Dagblaðið Vísir - DV - 21.03.1992, Blaðsíða 9

LAUGARDAGUR 21. MARS 1992.
9
125 áraverslunarafmæliBorgamess:
Sérverslanir alltaf þrifist hér
- segirErlaBjörkDaníelsdóttir
„Þegar ég byijaði við verslunar-
störf, aðeins íjórtán ára gömul, var
sveitaverslunin nær allsráðandi
hérna í Borgamesi. Síðan fóru sér-
verslanirnar að spretta upp hver af
annarri. Þegar við byrjuðum með
búðina okkar var mikið af slíkum
verslunum hér og mikið líf í kring
um þær,“ segir Erla Björk Daníels-
dóttir, kaupmaður í Borgarnesi. Erla
Björk rekur í dag elstu sérverslunina
í Borgarnesi sem verið hefur í eigu
sömu aðila frá stofnun, Verslunina
Ísbjörninn/Bókabúð Grönfeldts.
Borgnesingar fagna 125 ára versl-
unarafinæli um þessa helgi. 22. mars
1867 fékk Borgarnes verslunarrétt-
indi en þar hafði verslun reyndar
verið stunduð frá 1854. 1877 var
fyrsta verslunarhúsið reist og fyrsta
íbúðarhúsið ári síðar. Hófst þá bú-
seta í Borgarnesi. í fyrstu voru
danskir og norskir kaupmenn þar
með verslun en síðar enskir. Eftir
aidamót var starfrækt gistihús í
Borgarnesi og nokkur þjónusta við
ferðamenn. Vegir í nágrenninu höfðu
verið lagfærðir og allnokkrir áttu
hesta og vagna sem notaðir voru við
uppskipun. Síðan jókst verslun jafnt
og þétt og síðastliðna tvo áratugi
hefur aUnokkur uppgangur verið í
Borgarnesi. Fjöldi nýrra iðnfyrir-
tækja, þjónustufyrirtækja og stofn-
ana auk samgöngubóta eiga þar hlut
að máli. Munar þar ekki minnst um
Borgarfjarðarbrúna sem tekin var í
notkun 1981. í Borgarnesi búa nú um
1800 manns.
Viðmælendur DV sögðu sumir að
verslun í Borgamesi hefði tekið
nokkram breytingum með tilkomu
brúarinnar. Þá hefði alls kyns þjón-
usta við ferðamenn tekið mikinn
kipp upp á við en önnur verslun dal-
að. Umferðin hefði verið í báðar áttir
- um leið og fleira ferðafólk hefði
komið í Borgames hefðu fleiri Borg-
nesingar farið út úr bænum í versl-
unarerindum.
Erla Björk segir verslun hafa
tengst fjölskyldunni frá því snemma
á öldinni. Hún er sjálf innfæddur
Borgnesingur og maðurinn hennar,
Frá Englendingavík við Borgarnes
um 1930. Aðgrunnt er við Borgarnes
og því líklegt að sjórinn hafi verið
hlýr þegar myndin var tekin en þar
sjást hraustir Borgnesingar við
sundiðkun. Verslunarhús Kaupfé-
lagsins, Bryde-hús, eru í baksýn.
Þórleifur Grönfeldt, sem lést fyrir
sex árum, var frá Beigalda í Borgar-
hreppi. Faðir hans kom til landsins
til að kenna íslendingum meðferð
mjólkur. Hann rak síðan Hótel Borg-
ames um tíma.
Seldu mikið af fatnaði
„Ég byijaði að vinna hjá verslunar-
félaginu Borg 14 ára og hef ekki unn-"
ið við annað en verslun síðan. Við
hjónin stofnuðum okkar eigin versl-
un 17. júní 1956. Þá var mikil sveita-
verslun í Borgamesi en við tengd-
umst henni lítið, vorum ekki með
reikningsviðskipti. Við byijuðum að
selja tískuvörur og síðan bættust aUs
kyns gjafavörur við. Það gekk vel
þegar við byijuðum, við seldum heil-
mikið af fatnaði. Bækurnar komu
ekki inn fyrr en 1967. Við sóttum um
bóksöluleyfi þegar önnur verslun
hætti og fengum það. Eftir að maður-
inn minn dó fyrir sex ámm ákvað
ég að minnka við img og sníða mér
stakk eftir vexti. Ég hætti að mestu
með gjafavörurnar og flutti búðina
nokkrar húslengdir.“
Meðal sérverslana, sem vom í
Borgarnesi þegar Erla og Þórleifur
byijuðu með sína verslun, voru
Verlsunarfélagið Borg, Verslunarfé-
lag Borgarfjarðar, Verslun Kristjáns
Jónassonar eða Kiddabúð, Verslun
Bjarna Guðjónssonar, Hannyrða-
verslun Jórunnar Backmann og
fleiri.
„Það hefur orðið nokkur breyting
á verslun síðan þá, margar sérversl-
anir hafa hætt. Það var meira fólk á
ferðinni í þá daga, meira umstang.
Brúin var náttúrlega stórkostleg
samgöngubót en áður en hún kom
til var mjög blómleg verslun hérna.
Fólk kom úr nágrenninu og það var
töluvert líf. Með brúnni jukust hins
vegar verslunarferðir fólks suður en
með auknum áróðri fyrir verslun í
heimabyggð hefur þetta lagast.“
Opnum í dag glæsilega
gluggatjalda- og vefiiaðarvöruverslun í
SKEIFUNNI8
15% afmælisafsláttur í öllum
Vogue búðunum til mánaðarmóta.
Opið kl. 10-2 í dag.
Skeifiinni 8, sími 814343. Skólavörðustíg, Mjóddinni, Hafnarfirði, Selfossi, Keflavík, Akureyri.
Alltaf einhver traffík
Erla segir verslunarhætti fólks
ekki hafa breyst neitt óskaplega þau
35 ár sem hún hefur rekiö verslun
sína. Reyndar spáir fólk meira í verð-
lag núna en áður. En er einhver traff-
ík í búðinni hennar?
„Þetta er árstíðabundið. Rólegustu
mánuðirnir eru eftir áramótin. Fólk
kaupir ekki bækur nema fyrir jól og
svo vegna afmæla og ferminga og
þess háttar. Ég er umboðsmaður fyr-
ir öll stóru happdrættin svo að það
er alltaf einhver traffik hjá mér.
Annars er ég ein eftir að ég flutti
verslunina fyrir 3 ámm, áður af-
greiddum við tvær. Þó ég selji bæði
bækur og fatnað þá er þetta ekki
stærra en svo að ég ræð við þetta ein.
En búðin gengur áægtlega, sérversl-
un hefur alltaf þrffist hér og munu
alltaf gera það, hvað sem öllum svipt-
ingum liður,“ segir Erla. -hlh
Erla Björk Danielsdóttir kaupmaður í verslun sinni, versluninni ísbirnin-
um/Bókabúð Grönfeldts, í Borgarnesi. Það er elsta starfandi sérverslunin
þar sem verið hefur i eigu sömu aðila frá stofnun. DV-mynd Brynjar Gauti