Dagblaðið Vísir - DV - 24.03.1990, Side 29
LAUGÍARDAGUR 24. (MARB Í990.
37.
Handbolti imglinga
Leikið til úrslita
Úrslitakeppni yngri flokkanna lýkur um næstu helgi. Fyrirkomulagi íslandsmótsins var breytt á síðasta ári og hefja því öll liðin keppni jöfn að stigum og ekki
er spurt að því hvernig hafi gengið hjá þeim i vetur.
Keppni í úrslitum yngri flokka
stendur nú yfir og er úrslitatörninni
í 2. flokki karla lokið með sigri Fram.
Um helgina verður leikið í 2. flokki
kvenna og 4. flokki karla og kvenna
og lýkur keppni á morgun.
Úrslitatörnin í 2. flokki kvenna fer
fram í íþróttahúsinu í Garðabæ og
verða Víkingar að teljast líklegir til
afreka þar en Víkingsstúlkurnar
hafa haft nokkra yfirburði í vetur.
í Vestmannaeyjum fer fram keppni
í 4. flokki kvenna og eru lið Hauka
pg Fram líklegust til þess aö vinna
íslandsmeistaratitilinn en þessi lið
hafa unnið deildarkeppnirnar í vet-
ur.
B-úrslit í 4. flokki kvenna fara fram
í Keflavík.
í íþróttahúsi Vals fer fram keppni
í 4. flokki karla og verða heimamenn,
sem hafa ekki tapað leik í íslands-
mótinu í vetur, að teljast líkleg meist-
araefni en Stjarnan og FH gætu þó
hæglega gert þeim skráveifu og þá
má ekki afskrifa önnur lið.
B-úrslit 4. flokks fara fram í Selja-
skóla.
3. og 5. flokkur
um næstu helgi
Um næstu helgi fer síðan fram úr-
slitatörnin í 3. og 5. flokki.
3. flokkur karla leikur í Hafnarflrði
og má búast við spennandi keppni
flestra lið annarra en Vals sem hafa
haft mikla yfirburði í þessum aldurs-
flokki.
Á Seltjarnarnesi fer fram keppni í
3. flokki kvenna og má búast viö
mjög spennandi keppni þar sem KR
hafði nokkra yfirburði framan af en
í síðustu törninni höfnuðu KR-stúlk-
urnar óvænt um miðja deild.
B-úrslit í 3. flokki kvenna fara fram
í Reykjavík.
Úrslitatörnin í 5. flokki karla fer
fram í Garðabæ og munu liðin örugg-
lega gera sitt besta til að fjölga tap-
leikjum KR-liðsins sem aðeins hefur
tapað einum leik í íslandsmótinu.
B-úrslit 5. flokks fara fram í
Reykjavík.
Unglingalandsliðin:
Hvað er framundan?
Þessir leikmenn í u-18 ára landsliðinu sem stóðu sig svo vel á opna Norður-
landamótinu á síðasta ári fá nú tækifæri til að gera enn betur þvi að óbreytt
aldursskipting verður á mótinu nú i ár.
Þegar líður að lokum handbolta-
vertíðarinnar velta leikmenn og
þjálfarar því oft fyrir sér hvað sé
framundan næstu mánuðina. Sum
félög fara reglulega með nokkra
yngri flokka til útlanda og er það
svar þeirra við því hléi sem er yfir
sumarið. Tímaspursmál er hvenær
félögin heija reglulegar æfingar yfir
sumarið og á síðasta ári reiö eitt félag
á vaðið og gaf það góða raun.
Umsjón:
Heimir Ríkarðsson og
Brynjar Stefánsson
Hér á Unglingasíðunni er fjallað
um helstu stórmót sem íslensk félög
hafa sótt undanfarin ár og jafnframt
hvaða félög ætla að halda utan næsta
sumar. Handknattleikssamband ís-
lands hefur undanfarið ekki setið
auðum höndum við að afla ungum
handboltamönnum verkefna á árinu
og hefur reynt að afla flestum ungl-
ingalandsliðum sínum landleikja á
árinu.
Sagan endurtekin
í Partilla?
Á síöasta ári fór fram fyrsta Opna
Norðurlandamótið, U-18, á Partilla
cup í Svíþjóð og náöi íslenska lands-
Uðið þeim glæsilega árangri að verða
í 2. sæti. íslenska liðið hafði góða
möguleika á aö vinna úrslitaleikinn
en Island leiddi leikinn framan af og
varð að gefa eftir á lokasprettinum.
Nú hefur verið ákveöið aö gera þetta
mót að árvissum viðburði og fá leik-
menn þeir er stóðu sig svo vel á síö-
asta ári tækifæri til að gera enn bet-
ur nú því sami árgangur tekur nú
þátt í mótinu.
U-16tekur
þátt í Beneluxis
16. apríl halda u-16 ára tandslið
stúlkna og drengja til Lúxemborgar
til að taka þátt í Beneluxiskeppninni
sem Lúxemborg, Holland og Belgía
auk íslands taka þátt í. Er þetta
þriðja árið í röð sem keppni þessi er
haldin og vann piltalandsliðið mótið
meö nokkrum yfirburðum fyrstu tvö
árin en stúlknalandsliðinu hefur
ekki gengið eins vel. Reynt hefur
verið að fá fleiri leiki fyrir þessi
landslið og lítur út fyrir að þau muni
ekki aðeins leika á Beneluxis í ferð-
inni heldur einnig tvo leiki gegn v-
þýska landsliðinu og fara þeir leikir
fram í Trier áður en Beneluxis
keppnin hefst.
Landsleikir á íslandi?
Handknattleikssamband ísland
hefur sent boð út til nokkurra landa
um að mæta með drengjalandslið sín
skipað leikmönnum fæddir 1972 og
seinna á opna Norðurlandamótið
sem verður haldið hér á landi í
tengslum við landsmót ÍSÍ. Ákveðið
hefur verið að mót þetta verði dagana
26. júní til 1. júlí og verður að teljast
líklegt að leikið verði að Varmá þar
sem landsmótið verður.
Þá ætlar HSÍ að halda þjálfaranám-
skeið dagana sem keppnin stendur
yfir.
Þá hefur Handknattleikssamband-
ið einnig boðið þessum löndum að
mæta til íslands í lok nóvember með
landslið stúlkna fæddra 1971 og
seinna. Mót þetta yrði haldið dagana
23.-25. nóvember.
Nokkurfélög
utan í sumar
Það hefur sífellt verið að færast
í aukana að félög á íslandi sendi
yngri flokka sina á mót erlendis
yfir súmartímann. Mikill fjöldi
móta er haldinn ár hvert víðs vegar
um Bvrópu en þó eru nokkur mót
sem íslensk lið sækja einna helst
og verður fjallaö um þau hér að
neðan.
Partille Cup
Þetta mót eríslendingum að góðu
kunnugt. Mótið verður haldið í 21.
sinn x sumar, dagana 30. júní-5.
júlí. Þetta er eitt alstærsta mótið
sem haldið er i heiminum í hand-
bolta. KR hyggst senda 3. flokk
karla á þetta mót í sumar þar sem
KR var dregið út í nokkurs konar
happdrætti þegar liðið var þar á
síðasta ári. KR þarf ekki að borga
mótsgjöld eða uppihald á meðan á
mótinu stendur. Eins og annars
staðar er sagt frá á síðunni er jafn-
framt opna Noröurlandamótið
haldið þarna á sama tíma.
Fyrir þá sem ekki láta sér nægja
að taka þátt í einu móti er Partille
Cup í sambandi við mótshaldara i
Danmörku sem halda Dronning-
lund Cup oger mótiö haldið á Norð-
ur-Jótlandi dagana 8. júlí-12. júlí.
Coppa Interamnia
Þetta er í 18. sinn sem þetta mót
er haldið í bænum Teramo á Ítalíu.
Reiknaö er með því að í sumar
verði þátttakendur á milli 7 og 8000.
Mótið verður haldið að venju dag-
ana 4.-10. júlí. Vitað er að Fram
ætlar að senda fimm flokka á þetta
mót í sumar, 3. flokk karla og
kvenna, 4. flokk karla og kvenna
og einnig ætlar félagið að senda 5.
flokk karla.
FH er einnig að velta fyrir sér að
fara með 4. flokk kvenna og Víking-
ar stefna einnig að því að fara með
4. flokk kvenna hjá sér. Jafnframt
er haldið mót fyrir unglingalands-
lið og stefnir HSÍ að því aö landslið
stúlkna 19 ára og yngri taki þátt í
þessu móti. Það má því búast við
miklum fjölda íslendinga í Teramo
í sumar.
Randers Freja
World Cup
Þetta mót er haldiö í bænum
Randers á Jótlandi og hafa mörg
islensk félög sent liö á þetta mót á
undanfömum árum og láta þau öll
mjög vel af þessu móti. Mótið verð-
ur haldið dagana 9.-14. júlí.
Ekki er vitað vun nein íslensk lið
sern eru ákveðin í að fara til Rand-
ers í sumar en samkvæmt heimild-
um DV er UMFA að velta þessu
móti fyrir sér.
Það er fjóst að af nógu er að taka
en þetta era þau mót sem íslensku
félögin hafa sótt mest.