Dagblaðið Vísir - DV - 16.07.1990, Síða 10

10
MÁNUDAGUR 16. JÚLÍ 1990.
Útlönd
Enn þrengir að sovéska kommúnistaflokknum:
Þúsundir
mótmæla
Enn þrengdi aö sovéska kommún-
istaflokknum um helgina þegar Gor-
batsjov Sovétforseti batt enda á ein-
okun flokksins á ljósvakamiðlum í
landinu. Þá fylktu fimmtíu þúsund
andstæöingar flokksins liði á götum
Moskvu og kröfðust fjölflokkastjóm-
ar í landinu.
Gorbatsjov lýsti því yfir um helgina
að enginn stjómmálaflokkur gæti
einokað ljósvakamiölana. Sam-
kvæmt yfirlýsingu forsetans, sem
tafarlaust fékk lagalegt gildi, geta
sjálfstæðir flokkar sett á laggirnar
eigin ljósvakamiðla. En hann gerði
engu að síður ljóst að ríkisstjórnin
myndi ekki láta af stjóm sinni á rík-
isfjölmiðlum. Sjónvarp er ákaflega
valdamikill fjölmiðill í Sovétríkjun-
um en talið er að eitt hundrað millj-
ónir manna fylgist með helstu kvöld-
fréttunum í sjónvarpi.
Með þessu tók forsetinn í raun
valdið yfir fjölmiðlum af flokknum
og er það enn eitt skrefið í áætlun
hans að færa valdið frá flokknum til
stjórnarinnar. Þá er þetta enn eitt
áfallið fyrir flokkinn sem hefur mátt
þola margt síðustu daga. Fyrir helgi
klofnaði hann í fyrsta skipti í ára-
tugi. Þá sagði hópur umbótasinna,
Bandalag lýðræðissinna, sig úr hon-
um til að stofna sjálfstæðan stjórn-
málaflokk. Margir þekktir umbóta-
sinnar, s.s. Boris Jeltsín, hafa og skil-
að flokksskírteinum sínum.
Bandalag lýðræðissinna átti þátt í
að skipuleggja mótmæh gærdagsins
í Moskvu þegar tugþúsundir manna
gengu fylktu hði um götumar. Fólkið
krafðist þess að endi yrði bundinn á
stjórn kommúnistaflokksins og
margir sögðust vilja samsteypu-
stjórn í stað þeirrar ríkisstjórnar sem
nú sæti við völd.
Róttækir umbótasinnar segja að
þrátt fyrir sigur Gorbatsjovs og
stuðningsmanna hans á nýafstöðnu
þingi sé andstaða harðlínumanna við
mnbætur forsetans enn mikil. Að-
eins samsteypustjórn margra flokka
getur tryggt lýðræði og umbætur í
landinu, segja þeir.
Reuter
Fimmtíu þúsund Sovétmenn gengu fylktu liöi um götur Moskvu í gær til að krefjast fjölflokkastjórnar í landinu.
Löqreqla hélt siq í hæfileqri fjarlæqð en qirti þó af Rauða torgið og Kreml. Símamynd Reuter
Sögulegur fundur
Hosni Mubarak, forseti Egypta-
lands, og Hafez al-Assad, forseti Sýr-
lands, hittust að máli í Egyptalandi
um helgina og er það í fýrsta sinn
sem Sýrlandsforseti kemur til
Egyptalands í hátt í fjórtán ár. Ríkin
tvö hafa deilt hart síðustu ár eða frá
því Egyptar sættust við ísraela árið
1979.
Sadat, forveri Mubaraks, sleit
tengslin við Sýrland seint á árinu
1977 eftir að sýrlensk stjórnvöld
gagnrýndu friðarumleitanir hans.
Tveimur árum síðar sömdu Egyptar
um frið við ísraela en Assad hefur
löngum verið andvígur sáttum við
ísrael.
Leiðtogamir funduðu í þrjár
klukkustundir í gær en ekki er vitað
hvað þeim fór á mihi. Egypskir emb-
ættismenn segja að ástandið í Líban-
on, sviptingar á stjórnmálasviðinu í
heiminum sem og uppreisn Palest-
ínumanna á herteknu svæðunum í
ísrael, hafi verið meðal þess sem fyr-
ir forsetunum lá að ræða.
Stjómarerindrekar telja að leið-
togafundur Arabaríkja í Kaíró í
haust sem og samskipti þessara
tveggja ríkja verði og ofarlega á
baugi á fundi þeirra.
Reuter
r
®
STEREO BÍLTÆKIM/KASSETTU
Gerð 514
Gerð 534
20 wött. Sumartilboð kr. 5.950
Rétt verð 7.200
20 wött. 12 stöðva minni. Sjáifvirkur
leitari. (PLL - synthesizer - tuner)
Sumartilboð kr. 11.950
Rétt verð kr. 14.350
Gerð 559
50 wött. 12 stöðva minni. Sjálfvirkur
leitari. (PLL - synthesizer - tuner) - Dolby - Spólun í
báðar áttir - Tenging fyrir CD spilara - Fader o.m.fl
SumartUboð 17.950
s m Rétt verð 21.900

W ? ffll WUMáVIiIJ
ISETNING AF FAGMÖNNUM
VÖNDUÐ VERSLUN
FÁKAFEN 11 — SÍMI 688005
Albanir fyrir utan flóttamannabúðir í Vestur-Þýskalandi. Símamynd Reuter
Hryllingssögur
frá Albaníu
Vildan Kobeci, einn hinna þrjú
þúsund albönsku flóttamanna sem
komu til Vestur-Þýskalands um helg-
ina, gat ekki glaðst með löndum sín-
um yflr nýfengnu frelsi. Hann var
harmi sleginn.
Er Kobeci var að fara frá vestur-
þýska sendiráðinu í Tírana í Albaníu
með tveggja ára son sinn á hand-
leggnum kom lögreglumaður, mágur
eiginkonu hans, til fjölskyldunnar
og bað um leyfi til að fá að halda á
barninu og kyssa það í kveðjuskyni.
Lögreglumaðurinn hljóp hins vegar
í burt með drenginn og kallaði: „Ef
þið viljið fá hann aftur verðið þið að
vera um kyrrt.“ „Konan mín varð
eftir,“ sagði Kobeci með aðstoð túlks
við fréttamenn.
Að því er Kobeci og félagar hans
sögðu er atburður þessi einkennandi
fyrir aðferðir stjórnvalda í Albaníu.
Einn Albananna kvaðst hafa setið
inni í nær aldarfjórðung fyrir til-
raunir til að fara úr landi. Hann var
sakaður um áróður gegn yfirvöldum.
Þrátt fyrir áhyggjur af ættingjum
sem eftir urðu voru flóttamennirnir,
sem leitað höfðu skjóls í vestur-þýska
sendiráðinu í Tírana, fúsir til að
segja frá ástandinu í heimalandi
sínu. En þar sem Albanía er nær al-
gjörlega einangrað land hefur ekki
verið hægt að fá frásagnir þeirra
staðfestar af hlutlausum aðilum.
Frásagnir flóttamannanna af fátækt
almennings og kúgun yfirvalda með
njósnara á sínum snærum alls staðar
voru þó sannfærandi.
Um sex þúsund albanskir flótta-
menn leituðu skjóls í erlendum
sendiráðum í Tírana fyrir nær
tveimur vikum. Flestir þeirra voru
fluttir til Ítalíu, Vestur-Þýskalands
og Frakklands á fostudaginn.
Reuter
Flóttamennirnir frá Albaníu greina frá fátækt borgaranna og kúgun yfirvalda.