Dagblaðið Vísir - DV - 24.03.1990, Blaðsíða 10

10
LAUGARDAGUR 24, MARS 1990.
ff
íslensk listahátíð í Vestur-Þýskalandi:
íslendingamir koma
44
- ótrúlegt kynningarátak í Köln og fjórum öðrum borgum
Jóhaima S. Sigþórsdóttir, Vestur-Þýskalandi:
Við komum til fundar við þá á veit-
ingahúsi í miðborg Kölnar á dögun-
um. Við höfum reyndar hitt annan
þeirra nokkru fyrr í boði í íslenska
sendiráðinu í Bonn og þá var ákveð-
ið að við hittumst aftur. Tilefnið var
merkilegt fyrir margra hluta sakir.
Reyndar þótti okkur maðurinn einn
vera nægilega forvitnilegur til þess
að á sig væri leggjandi klukkustund-
ar ferð til fundar við hann í Köln.
Þessi „hann“ heitir Wolfgang Schif-
fer, fæddur 1946, snaggaralegur með
sítt dökkt hár og alskegg. Hann er
einn af þeim fáu Þjóðverjum á þess-
um slóðum sem býður manni dús í
fyrsta skipti sem rætt er við hann.
Það var eiginlega komið vor í Köln
þótt miður febrúar væri. lnni á hálf-
rökkvuðu kaffihúsinu sáum viö hvar
hann sat við stórt borð ásamt félaga
sínum sem einnig hafði boðað komu
sína. Tilefnið var það að Wolfgang
Schiffer ásamt Frank Lenz, stjórnar-
manni í sýningarsamtökum lista-
manna í Köln, „Stadtkunst", ætlaði
að kynna okkur dagskrá íslands-
daga. Þungamiðja þessara menning-
ardaga verður í Köln - en þeir fara
um leið fram í Dtisseldorf, Duisburg,
Brtihl og Pulheim.
„Ég mundi ekki eftir því fyrr en
of seint að sniðugra hefði verið að
við hittumst og snæddum saman á
Pullman Mondeal hótelinu hérna
rétt hjá. Meðan á listahátíðinni
stendur mun það í samvinnu við
Hótel Sögu í Reykjavík standa fyrir
viðamikilh kynningu á íslenskum
mat og matargerðarlist," sagði þessi
eldhressi náungi.
Tónleikum
útvarpað beint
Þessi mikli menningarviðburður,
sem fram fer á tímabilinu 4. maí til
20. júní, hefur fengið heitið íslending-
amir koma („Die Islánder komm-
en“). Verndarar hans verða þau frú
Vigdís Finnbogadóttir, forseti ís-
lands, og Johannes Rau, forsætisráð-
herra sambandslandsins Nordr-
hein-Westfalen.
Boðið verður upp á sýnishom af
íslenskri tónlist, myndlist, bók-
menntum og kvikmyndahst. „Ég
hafði mikinn áhuga á að fá líka hing-
að eitthvað úr heimi leiklistarinnar
en það er of mikið fyrirtæki, því mið-
ur,“ sagði Wolfgang, sem starfar sem
leiklistarráðunautur hjá vestur-
þýska ríkisútvarpinu - WDR.
Við opnun myndlistarsýningarinn-
ar þann 4. maí munu gestir einnig
geta fengið örlítið sýnishorn af ís-
lenskri nútímatónlist. Þá mun Gerð-
ur Gunnarsdóttir fiðluleikari, sem
búsett er í Köln, leika nokkur verk
eftir Helga Pálsson ásamt stöllu
sinni, Barböru Wussborn. „Við höf-
um því miður ekki tök á því að bjóða
hingað hljómsveit á borð við Sinfón-
íuhljómsveit íslands eða Stórsveit
Ríkisútvarpsins. Á hinn bóginn mun
Þjóðlaga- og vísnaflokkurinn Is-
landica flytja hér tónleika þann 13.
maí og verður þeim útvarpað beint
á einhverri þriggja stöðva WDR.
Flokkinn skipa þau Herdís Hall-
varðsdóttir, Gísli Helgason, Guð-
mundur Benediktsson og Ingi Gunn-
ar Jóhannsson," sagði Wolfgang
Schiffer.
50 myndlistarmenn
Þá ber að geta þáttar myndlistar-
innar en um hann hefur Frank Lenz
séð með dyggri aðstoð fólks heima á
Fróni. Um fjörutíu listamenn munu
sýna verk sín í Köln þessa dagana
og mun þá geta að líta sýnishom úr
málaralist, grafík, skúlptúr og video-
list. Sýmngin heitir „Islándische
Kunst der 80er Jahre“, eða íslensk
list níunda áratugarins. Hún verður
opnuð þann 4. maí og stendur til 20.
júní. Hrafnhildur Schram listfræð-
ingur mun opna hana með ávarpi.
„Án aðstoðar Hrafnhildar hefðum
við aldrei getað komið saman svo
mörgum myndlistarmönnum," sagði
Frank, „en að auki nutum við líka
góðvildar Listasafns íslands.“ Sýn-
ingarsalir samtakanna „Stadtkunst"
eru um 800 fermetrar að flatarmáli,
í gamalli verksmiðjubyggingu í
Ehrenfeld borgarhlutanum í Köln
(Rheinlandhalle). Af hinum fjöl-
mörgu myndlistarmönnum má
nefna til dæmis Björgu Þorsteins-
dóttur, Daða Guðbjörnsson, Gunnar
Örn Gunnarsson, Huldu Hákon, Jó-
hönnu Boga, Jón Óskar, Jón Reyk-
dal, Kristin G. Harðarson, Nínu
Tryggvadóttur, Ragnheiði Jónsdótt-
ur, Siguijón Ólafsson, Sigurð Örlygs-
son, Sigrid Valtingojer, Svövu
Wolfgang t.v. og Frank utan við Pullman Mondial-hótelið í Köln. Þar mun
fara fram kynning á íslenskum mat og matargerðarlist meðan á listahátíð-
inni stendur.
Á tröppum dómkirkjunnar í Köln i vorveðrinu um miðjan febrúar. Frá hægri: Wolfgang Schiffer, Sigriður Snævarr
frá sendiráði íslands í Bonn, sem hefur verið þeim félögum mjög innan handar, og Frank Lenz.
DV-myndir Hjalti Jón Sveinsson
Björnsdóttur, Svavar Guðnason,
Tolla og Vilhjálm Bergsson.
Samtímabókmenntir
í brennidepli
Wolfgang Schiffer annast undir-
búning þess hluta menningardag-
anna sem lýtur að bókmenntum,
kvikmyndum, auk áðurgreindra tón-
listaratriða. Fyrst ber að geta bók-
menntanna en þáttur þeirra er afar
stór á íslenskan mælikvarða. í fyrsta
lagi munu íslenskir rithöfundar lesa
úr verkum sínum á móðurmálinu,
auk þess sem lesið verður úr þeim á
þýsku. Þessar bókmenntakynningar
munu fara fram á öllum stöðunum
fimm. Fyrsti upplesturinn fer fram
þann 8. maí en þá munu þau Stein-
unn Sigurðardóttir og Sigurður A.
Magnússon lesa úr verkum sínum í
Zentralbibliothek í Köln. Auk þeirra
munu eftirfarandi rithöfundar
kynna verk sín: Guðbergur Bergs-
son, Einar Már Guðmundsson, Álf-
rún Gunnlaugsdóttir og Thor Vil-
hjálmsson.
í annan stað munu íslenskir bóka-
útgefendur sýna það helsta úr ís-
lenskum bókmenntum samtímans.
Sú sýning verður nefnd „Undir kal-
stjörnu", eftir bók Sigurðar A, Magn-
ússonar og nefnist hún þá á þýsku
„Unter frostigem Stern“. Hún verður
opnuð þann 11. maí og mun standa
yfir til 31. maí. Halldór Guðmunds-
son, útgáfustjóri hjá Máli og menn-
ingu, mun opna sýninguna fyrir
hönd íslenskra bókaútgefenda, auk
þess sem Einar Kárason, formaður
Rithöfundasambands íslands, mun
annast upplestur. Wolfgang lét þess
getið að öll þau verk sem send verða
á sýninguna muni verða eftir í Köln
en ekki hafi enn verið frá því gengiö
hvar safninu verður fyrir komið.
„Aðalatriðið er að það verði aðgengi-
legt öllum þeim sem lesa vilja þessi
verk á frummálinu og kynna sér ís-
lenskar samtímabókmenntir. Þetta
er mikill fengur fyrir okkur.“
Sjálfur er Wolfgang Schiffer þekkt-
ur rithöfundur í Þýskalandi og er
honum því málið skylt. Eftir hann
hafa verið gefnar út skáldsögur, smá-
sögur, sem og leikrit fyrir svið og
útvarp, og eftir hann hefur birst
fjöldi tímaritsgreina. Hann hefur
einnig til dæmis tekið saman valin
þýsk ljóð sem síðan hafa verið þýdd
á íslensku og gefin út af Máli og
menningu. Og trén brunnu, nefnist
þetta ljóðasafn, „Und es brannten die
Baume.“
í þriðja lagi verður sett upp sýning
á starfi og lífi Jóns Sveinssonar,
Nonna. Hún verður í „hinu sögulega
ráðhúsi" í Köln eða „Historisches
Rathaus", hefst þann 17. maí og
stendur til 4. júní.