að
svo stöddu um verð hússins þar sem
ekki hefði verið gengið frá sölunni.
SÍM lagt niður
í kjölfar sölunnar
Að sögn Magnúsar Sigurðssonar,
formanns SÍM, verður félagið lagt
niður nú í kjölfar sölunnar á hús-
eigninni að Síðumúla 34. Sagði hann
að væntanlegt söluverð hússins færi
í að greiða upp skuldir félagsins.
Sagðist hann ekki sjá annað en að
söluverð hússins ætti að duga fyrir
skuldum félagsins ef salan gengur
eðlUega fyrir sig.
Sölufélag garðyrkjumanna hyggst
flytja starfsemi sína úr Skógarhlíð
og sagði Hrafn Sigurðsson fram-
kvæmdastjóri að ástæða þess væri
sú að athafnasvæði þeirra í Skógar-
hlíðinni minnkar mikið þegar Bú-
staðavegurinn verður tekin í gagnið.
Sagði hann aö eignimar í Síðumúla
hentuðu vel fyrir þeirra starfsemi.
-SMJ
Húseignin að Síðumúla 34 hefur valdið miklum deilum undanfarin ár en
nú virðist þessi umdeilda húseign hafa þrefaldast í verði.
DV-myndir: GVA
Sölufélag garðyrkjumanna telur að hús þess í Skógarhlið henti ekki eftir
að Bústaðavegurinn hefur verið tengdur Miklatorgi
Átök erfmgja um eignarhluti 1 Vífilfelli hf.:
Deilt um réttmæti erfða-
skrár eins erfingjanna
Erfingjar Björns heitins Ólafs-
sonar, sem var aðaleigandi Verk-
smiðjunnar Vífilfells hf., hafa átt í
deilum fyrir dómstólum um eign-
arhluta í Vífilfelli. Björn Ólafsson
átti fjögur böm. Tvö þeirra em lát-
in. Deilan snýst um hvort annað
þeirra látnu hafi gert sér nægilega
grein fyrir afleiðingum þess er hún
undirritaði erfðaskrá að sínum
eignarhluta. Konan erföi bróður
sinn, Pétur Bjömsson, stjómar-
formann Vífilfells, að sínum hlut.
Aðrir erfingjar töldu að Pétur
hefði nýtt sér andleg veikindi syst-
ur sinnar. Læknar hafa ekki verið
á einu máli um hvort konan hafi
verið hæf til að ráðstafa eignum
sínum eða ekki. Vegna þeirra veik-
inda sem hún átti í gekkst hún
undir nokkrar aðgerðir á höfði.
Hæstiréttur ekki sammála
Hæstiréttur staðfesti úrskurð
skiptaréttar um að erfðaskráin hafi
verið lögleg. Einn hæstaréttardóm-
aranna, Guðrún Erlendsdsóttir,
skilaði sératkvæði, hún taldi að
mikfil vafi hafi verið á hvort konan
hafi verið hæf til að gera erfða-
skrána á skynsamlegan hátt. Guð-
rún vildi fella erfðaskrána úr gildi.
Meirihluti Hæstaréttar taldi að
erfðaskráin væri lögleg og ætti því
að standa óhögguð. Þeir sem hófu
- tekist var á um yfírráð gríðarlega hagsmuna
Höfuðstöðvar Vífilfells eru i Haga við Hofsvallalgötu. Verksmiðja fyrirtæk-
isins er við Stuðlaháls. Vífilfell er eitt af blómlegustu fyrirtækjum á ís-
landi. Deila erfingjanna er deila um mikla peninga og völd.
málið telja að Pétur hafi nýtt sér
vanheilsu systur sinnar til að erfa
sig að sínum hluta. Erfðaskráin var
gerð árið 1978. Sams konar erfða-
skrá undirritaði hin látna ári áður.
Sú erfðaskrá hefur ekki fundist.
Báöir málsaðilar lögðu fram
greinargerðir lækna um andlega
heilsu konunnar sem arfleiddi Pét-
ur að eigum sínum. Læknarnir
voru ósammála um hversu hæf
hún var til að gera erfðaskrána.
Ekki óeðlileg
eða óskynsamleg
í dómi Hæstaréttar segir meðal
annars:.....brestur fullnægjandi
rök fyrir því, að svo verði litið á,
að hún hafi við gerð erfðaskrárinn-
ar 3. apríl 1978 ekki haft næga
greind til að taka þá ákvörðun, sem
í erfðaskránni fólst, og gera sér viö-
hlítandi grein fyrir þýðingu hennar
þrátt fyrir skerta andlega heilsu og
þótt um væri að ræða veigamikla
ráðstöfun hlutabréfa, er voru mikl-
um mun verðmætari en nafnverð
þeirra gaf til kynna. Eru þá meðal
annars höfð í huga náin tengsl
hennar um langa hríð við fyrirtæki
fjölskyldunnar og þátttaka hennar
í stjóm þeirra um árabil. Miðað við
aðstæður allar verður ráðstöfun
hennar með erföaskránni og ekki
talin þess eðlis, að hún hafi verið
óeðlileg eða óskynsamleg."
Hlutafé Vífilfells
er 12 þúsund krónur
Erfingjar fyrirtækisins deila um
mikla fjármuni. Vífilfell er eitt af
stærri fyrirtækjum .landsins. Ef
mið er tekið af veltu fyrirtækisins
árið 1987 má ætla að velta þess í
ár verði tæplega 1300 milljónir
króna. Góður hagnaður hefur verið
af rekstrinum. Hlutafé Vífilfells er
mjög lágt - eða 12.120 krónur. Sam-
kvæmt hlutafélagaskrá er Pétur
Bjömsson stjórnarformaður.
DV-mynd S
Varaformaður stjórnarinnar er
Kristján Kjartansson.
Hæstaréttardómari I vara-
stjórn
Benedikt Blöndal hæstaréttar-
dómari er varamaður í stjórn fé-
lagsins. Hann sagði, í samtali við
DV, að hann hefði tilkynnt skrif-
lega, eftir að hann var skipaður
hæstaréttardómari, að hann væri
hættur öllum afskiptum af fyrir-
tækinu. Hann sagði ennfremur að
hann hafi ekki haft þar nein af-
skipti og vissi ekki betur en búið
væri að tilkynna þessa ákvörðun
sína til Hlutafélagaskrár. Benedikt
sagðist vera mjög hissa á að hann
væri enn skráður varamaður í
stjórn Vífilfells og að hann ætlaöi
aö láta breyta því strax.
„Þegar lög um hæstaréttardóm-
ara voru sett vom þau strangari
en þekktist um aðra embættis-
menn. Síöan hafa verið sett ný lög
- um til dæmis bankastjóra ríkis-
bankanna. Þeim er óheimilt að
vera í stjómum atvinnufyrirtækja.
Það er hins vegar ekkert sem bann-
ar hæstaréttardómara að eiga hlut
í eða vera í stjóm atvinnufyrir-
tækja. Þetta sýnir að það er kominn
tími á að endurskoða lög um hæsta-
réttardómara," sagði hæstaréttar-
lögmaöur sem DV ræddi við.
Það er ekkert í lögum sem meinar
hæstaréttardómara að vera í stjórn
atvinnufyrirtækja. Þeir lögmenn
sem DV talaði við voru samt undr-
andi á þeirri staðreynd að Benedikt
Blöndal væri varamaöur í stjórn
Vífilfells.
Dóm Hæstaréttar dæmdu hæsta-
réttardómararnir Guðmundur
Jónsson, Bjami K. Bjarnason, Guð-
rún Erlendsdóttir og Haraldur
Henrysson og Gunnar M. Guð-
mundsson hæstaréttarlögmaður.
-sme