Dagblaðið Vísir - DV - 24.06.1995, Blaðsíða 18

18
LAUGARDAGUR 24. JÚNl 1995
Dagur í lífl Karls Sigurhjartarsonar, landsliðsþjálfara í bridge:
Aðeins á eftir áætlun
Karl Sigurhjartarson, landsliösþjálfari í bridge, hefur í nógu aö snúast á meöan á Evrópumótinu í Portúgal stendur.
Ég lét ræsa klukkan 8.30 þennan
þriðjudagsmorgun sem var þriðji
spiladagur af fjórtán í Evrópumótinu
í bridge í Villamoura í Portúgal. Dag-
urinn lagðist vel í mig eftir ágætan
gærdag þar sem við fengum 34 vinn-
ingsstig(2jafntefli = 30 vinningsstig)
á móti Dönum og Frökkum sem fyrir
fram eru taldir í hópi sex til átta efstu.
Nú áttum við að spila við Litháa, sem
flokkast með lakari þjóðum, og Belga,
sem teljast svona af miðlungsstyrk-
leika, þó að þeir hafi unnið okkur,
20-10, í Menton fyrir tveimur árum.
Annars þarf að fara varlega í svona
flokkanir eins og úrsht fyrstu um-
ferða bera vott um. Bilið milli veik-
ustu og sterkustu þjóðanna er sífellt
að minnka og á góðum degi spila þær
veikari eins og meistarar og öfugt.
Þess vegna má ekki, í svona löngu
móti, einblína um of á árangur í ein-
stökum leikjum eða dögum þó sveitin
hafi fyrir fram gert sér áætlun um
hvar stigin eigi að nást. Samkvæmt
þeirri áætlun vantar nú þrjú vinn-
ingsstig eftir fyrstu fjórar umferðirn-
ar og gert var ráð fyrir fjörutíu vinn-
ingsstigum þennan þriðjudag. Menn
gera sér samt fiúla grein fyrir
skekkjumörkunum í svona áætlun-
um og reyna að einbeita sér að hverju
spili fyrir sig sem væri örlítið brot í
rúmlega 700 spila leik.
Byrja daginn á skokki
Ég byrjaði daginn meö Jón-Sævar
og Jakob-Matthias inn á sem þýddi
að Guðmundur Páll og Þorlákur
voru ekki ræstir. Guðmundi líkaði
það ekkert illa og Þorlákur fann sér
einhverja leið til að bæta sér upp
skokkið. Við hittumst klukkan 8.45 í
anddyrinu og tókum 15 til 20 mínútur
í rölt og rólegt skokk. Ragnar þjálfi
passaði upp á að ekki væri farið of
geyst. Við komum við á mótsstað og
náðum í mótsblaðiö til að lesa yfir
morgunverði. Aðalumfjöllun dagsins
var viðureign okkar við Dani frá því
daginn áður sem við unnum, 21-9, í
vel spiluðum leik. Við reyndum að
rifja upp hvenær við töpuðum síðast
fyrir Dönum en tókst það ekki. Svo
var það sturtan og allir voru mættir
í morgunmat klukkan 9.30.
Jón hafði átt erfitt með að sofna
og tekið svefntöflu og fannst hann
vera eitthvað tuskulegur vegna
hennar. Ákveðið var að Ragnar færi
á stúfana eftir annarri tegund. Nú
fengu spilaramir kerfi og varnir við
þeim ákveðnar. Eftir morgunmat var
hvíld en leikurinn hófst 11.15.
Ströng tímatakmörk
Við mættum tímanlega á mótsstað.
Menn þurftu að fara yfir kerfin með
andstæðingunum og við vitum aö
sveitirnar eru miskunnarlaust sekt-
aðar ef spilarar mæta of seint eða
fara yfir tímamörk. Við fengum 105
mínútur fyrir 12 spil sem þótti nokk-
uð rúmur tími. Við Ragnar skipt-
umst á með skráningu spila sem
krafist er af mótsstjórn (sagnir og
fyrstu þrír slagir) og þennan leik
skráöi Ragnar.
Svo hófst leikurinn. Allar sveitirn-
ar spiluðu sömu spil en eins og oft
áður voru fleiri sveiflur í okkar leik
enda íslensku spilararnir þekktir
fyrir hvassan stíl. Sem betur fór féllu
fleiri sveiflur okkur í hag og í hálf-
leik vorum við 18 impum yfir.
Við héldum óbreyttu liði í seinni
hálfleik og bættum 11 impum viö
inneignina og stóðum því upp með
21 vinningsstig gegn 9. í þessum hálf-
leik þurfti að kalla á keppnisstjóra
þegar annar Litháinn við borð Jóns
og Sævars gaf Jóni ranga skýringu á
sögn félaga með þeim afleiðingum
að Jón fann ekki réttu leiðina í 2
spöðum dobluðum og spihð vannst í
staðinn fyrir að fara 1 eða jafnvel 2
niður. Keppnisstjóri úrskurðaði að
leiðrétta bæri .skaðann og breytti
úrslitum í 1 niður sem þýddi 200 til
íslands í stað 670 til Litháens. Ef úr-
slit spilsins hefðu verið látin standa
hefði leikurinn aðeins unnist 17-13
en hér virtist brotið augljóst þó ekki
væri um ásetning Litháans að ræða
heldur misskilning.
Ekkivel spilaður
Eftir klukkutíma matarhlé hófst
leikurinn við Belga kl. 16.15. Jón og
Sævar spiluðu allan leikinn en Jakob
og Matthías fyrri hálfleik og Guð-
mundur og Þorlákur þann seinni.
Leikurinn var ekki vel spilaður og
við vorum 16 impum undir í hálfleik.
í seinni hálfleik bættust við 5 impar
þannig að leikurinn tapaðist, 11-19.
Við þessi vonbrigði bættist síðan til-
kynning um að Litháar hefðu áfrýjað
úrskurði keppnisstjóra og að við
þyrftum að mæta strax eftir leikinn
hjá áfrýjunarnefndinni sem fjallaði
um málið.
Fyrst þurfti að stilla upp á móti
ítölum sem var fyrsti leikur næsta
dags. Ég ákvað að láta Jón-Sævar
og Guðmund-Þorlák byrja og síðan
vorum við Jón og Sævar mættir hjá
áfrýjunarnefndinni klukkan 20.30
ásamt sex Litháum. Þar þurftum við
að bíða í eina klukkustund áður en
málið var tekið fyrir. Dómnefndin
hlustaði á skýrslu keppnisstjóra,
fékk útskýringar spilaranna og tók
síðan málið til úrskurðar. Ekki tók
nema tvær mínútur fyrir hana að
ákvarða aö úrskurður keppnisstjóra
skyldi standa og úrslit því óbreytt.
Litháar fengu hins vegar tiltal fyrir
að koma með jafn tilefnislitla áfrýj-
un.
Klukkan var því að ganga ellefu
þegar við komumst heim á hótel. Síð-
búinn kvöldverðurinn var með létt-
ara móti, enda ekki gott að borða
mikið rétt fyrir svefninn því erfiður
dagur var í vændum, þrír leikir og
eins gott að vera vel upplagður. Dag-
urinn í dag var heldur slakari en ég
hafði vonað en hann er liðinn og það
er mikið eftir af þessu móti.
Finnur þú fimm breytingar? 315
Þessi er ekkert sérstakur. Þú hefðir átt að sjá þann sem slapp.
Nafn:
Heimili:............................................
Vinningshafar fyrir þrjú hundruðustu og þrettándu
getraun reyndust vera:
1. Jón Ingi Ólafsson 2. Friðþjófur Helgi
Þurranesi , Oddnýjarbraut 5
371 Búðardal ‘ 245 Sandgerði
Myndimar tvær virðast við fyrstu
sýn eins en þegar betur er að gáð
kemur í Ijós að á myndinni til
hægri hefur fimm atriðum verið
breytt. Finnir þú þessi fimm atriði
skaltu merkja við þau meö krossi
á myndinni til hægri og senda
okkur hana ásamt nafni þínu og
heimilisfangi. Að tveimur vikum
liðnum birtum við nöfn sigurveg-
aranna.
1. verðlaun:
TENSAI ferðaútvarp með kassettu, að
verðmæti kr. 4.990, firá Sjónvarpsmiðstöð-
inni, Síöumúla 2, Reykjavík.
2. verðlaun:
Úrvalsbækur. Bækurnar sem eru í verð-
laun heita: Líkþrái maðurinn og Athvarf
öreigans, úr bókaílokknum Bróöir Cad-
fael, aö verðmæti kr. 1.790. Bækumar eru
gefnar út af Frjálsri flölmiölun.
Vinningamir verða sendir heim.
Merkið umslagiö með lausninni:
Finnur þú fimm breytingar? 315
c/oDV, pósthólf 5380
125 Reykjavík