Dagblaðið Vísir - DV - 06.04.1991, Síða 17

i
16
LAUGARDAGUR 6. APRÍL 1991.
Skák
DV
Skákmenn á faralds-
fæti um páskana
Opna mótið í New York um
páskana hefur síðustu ár verið með
best skipuðu opnu mótum ársins,
hvort sem um er að kenna háum
verðlaunum eða seiðandi aðdrátt-
arafli heimsborgarinnar. Nú er
mesti ljóminn farinn af mótinu, því
að auk þess sem verðlaunasjóður
hefur rýrnaö verulega er það orðið
að hraðmóti: Tefldar eru átta um-
ferðir á fjórum dögum með skert-
um umhugsunartíma.
Þrátt fyrir þetta tefldu fjölmargir
heimsfrægir stórmeistarar í New
York í ár - mótið var í raun ótrú-
lega vel skipað miðað við þau kjör
sem í boði voru. Skákmeistarar frá
Sovétríkjunum voru fjölmennir
eins og jafnan á opnu mótunum en
þeir virðast nota hvert tækifæri til
að sleppa frá örbirgðinni í heima-
landinu ef von er um ofurlitla verð-
launalús.
Svo fór að einn sovésku stór-
meistaranna, Alexander Goldin,
datt í lukkupottinn - varð einn efst-
ur og fékk að launum dollarabúnt
sem svarar til fimmtíufaldra árs-
launa austur í Sovétríkjunum!
Fyrstu verðlaun voru tíu þúsund
dalir, eða tæplega 600 þúsund ís-
lenskra króna.
Goldin fékk 6,5 vinninga. Margeir
Pétursson varð í 2. sæti ásamt 12
öðrum með 6 vinninga: Ehlvest
(Eistlandi), Dreev, Novikov og Ep-
ishin (Sovétríkjunum), Kamsky,
deFirmian, Wolff, Ilja Gurevich,
Kudrin og Remlinger (Bandaríkj-
unum), Lautier (Frakklandi) og
Utut Adianto (Indónesíu). Þeir
urðu að sætta sig við 700 dala verð-
laun en urðu sjálfir að standa
straum af ferða- og dvalarkostnaði,
þannig að útgerðin borgaöi sig ekki
þrátt fyrir góða frammistöðu.
Margeir slapp taplaus frá mótinu,
vann tvær fyrstu skákirnar og síð-
ar John Donaldson (bandaríska
liðsstjórann) og Boris Gulko í góðri
skák. Margeir er iöinn við að tefla
á opnu mótunum og er óhætt að
segja að hann hafi á því sviði mesta
reynslu íslenskra skákmeistara.
Hann er ævinlega í hópi efstu
manna og virðist hafa einstakt lag
á þvi að máta „minni spámenn-
ina“ fyrirhafnarlaust.
Helgi Ólafsson og Benedikt Jón-
asson voru einnig meðal keppenda
en áttu ekki jafnmiklu láni að
fagna, Helgi fékk fimm vinninga,
Benedikt fjóra. Svo óheppilega vildi
til að þeir lentu saman í síðustu
umferð og tókst Helga að vinna.
Benedikt var með efstu mönnum í
sínum stigaflokki og ef hann hefði
unnið hefði hann fengið dágóð
aukaverðlaun.
Pia missti af
stórmeistaraáfanga
Það virðist býsna algengt að
standa að skákmótum um stór-
hátíðir. Um páskana var víðar teflt
en í New York. Skákhátíð var t.a.m.
í Dortmund í Þýskalandi og í Hels-
inki í Finnlandi voru þrjú alþjóðleg
mót í gangi samtímis. Tvö þeirra
voru opin en hið þriðja lokað, sem
var annað mótið í röðinni sem
haldið er í borginni með stuðningi
Opybanka.
Mótið var allvel skipað, af tíu
þátttakendum báru sjö stórmeist-
aranafnbót. Þeim er þetta ritar var
boðið til leiks, m.a. svo hann fengi
tækifæri til að sýna að hann gæti
teflt í Finnlandi - eftir Norður-
Sænska skákdrottningin Pia Cramling missti naumlega af áfanga að stórmeistaratitli karla á alþjóðlega mótinu
í Helsinki um páskana.
- af alþjóðamótunum í New York og Helsinki
landa- og svæðismótið fyrir tveim-
ur árum í Espoo, þar sem teflt var
viö lítinn orðstír.
Vissulega tókst mér að bæta
frammistöðuna nú en framan af
var þó útlitið svart, því að tveimur
fyrstu skákunum tapaði ég, báðum
afar slysalega. Eftir þaö tókst mér
að klóra í bakkann og á endanum
fékk ég 4 vinninga - vann 3 skákir,
tapaði 4, en gerði 2 jafntefli.
Stórmeistararnir Lembit 011 frá
Tallinn og Anatoly Vaiser frá
Novosibirsk deildu sigrinum með 6
v. Oll tókst að vinna Vaiser í síð-
ustu umferð eftir æsispennandi
skák og komast upp aö hlið hans.
Öllum á óvart varð finnski stór-
meistarinn Yrjö Rantanen í þriðja
sæti með 5,5 v. sem er besti árangur
hans í langan tíma en hann gerði
sér lítið fyrir og vann fjórar síðustu
skákirnar. Heikki Westerinen og
Pia Cramling deildu fjórða sæti
með 5 v.
Markku Kosonen, forseti samein-
aða fmnska skáksambandsins,.bar
hita og þunga af mótinu sem var
prýðilega skipulagt, þó svo aðstæð-
ur á skákstað þættu heldur frum-
stæðar á íslenskan mælikvaröa.
Mótið þótti takast óvenjuvel að því
leyti að ekki var neinum Helsinki-
sáttmálum fyrir að fara milli kepp-
enda. Jafnteflin voru aöeins 14 af
45 - Westerinen varð jafnteflis-
kóngur með sex stykki en t.a.m.
gerði Vaiser, annar sigurvegar-
anna, ekkert jafntefli! Hann vann
sex skákir en tapaði þremur, eða
jafnmörgum og hann tapaöi á öllu
árinu 1990.
Sænska skákdrottningin Pia
Cramljng, sem svo eftirminnilega
vann hug og hjörtu íslenskra
áhorfenda á Búnaðarbankamótinu
1984, var nálægt því að ná áfanga
að stórmeistaratitli karla. Illu heilli
Skák
Jón L. Árnason
tapaði hún í síðustu umferð fyrir
finnska alþjóðameistaranum Máki
eftir að hafa átt vinningsstöðu.
Er þrjár umferðir voru til loka
var Pia farin að eygja áfangavon.
Ég var svo heppinn að mæta henni
þá og að vonum komu upp í hugann
ófá tækifærin sem ég lét fara for-
görðum í áþekkri stöðu. Nú var
gott að sitja réttum megin við borð-
ið. Mér tókst að vinna Piu í þriðja
skiptið í röð en enn tel ég mig þó
eiga eitthvað inni hjá þessari
skæðu skákkonu eftir „bakstur-
inn“ á Búnaðarbankamótinu forð-
um.
Hvítt: Jón L. Arnason
Svart: Pia Cramling
Sikileyjarvörn
1. e4 c5 2. R13 e6 3. d4 cxd4 4. Rxd4
Rc6 5. Rc3 Dc7 6. Be2 a6 7. 0-0 Rf6
8. Khl Rxd4 9. Dxd4 Bc5 10. Dd3 h5
11. f4 Rg4 12. e5 d6!?
Slæmt er 12. - Rf2 + ? 13. Hxl2
Bxf214. Re4 Bc5 15. Dc3 Bb616. Da3
o.s.frv. en 12. - b5 er algengari leik-
máti.
13. exd6
Eftir 13. Re4 er 13. - d5! sterkt
svar.
13. - Dxd6 14. Dxd6
Svartur á laglegan hnykk eftir 14.
Dh3? RÍ2+ 15. Hxf2 Bxf2 16. Re4,
nefnilega 16. - Db4! með mátógnun
í borðinu. Einnig má svara 14. Dg3
með 14. - f5! er hvítur á óhægt með
að þróa stöðu sína.
14. - Bxd6 15. Bf3 Hb8 16. Re4 Be7
17. Rf2 15?!
Freistandi en hæpið frá stöðuleg-
um sjónarhóli. Betra er 17. - Rxf2
18. Hxf2 b5 er svartur hefur alla
möguleika á að jafna taflið.
18. Rd3 Bd7 19. a4 b6 20. Hel Hc8 21.
He2 Hc7
Athyglisvert er 21. - Bc6, því að
22. Hxe6 Bxf3 23. gxí3 Hxc2 gefur
svörtum góð gagnfæri. Nú verða
stöðuyfirburðir hvíts augljósir.
22. b3 Bf6 23. Bb2 KÍ7 24. c4 a5 25.
h3 Bc8 26. Hdl Hd7
8 JL I
7 E # i
6 Í ii
5 A Á Á
4 A : A
3 A th ,ÉL A
2 ÉL H ■ A:
A B C D Á? E F G H
27. Bc6! Hd6 28. Bb5!
Þessi tilfærsla biskupsins gefur
hvitum vinningsstöðu, því að nú
er mögulegt að drepa riddarann
framsækna á g4. Hann kemst held-
ur ekki undan, því að ef 28. - Rh6,
þá 29. Be5 Hdd8 (29. - Bxe5 30.
Rxe5+ Ke7 31. Rg6+ og vinnur) 30.
Bc7 riðar svarta taflið til falls. Og
ef 28. - Hhd8 29. c5! bxc5 30. hxg4
og vinnur, því að nú er riddarinn
á d3 í biskupsvaldi.
28. - Bb7 29. Be5 Hdd8 30. Bxf6 Kxf6
Eða 30. - Rxf6 31. Ré5+ Ke7 32.
Rg6 + Kf7 33. Rxh8 + og vinnur létt.
31. hxg4 hxg4+ 32. Kgl Hd4 33. Hdel!
Bc8 34. c5 Hhd8 35. cxb6
Og svartur gaf. Ef 35. - Hxd3 36.
Bxd3 Hxd3 37. b7 Bxb7 38. Hxe6+
Kf7 39. He7+ KfB 40. Hxb7 og tjald-
ið fellur.
Snorri varð efstur
Keppni í áskorendaflokki og opn-
um flokki á Skákþingi íslands fór
fram um páskana. I áskorenda-
flokki var teflt um tvö sæti í lands-
liðsflokki. Hlutskarpastur varð
Snorri G. Bergsson, sem hlaut 7 v.
af 9 mögulegum, en Helgi Áss Grét-
arsson og Áskell Örn Kárason feng-
u 6,5 v. og verða að heyja einvígi
um landsliðssæti. Árni A. Árnason
varð i 4. sæti með 6 v. Þátttakendur
voru 24 talsins.
í opnum flokki sigraði Þröstur
Þráinsson frá Akranesi, sem hlaut
7,5 v. af 9 mögulegum. Sigurbjörn
Björnsson, Skákfélagi Hafnarfjarð-
ar, Arnar E. Gunnarsson og Hann-
es Hrólfsson, TR, fengu 6,5 v. og
urðu í 2.-4 sæti. í opnum flokki
tefldu 34 skákmenn.
-JLÁ
LAUGARDAGUR 6. APRÍL 1991.
17
Menning
Engin venjuleg annna
Leikfélagið Grímnir í Stykkishólmi frumsýndi á skír-
dag, 28. mars sl, barnaleikritið Amma þó eftir Olgu
Guðrúnu Árnadóttur.
Amma Guðlín er engin venjuleg amma og hún býr
heldur ekki við neinar venjulegar aðstæður. Hún held-
ur heimili með syni sínum, sem er ekkjumaður, og
tveimur börnum hans, Fíu og Fjódóri. Pabbinn er
trillukarl sem ekki hefur dregið bein úr sjó svo mánuð-
um skiptir en er þó fullur bjartsýni um að betri tímar
séu í vændum. En amma og börnin lifa ekki á bjart-
sýni pabba. Húsaleigan verður ekki greidd með tómum
niðursuðudósum né bjartsýnisvalsinn martreiddur
oní tóman maga. Börnin dreymir um betri heim þar
sem lífsgleði, friður og hamingja ríkir.
En þetta er engin draumaveröld sem við búum í.
Alls konar öfl koma í veg fyrir að draumarnir rætist
og það kemur í hlut ömmu að kljást við þau og ráða
fram úr vanda fjölskyldunnar. Innkoma ömmu Guð-
línar er með glæsibrag og gefur tóninn - þannig að
ekki verður um villst hvaða persónu hún hefur að
geyma. Börnin eru ein heima og bíða eftir ömmu sem
er úti í bæ í atvinnuleit þegar hún skyndilega kemur
hjólandi á svo ólöglegum hraða að bremsufarið nær
yfir alla stofuna. Atvinnuleitin hefur engan árangur
borið og ofan á allt bætist að sú gamla er eftirlýst af
lðgreglunni fyrir glannaskap á reiðhjólinu.
Áhorfendum verður strax ljóst að amma er kona sem
ekki lætur sér allt fyrir brjósti brenna. Hún bítur af
sér lögregluna og þá félaga Braskara-Björn og Stúf sem
sjá um að innheimta húsaleiguna fyrir aurasálina
Salómon en hann á flest húsin í götunni og tekur fyr-
ir okurleigu sem er auðvitað ekki í neinu samræmi
við ástand íbúðanna.
Braskara-Björn kemur ömmu samt í skilning um það
að fjölskyldan verði borin út ef þau standa ekki í skil-
um meö leiguna svo að hún grípur til ýmissa ráða til
að afla tekna - en allt án árangurs. Hún reynir meira
að segja að feta í fótspor Hróa hattar og tekst að sann-
færa Fíu og Fjódór um að ekkert rangt sé við það að
ræna þá ríku, þ.e. Salómon. Þegar það mistekst er fjöl-
skyldan komin á götuna og allt annað en bjart fram
undan. Hjálpin kemur svo úr óvæntustu átt eins og í
öllum góðum'ævintýrum.
í söngvum aðalpersónanna kemur fram þráin eftir
betri heimi þar sem lífið er ekki metið á mælistiku
auðs og valda, þar sem fólk leitar ævintýranna í brjósti
sjálfs sín og gleymir ekki draumnum sem það eitt sinn
trúði á. Að öðrum kosti er hætt við að veröldin fyllist
af fýlupúkum og ég gat ekki séð að krakkarnir á frum-
sýningunni hefðu sérstakan áhuga á því að það gerðist.
Það telst alltaf til tíðinda þegar leikrit eru sett upp
úti á landsbyggðinni. Þó er það gert á hverju ári og
stundum fleiri en eitt stykki. Allir vita sjálfsagt hversu,
fórnfúst starf áhugaleikfélaga er þar sem eini atvinnu-
maðurinn er venjulega leikstjórinn en annað starfs-
fólk sýningarinnar er fólk á öllum aldri sem leggur á
sig æflngar svo vikum skiptir eftir vinnu og skóla.
Þess vegna skapast alltaf sérstök stemning á frumsýn-
ingu á stað þar sem allir leikararnir eru annaðhvort
Úr sýningu Leikfélagsins Grímnis á Ömmu þó eftir
Olgu Guðrúnu Árnadóttur.
Leildist
Eyþór Benediktsson
frændur eða frænkur manns, vinnufélagar eða ná-
grannar. Eftirvæntingin felst ekki síst í því að sjá sam-
borgarana í óvæntum og nýjum hlutverkum.
Aðalhlutverkið, ömmuna, lék Ingibjörg Hinriksdótt-
ir. Langmest mæðir á henni og tókst Ingibjörgu að
gera hana að eftirminnilegri og sannfærandi persónu.
Hún var skemmtileg blanda af gamalli konu og prakk-
ara, án þess að ofleika á nokkurn hátt. Fíu og Fjódór
léku þau Anna S. Baldursdóttir og Jóhannes H. Smára-
son. Líklega gera þessi hlutverk í leikritinu mestar
kröfur til áhugaleikara þar sem Fía og Fjódór eru
ósköp venjulegir krakkar og bjóða því ekki upp á neinn
sprelligosa- eða trúðsleik. Þeim tókst þó vel upp báðum
og sérstaklega hafði ég gaman af Jóhannesi sem ég
veit ekki til að hafl fyrr leikið í „alvöru leikriti".
Skúrkaparið Braskara-Björn og Stúf léku þeir Jón
Þór Sturluson og Njáll Þórðarson. Björn er ísmeygileg-
ur svikahrappur og illmenni sem glottandi féflettir
fátæklinga og einfeldningurinn Stúfur er hinn hug-
lausi aðstoðarmaður hans. Saman áttu þeir góðan leik
og náðu vel til barnanna á fremstu bekkjunum sem
skemmtu sér konunglega yflr ófórum þeirra. Þór Sig-
urðsson lék Salómon og Sveinn Ingi Lýðsson pabba
krakkanna. Það voru ekki stór hlutverk en þeir kom-
ust þó báðir vel frá sínu. Þá var Siggeir Pétursson
hrein óborganlegur í hlutverki lögregluþjóns. Smærri
hlutverk voru öll í höndum unglinga sem voru að stíga
sín fyrstu spor á fjölunum. Þar eru áreiðanlega nokkr-
ir sem eiga eftir að láta meira að sér kveða ef leiklistar-
bakterían hefur tekið sér varanlega bólfestu í þeim.
Leikfélagið Grimnir i Stykkishólmi sýnir í Félagsheimili Stykk-
ishólms AMMA ÞÓ!
Höfundur: Olga Guðrún Árnadóttir
Leikstjóri: Hörður Torfason
Leikmynd: Þorsteinn Ólafsson
Lýsing: Þorsteinn Jónsson
Búningar: Ingunn Jakobsdóttir, Bára Jónsdóttir
Förðun: Ingveldur Eyþórsdóttir, Gréta Bentsdóttir
Tilboð
Tilboð óskast í Baader 150 karfaflökunarvél í eigu
þrotabús Hafíss hf., Kópavogi.
Frekari upplýsingar gefur Rúnar Mogensen hdl.,
Hamraborg 12, Kópavogi, í síma 43900.
AÐALFUN0UR
Aðalfundur Olíufélagsins h.f.
verður haldinn þriðjudaginn 16. apríl 1991
á Hótel Sögu, Súlnasal
og hefst fundurinn kl. 14.00.
DAGSKRÁ
1 > Venjuleg aðalfundarstörf skv. 14. gr.
samþykkta félagsins.
Tillaga um útgáfu jöfnunarhlutabréfa.
3. Tillögur um breytingar á 4., 5. og 16 gr.
samþykkta félagsins.
4. Önnur mál, löglega upp borin.
Dagskrá, endanlegar tillögur og
reikningar félagsins munu liggja frammi á
aðalskrifstofu félagsins, hluthöfum til sýnis,
viku fyrir aðalfund.
Aðgöngumiðar og fundargögn verða
afhent á aöalskrifstofu félagsins
Suðurlandsbraut 18,4. hæð,
frá og með 11. apríl, fram að
hádegi fundardag.
Stjórn Olíufélagsins h.f.
Olíuf élagiö hf
ENN FULLKOMNARI...
...ENN BETRA VERÐ
Glæsilegur staðalbúnaður m.a.:
Vökvastýri, rafdrifnar rúður
fjarstýrðar samlæsingar
o.fl.ofl. ...
Verð frá 1.080 þús st.gr. (5 dyra)
SYNING UM HELGINA:
LAUGARDAG KL. 10.00 -17.00
SUNNUDAG KL. 13.00 -17.00