Dagblaðið Vísir - DV - 21.03.1992, Qupperneq 25

LAUGARDAGUR 21. MARS 1992.
25
Óskastund Stöðvar 2:
„Loksins ánægð
með útkomuna"
- segir Edda Andrésdóttir, umsjónarmaður þáttarins
Tveir dagar fara í æfingar i stúdíói fyrir beina útsendingu. I „litla“ salnum, þar sem Óskastundin fer í loftið, er því mikið um að vera rétt áður en stóra
stundin rennur upp. Sigurður Jakobsson útsendingarstjóri segir mönnum hér til.
Edda Andrésdóttir, umsjónarmaður Óskastundar, ræðir við Bergþóru Árna- Sigríður Beinteinsdóttir æfir sig. Starfsmaður heldur á spjaldi þar sem texti
dóttur sex tímum fyrir beina útsendingu sl. þriðjudagskvöld. lagsins stendur skýrum stöfum fyrir söngkonuna. DV-myndir Brynjar Gauti
„Þegar ákveðið var í upphafi að ég
færi af stað með skemmtiþátt datt
mér í hug að leyfa fólk um allt land
að móta þáttinn með mér. Ég hringdi
í alla bæjarstjóra kaupstaðanna og
óskaði eftir samstarfi, að þeir veldu
skemmtinefndir," sagði Edda Andr-
ésdóttir, umsjónarmaður Óska-
stundarinnar á Stöð 2, er DV gafst
kostur á að fylgjast með undirbún-
ingi þáttarins sl. þriðjudag.
Bein útsending á skemmtiþætti á
sér langím aðdraganda og miklar
æfingar standa yfir áður en þáttur-
inn fer í loftið eins og það er kallað.
Edda segir að bæjarstjórar landsins
hafl tekið ósk hennar vel á sínum
tíma og samstarfið við skemmti-
nefndimar gengið átakalaust. „Það
eru fimm manns í skemmtinefnd á
hverjum stað á mismunandi aldri.
Nefndin á að vera tilbúin með sitt
efni þegar kallið kemur. Einn frá
hverri skemmtinefnd þarf síöan að
mæta í þáttinn til að snúa skífunni
en hún sýnir hvaða nefnd tekur til
starfa næst,“ sagði Edda ennfremur.
Það er ennfremur skemmtinefndin
sem velur gesti sem fá að sitja í saln-
um í útsendingu. Síðast en ekki síst
er hlutverk hennar að finna fjölhæft
fólk til að taka þátt í svokallaðri
kraftakeppni.
Þrír þættir eftir
Edda segir að það hafi tekið nokk-
um tíma að slípa þáttinn enda var
rennt bhnt í sjóinn með þessu fyrir-
komulagi. „Mér finnst eins og það
hafi ekki verið fyrr en jólaþátturinn
fór í loftið að hann hafi smolhð sam-
an. Haustið var ákveðinn reynslu-
tími fyrir okkur sem stóðum að þessu
og þátturinn var að þróast afian þann
tíma. En núna, þegar maður er orð-
inn nokkuð ánægður með útkomuna,
er komið að leiðarlokum því aðeins
þrír þættir eru eftir,“ hélt Edda
áfram.
„Það er ofboðslega erfitt að þróa
skemmtiþátt og ég hefði í raun aldrei
trúað hvað skemmtihransinn er í
raun erfiður," sagði Edda og hló.
„Hljómsveitin í þáttunum, Sléttuúlf-
amir, er skipuð tónUstarmönnum
sem hafa ótrúlega reynslu og án
þeirra væri ekki mikið gert,“ sagði
hún. „Þessi tími hefur verið ákveð-
inn reynslutími og ég held að fólk
hafi þurft að venjast formi þáttarins.
Það em aðeins tveir íslenskir
skemmtiþættir á dagskrá, við og
Hemmi Gunn. Óskastundin er iðu-
lega borin saman við Hemma. Hann
hefur hins vegar verið „einkasonur"
þjóðarinnar í fimm ár og hefur þann
hæfileika að vera í beinni útsendingu
eins og engar myndavélar væm til á
meðan við emm enn í þróuninni,"
sagði Edda ennfremur.
Skemmtilegar
uppákomur
„Það hefur verið mjög spennandi
að vinna við þessa þætti og gefið mér
heilmikiö. Margt skemmtilegt hefur
komið upp eins og að fá Gautana frá
Siglufirði hér í beina útsendingu en
þeir hafa ekki komið fram í mörg ár.
Þá fengum við ennfremur B.G. og
Ingibjörgu sem einnig voru að koma
fram eftir margra ára viðskilnaö og
þannig mætti lengi telja."
Edda er í fullu starfi hjá Stöð 2 að
vinna þáttinn enda mikið starf að ná
öllu því fólki saman sem skemmti-
nefndin setur á óskalistann. Hún
heimsækir þó ekki þá staði sem ráða
þáttunum heldur er í stöðugu sím-
sambandi við nefndirnar. „Það er
heilmikil vinna í undirbúningnum.
Ætli megi ekki segja að þetta sé gam-
an en afar krefjandi. Svo er auðvitað
ákveðin spenna við beinu útsending-
una,“ sagði Edda.
Það er Stöð 2 sem kostar Óska-
stundina en Happdrætti Háskóla ís-
lands tekur þátt í þeim kostnaöi enda
hefur það útdrátt í happdrætti sínu,
Happó, í þættinum.
Sigurður Jakobsson hefur verið
útsendingarstjóri.þáttarins frá ára-
mótum og mun halda þvi starfi í þeim
þáttum sem eftir eru. Salur sá sem
Óskastundin er tekin upp í er ekki
stór, aðeins um 200 fermetrar. Það
bregður því allmörgum í brún þegar
þeir koma þar inn. Edda sagði að
flestir hefðu á orði: „Hva, er þetta
svona lítill salur. Hljómburðurinn er
mjög góður fyrir þá sem staddir eru
í salnum en hann skilar sér ekki eins
vel til áhorfenda Stöðvar 2.“
Kom frá Danmörku
í þættinum sl. þriðjudag voru það
Hvergerðingar sem völdu sér óska-
skemmtikrafta. Meðal þeirra sem
þar komu fram var Bergþóra Áma-
dóttir, brottfluttur Hvergerðingur,
en hún býr á Jótlandi. Bergþóra
sagðist einungis hafa komið til lands-
ins til að syngja í þættinum. Hún
hefur búið í Danmörku í fjögur ár
en sl. haust fluttu aldraðir foreldrar
hennar þangað líka. Þau bjuggu í
Hveragerði, seldu húsið sitt og
keyptu annað á Jótlandi. „Þau eru
með stóran fallegan garö og njóta sín
í garðræktinni," sagöi Bergþóra í
samtali við DV og sýndi myndir því
til sönnunar. Bergþóra sagðist ekki
hafa hug á að flytja heim aftur en
hún er nú í námi.
Bergþóra sagði þegar hún horfði á
tónlistarkennarann í Hveragerði
leika á garðkönnur að það væru allir
afar músíkalskir í þessum litla bæ
og gætu leikið á næstum hvað sem
væri. Þá vakti athygliþrítugur Hver-
gerðingur, Björgvin Ásgeirsson, sem
tók sig til og söng í þættinum, en
hann stárfar sem flutningabílstjóri.
Án efa hafa landsbyggðarmenn
mjög gaman af að taka þátt í Óska-
stund og sýna hvað í þeim býr. Edda
sagði að stundum þyrftu stjórnendur
þáttarins að taka í taumana svo efn-
isatriðin yrðu ekki of svæðisbundin
og það tækist alltaf vel. „Þetta er
fyrst og fremst góð samvinna,“ sagði
hún.
Þegar Edda var spurð hvort hún
gæti hugsað sér að taka að sér þátt-
inn aftur næsta haust, svaraði hún:
„Það er alls óvíst hvort þráðurinn
verði tekinn upp að nýju í haust en
ég gæti vel hugsað mér það. Ég er
að minnsta kosti komin með reynsl-
una núna og veit betur hvemig það
er að sjá um skemmtiþátt. Um það
hafði ég ekki hugmynd áður.“
-ELA