Dagblaðið Vísir - DV - 24.03.1990, Qupperneq 31
LAUGAHDAQUp 24, JMARS ,1^90. 39
DV Lífsstm
Þaö eru ekki ýkja margir mögu-
leikar í boöi fyrir þá sem vilja halda
utan um páskana því nú eru nær
allar páskaferðir uppseldar, þó leyn-
ast ferðir inn á milli þar sem enn eru
laus pláss.
Talið er að ferðaskrifstofurnar
bjóði um 1000 sæti í sólina og þau eru
flest löngu uppseld og biðlistar í
margar ferðir.
Það er einnig fariö að þrengjast
verulega um í áætlunarfluginu og því
er að verða erfitt fyrir fólk að kom-
ast á eigin vegum til útlanda um
páskana.
Það skal tekið fram að ekki var
haft samband við allar ferðaskrif-
stofur landsins svo það getur verið
möguleiki á aö komast í páskaferðir
með öðrum ferðaskrifstofum en þeim
sem hér er getið um.
Sólarþorsti
Forstöðumönnum ferðaskrifstof-
anna ber saman um að sjaldan eða
aldrei hafi gengið jafnhratt að bóka
í páskaferöirnar og í ár, sömuleiðis
sé orðið þétt bókað í margar ferðir á
sólarstrendur í sumar. Ástæðuna
fyrir þessari miklu sölu nú fyrir
páskana segja þeir einkum þrjár: Það
sé greinilegt að fólk sé orðið þyrst í
sól eftir margra mánaða leiðindaveð-
ur hér á landi. Páskarnir séu á góð-
um tíma eða í apríl og því komi inn
aukafrídagar í kringum þá svo sem
sumardagurinn fyrsti og fyrsti maí.
Fólk tapi því ekki mörgum vinnu-
dögum með því að skreppa utan um
páska. Þriðja ástæðan sem nefnd var
og sú sem ekki skiptir hvað minnstu
máli er verðið sé hagstætt. í sumum
tilvikum sé verið að bjóða upp á sama
verð og í fyrra og í versta falli ögn
dýrari ferðir og það kunni fólk að
■ :
:
Enn er hægt að komast til ýmissa stórborga Evrópu og Bandaríkjanna í kringum páskana
Páskar:
Nær uppselt í sólina
meta. Meðalverö á tveggja vikna ferð
á sólarströnd er á milli 55 og 65 þús-
und krónur fyrir manninn, miðað
við að tveir deili með sér stúdíóíbúð.
Einstaklingsferðir
um víðaveröld
Að sögn íslaugar Aðalsteinsdóttur,
hjá Ferðaskrifstofu Reykjavíkur,
verður farin á vegum skrifstofunnar
þriggja vikna ferð til Benidorm og
er löng uppselt í hana. Hins vegar
er enn hægt að komast á vegum
Ferðaskrifstofu Reykjavíkur til
Bandaríkjanna, bæði til Flórída og
Kaliforníu, svo eru enn laus sæti í
ferð til Thailands og borgarpakkarn-
ir, sem boðið er upp á til London,
Lúxemborgar, Amsterdam og Kaup-
mannahafnar, eru heldur ekki full-
bókaðir um páskana. Hins vegar séu
áætlunarflugin að fyllast svo það sé
betra að hafa hraöan á aö bóka ferð
til þessara staða ef áhugi er fyrir
hendi.
Ferðaskrifstofan tekur að sér að
skipuleggja einstaklingsferðir um
allan heim. Ef fólk hefur áhuga á
einhverjum sérstökum stað sem ekki
eru í boði pakkaferöir til tekur
Feröaskrifstofa Reykjavíkur aö sér
að skipuleggja ferðir þangaö og skipt-
ir þá engu hversu fjarlægur sá staður
er.
Allt uppselt
hjáVeröld
Hjá Ferðamiðstöðinni Veröld er
uppselt í allar páskaferðirnar. Aö
sögn Kristínar Aðalsteinsdóttur
verður farin ein ferð til Costa del Sol
og er löngu uppselt í hana. Þá fer á
vegum Ferðamiöstövarinnar hópur
til Suður-Ameríku og er orðið full-
bókað í þá ferð og sömuleiðis í hóp-
ferð til Amsterdam.
Að sögn Helga Daníelssonar hjá
Samvinnuferðum-Landsýn er löngu
uppselt í ferðir til Benidorm og Mall-
orca hins ve'gar eru laus sæti í viku
hópferð til Þýskalands en í þeirri ferð
verður dvahð í nágrenni Saarburg
og farið í skoðunarferðir um Moseld-
alinn. Svo eru nokkur sæti laus í
Thailandsferð Samvinnuferða-Land-
sýnar en þeim fer fækkandi.
Að sögn Engilberts Gíslasonar hjá
Atlantik er uppselt í Mallorcaferð
Atlantik en enn er hægt aö komast
til Edinborgar og London.
Laus pláss
til Kanaríeyja
Úrval-Útsýn er eina ferðaskrifstof-
an sem enn á einhveija möguleika á
að bjóða fólki ferðir í beinu leiguflugi
á sólarstrendur. Að vísu er allt upp-
selt til Kýpur, og nær allt að verða
uppselt til Costa del Sol en enn er
góð von um að komast þangaö með
því að láta bóka sig á biðlista.
Svo eru laus pláss til Kanaríeyja
um páska og sömuleiðis í ferðir til
Flórída og svo í borgarpökkunum
svokölluðu.
-J.Mar
Búlgaríufélagið:
Hópferð til
Búlgaríu
Búlgaríufélagið á Islandi, sem er
kynningar- og ferðafélag, mun efna
til hópferðar til Búlgaríu í vor.
Lagt verður af stað 23. maí og
komið aftur 12. júní eða seinna, ef
fólk vill framlegnja feröalagið.
Ferðaáætlun er í aðalatriöum sú
að ekiö verður um Búlgaríu í viku
og að því loknu er boðið upp á 13
daga dvöl á hóteli á Gullnu strönd-
inni við Svartahafið.
Farið verður í skoðunarferðir um
Sofia og nágrenni, Rila-klaustrið
verður heimsótt, en það er eins
konar þjóðarhelgidómur Búlgara.
Komiö veröur í Rósadahnn til þess
að vera við rósauppskeruhátíðina
en slík hátíö er hvergi annars stað-
ar haldin í heiminum.
Ekið verður um hið sögufræga
Shipka-skarð yfir Balkanfjallgarð-
inn, þar sem lokorrustan við Tyrki
fór fram árið 1878 og Búlgarar losn-
uðu þar með undan nær fimm alda
oki Tyrkja.
Komið verður við í klaustri og
litlu þorpi í fjöllunum á leiðinni til
borgarinnar Veliko Tarnovo. Farið
verður í skoðunarferð um borgina
og nágrenni hennar. Ekið verður
til borgarinnar Rouse, sem stendur
á bökkum Dónár, farið í siglingu á
Dóná og borgin skoðuð.
Síðasta daginn verður svo ekið
um hin frjósömu héruð Dónár-
hásléttunnar til borgarinnar Sho-
umen. Þar verða skoðuð minnis-
merki, högg- og mósaíkmyndir,
sem segja eiga sögu þjóðarinnar.
Loks verður haldið til Gullnu
strandarinnar.
Rila-klaustrið, þjóðarhelgidómur Búlgara. Þjóðdansar eru í hávegum hafðir í landinu.