Dagblaðið Vísir - DV - 19.12.1990, Page 32

32
MIÐVIKUDAGUR 19. DESEMBER 1990.
Menning
Bráðfyndið ungl-
ingaævintýri
Rúnar Armann Arthúrsson hefur gefiö út tvær ungl- - -
ingabækur og nú kemur sú þriðja. Hún heitir Rugl 1
ríminu og nafniö á svo sannarlega við efni bókarinn-
ar. Skilgreining sögunnar er unglingasaga en eftir lest-
urinn er ég viss um aö allir aldurshópar hafa gaman
af henni.
Sagan segir frá Hildi, sextán ára stelpu sem fær í
gjöf frá móður sinni ættargrip nokkum sem gengið
hefur mann fram af manni í móðurætt. En þetta er
enginn venjulegur ættargripur heldur segir sagan að
hann sé frá álfkonu kominn og að hann hafi töfranátt-
úru. Gripurinn er ennisspöng en álfkonan, sem átti
gripinn, hafði varað við honum: Enginn mætti nokk-
um tíma setja spöngina upp, annars gæti farið illa.
Ennisspöngina átti aukinheldur að geyma í kistli
nokkmm, harðlæstum, og helst ekki opna hann fyrr
en konan, sem hefði spöngina undir höndum, eignað-
ist sjálf dóttur. Þá átti hún að afhenda dótturinni
spöngina.
Sagan virkar ekki sérlega áhugaverö til að byrja
með. Það er ekki fyrr en Hildur ákveður að setja spöng-
ina upp að fjör fer að færast í leikinn. Hún kemst að
því að álögin; sem fylgja ennisspönginni, eru þau að
sá sem setur hana upp fer nokkrar aldir aftur í tím-
ann. Og það gerist. Hildur er allt í einu stödd í Reykja-
vík einhvem tíma um aldamótin 1800. Hún skilur nátt-
úrlega ekkert í hvað um er að vera: ekkert ráðhús í
Tjöminni, engin glerhvelfing á Öskjuhlíðinni, ekkert.
Og ekki nóg með það heldur hittir hún fyrir dreng sem
henni finnst heldur undarlegur. Sá talar auðvitað mál
síns tíma og klæðist fötum sem þá vom til siðs. Hún
kemst að því að drengurinn heitir Ljótur Kynríksson
og hann heldur aö hún sé álfkona. Ljótur vill komast
til.álfheima og hvetur Hildi til að lofa sér því, sem hún
og gerir. En til að Hildur svíki ekki loforð sitt þrífur
Ljótur ennisspöngina af henni sem pant og viti menn,
Hildur vaknar í rúminu sínu. Engin ennisspöng nálæg.
Nú fer sagan á harðasprett. Ljótur kemst til „álf-
heima“, sem hann telur vera, en það er sá heimur sem
við lifum í í dag. Aumingja átjándu aldar drengurinn
er hrifinn inn í hringiðu æsilegra atburða ársins 1990.
Hildur verður að bjarga honum og gerir það ásamt
vinkonu sinni. En áður en yfir lýkur hefur Ljótur
Kynríksson, skóladrengur frá Bessastöðum og vinnu-
maður á jörðinni Kleppi, lent í ótrúlegustu ævintýmm.
Inn í söguna fléttast upplifun Ljóts á nútímanum.
Eftir að hann komst aftur heim til sín, það er að segja
til Reykjavíkur átjándu aldar, skrifaði hann handrit
að því sem kom fyrir hann í „álfheimum“. Rúnar
Armann skrifar hér alveg óborganlega skemmtilega
og fyndna sögu. Stíll hans er léttur og skemmtilegur
og hvergi er reynt að skrúfa upp stíl eða'mál. Þetta
er náttúrlega ævintýri og vitlaust og ótrúlegt eins og
þau eiga að vera.
Lýsingar Ljóts á sinni upplifun em ein skemmtileg-
asta lesning sem ég hef komist í um dagana. Eftir að
Hildur hefur, ásamt vinkonu sinni, hitt Ljót verður
mikill darraðardans. Ekki er hægt að láta hann vera
einan nokkurs staðar og þær stöllur fara með Ljót í
leigubíl, setja hann í bað, í ný fót og loks á furðufata-
ball. Og allt fær þetta mikið á Ljót sem heldur aUtaf
að hann sé staddur hjá álfum. Menn halda að Ljótur
sé bilaður og þegar hann segist halda til á Kleppi sann-
færast allir. Sagan er uppfuU af misskilningi sem þess-
um og alveg hreint makalaust fyndin.
Lýsing Ljóts á því þegar hann rétt náði aö bjarga
fylUbyttu frá sjálfsmorði er skemmtileg. Fyrst náði
hann hníf af byttunni og loks byssu sem reyndar var
platbyssa. Þá var Ljótur orðinn svangur og sá nokkrar
álftir synda á Tjöminni.
„Er nær dró mátti sjá að fuglar þessir virtust aUir
Rúnar Ármann Arthúrsson.
Bókmenntir
Nanna Sigurdórsdóttir
öfleygir þó ekki væri kominn sá vanalegi tími er álftir
eru í sárum. Sá ég brátt hvar ungur svanur var á
vappi milU trjánna og afréð að freista þess að hlaupa
hann uppi, ef ég hefði til þessa þrek.
Sigurgísli bifreiðastjóri hjá Borgarleiðum ætlaði ekki
aö trúa sínum eigin augum þar sem hann kom akandi
vestur eftir Hringbraut á móts við Háskólann, þegar
hann sá mann í rauðum lafafrakka með svart hatt-
skrípi á höíöi og veifandi sverði á harðahlaupum á
eftir álft í Hljómskálagarðinum........FugUnn var
vængstýföur hnúðsvanur, einn úr hópi fjögurra, sem
borgarstjórinn í Reykjavík haföi nýlega fengið að gjöf
frá koUega sínum í bænum Cuxhaven í Norður-Þýska-
landi, og var þess vegna afar verðmætur." (Bls. 99-100)
Rugl í ríminu er skemmtíleg bók, vel skrifuð og á
skemmtílegu máU. Og ég er viss um að ekki eingöngu
ungUngar eiga eftir að hafa gaman af henni því húmor-
inn höfðar til fleiri aldurshópa.
Höfundur: Rúnar Armann Arthúrsson
Rugl i ríminu
Iðunn
100% sllkinærfotnaður
á alla (Jöískykluna
100% silkinærföt henta öllum, alltaf og alls staðar. Þau eru hlý
í kulda og frosti en svöl í miklum hita. Þér er aldrei kalt í silki-
nærfötum. Silkinærföt henta betur við okkar aðstæður en nokk-
ur önnur nærföt. Ef þú vilt fræðast nánar um silkinærföt þá
spurðu einhvern af þeim mörgu sem eiga silkinærföt frá okkur.
I 1 T
\
PÓST^RORISALA-
U R U ■_ Æ KIUIIMGABUÐIIM
■ SMASALA - HEILDSALA. SIMAR 10262 - 10263, LVUJGAVEGI 25.
Sviðsljós
Donald Trump
er frjáls
- og farinn að sjást opinberiega með ástkonu sinni, Mörlu Maples
Amensk slúðurblöð greindu frá
því um daginn að ástkona Donalds
Trump, Marla Maples, hefði fengið
hann til að gera skriflegan samning
við konu sína, Ivönu, um að Ivana
fengi í sinn hlut tvo milljaröa, sjö-
hundruð og fiörutíu milljónir
króna. Það er tvöföld sú fiárhæð
sem kaupmáli þeirra hjóna hljóð-
aði upp á.
Áöur höfðu hjónin gert kaupmála
sem gerði ráð fyrir að Ivana fengi
í sinn hlut 25% af auði Trumps ef
til skilnaðar kæmi. Þeir sem til
þekkja segja að þegar Donald sé
búinn að greiða lánardrottnum sín-
um það sem þeim ber eigi hann
eftir um 200 milljónir dollara eða
tæplega 11 milljarða íslenskra
króna.
Þetta samkomulag þýðir að nú
geta þau skötuhjú, Donald og
Marla, farið að láta sjá sig saman
opinberlega án þess að eiga það á
hættu aö þaö kosti þau of fiár. Ef
samkomulagið hefði ekki verið gert
og Ivana fengið skilnað á forsend-
um framhjáhalds bónda síns hefði
hún getað krafist helmings eigna
hans.
En nú eru þau Donald og Marla
sem sagt farin að láta sjá sig saman
Donald Trump og Marla Maples
eru farin að láta sjá sig saman
opinberlega. Kunnugir segja að
trúlofun sé á næsta leiti.
opinberlega og nýlega leyfðu þau
myndatökur af sér. Vinir Donalds
segja að hann hafi meira að segja
kynnt Mörlu fyrir foreldrum sín-
um, þannig að einhver alvara virð-
ist vera á ferðum hjá milljónamær-
ingnum margumtalaða.
Donald hefur að sögn haldið við
Mörlu í þijú ár en síðan í febrúar
á þessu ári hefur hann hitt hana
reglulega allar helgar þegar því
hefur verið komið við. Hann hefur
til þessa reynt að halda sambandi
þeirra leyndu og komið henni fyrir
á nýjum og nýjum stöðum reglu-
lega til að pressan kæmist ekki á
snoðir um leynilega mótsstaði
þeirra. Marla ber hring sem kunn-
ugir segja að sé gjöf Donalds til
hennar til merkis um að þau séu
trúlofuð og komi til með að giftast
þegar um hægist.
Marla er að vonum fegin að bar-
átta Donalds og Ivönu er um garö
gengin. Hún vill geta gengið við
hliö unnusta síns án þess að
skammast sín fyrir samband
þeirra. „Þetta samkomulag þeirra
Donalds og Ivönu og skilnaður
þeirra er sjálft frelsið fyrir mig.
Mér finnst ég eins og endurborin,"
segir Marla.
Ivana Trump fær tvo milljarða, sjö-
hundruð og fjörutíu milljónir króna
í sinn hlut.
Barry
Manilowí
jólaskapi
Barry Manilow hefur nú gefið út
jólaplötu í fyrsta skipti. Hún heitir
Af því það eru jól og eru að finna
gömul þekkt jólalög eins og Baby, Its
Could Outside, Jingle Bells og White
Christmas, en einnig háklassísk verk
eftir Hándel, Messias.
Það er með ólikindum hvað þeim dettur í hug í útlöndum. Stórmarkaður í
Jóhannesarborg lét baka fyrir sig heimsins stærstu pitsu og gaf ágóðann
af henni til góðgerðarstarfsemi. I flatbökuna fóru meðal annars 4.500 kiló
af hveiti, 900 kiló af söxuðum lauk og 1.800 kiló af osti. Hún mældist 37
metrar í þvermál og hér sést borgarstjórinn í Jóhannesarborg, Willie Janse
van Rensburg, brosandi eftir að hafa skorið sér fyrstu pitsusneiðina.
Simamynd Reuter