Dagblaðið Vísir - DV - 30.11.1990, Blaðsíða 4

4
^ FÖSTUDAGUR 30. NÓVKMBKR■ 1990.
Fréttir
Notendur Hitaveitu Seyluhrepps súpa seyðið af stækkun:
Heita vatnið
orðið hundrað
prósent dýrara
-stofngjald nýrra notenda of lágt reiknað
„Þegar hitaveitan var stækkuö í
báðar áttir út frá Varmahlíðarhverf-
inu virðast menn ekki hafa gert sér
grein fyrir hvað framkvæmdin
mundi kosta. Þvi voru innheimt allt
of lág stofngjöld af hinum nýju not-
endum. Þeir hafa varla borgað nema
20-25 prósent stofnkostnaðarins með
stofngjöldunum. Afganginn á síðan
að innheimta af öllum notendunum
í gegn um hitaveitugjöldin. Þau hafa
hækkað um 100 prósent frá því í fyrra
og það eru menn hér alls ekki ánægð-
ir með,“ sagði Knútur Ólafsson, íbúi
í Varmahlíðarhverfi í Skagafirði, í
samtali við DV.
Nokkurrar óánægju gætir meðal
íbúa í Varmahlíð í Skagafirði vegna
mikilla hækkana á hitaveitugjöldum
hjá Hitaveitu Seyluhrepps. Vegna
stækkunar hitaveitunnar, mikils
Qármagnskostnaðar og lágra stofn-
gjalda nýrra notenda hefur mikilli
hækkunarskriðu verið hrundið af
stað.
í nóvember í fyrra var hitaveitu-
gjaldið 900 krónur fyrir mínútulítr-
ann. Skömmu síðar hækkaði mín-
útulítrinn í 1000 krónur og síðan í
1200 krónur í vor. í ágúst kastaði
fyrst tólfunum þegar mínútulítrinn
hækkaði í 1800 krónur. Á níu mánaða
tímabili hefur þannig orðið 100 pró-
senta hækkun á mínútulítranum hjá
Hitaveitu Seyluhrepps. Þessi hækk-
un þýðir með öðrum orðum að íbúar
í meðalstóru húsi borga 5-7000 krón-
ur á mánuði fyrir hitaveituvatn.
Telja menn að hitaveitan hefði farið
á hausinn ef þessar hækkanir hefðu
ekki komið til en hins vegar væri
álitamál hveijir ættu að bera kostn-
aðinn af stækkuninni.
Knútur sagði DV að víða um land
væru menn að borga um 220 þúsund
króna stofngjald, eða inntökugjald,
fyrir hvern bæ. Væri þá miðað við
um 400 rúmmetra hús. Stofngjöldin,
sem innheimt voru af nýju notend-
unum, hefðu verið mun lægri.
Þegar Seyluhreppur tók við hita-
veitunni, Hitaveitu Varmahlíðar, var
hún skuldlaus og átti umframsjóði.
Voru afnotagjöldin einhver þau
lægstu á landinu, nánast hreinar
tekjur. Nú er skuldastaðan hins veg-
ar erfið og kemur það fram í hækk-
unum. Um 60 notendur kaupa vatn
af hitaveitunni í dag.
Að sögn fyrmefnds viðmælanda
DV eru þrír hagsmunaaðilar í þessu
máli, fyrir utan hitaveituna. Það era
þeir sem búa í Varmahlíð og höfðu
heitt vatn fyrir, þeir sem fengu heitt
vatn gegn lágu stofngjaldi og loks
kennarar í kennarabústöðum í
Varmahlíð sem eiga að borga fyrir
hitaveituna í fyrsta skipti frá ára-
mótum. Skólinn lagði fé í boranir og
hefur til þessa talist eiga visst magn
af heitu vatni. Eru margir í Varma-
hlíð á því að þeir bæir, sem fengu
hitaveitu lagða meö lágu stofngjaldi,
greiði aukastofngjald til að mæta
kostnaðinum við stækkunina.
„Við höfum óskað eftir fundi með
hreppsnefndinni en því hefur ekki'
verið svarað. Þá sendum við bréf og
óskum svars við því fyrir 10. desemb-
er. Ef því verður ekki svarað grípum
við til annarra ráða,“ sagði Knútur
en vildi ekki láta þess getið hvaða ráð
væri um að ræða.
-hlh
Miklar framkvæmdir hafa átt sér stað við grjótvarnargarð við höfnina á
Dalvík að undanförnu og fjöldi stórvirkra vinnuvéla verið notaður við verk-
ið eins og sjá má á myndinni. DV-mynd GVA
Vilja að ÁTVR greiði
umbúða- og sendingar-
kostnað af áfengi
Matthías Bjamason og Ingi Björn
Albertsson hafa lagt fram á Alþingi
frumvarp til laga um breytingar á
lögum um Áfengis- og tóbaksverslun
ríkisins. Vilja þeir félagar að ÁTVR
greiði allan umbúða- og sendingar-
kostnað af áfengi og tóbaki sem selt
er í gegnum póstkröfur.
Þeir benda á að á fyrstu 10 mánuð-
um þessa árs hafi Áfengis- og tóbaks-
verslun ríkisins krafið viðskiptavini
sína um 6,7 milljónir króna í póst-
burðargjöld. Gera megi ráð fyrir að
upphæöin verði komin í 8,8 milljónir
í árslok.
Þeir segja þennan kostnað ósann-
gjarnan þar sem hann leggst á lítinn
hluta landsmanna. Verslunin ber
sjálf allan kostnað við dreifingu á
áfengi til byggða þar sem ÁTVR rek-
ur verslanir. Það er á 19 stöðum á
landinu. Þær eru, fyrir utan verslan-
ir á höfuðborgarsvæðinu, á Akra-
nesi, í Ólafsvík, á ísafirði, Sauðár-
króki, Siglufirði, Akureyri, Seyðis-
firði, Neskaupstað, Höfn, í Vest-
mannaeyjum, á Selfossi og í Keflavík.
Þá hefur ÁTVR í áratugi borið all-
an kostnað af dreifingu tóbaks í
verslanir. -S.dór
Lítið um sölur í Englandi í næstu viku
Gámasölur 19.-23. nóvember
Sundurliðun eftir tegundum Seltmagnkg Verðí erl. mynt Meðalverð kg Söluverð ísl. kr. Kr.kg
Þorskur 569.910,00 740.012,80 1,30 78.889.944,38 138,43
Ýsa 408.140,00 553.858,80 1,36 59.042.738,77 144,66
Ufsi 20.630,00 14.060,60 0,68 1.498.472,77 72,64
Karfi 13.385,00 10.931,00 0,82 1.165.707,76 87,09
Koli 137.970,00 182.253,00 1,32 19.433.201,49 140,85
Grálúða 12.975,00 21.074,00 1,62 2.246.905,67 173,17
Blandað 136.544,00 144.108,10 1,06 15.360.779,47 112,50
Samtals 1.299.554,00 1.666.299,10 1,28 177.637.835,67 136,69
Sundurliðun eftir tegundum Seltmagnkg Verðí erl. mynt Meðalverð kg Söluverð ísl.kr. kr. kg
Þorskur 1.610,00 5.358,40 3,33 196.897,64 122,30
Ýsa 964,00 4.470,72 4,64 164.433,55 170,57
Ufsi 6.600,00 17.808,00 2,70 655.004,45 99,24
Karfi 301.571,00 909.729,18 3,02 33.395.775,06 110,74
Blandað 11.948,00 42.766,58 3,58 1.570.327,11 131,43
Samtals 322.693,00 980.123,88 3,04 35.982.437,81 111,51
Aðeins tvö skip seldu afla sinn í
Englandi í síðustu viku og búist er
við að lítið verði um sölur þar í næstu
viku.
Bv. Bersi seldi í Grimsby 20. nóv-
ember alls 200 lestir fyrir 22,8 millj-
ónir kr. Meðalverð 106,41 kr. kg.
Bv. Ottó Wathne seldi í Grimsby
23. nóvember alls 57 tonn fyrir 8,5
milljónir kr. Meðalverð hjá Óttó var
140,72 kr. kg.
Bv. Ögri seldi í Bremerhaven 26.
nóvember alls 220 lestírTyrir 23 millj-
ónir króna. Meðalverð 111,34 kr. kg.
Chile
í ár hefur útflutningur Chilemanna
á Coho-laxi aukist úr 3.843 tonnum í
9.167 tonn. Skýringin á velgengni
Chilemanna er sú að þeir hafa passað
vel að setja hæfilegt magn á markað-
inn og hafa haldið verðinu nokkuð
svipuðu allt árið. Á næsta ári stefna
þeir að því að auka framleiðsluna á
Coho-laxi í 12.000 tonn.
Makrílveiðar Japana og EB
Makrílveiðar Japana hafa ekki
gengið eins vel og búist var við og
getur það stuðlað að betra markaðs-
verði fyrir norskan lax.
Fyrstu umferð viðræðna um fisk-
veiðiheimildir innan EB er lokið. í
fyrra náðist samkomulag um veiðar
í Norðursjó á makríl og síld. í ár er
rætt um að veiði á makríl í Norð-
ursjó verði á næsta ári 500.000 tonn,
af því fá Norðmenn 25%.eða 125.000
tonn.
Síldarstofninn minnkar
í fyrra var heimfluð veiði á 514
þúsund tonnum af sfld, í ár er heim-
flt að veiða 414 þúsund tonn en rætt
um að heimila 325 þúsund tonn á
næsta ári. Botnfiskveiðar í Norð-
ursjó skipta miklu máli fyrir Dani
en tiltölulega litlu máli fyrir Noreg.
Sennilega verður veiðiheimild á
þorski, hvítingi og ýsu minnkuð um
30% á næsta ári.
Tokyo
Eftir bestu fáanlegu upplýsingum
kemur í ljós að uppistaða í sfldveið-
unum mun verða sfld sem er 270-300
Islendingar hafa á undanfornum
árum verið með sfld sem hentað hef-
ur vel til framleiðslu á „meyaki-
meshin" en þaö er söltuð og reykt
síld. íslendingar hafa getað boðið
rétta stærð og fisk með réttri fitu.
Norska sfldin hefur verið með breyti-
legu fituinnihaldi og einnig hefur
hún verið æði misjöfn að stærð. í ár
geta Norðmenn boðið rétta stærð
Fiskmarkaður
Ingólfur Stefánsson
með fituinnihaldi sem er 18-20%. Að
undanfomu hafa íslendingar boðið
sfld, sem er 300 g og þyngri, fyrir 137
yen sem er nálægt 56 kr. kg. Stærðin
270-300 hefur verið á 108 yen eöa 44
kr. kg.
Bandaríkin - þverstæður
á Fulton-markaði
Ameríkanar tala mikið um hrausta
sál í heilbrigðum líkama, allir eiga
að skokka og vera á skóm með loft-
púða sem á að gera skokkið léttara.
Þetta hefur farið sem eldur í sinu um
Evrópu og víöar. Maraþonhlaupin
hafa dregið að sér fólk frá öllum
heimshornum.
Heilsufæði er einnig ofarlega á dag-
skrá og gefin eru út tímarit þar sem
allar upplýsingar er að fá um það
hvað menn eigi að borða. Fiskur er
þar ofarlega á matseöli og er hann
kynntur í sjónvarpi og fjölda tíma-
rita. Vel er skýrt frá hvað meðferðin
sé vönduð á honum og heilsusamlega
gengið frá honum í pakkningar.
í þessu samfélagi heilsuræktarinn-
ar kemur manni mjög á óvart það
sem blasir við þegar heimsóttur er
Fulton-fiskmarkaðurinn. Markaður-
inn er á fljótsbakkamun við South
Street, að nokkru inni, að sumu leyti
undir mikilli umferðarbrú og undir
beru lofti. Frá þessum markaði er
seldur fiskur, kjúklingar, hamborg-
arar og nautakjöt. Blaðamaðurinn,
sem frásögnina semur, Tom Ras-
mundsen, er í fylgd með ritstjóranum
Gröntveld og segir að hann sé hepp-
inn að kalt skuli vera í veðri en Tom
kom til Bandaríkjanna í ágúst í sum-
ar og var þá mikill fnykur á mark-
aðnum og langt út fyrir hann. Það
fyrsta sem mætir manni eru óhrein-
indi og reykjarstybba.
Markaðurinn og umhverfið er mik-
ið vandræðapláss, skólar eru lokaðir
og járnbrautir og strætisvagnar eru
af skornum skammti. Allt fólkið er á
framfæri borgarinnar og framið er
að minnsta kosti eitt morð á dag.
Átta milljónir manna búa í hverfinu
og eins og fyrr segir eru þeir alhr á
framfæri borgarinnar.
Fiskaren Magasin endursagt
England
- Billingsgate
Verð hefur haldist gott á öllum fiski
nema laxi en hann hefur verið í lágu
verði, utan stærsti laxinn.
Eldislax, lítill, 2-3 lbs. ..329-370 kr. kg.
Stærsti laxinn, úrval ...524-583 kr. kg.
Stórlúða.............701-934 kr. kg.
Meðalstór lúða......701-1.218 kr. kg.
Smálúða..............701-934 kr. kg.
Koh..................158-208 kr. kg.
Sólkoli.............i....400kr.kg.
Hausaður þorskur.........300 kr. kg.
Þorskflök............375-A50 kr. kg.
Ufsaflök.................212kr.kg.
Ýsuflök..............404-444 kr. kg.
Smá skötubörð............260 kr. kg.
Stór skötubörð...........367 kr. kg.
Sfld...................91,80 kr.kg.
Reykt síld (kippers).....150 kr. kg.
Ýsa, hefl............400-450 kr. kg.
Reyktur lax..............975 kr. kg.