Dagblaðið Vísir - DV - 26.02.1994, Blaðsíða 8

8
LAUGARDAGUR 26. FEBRÚAR 1994
Vísnaþáttur
Matgæðingur vikunnar
Eg bið að heilsa
heim í ríki þitt
„Stjómmál: kurteislegt nafn á
lögum frumskógarins". Þetta er
haft eftir bridgespilameistaranum
Ely Culbertson og varla er nokkur
vafi á því að hann hefur kunnað
að spá rétt í spilin. Og einhver ann-
ar spekingur komst svo að orði:
„Það er ekki klappað fyrir stjórn-
málamönnum vegna þess sem þeir
hafa gert, heldur vegna þess sem
þeir gætu gert fyrir þá sem klappa."
Ekki efa ég sannleiksgildi þessara
orða, þykist jafnvel nokkuð viss
um að þegar stórmenni takast í
hendur megi lítilmagninn vera við-
búinn áfóllum. Og ástandið verður
þá ekki langt frá því sem Ólafur
Gíslason, bóndi á Neðri-Bæ í Ke-
tildalahreppi í Vestur-Barða-
strandarsýslu, orðar svo:
Enn er meðal aumra vor
öfga skammt á milli.
Meðan aðrir hníga úr hor
hinir deyja úr fylli.
Og þá er helsta úrræðið eitthvaö
í þá veru sem Bjarni Jónsson frá
Gröf lýsir á svofelidan hátt:
Engu er sáð í andans flög,
ekki á dáðin hreysi.
Þeir setja bráðabirgðalög
byggð á ráðaleysi.
Og ekki batnar ástandið þegar
kosningar eru skammt undan. Guð-
mundur Sigurðsson gamanvísnahöf-
undur lýsti því þannig fyrir hartnær
þrjátíu árum, og líklega hefur það
lítið (eða ekkert) batnað síðan:
Skemmstu leið til vegs og valda
virðast margir sækja fast.
Aukast nú með öllum flokkum
ýfingar og hnútukast.
Þó að fæstir þingið dái
og þjarki um störf þess æ og sí
hleypur flestum kapp í kinnar
kosninganna hríðum í.
Magnús Finnsson, bóndi í Stapas-
eli í Stafholtstungum (1884-1946),
gefur einhverjum samtíðarmanna
sinna svofellda einkunn:
Steingervinga staurblind tröll
stara opnum munni.
Þeirra ljómar ásýnd öll
af íhaldsmenningunni.
Einhverju sinni hitti Halldór
Blöndal alþingismaður þá Ólaf G.
Einarsson og Lárus Jónsson al-
þingismenn á Akureyri en þeir
voru þá að koma úr Sandá í Þistil-
firði, þar sem þeir veiða oft. En eitt-
hvað fór lítið fyrir aflanum í það
skiptið því að Halldór orti:
Hún Sandá var gruggug af
surgi,
og sargi frá Ólafi durgi,
og líkast til var
hann Lárus minn þar,
en laxarnir þeir voru hvurgi.
Það var í þingveislu, sem haldin
var á Hótel Rorg eftir þingslit, að
Hermann Jóhannesson (þá þing-
skrifari) frá Kleifum í Gilsfirði
kvaddi sér hljóðs og flutti eftirfar-
andi limrur (á nýliðnu þingi hafði
Magnús Torfi Ólafsson flutt tillögu
um að fella z úr íslenskri stafsetn-
ingu en Sverrir Hermannsson bar-
ist gegn því af ofurkappi, án þess
að hafa erindi sem erfiði - því mið-
ur):
Það var gott þegar landsfeður
létu
okkur losna viö hvimleiða zetu,
því við skrifum öll rétt,
bara ef regla er sett,
sem er miðuð við minimal getu.
En min hugmynd er hreint ekki
verri,
ég vil hætta að skrifa með erri.
Ekkert hálfkák né sút,
bara henda því út,
og sjá þá hvað verður úr Sverri.
Að sögn hló allur þingheimur -
nema Sverrir.
Alexander Stefánsson, alþingis-
maður og ráðherra, fékk þessa
umsögn frá Hermanni:
Að hreykja sér hátt það er sið-
ur,
sem hér má oft sjá, því er miður.
Það er glæsilegt oft
ef menn gnæfa við loft,
það er verst ef menn ná ekki
niður.
Þegar stjórn Gunnars Thorodds-
en var og hét 1981 var Friðjón Þórð-
arson, þáverandi dómsmálaráð-
herra, oft að velta því fyrir sér
hvort hann ætti að mæta á þing-
flokksfundi hjá sjálfstæðismönn-
um, þrátt fyrir hið „pólitíska fram-
hjáhald.". Einu sinni rétti hann
Ólafi G. Einarssyni þingflokks-
formanni blaðsnepil með vísukorni
og var yfirskriftin: Þingflokksfor-
maður, kem ekki í dag:
Vísnaþáttur
Torfi Jónsson
Ég bið að heilsa heim í ríki þitt,
er hnígur sól í vetrarskautið
sitt.
Þótt kuldinn næði enn um okk-
ar
land
mun aftur grænka túnið mitt og
þitt.
Þegar ljóst var að Sjálfstæðis-
flokkur færi í ríkisstjórn 1974 orti
Friðjón:
Léttist ok í óskabyr,
eyðist þoka blekkinganna.
Við höfum mokað flórinn fyr
að ferðalokum vinstri manna.
En allt er breytingum undirorpið.
Eftirfarandi vísa barst aö norðan
en ég veit hvorki um stund, stað
né höfund:
Þeim sem virðist viðreisnin
vera í góðu lagi
held ég myrkrahöföinginn
hafi í eftirdragi.
Böðvar Guðlaugsson kennari
yrkir svo um bágt stjórnmála-
ástand:
Þyngist róður, þríf ég pennann
þjóðina hvetjandi:
Landstjórn vor er varla á þenn-
an
vetur setjandi.
Og þá kemur hér athyglisverð til-
laga frá Flatrímara Spegilsins:
Leggjum niöur þruglsamt þing,
sem þjóðar nær ei eyra.
Það væri, held ég, hagræðing
á heimsmælikvarða, eða meira.
Torfi Jónsson
Spænsk tapasveisla
„Ég kynntist spænskri matargerð
þegar ég var við nám í Seville um
nokkurra mánaða skeið árið 1987.
Smáréttir úr ýmsum áttum eru
snæddir af kappi á börum og kaffi-
húsum Spánar," segir Styrmir
Guðlaugsson, matgæðingur vik-
unnar og blaðamaður á Eintaki.
Spænskir tapasréttir eru orðnir
mjög vinsælir hér á landi og Styrm-
ir ætlar einmitt að gefa lesendum
uppskriftir að slikum smáréttum.
Spænsk eggjakaka
(Tortilla Espanola) fyrir sex
1 kíló kartöflur
4-5 egg
50 ml olífuolía
Zi tsk. salt
1 hvítlauksrif
Hálfsjóðið kartöflurnar en þó
þannig að þær séu stinnar í gegn.
Flysjið þær og skerið í teninga sem
eru u.þ.b. 1 sm á kant. Steikið kart-
öflurnar við vægan hita í megninu
af óhfuolíunni í um tíu mínútur og
veltið þeim stöðugt svo þær brúnist
ekki. Merjið hvítlaukinn og bætið
honum út í undir lok steikingar-
innar. Þegar kartöflurnar eru hæfi-
lega steiktar - þær eiga ekki að
maukast - er olían látin renna af
pönnunni og geymd.
Þeytið því næst eggin vel með
saltinu út í og blandið kartöflunum
út í hræruna. Hitið pönnuna aftur
með olíu á og steikið eggjakökuna
við vægan hita. Renna þarf steikar-
spaða meðfram hhðunum og hrista
pönnuna annað slagið þannig að
eggjakakan haldist laus frá botnin-
um. Þegar hún er farin að fá á sig
gullinn lit er diskur settur yfir
pönnuna og eggjakökunni hvolft á
hann. Síðan er hún steikt á hinni
hliðinni í tvær til þrjár mínútur.
Spánverjar borða þessa eggjaköku
jafnan kalda í sneiðum og þannig
bragðast hún hest.
Styrmir Guðlaugsson, matgæðing-
urvikunnar. DV-mynd ÞÖK
Kraumandi rækjur
(Gambas al Pil Pil) fyrir 1
3 msk ólífuolía
1 bústið hvítlauksrif
1 rauður chili
paprika á hnífsoddi
10 ferskar úthafsrækjur
Setjið allt nema rækjurnar í litla
eldfasta skál og komið henni fyrir
á snarpheitri hellu. Þegar olían er
orðin vel heit og hvítlaukurinn og
chilipiparinn fer að taka á sig lit
eru pillaðar rækjurnar settar út í.
Borið strax fram með hvítu brauði
til að dýfa í olíuna. Ef chilipiparinn
er sterkur má nota minna af hon-
um.
Lambanýru
í sérrísósu
(Rinones al Jerez) f. 6
'A kíló lambanýru
4 msk. ólífuolía
1 lítill laukur, fínt saxaður
1 hvítlauksrif
1 msk. hveiti
1 lárviðarlauf
100 ml þurrt sérrí
100 ml kjötsoð
salt og pipar
fersk steinselja
Himnan er flysjuð af nýrunum
og fitukjarninn fjarlægður. Nýrun
skorin í sneiðar eða í fernt. Að því
búnu eru þau steikt við vægan hita
í olíunni, ath.; ef hitinn er of mikill
verða þau seig. Þegar nýrun eru
farin að brúnast létt eru þau veidd
upp úr olíunni. Fínt saxaður lauk-
urinn og hvítlaukurinn er settur
út á pönnuna og látinn mýkjast við
vægan hita sem fyrr. Þá er hveitinu
hrært út í og látið drekka í sig ol-
íuna. Því næst er lárviðarlaufið
sett út í og sérríinu og kjötsoðinu
hellt yfir. Sósan er látin malla í tíu
mínútur og krydduð til með salti
og pipar. Loks eru nýrun hituð upp
í sósunni í nokkrar mínútur.
Ferskri steinseiju stráð yfir áður
en rétturinn er borinn fram.
KartöflurAlioli
Hvítlauk og steinselju hrært út í
majónes og svolitlum sítrónusafa
bætt út í. Soðnum kartöflum bland-
að saman við.
Tómatasalat
3 bufftómatar
1 lítill laukur
25-30 svartar ólífur með steini
salt og pipar
edik
ólifuolía
Tómatarnir skomir í sneiðar og
þær lagðar á disk. Þunnt skornum
laukhringjum raðað ofan á og
svörtúm ólífum dreift yfir. Grófu
salti og nýmöluðum svörtum pipar
stráð yfir. Loks er vætt í öllu með
ediki og ólífuolíu eftir smekk.
Styrmir ætlar að skora á Emu
A. Hansen húsmóður að vera mat-
gæðingur næstu viku.

Hinhliðin DV
Draumurinn
er Ítalía
- segir Valtýr Bjöm Valtýsson íþróttafréttamaður
„Draumurinn er Italía í sum-
arfríinu," segir hinn vinsæli íþrótt-
afréttamaður Vaitýr Björn Valtýs-
son en hann sýnir á sér hina hlið-
ina í helgarblaðinu í dag. „Ég hef
mikinn áhuga á öllu því sem ítalskt
er, svo sem tungumálinu og menn-
ingunni. Svo þegar ég fór að lýsa
ítalska boltanum þurfti ég að læra
ítölsku. Mig langar til að eyða sum-
arfríinu í þessu fyrirheitna landi
ef það gengur upp.“
Fullt nafn: Valtýr Bjöm Valtýsson.
Fæðingardagur og ár: 02.05. 1963.
Maki: Halldóra Ingibergsdóttir.
Börn Svanhvít, 3 ára, Bima Ósk, 6
mánaða, og Sif, 10 ára.
Bifreið: Toyota Carina '93 sem er
til sölu.
Starf: íþróttafréttamaður.
Laun: Ekki há miðað við tíma-
fjölda.
Áhugamál: íþróttir, tónlist og allt
sem ítalskt er.
Hvað hefur þú fengið margar réttar
tölur í lottóinu? 4.
Hvað finnst þér skemmtilegast að
gera? Fara út með góðum vinum
og eiga með þeim ánægjulegt kvöld.
Hvað fmnst þér leiðinlegast að
gera? Skúra parketiö.
Uppáhaldsmatur: Rjúpur.
Uppáhaldsdrykkur: Kaffl.
Hvaða íþróttamaður fmnst þér
Valtýr Björn Valtýsson.
standa fremstur í dag? Ég vil ekki
gera upp á milli þessa góða fólks.
Uppáhaldstímarit: Ég kaupi bara
DV og Moggann.
Hver er fallegasta kona sem þú
hefur séð fyrir utan maka? Dætur
mínar. Svo hefur mér alltaf þótt
ísabella Rossellini rosalega sjar-
merandi.
Ertu hlynntur eða andvígur ríkis-
stjórninni? Hlynntur.
Hvaða persónu langar þig mest til
að hitta? Ruud Gullit.
Uppáhaldsleikari: Dustin Hoffman
og A1 Pacino.
Uppáhaldsleikkona: ísabella Ross-
ellini.
Uppáhaldssöngvari: Bono.
Uppáhaldsstjórnmálamaður:
Framarinn Davíð Oddsson.
Uppáhaldsteiknimyndapersóna:
Garfield.
Uppáhaldssjónvarpsefni: íþróttir
og fréttir.'
Ertu hlynntur eða andvígur veru
varnarliðsins hér á landi? Hlýt að
vera hlynntur því meðan þaö er
atvinnuskapandi.
Hver útvarpsrásanna fmnst þér
best? Bylgjan, að sjálfsögðu.
Uppáhaldsútvarpsmaður: Hall-
grímur Thorst. og Þorgeiríkur.
Hvort horfir þú meira á Sjónvarpið
eða Stöð 2? Stöð 2.
Uppáhaldssjónvarpsmaður?KA-
maðurinn Sigmundur Ernir Rún-
arsson.
Uppáhaldsskemmtistaður: Mér
finnst skemmtilegast í partíi með
góðum myndum.
Uppáhaldsfélag í íþróttum: Fram.
Stefnir þú að einhverju sérstöku i
framtíðinni? Að gera betur en ég
gerði í gær.
Hvað ætlar þú að gera í sumarfrí-
inu? Draumurinn er Ítalía.