Dagblaðið Vísir - DV - 21.07.1990, Blaðsíða 23

LAUGARDAGUR 21. JÚLÍ 1990.
35
um svo viðamikla lýtaaðgerð. „Það
tekur langan tíma að aðlagast svona
löguðu. Ég held þó að það sé nokkuð
einstaklingsbundið," segir hún. Að-
spurð um hvort sjálfstraustið hafi
batnað segir Sigrún ákveðið að svo
sé ekki:
„Sumir segja að ég sé orðin alvar-
legri. Ég held að það sé nokkuð til í
því.“
- Hefur þú orðið vör við viðmóts-
breytingu frá ókunnugu fólki eftir
aðgerðina - þeim sem þú mætir á
götu eða hefur takmörkuð samskipti
við?
„Jú, ég held að fólk hafi áður veitt
því athygli hvað ég var með fram-
stæðar tennur. Allavega var gert
grín að mér sem krakka. í dag hverf
ég hins vegar í fjöldann. Það sem
kemur mér þó mest á óvart er hvað
sjálfsöryggið er lítið breytt. Ég hef
rekið mig á að sjálfstraustið kemur
andlitinu lítið við. Sjálfsöryggi eykst
ekki af sjálfu sér með lýtaaðgerð. En
maður lærir sitthvað af þessu. Vel
kann þó að vera að fólk með útstæð
eyru fái sjálfstraust við að láta laga
þau - að slík minnimáttarkennd
hverfí fljótlega. En þá getur líka ver-
ið að eitthvert annað vandamál komi
í staðinn. Sálinni breytir enginn í
einu vetfangi," segir Sigrún.
Gat bitið í samloku
Sigrún segir að lýtalæknisaðgerð-
in, sem var gerð á henni, hafi ekki
verið framkvæmd í fegrunarskyni.
„Konur láta oft minnka brjóst sín
vegna þess að þær hafa haft bakverk
eða önnur óþægindi. Annars fmnst
mér alveg sjálfsagt aö fólk láti gera
á sér aðgerðir - sama hvort það er
eingöngu til fegrunar eða í öðrum
tilgangi. í mínu tilfelli var verið að
laga bitið hjá mér. Neðri kjálkinn var
færður og sá efri var of langt niðri.
Ég brosti því mikið upp fyrir tenn-
umar. Aivarleikinn, sem þeir nán-
ustu em að tala um í dag, stafar
sennilega af því að nú er ég oftar
með munninn lokaðan. Þetta eru við-
brigði fyrir þá sem þekkja mig.
Tilgangurinn með minni aðgerð
var því að laga galla og skekkjur. Það
var mikið misræmi á kjálkunum og
það gerði mér erfitt fyrir með að bíta
í mat. Tennurnar í efri og neðri gómi
náðu aldrei saman. Ég hlakkaði því
mikið tíl að geta hitið almennilega í
gegnum samloku og skilja stórt tann-
far eftir í brauðinu - og að geta lokað
munninum vel. Þetta tvennt var
mesta tilhlökkunarefnið fyrir að-
gerðina. Það var meiri háttar þegar
ég gat loksins gert þessa hluti.“
Enginn kostnaður
Lýtalæknisaðgerðin hafði engan
beinán kostnað í for með sér fyrir
Sigrúnu. Heilbrigðiskerfið borgaði
lýtaaðgerðinar. Tannréttingarnar
greiddi hún að hálfu leytí. Sigrún
segir að vangaveltur hafi verið uppi
um að lýtalæknar, sem lagfæra lík-
amshluta, hugsi mest um að lagfæra
skekkjur en hugsi minna um útlits-
þáttinn.
Það skrýtnasta eftir aðgerðina var þegar ég hitti gamla skólafélaga - þeir þekktu mig ekki. Ég þurfti þá að fara til þeirra og hreinlega kynna mig. Stundum
var þetta fólk sem hafði heilsað mér nokkrum mánuðum áður, segir Sigrún Finnsdóttir sem fór í viðamikla lýtalæknisaðgerö fyrir tæpum tveimur árum.
Hún segist ekki hafa orðið önnur manneskja á einni nóttu. Það tók hana langan tima að aðlagast sjálfri sér og hinu gjörbi eytta andliti.
DV-mynd JAK
„Ég tel þetta vera rangt. Þegar ég
var að skoða teikningar hjá Sigurjóni
á undirbúningstímabilinu fór ekki á
milli mála að hann gerði alltaf ráð
fyrir því að annað en kjálkamir af-
lagaðist ekki. Ég hitti í fyrra Frakka
sem hefur kynnt sér lýtalækningar.
Hann trúði því varla að þetta hefði
verið gert við mig í einni og sömu
aögerðinni. Honum fannst þetta
mjög vel heppnað.
Þegar frá líður finnst mér ég í raun-
inni lítið breytt. En það getur vel
verið að ég hafi tekið töluverðum
breytingum á síðustu árum. Ég held
bara að ég geri mér takmarkaða
grein fyrir því. Þetta hefur allt geng-
ið sinn vanagang og hlutimir hafa
breyst hægt og rólega,“ segir Sig-
rún.
Létt lund
en mikið skap
Sigrún segist hafa fengið létta lund
í vöggugjöf - en á bak við leynist
mikið skap.
- Hver er niðurstaða þín af hugleið-
ingum mn samspil innri manns og
útlits?
„Innri maðurinn hefur mikið að
segja fyrir útlitíð; það skiptir miklu
máli. Hinn innri maður hefur langt-
mest að segja. Mér finnst ótrúlegt
hve miklu er verið að troða upp á
fólk í dag - ýmsu sem miðar að því
að bæta útiitið. Ég hef ekki látið
blekkjast af skruminu en auðvitað
hefur það haft einhver áhrif. Ég spái
raunar lítið í hvað aðrir hugsa um
mig. Fólk talar undarlega um ýmsa
hluti og veltir sér upp úr þeim. En
þegar ég lít til baka finnst'mér sjálf-
sagt að fólk láti gera á sér lagfæring-
ar- eða fegrunaraðgerðir. Eftir það
sem ég hef gengið í gegnum er ég
alls ekki óánægð," sagði Sigrún
Finnsdóttir.
-ÓTT/hlh