Dagblaðið Vísir - DV - 17.03.1990, Side 25

LAUGARDAGUR 17. MARS 1990.
33
Stjónlendur handboltans:
Framkvæma hrað-
ar en þeir hugsa
„Nafn Þorbergs Aðalsteinssonar
hlaut að koma upp í þessari stöðu
landsliðsins í dag. Þorbergur er gíf-
urlega metnaðargjarn, áræðinn og
einn meðfærilegasti leikmaður sem
ég hef þjálfað. Nái hann að vinna
úr sínum bestu eiginleikum ætti
hann að ná góðum árangri með lið-
ið,“ segir Jóhann Ingi Gunnarsson,
handboltaþjálfari og sálfræðingur,
um ráðningu nýs landsliðsþjálfara.
Umdeildar breyting-
ar voru til góðs
Jóhann Ingi þjálfaði íslenska
landsliðið fyrir tíu árum. Hann var
þá rétt rúmlega tvítugur að aldri
og að margra mati-of ungur. Þrátt
fyrir það þorði hann að fara nýjar
ieiöir og gerði miklar breytingar
sem sýndu sig síðar að voru réttar.
„Á þeirri stundu töldu menn þær
rangar en þær voru byrjunin á
þessu liði sem er að enda sinn feril
núna,“ segir hann.
Hann var orðaður við stöðu
landsliðsþjálfara nú þegar Bogdan
lætur af störfum.
Langaði þig að taka við stöðunni
eða hefur þú fengið þitt tækifæri?
„Ég hef lítið hugleitt þau mál.
Núna er ég með félagslið og
drengjalandsliðið, auk þess sem ég
er að vinna að öðrum verkefnum.
Ég tel verkefnið sem þjálfari dren-
gjalandsliðsins jafnmikilvægt því
þar er framtíðarefniviðurinn og
verk að vinna,“ svarar Jóhann
Ingi. „Þegar þjálfari er valinn þarf
að ígrunda málin vel og ræða málin
fram og aftur. Ráðning landsliðs-
þjálfara má ekki vera skyndi-
ákvörðun. Ef ábyrgir menn hefðu
leitað til mín hefði ég viljað ræða
margar hhðar handknattleiksins á
íslandi. Ef árangur úr þeim við-
ræðum hefðu verið breytingar til
batnaðar heföi ég vissulega verið
tilbúinn að skoða málin.“
Yngri þjálfarar
í fóstri
Mikið hefur verið rætt og ritað
um lítil tengsl landsliðsins við
deildakeppnina og unglingaflokka.
„Það hefur skort á það að yngri
þjálfarar séu í fóstri hjá eldri og
reyndari mönnum, eiginlega í
þjálfun hjá þjálfaranum. Þetta var
gert hjá sænska landsliðinu með
góðum árangri. Þar var Roger
Carlsson þjálfari liðsins áður en sá
sem er núna aðalþjálfari hafði
starfað með honum í hálft ár,“ seg-
ir Jóhann Ingi. „Með þessu flyst
þekking og reynsla milli manna.
Þau mistök, sem gerð hafa verið,
eru skoðuð og af þeim dreginn ein-
hver lærdómur. Þetta hefur aldrei
verið gert hérlendis og því vert að
skipuleggja málin núna með þetta
í huga.“
Fleiri ábyrgir
en þjálfarinn
Bogdan Kowalczyck hefur fengið
versta skellinn eftir framgöngu is-
lenska liðsins í Tékkóslóvakíu. En
eru fleiri ábyrgir?
„Mér hefur alltaf fundist þetta
frekar ódýr lausn á vandamáli að
kalla Bogdan einan til ábyrgðar.
Ýmist er maðurinn hetja og sæmd-
ur fálkaorðu eða þá að hann er tal-
inn hinn mesti skúrkur. Einhverjir
- segir Jóhann Ingi Gunnarsson þjálfari um íslenska handboltann
Einvaldurinn
er fallinn
Jóhann Ingi Gunnarsson þjálfari segir að hugmyndafræðina bak við handboltann þurfi að endurskoða.
DV-mynd Brynjar Gauti
ráða Bogdan til starfa og í mínum
huga bera þeir jafnmikla ábyrgð
og hann. Það eru þeir sem geta
haft áhrif á hans vinnubrögð. Það
gengur ekki fyrir þessa aðila að
segja Bogdan vill ekki og Bogdan
vill. Við lifum í vestrænu þjóðfélagi
og auðvitaö hefðu menn getað haft
áhrif á störf þjálfarans ef þeir hafa
talið að eitthvað væri að.
Þegar vel gengur þarf þrennt að
koma til,“ segir Jóhann Ingi. „Það
þarf góða leikmenn, góðan þjálfara
og góða stjórn. Þegar illa gengur
hlýtur orsakanna að vera að leita
hjá þessum aðiljum líka.“
Gagnrýni
nauðsynleg
Jóhann Ingi vill fá meiri gagnrýni
á landsliðið og hana þá málefna-
lega.
„Framfarir geta ekki orðið nema
tekið sé á málum jafnt og þétt en
ekki bara þegar illa árar. Hörð
gagnrýni er lífsnauðsynleg til að
halda mönnum við efnið svo þeir
sofni ekki á verðinum. Það hefur
ekki þekkst hérlendis að fjallað sé
um mál, sem eru í deiglunni, fyrir
utan þá leiki sem eru í gangi. Gagn-
rýni þýðir einfaldlega að rýna til
gagns en ekki eitthvað neikvætt
eins og íslendingar halda yfirleitt.
Að mínu mati framkvæma stjórn-
endur handboltans hér á landi oft
hraðar en þeir hugsa.“
Hugmyndafræðina
þarf að endurskoða
Jóhann Ingi talar um nauðsyn
þess að hugmyndafræðin á bak við
handboltann hérlendis sé skoðuð
ofan í kjölinn. „í þeim málum erum
við á villigötum. Þetta er ekki
spurning um það hver verður
landsliðsþjálfari heldur míklu
frekar um hugmyndafræðina. Und-
anfarin ár hafa félögin verið hálf-
gerðar hornrekur og stöðugt verið
hamrað á því að menn séu í lélegu
formi og þjálfararnir vonlausir. Að
mínu viti er þetta hluti af skýring-
unni hvers vegna ýmislegt hefur
farið úrskeiðis. Við verðum að
treysta félögunum til að koma leik-
mönnunum í gott, líkamlegt ásig-
komulag. Landsliðsþjálfunin á að
byggjast á samhæflngu okkar bestu
leikmanna en ekki allsherjar lík-
amlegri þjálfun."
Magn æfinga
ekki sama og gæði
Oft hefur verið kvartað undan
undirbúningsleysi landsliðsins,
miklum tímaskorti og stuttum æf-
ingatíma.
„Þetta er ekki spurning um magn
æfinga heldur gæði þeirra. Við
þurfum að fara að velta fyrir okkur
gæðum þjálfunarinnar, ekki íjölda
æflnga eða lengd æfingatímans.
Það er tómt mál að tala um að við
fórum að æfa eins og Sovétmenn
því það getum við aldrei. Við verð-
um að horfa á það að við verðum
aldrei með jafnmarga handbolta-
menn og aðrar þjóðir," segir Jó-
hann Ingi. „Við eigum að losa okk-
ur við alla minnimáttarkennd
gagnvart öðrum þjóðum og öllu
útlensku. Við eigum að hafa áræði
og kjark til að segja hvað er íslensk-
ur handbolti, eins og Svíarnir
gerðu með góðum árangri."
Á sínum tíma lögðu Svíar fram
margra ára áætlun um það hvernig
handbolta þeir vildu spila og hvað
ætti að leggja áherslu á. „Þaö hefur
orðið mikil breyting í þjálfun liða
og tími einvaldanna er liðinn. Sov-
étmenn hafa yfirþjálfara, þjálfara
og sérstakan markmannsþjálfara.
Einn hefur gífurlega reynslu og
vinnur sem yfirþjálfari og stjórn-
andi, annar vinnur að þjálfun liðs-
ins og sá þriðji einbeitir sér að
markvörslunni. Alls staðar eru
menn að breyta þjálfuninni yflr í
hópvinnu þar sem einn er forstjór-
inn en saman bæta menn hver ann-
an upp. Með þeim eru aðstoðar-
menn, til dæmis þjálfarar yngri
landsliða, sem síðar koma til með
að taka við þjálfun landsliðsins.
Það er enginn einn maður fullkom-
inn og það er ekki veikleiki að velja
sterka menn sér við hlið heldur
styrkleiki."
íþróttirfrá póli-
tískum sjónarhóli
„í Svíþjóð er litið á íþróttir út frá
pólitískum sjónarhóli,“ segir Jó-
hann Ingi og bendir á að íþróttir
séu þjóðhagslega hagkvæmar. „Af-
reksíþróttir þýða barna- og ungl-
ingavernd og þegar vel gengur fyll-
ist þjóðin stolti og gleði. Fyrir
landiö og þjóðina er þetta góð aug-
lýsing og það vita Svíar sem eiga
marga afreksmenn í mörgum
íþróttagreinum," segir Jóhann
Ingi.
Bent hefur veriö á þá staðreynd
að þetta sé ekki í fyrsta sinn sem
handboltaliðinu gengur verr en
menn vonuðust til. Það gerðist 1978
og í B-keppninni 1981 og á ólympíu-
leikunum 1988. En er ekki hætta á
að almenningur, sem telur sig hafa
fjárfest i þessu liði, dragi að sér
hendur og hætti að veita peninga í
handboltann?
„Það má ekki allt hrynja og
sökkva í vonleysi þótt aðeins blási
á móti. Ef Handknattleikssam-
bandið er með einhverja hug-
myndafræði, leggur fram áætlun
til ársins 1995 og ef menn samein-
ast í því leggja hönd á plóg tel ég
að almenningur verði með á nótun-
um og styðji við bakið á liðinu. Það
var enginn glæpur framinn heldur
gekk liðinu ekki eins vel og menn
vonuðumst til,“ segir Jóhann Ingi.
Að læra
af mistökunum
„Á pappírunum vorum við með
gifurlega reynslumikið lið og því
verða vonbrigðin meiri. Það hefur
verið viðurkennt núna að liðið var
illa undirbúið andlega og Bogdan
fellst á þá skoðun. Andlegur undir-
búningur vegur nánast helming af
heildarþj álfuninni. ‘ ‘
Jóhann Ingi vill að nú veröi skil-
ið við fortíðina svo hægt sé að tak-
ast á við framtíðina. „Ég hef trú á
því að þessi slæma útreið okkar í
Tékkóslóvakíu stappi stálinu í
menn. Það er allt í lagi að gera
mistök og þau geta jafnvel hjálpað
ef menn læra af þeim,“ segir Jó-
hann Ingi Gunnarsson, þjálfari og
sálfræðingur.
-JJ