Dagblaðið Vísir - DV - 30.11.1990, Blaðsíða 7

FÖSTUDAGUR 30. NÓVEMBER 1990.
7
Fréttir
Skattar í OECD-ríkjimum:
Islendingar eru í 9.-10.
sæti í skattheimtunni
ísland er í 9.-10. sæti aö ofan meö-
al ríkjanna 24 í Efnahags- og fram-
farastofnuninni OECD. Því er al-
rangt, sem fjármálaráöuneytið hér
og ráðherrar hafa veriö aö hampa,
aö ísland sé í fimmta sæti að neðan
meðal þessara ríkja í skattheimtu.
Tölurnar, sem hér birtast, eru hins
vegar hinar réttu tölur.
Fjármálaráðuneytið sendi fyrir
nokkru frá sér skattatölur fyrir ís-
land. Tölurnar áttu að vera útreikn-
aðar af sérfræðingum OECD að
beiðni ráðuneytisins. Fulltrúar ráðu-
neytisins kalla það tímamótavið-
burð, að ísland skuli nú vera með í
samanburði af þessu tagi. Aöeins
gott er um það að segja. En fjármála-
ráöuneytið fór rangt með þessar upp-
lýsingar. Ráðuneytið birti þær hráar
í fréttatilkynningu, en gat ekki um
annmarka. Skatthlutfallið hér, það
eru skatttekjur hins opinbera sem
hlutfall af framleiðslu í landinu, var
þannig 34 prósent 1989 í fréttatil-
kynningu ráðuneytisins, en rétt hlut-
fall væri 41 prósent. Munurinn Uggur
í því, að taka ber tillit til nokkurra
atriða, sem vantar í útreikningana
frá OECD. Þar má nefna, að taka ber
tillit til iðgjalda lífeyrissjóða. Víða
erlendis eru þau innheimt með skött-
um, og því verður að reikna þau með
í skattheimtu, til þess að saman-
burður sé réttur. Þetta hækkar skatt-
hlutfall hér um 4 prósentustig. Fjár-
málaráðuneytið viðurkennir þetta,
samanber kjallaragrein Marðar
Árnasonar, upplýsingafulltrúa ráðu-
neytisins, í DV í gær. Mörður ber
ekki brigður á, að þannig sé saman-
burðurinn rökréttur, en hann nefnir,
að sé skatthlutfall á íslandi þannig
hækkað um 4 prósentustig vegna ið-
gjalda lífeyrissjóðanna, þurfi einnig
að hækka skatthlutfall nokkurra
annarra landa. Upplýsingafulltrúinn
blæs þetta síðan út og segir, að það
skemmi fyrri umfjöllun DV um þetta
mál. Svo er alls ekki.
Fjármálaráðuneytið bakkar
í þeim tölum, sem hér birtast, er
- en ekki fimmta lægsta eins og ráðuneytið segir
fullt tillit tekið til slíkra breytinga
varðandi bæði ísland og önnur
OECD-ríki. Stuðzt er við útreikninga
Yngva • Harðarsonar, hagfræðings
Sjónarhom
Haukur Helgason
Félags íslenzkra iönrekenda, um
þetta og tillit tekið til lögþvingaðra
greiðslna til einkageirans tengdra
almannatryggingum, þar á meðal líf-
eyrisiðgjaldanna.
Gott er, að fjármálaráðuneytið er
farið að viðurkenna þetta. Þar með
ætti að detta upp fyrir öll umræða
ráðherra um, hversu „litlir" skattar
séu hér á landi og að þá þurfi að
hækka. Upplýsingafulltrúinn er
samt enn sendur fram til að þyrla
upp moldroki. Þvert á fullyrðingar
íjármálaráðuneytisins var allt rétt í
umfjöllun DV. Þar sagöi í fyrirsögn
á grein hinn sjöunda, að skattheimta
hér væri svipuð og í Evrópubanda-
laginu, og út af því var lagt. Þetta er
rétt, skattheimtan hér var 41 prósent
1989 og 41,1 prósent aö meðaltali í
ríkjum Evrópubandalagsins.
Upplýsingafulltrúinn vill ennfrem-
ur undirstrika, aö tölurnar, sem fjár-
málaráðuneytið dreifði, séu frá
OECD, ekki „tölur ráðuneytisins".
En ráðuneytið sleppir fyrirvörum
OECD-manna og sendir tilkynningu
hráa þvert gegn því sem tíðkast er-
lendis viö slíka kynningu, og er DV
kunnugt um, hvemig finnsk stjórn-
völd hegða sér í slíkum tilvikum.
Útkoman varð því sú, að fjármála-
ráðuneytið sendi frá sér villandi og
raunar rangar tölur. Þessar tölur eru
því tölur ráðuneytisins eins og sagt
hefur verið í DV.
Rétt hefði verið, að vjið kynningu
skattatalnanna hefði ráðuneytiö
einnig nefnt, að hækka verður skatt-
hlutfailið hér vegna þess að óbeinir
skattar eru miklir og meira hlutfall
en yfirleitt gerist. Það skekkir sam-
íslendingar óttast sífelldar yfirlýsingar ráðamanna um, að hækka þurfi skatt-
ana.
Skattahlutfall á Islandi
% - í samanburði við nokkur önnur lönd -
60
50
40
30
20
• I t
10
0
Tyrkland Japan ísland Danmörk
Bandaríkin OECD EB Svíþjóð
anburðinn, því að óbeinir skattar
hækka nefnarann í skatthlutfallinu.
Þarna munar 1,5 prósentustigum í
samanburði samkvæmt rannsókn-
um Ásgeirs Daníelssonar hagfræð-
ings. Þá eru sjúkradagpeningar hér
yfirleitt greiddir af fyrirtækjum en í
sumum öðrum OECD-ríkjum af hinu
opinbera. Þetta hækkar skatthlutfall
á íslandi um 1-1,5 prósentustig.
Háir skattar hér
Hjá Félagi íslenzkra iðnrekenda
liggja nú fyrir útreikningar á, hvar
ísland er í röðinni af OECD-ríkjum
miðaö við framangreint. DV fékk
þessar upplýsingar í gær.
Félag íslenzkra iðnrekenda reiknar
þar með skatthlutfalli í ríkjunum
árið 1989, og þar sem nýrri upplýs-
ingar liggja ekki fyrir um, er reiknað
með óbreyttu hlutfalli frá 1988.
Röð ríkjanna 24 verður þá, sem hér
segir, eftir því hversu hátt skatthlut-
fallið er af framleiöslu í löndunum.
Með öðrum orðum „skattpíningin“.
1. Svíþjóð..................56,8 prósent
2. Danmörk....................51 prósent
3. Holland....'.............49,3 prósent
4. Noregur....................46 prósent
5. Belgía...................45,1 prósent
6. Frakkland................43,9 prósent
7. Finnland.................42,9 prósent
8. Lúxemborg................42,8 prósent
9.-10. ísland...........41 prósent
9.-10. Austurríki.......41 prósent
11. Bretland.................40,7 prósent
12. Sviss....................39,1 prósent
13. írland...................38,9 prósent
14. Ítalía...................38,4 prósent
15. Þýzkaland................38,2 prósent
16. Nýja-Sjáland.............37,9 prósent
17. Grikkland................35,9 prósent
18. Portúgal.................34,6 prósent
19. Spánn....................34,4 prósent
20. Kanada...................33,4 prósent
21. Japan....................31,3 prósent
22. Ástralía.................30,8 prósent
23. Bandaríkin...............29,8 prósent
24. Tyrkland.................24,1 prósent
ÞREK- OG ÆFINGATÆKIN
3
Varahluta- og viðgerðarþjónusta
Kreditkortaþjónusta