Dagur - 20.02.1993, Side 8

8 - DAGUR - Laugardagur 20. febrúar 1993
Ævintýraleg heimsókn tvítugra
Akureyrarstúlkna til Póllanas:
Lentum í öllu sem
hægt er ab lenda í
-segja þær Sólveig Tryggvadóttir
og Guðbjörg Inga Guðmundsdóttir
Það þarf fjörugt ímyndunarafl til að geta upp á öllum þeim
hremmingum sem þær Sólveig Tryggvadóttir og Guðbjörg Inga
Guðmundsdóttir frá Akureyri lentu í þegar þær ákváðu að heim-
sækja Varsjá í Póllandi síðastliðið haust. Þessi borg hefur aldrei
verið fræg fyrir að laða að sér ferðamenn og kannski var það ein-
mitt þess vegna sem þær stöllur gerðust æ ákveðnari í að fara þang-
að eftir því sem vantrúin jókst hjá aðstandendum þeirra. PóIIands-
ferðin var eiginlega útúrdúr hjá þeim á leið á fund um leiklistarmál
í Svíþjóð en þangað fóru þær sem fulltrúar leikklúbbsins Sögu á
Akureyri sem þær starfa báðar með. Og þessir fjórir dagar í Pól-
landi eru hver öðrum eftirminnilegri.
Mállausar á pólskri grund
„Aðdragandinn að þessu var sá að fyrir
þremur árum var ég eitt sumar í Þýskalandi
og kynntist þar pólskum manni sem var
vinnumaður hjá fjölskyldunni sem ég bjó
hjá. Hann var alltaf að segja mér að koma í j
heimsókn til Póllands en það kom ekki til
fyrr en í haust þegar við tvær áttum að fara
til Svíþjóðar á fund fyrir hönd leikklúbbsins
Sögu. Þá ákváðum við að skreppa í leiðinni
til Póllands í heimsókn en þá kom í ljós að
þessi pólski kunningi minn yrði ekki heima
þá daga sem við ætluðum að vera í Póllandi.
Hér heima fannst öllum svo ótrúlegt að við
ætluðum að fara til þessa lands upp á eigin
j spýtur að við urðum eiginlega enn ákveðn-
I ari í að fara,“ segir Sólveig um upphafið að
ævintýraferðinni til Póllands. „Við vissum
alls ekkert út í hvað við vorum að fara og
héldum til dæmis að þarna gætum við bjarg-
að okkur með ensku eða þýsku en það
reyndust fáir kunna þessi mál þannig að
þarna vorum við alveg mállausar,“ bætir
Guðbjörg við.
Tékkað inn á röngum flugvelli
Pann 30. ágúst flugu þær frá Kaupmanna-
höfn til Varsjár og strax þá upphófust flug-
ævintýri þeirra sem áttu eftir að fylgja þeim
eins og skugginn allt þar til þær lentu á