Dagblaðið Vísir - DV - 26.02.1994, Side 24

24
LAUGARDAGUR 26. FEBRÚAR 1994
Menning
Glímuskjálfti
á Sigló
Frá uppfærslu Leikfélags Siglufjarðar á Glímuskjálfta.
Öm Þórarinsson, DV, njótum;
Um þessar mundir standa yfir sýningar á Glímuskjálfta á vegum Leikfé-
lags Sigluíjarðar undir leikstjórn Sigurðar Atlason frá Hólmavík. Glímu-
skjálfti er leikgerð Harðar Torfasonar á leikritinu „Orrustan á Háloga-
landi“. Verkið er farsi af bestu gerð og fyndinn í útfærslu Siglflrðinga.
Níu leikarar taka þátt í sýningunni og eru sex þeirra í sínu fyrsta hlut-
verki hjá L.S. Leiksýningar fara að þessu sinni fram í Alþýðuhúsinu og
vonast leikfélagsmenn til að þar sé fundið framtíðarhúsnæði fyrir félagið.
Að sögn leikstjórans stóðu æfingar í 6 vikur. Hann var mjög ánægður
með frammistöðu leikaranna sem þrátt fyrir litla reynslu á leiksviði skil-
uðu sínu með prýði. Þessa skoðun leikstjórans staðfestu frumsýningar-
gestir. Það var húsfyllir og frábær stemning og ætlaöi fagnaðarlátum
seint að linna í lok sýningar.
Uppboð
Uppboð munu byrja á skrifstofu
embættisins að Skógarhlíð 6,
Reykjavík, 2. hæð, sem hér segir
á eftirfarandi eignum:
Brautarholt 8, hluti, þingl. eig.
Tæknival hf., gerðarbeiðandi Gjald-
heimtan í Reykjavík, 2. mars 1994 kl.
10.00.
Dalsel 36, 3. hæð B, þingl. eig. Viðar
Magnússon og Betty Guðmundsdótt-
ir, gerðarbeiðendur Byggingarsjóður
ríkisins, Gjaldheimtan í Reykjavík og
tollstjórinn í Reykjavík, 2. mars 1994
kl. 10.00._____________________
Kirkjutorg 6a, vestra hús, 3. hæð og
ris, þingl. eig. Gissur Sigurðsson, gerð-
arbeiðendur Hjörtur Ingþórsson og
Vátryggingafélag íslands, 2. mars 1994
kl. 10.00._____________________
SÝSLUMAÐURINN í REYKJAVÍK
Uppboð
Framhald uppboðs á eftirtöldum
eignum verður háð á þeim sjálf-
um sem hér segir;
Kötlufell 9,4. hæð 4-2, þingl. eig. Stef-
án Jón Sigurðsson, gerðarheiðendur
Húsasmiðjan hf. og Kreditkort hf., 3.
mars 1994 kl. 15.00.
Reynihlíð 13 og bílskúr, þingl. eig.
Gunnar Ambjöm Ström, gerðarbeið-
endur Sameinaði lífeyrissjóðurinn og
íslandsbanki hf., 2. mars 1994 kl. 15.00.
Silfurteigur 6, efri hæð og ris, þingl.
eig. Sigvaldi Kristjánsson og Ingibjörg
Friðjónsdóttir, gerðarbeiðendur
Gjaldheimtan í Reykjavík og Verslun-
arlánasjóður, 2. mars 1994 kl. 15.30.
Staðarbakki 28, hluti, þingl. eig. Guð-
brandur Benediktsson, gerðarbeið-
andi Islandsbanki hf., 3. mars 1994 kl.
15,30._______________________________
Þverholt 9, 0102, 0101 og 0104, Mos-
fellsbæ, þingl. eig. Davíð Axelsson og
Þverholt hf., gerðarbeiðendur Mark-
sjóðurinn-skyndibréf, Verðbréfasjóð-
urinn hf. og íslandsbanki hf., 2. mars
1994 kl. 14.00,______________________
Þykkvibær 14, þingl. eig. Jón Magn-
geirsson, gerðarbeiðandi Sameinaði
lífeyrissjóðurinn, 3. mars 1994 kl.
14.00._______________________________
SÝSLUMAÐURINN í REYKJAVÍK
Leikfélag Reyðarfjarðar - Týnda teskeiðin:
Hnitmiðað-
ar persónur
Það gladdi mig mikið þegar ég frétti af því að Leikfé-
lag Reyðarfjarðar hefði nú komið saman að nýju og
hafið æfingar á leikverki Kjartans Ragnarsson, Týndu
teskeiðinni, og það á hábjargræðistímanum þegar eng-
inn hefur tíma til annars en að vinna, éta og sofa. Og
af því að ég hefi lengi verið veikur fyrir slíkum uppá-
komum hét ég sjálfum mér því aö drífa mig í Félags-
lund og njóta þar fágætra stunda með Thalíu. Ég
renndi alveg blint í sjóinn með það hvemig til tækist
enda félagið að rísa upp eftir nokkurra ára hvíld og
líklega væri því ekki við miklu að búast leiklistarlega
séð. En félagiö hafði fengið Jón Júlíusson leikara til
sín að leikstýra og það fannst mér traustvekjandi.
Og ekki var ég síður hissa þegar ég mætti í félags-
heimilið. Ég mætti allsnemma en seint þó því að Reyð-
firðingar reyndust ekki hafa minni áhuga á menning-
arviðburði þessum en ég og fjölmenntu á staðinn.
Þetta er erfitt leikrit, byggist mest upp á samtali fjög-
urra persóna í tvo klukkutíma og því mikill texti sem
hver leikari þarf að takast á við. Textinn sveiflast
mikiö milh ofsagalsa í stíl Dario Fo og ískaldrar al-
vöru sem stingur áhorfandann. Persónur leikritsins
voru hnitmiðaðar og sterkar og héldu því út allan tim-
ann. Leikendur virtust finna sig sérdeilis vel í hlut-
verkum sínum og ákefð þeirra greip áhorfendur fóst-
um tökum. Leikritið rann hratt og hnökralítið áfram
og textinn skilaði sér hið besta fram í salinn, þrátt
fyrir fjölmennið í honum. Gáski leikendanna og hinn
fyndni texti leikritsins smitaði áhorfendur sem
skemmtu sér hið besta og átti það ekki síst við um
sjálfan mig. Aukinheldur fannst mér takast ákaflega
vel að skila hinum ýmsu hughrifum í verkinu.
Ég ætti ekki að dæma einn leikara öðrum betri í
þessari sýningu því að þeir virtust alhr geta skapaö
sannfærandi persónur á sviðinu. Ingunn Indriðadóttir
var litrík sem hin stressaða uppafrú, Björgvin Hjör-
leifsson var tilþrifamikill sem hinn vandræðalegi
uppalandi og höfðingjasleikja. Einar Bogi Sigurðsson
skapaði fyndna persónu og svo ég verði nú alveg ein-
lægur þá varð til einhver eftirminnilegasta leikper-
sóna sem ég hef lengi séð úr Margréti Brynju Reynis-
dóttur.
Það gladdi mig líka og sjálfsagt flesta áhorfendur að
sjá Önnu Pálsdóttur aftur á leiksviðinu og víst kom í
Margrét Reynisdóttir, Óttar Guðmundsson og Einar
Bogi Sigurðsson í hlutverkum sinum.
ljós að hún kann sitt fag. Þó hefi ég nokkrar áhyggjur
af því að Óttar Guðmundsson verði að fara með veggj-
um næstu vikur því að hann skapaði svo andstyggi-
lega fyllibyttu á leiksviðinu að líklega verður hann
persónulega dæmdur slíkur uns annað sannast.
Um Helga S. Jóhannsson og Erlu Sigrúnu Einarsdótt-
ur sem léku ungu skötuhjúin, uppadótturina og hinn
kommúníska vin hennar er það eitt að segja að þau
virkuðu nokkuð taugaóstyrk í upphafi en léku síðan
af prýði.
Hvað tæknihlið sýningarinnar varðar þá var leik-
myndin einfóld og ósköp venjuleg enda gerir leikverk-
ið ekki kröfur til neins annars. Sjálfsagt gæti ég tínt
til eitthvað sem miður fór að mínu mati en satt að
segja þá skemmti ég mér það vel að ég hirði ekki um
að tíunda það enda orkuútstreymi leikendanna það
mikið að hnökrarnir féllu í skuggann.
Gunnlaugur E. Ragnarsson
Leikfélagi Selfoss - Leikið lausum hala:
„Gestir" á Stóra-Steini
lenda í lukkupottinum
Það var sprellfjörugur gleðileikur sem Leikfélag Sel-
foss frumsýndi um síðustu helgi. „Ég vildi gera spaugi-
legt verk með spaugilegu fólki,“ sagði Sigurgeir Hilm-
ar Friðþjófsson, höfundur gamanleiksins, sem ber
þann hæverska titil „Leikið lausum hala“.
Sviðið er næstum því gamalkunnugt. „Gestir“ á
Stóra-Steini ákveða að draga um það hverjir fari í
helgarfrí og tveir félagar lenda í lukkupottinum. Eins
og oft vill verða í góðu leikhúsi lenda þeir á byrjunar-
reit í lok leikritsins, en í millitíðinni lenda þeir í mikl-
um ævintýrum með gömlum kunningjum og furðu-
fólki. Upphefst mikil leit að fjársjóði og verða kumpán-
arnir að bregða fyrir sig ýmsum gervum til aö nálgast
hann. Þeir fara víöa um hérað, algallaöir eftir frjálst
innlit í sportvörurverslun - enda kunna þeir til verka.
Sögusviðið er nútíminn í sinni bestu mynd. Ráðherr-
ar og þekkt fólk úr Árnessýslu leikur lausum hala í
handritinu. Höfundurinn og leikarar lofa því að óvænt-
ur leynigestur birtist á hverri sýningu. Á frumsýning-
unni var fangelsistjórinn á Litla-Steini aUt í einu kom-
inn inn á mitt svið - gestunum á Stóra-Steini til tak-
markaörar gleði.
Höfundur Lausa halans, Sigurgeir Hilmar, er löngu
orðinn fastur liður í leikfélaginu og lendir nú í einu
aðalhlutverkinu og leikstýrir. Mörgum öðrum leikur-
um bregður fyrir sem hafa verið á fjölunum í nær
öllum stykkjum Leikfélags Selfoss í áratugi. Uppistað-
an er þó ungt fólk sem á örugglega eftir láta aö sér
kveða í framtíðinni. Leikur þess nú bendir ótvírætt
til þess.
Kvöldinu er vel varið hjá Leikfélagi Selfoss, og kæmi
ekki á óvart þó að metaðsókn verði að þessu sinni.
Þetta er spaugilegt leikhús og geta gestir og gangandi
tekið aukaskammt á sæluna með því að kaupa „eina
með öllu“, því að veitingastaöir á Selfossi bjóða leik-
húspakka sem í er matur og leiksýning. Það færist í
Einn góðra gesta í gleðskap sem gestir af Stóra-
Steini lenda í i leit að fjársjóðnum mikla i sprellfjörug-
um gleðileik hjá Leikfélagi Selfoss.
vöxt að fólk af höfuðborgarsvæðinu bregði undir sig
betri fæti og sjái hverja sýningu hjá Leikfélagi Selfoss.
Leikhúslífið blómstrar á Selfossi. Þar er sannarlega
leikið lausum hala og enginn vafi á að Sunnlendingar
sem og aðrir kunna gott að meta í sprellfjörugum leik.
Þorlákur Helgason