Dagblaðið Vísir - DV - 30.10.1991, Blaðsíða 28

10
M11)VIKUDACjUIi 30. OKTÓBK|{ 1991.
Merming
Bob Marley And The Wailers - Talking Blues:
Útdráttur úr útvarpi
Fyrir nokkru barst mér í hendur óven.iuleg hljómplata meö Bob Marley
And The Wailers. Sennilega hefur hún veriö sett á markað i tilefni tíu
ára ártíðar reggaekonungsins. í maí síöastliðnum var einmitt liöinn ára-
tugur síðan hann lést.
A plötunni Talking Blues er blandað saman tónum og tali. Á henni eru
ellefu lög. Á milli þeirra er skotið bútum úr viðtali sem tekið var við Bob
Marley í útvarpi árið 1975. Viðtalið sjálft var um tveggja klukkustunda
langt. Af því fáum við að heyra um níu mínútur á Talking Blues. Því
miður talar Marley svo ógreinilega á köflum að erfitt er að skilja hann.
Umræðuefnið er þó greinilega fyrst og fremst tónlist sem og Haile Se-
Hljómplötur
Ásgeir Tómasson
lassie Eþíópíukeisari sem var nýlátinn er viðtalið var tekið.
Sjö af ellefu lögum Talking Blues tengjast einnig útvarpi. Þau eru út-
varpshljóðritun frá því er Wailers komu í fyrsta skipti í hljómleikaferð
til Bandaríkjanna. Tæknilega eru þau því ekki jafnvel flutt og væru þau
tekin upp í „venjulegu" hljóðveri en ættu að skoðast sem heimild um það
hvernig Wailers hljómaöi um það leyti sem hún sló í gegn utan heima-
landsins, Jamaica.
Talking Blues er því miöur aöeins sýnishorn. Ég hefði viljað heyra allt
viðtaliö við Bob Marley á einni plötu og síðan útvarpshljóöritunina alla
á annarri. Platan eins og hún er er vart til annars fallin en að vekja for-
vitni og langa til að heyra meira.
Natalie Cole - Unforgettable:
Vandvirkni, «1-
finning, virðing
Satt best að segja hefur Natalie Cole lengst af vakið athygli mína, fyrst
og fremst fyrir að vera dóttir föður síns. Vissulega hefur hún sannað það
á undanförnum hálfum öðrum áratug að hún getur sungið og það áheyri-
lega. En það eru bara svo skrambi margar góðar þeldökkar söngkonur
til og allt of margar eru þær að fást við keimlíka hluti.
Meö plötunni Unforgettable þykir mér hækka hagur strympu. Á henni
eru 22 lög sem faðir Natalie, Nat King Cole, geröi vinsæl á farsælum söng-
ferli sínum. Flest eru þau fyrir löngu komin í flokk með sígrænum dægur-
perlum. Við vinnslu plötunnar kemUr við sögu ótrúlegur fjöldi hljóðfæra-
leikara sem sumir hverjir unnu með Nat King Cole á sínum tíma og útse-
tjararnir eru löngu búnir að vinna sér nafn á sínu sviði. Þeir eru Johnny
Mandel, Michel LeGrand og Bill Holman.
Unforgettable er einhver áheyrilegasta platan sem kom út síðastliðið
sumar. Þá sem gaman hafa af gömlu rómantísku lögunum sem Nat King
Hljómplötur
Ásgeir Tómasson
Cole, Bing Crosby, Frank Sinatra og fleiri slíkir gerðu ódauðleg áður fyrr
á áratugunum ætti Natalie Cole að hitta beint í hjartastað með plötunni.
Túlkun hennar á lögum eins og Smile, Too Young, L-O-V-E og fleirum
er afar trúverðug og í hressari lögunum hæfir gamli stíilinn henni einn-
ig vel. Þannig eru Paper Moon, Route 66 og Straighten Up And Fly Right
í góðu lagi.
Tvennt er þó öllu öðru áheyrilegra á Unforgettable. Annars vegar syrpa
laganna For Sentimental Reásons, Tenderly og Autumn Leaves og hins
vegar dúettinn Unforgettable. Þar syngja feðginin saman. Með stafrænni
tækni reyndist unnt að blanda gamalli upptöku með Nat saman við nýja
sem Natalie söng. Slíkar brellur þekkjast en aldrei hefur jafnvel tekist
til og nú. Þannig hljómar undirleikurinn meðan Nat fer með sínar línur
jafnsuðlaus og dýnamiskur og þegar dóttir hans syngur. Misfellur eru
engar. Myndband með laginu hefur einnig heppnast sérlega vel.
Fyrir nokkrum árum söng Linda Ronstadt gamlar perlur inn á plötur
ásamt hljómsveit Nelsons Riddles. Þær plötur þóttu takast ákaflega vel.
Platan Unforgettable er engu síðri. Natalie Cole er betri og kraftmeiri
söngkona en Linda. Að auki syngur hún gamla smelli föður síns með
sérstakri og eftirtektarverðri tilfinningu. Og ekki. síst viröingu.
Rit þetta er samsett úr skýrslu rektors, skýrslum níu starfsnefnda háskólaráðs og skýrslum Rannsóknaþjón-
ustu Háskólans og Skjalasafns Háskólans.
Aukin tiltrú
Háskóla íslands
á eigin
„Háskóla íslands hefur vegnað vel því að honum
hefur tekist að virkja enn betur orku og fjölþætta
hæfileika starfsmanna sinna og auka þannig tiltrú
þeirra á eigin mátt og málstað." Þannig er komist að
orði í nýútkomnu riti er fjallar um framvindu starfs-
ins innan Háskóla íslands á rektorstímabili dr. Sig-
mundar Guðbjarnasonar, þ.e. á árunum 1985-1991.
Rit þetta er samsett úr skýrslu rektors, skýrslum
níu starfsnefnda háskólaráðs og skýrslum Rannsókna-
þjónustu Háskólans og Skjalasafns Háskólans.
í stefnuræðu sinni hausið 1985 tilgreindi rektor fjög-
ur viðfangsefni sem mikil áhersla yrði lögð á: (1) að
endurskoða menntastefnu Háskólans, (2) að endur-
skoða vísindastefnu Háskólans, (3) að auka kynningu
á starfsemi Háskólans og (4) að efla stjórnsýslu Háskól-
ans og þjónustu.
Það er vel til fundið hjá dr. Sigmundi að gera upp
málin í lok rektorstimabils síns þannig að meta megi
hvernig til hafi tekist að framfylgja boðaðri stefnu.
Það hefur verið gæfa Háskólans aö hafa í fylkingar-
brjósti mikilhæfa menn og á það jafnt við um dr. Sig-
mund og fyrirrennara hans, dr. Guðmund Magnússon
prófessor svo og nýkjörinn rektor, Sveinbjörn Bjöms-
son prófessor. En hver rektor hefur sinn stíl og Sig-
mundur Guðbjarnason setti óneitanlega mikinn og
ágætan svip á Háskólann í rektorstíð sinni.
Það leynir sér ekki viö lestur þessa rits að margt
hefur breyst í Háskóla íslands á því tímabili sem hér
um ræðir. Því er haldið fram að rannsóknir séu meiri
og markvissari en áður og bent er á að rannsóknar-
skrár sýni aukin afköst með ári hverju.
Á kennslusviðinu fer kannski einna mest fyrir því
að tekið hefur verið upp reglulegt mat á viðhorfum
nemenda til námskeiða og frammistöðu kennara. Þessi
nýjung mun þó umdeildari en fram kemur í þessu riti.
En samhliða henni hafa verið haldin námskeið fyrir
kennara þar sem þeim gefst kostur á að bæta kennslu-
tækni sína. Þá er athyglisverð aukin áhersla Háskól-
ans á símenntun. Fer námskeiðum á vegum endur-
menntunarnefndar Háskólans sífellt fjölgandi.
Rannsóknaþjónusta Háskólans er meðal athyglis-
verðra nýjunga sem sáu dagsins ljós á umræddu tíma-
bili. Henni er ætlað að miðla upplýsingum til fyrir-
tækja og stofnana utan Háskólans og auðvelda tengsl
þeirra við háskólakennara.
Þá hefur aukið starf kynningamefndar leitt til þess
að Háskóhnn er mikið meira í sviðsljósinu en áður
mátt?
var og raunar hefði mátt bæta því við að dr. Sigmund-
ur hefur meðal annars í ræðum sínum við brautskrán-
ingu kandídata haft lag á því að vekja athygli fjölmiðla.
Uppbygging á húsnæði Háskólans hefur haldiö
áfram á tímabilinu og munar þar ekki minnst um
Tæknigarð, en að starfsemi hans standa auk Háskóla
íslands Reykjavíkurborg, Þróunarfélag íslands h/f,
Félag íslenskra iðnrekenda, Iðntæknistofnun íslands
og Tækniþróun h/f.
Það sem stendur þó upp úr í huga flestra frá rektorst-
íð dr. Sigmundar eru hinar miklu breytingar sem orð-
Bókmenntir
Gunnlaugur A. Jónsson
ið hafa á stjórnsýslu Háskólans. Breytingar þessar
urðu að lögum 5. maí 1990. Er stjórnsýslunni skipt upp
í sex verkefnasvið og er framkvæmdastjóri yfir hverju
þessara sviða.
Alþjóðasamskipti Háskólans hafa og aukist mjög og
eiga örugglega eftir að aukast um allan helming á
nsætu árum. Þegar hafa verið gerðir samningar við
yfir 50 erlenda háskóla um formleg samskipti. Þessi
þróun hefur leitt til mikillrar íjölgunar erlendra stúd-
enta við Háskóla íslands og stunduðu um 200 erlendir
stúdentar nám við skólann á síðastliðnu háskólaári.
í ritinu er einnig gerð grein fyrir átökum sem oröið
hafa á milli Háskólans og ríkisvaldsins. Er á lokaorð-
um rektors að skilja aö þessi átök haíi oröið til góðs
er hann segir: „Baráttan fyrir auknu sjálfstæði Háskól-
ans hefur gefið honum nánast sjálfstæði við mannar-
áðningar og viö ráðstöfun fjárveitinga og sjálfsaflafj-
ár.“ Erfiðasta vandamál Háskólans segir rektor vera
léleg kjör hjáskólakennara.
Þess er ekki að vænta af riti sem samsett er úr
skýrslum nefnda að það sé sérstök skemmtilesning,
en óhætt er að segja að hér sé um að ræða velheppnað
yfirlit um starf Háskóla íslands á tímabili þar sem
margt hefur breyst í starfsemi hans. Vafalaust er það
og rétt að tiltrú margra starfsmanna skólans á eigin
mátt og málstað hafi aukist á þessu tímabili.
Háskóli íslands
Framvinda og framfarir 1985-1991
Háskólaútgáfan 1991, 147 bls.