Þjóðviljinn - 26.08.1988, Blaðsíða 3
Það vakti athygli í Laugardals-
höllinni þegar flautað var til
leiks í leik Islendinga og So-
vétmanna á Flugleiðamótinu í
handbolta að í ráðherraliðinu
á sviði Hallarinnar var mættur
Halldór Ásgrímsson sjávar-
útvegsráðhérra. En hann hef-
ur hingað til verið sjaldséður
gestur á mótum sem þessum.
Skýringin á nærveru Halldórs
mun ekki vera áhugi hans á
handbolta heldur hitt að
bráðum fara í hönd samn-
ingaviðraeður á milli Síldarút-
vegsnefndar og Sovétmanna
um síldarkaup á komandi
vertíð og því þótti ekki annað
fært en að ráðherrann sýndi
sig á leiknum til að mýkja
samningsvilja Sovétmanna í
von um að þeir verði samn-
ingsliprari í komandi við-
ræðum. En vegna sigurs ís-
lendinga á Sovétmönnum er
óvíst hvort þessi fórn ráðherr-
ans nái tilætluðum árangri. ■
Óvirðing
við almenning
Meira um handbolta og nýlið-
ið Flugleiðamót. Það vakti
mikla gremju meðal hinna fjöl-
mörgu handboltaaðdáenda
að miðasala á leikina var
hvergi auglýst nema kannski
á smámiða í fordyri Hallarinn-
ar, þrátt fyrir heilsíðuauglýs-
ingar um hvar og hvenær
leikimir hæfust í tveimur dag-
blöðum. Sérstaklega fór það
fyrir brjóstið á þeim forsjálu
sem mættu tímanlega í að-
göngumiðasöluna í Laugar-
dalshöllinni að alltaf var upp-
selt í B-álmu stúkunnar áður
en miðasala hófst og einungis
hægt að fá stúkumiða í sitt
hvorum enda stúkunnar.
Handboltaforustan tók nefni-
lega bestu miðana fyrir gæð-
inga sína og gaf almennum
stuðningsmönnum landsliðs-
ins langt nef, þrátt fyrir há-
stemmd lýsingarorð um
hversu mikilvægur stuðningur
þeirra væri fyrir velgengni
landsliðsins í
Flugleiðamótinu.B
Remba og
rannsóknar-
blaðamennska
íþróttapistlar kollega okkar á
DV, Stefáns Kristjáns-
sonar, hafa einatt vakið at-
hygli, enda hefur hann komist
aðýmsum nýstárlegum niður-
stöðum í sínum pistlum.
Þannig hélt hann því fram fyrir
skömmu að umsjón með
íþróttaþáttum í sjónvarpi út-
heimti þvílíkt andans atgervi
að konur ættu engan séns í
þann starfa. Rannsóknar-
blaðamennska Stefáns á það
þó til að hlaupa lítillega út
undan sér eins og gengur, og
til dæmis fullyrti hann að
kveníþróttafréttaritarinn hjá
Ríkisútvarpinu, Ásdís Eva
Hannesdóttir, væri systir
ÞJÓÐVILJINN - SÍÐA 3
Ingólfs Hannessonar,
deildarstjóra íþróttadeildar-
innar. Því miður fyrir höfund-
inn er hér rangt farið með hlut-
ina, en með sömu hundalógík
mætti greina augljósa ástæðu
þess að Stefán heldur starfi
sínu hjá DV; jú hann er bróðir
Jónasar ritstjóra. Báðir eru
Kristjánssynir og því ekki um
að villast eða hvað? ■
Að ávaxta
sitt pund
Forsvarsmenn verðbréfafyrir-
tækja hafa borið sig illa vegna
ummæla Ólafs Ragnars
Grímssonar um slæma
stöðu þeirra og varnaðarorð
hans um að almenningur
hætti viðskiptum við þau
vegna hættu á að missa allt
sitt þegar þau kæmust í
greiðsluþrot. Hafa þeir þrætt
fyrir að almenningur hafi inn-
leyst verðbréf sín óeðlilega
mikið og hafa sagt að allt sé í
góðu standi. Daginn eftir að
Olafur Ragnar varaði við fjár-
hagsstöðu verðbréfamarkað-
anna var ys og þys á skrifstofu
Ávöxtunar sf. á Laugavegin-
um og fullt út úr dyrum af fólki
sem vildi fá peningana sína
og símalínur rauðglóandi all-
an daginn. Svo rammt kvað
að þessu að ekki reyndist
unnt að verða við óskum allra
um innlausn á bréfum og fóru
margir bónleiðir til búðar
vegna fjárskorts fyrirtækisins
þann daginn.B
Þakka skal þeim...
Frá því var sagt í DV um dag-
inn að fyrsta brúðkaupið í Við-
ey, eftir endurbætur á húsa-
kynnum þar í eynni, hefði farið
fram. Það fylgdi hins vegar
ekki sögunni að tíðindamaður
DV er bróðir brúðgumans,
sem sjálfur var blaðamaður á
Morgunblaðinu, og brúðurin
er dóttir háttsetts embættis-
manns hjá Reykjavíkurborg.
Það var því að vonum að allir
veislugestir stóðu upp og
hrópuðu húrra fyrir Davíð
Oddssyni borgarstjóra fyrir
það hversu framkvæmdir í
Viðey hefðu tekist mæta vel,
undir öruggri stjórn
borgarstjórans.... ■
___ — m mm »
FrátSGDtember
tfliyimír þú eigandaskjptí
ökutækís á næsta pósthúsi
Ætlar þú að skipta um ökutæki? Frá 1.
september fara eigendaskipti fram á póst-
húsinu. Þar liggur tilheyrandi eyðublað
frammi og þar afhenda seljandi eða kaup-
5 andi eyðublaðið að útfyllingu lokinni og
| greiða eigendaskiptagjald.
a Mjög einfalt, ekki satt?
BIFREIDAEFTIRLIT RÍKISINS
Athugaðu að frá og með 1. september
verða eigendaskiptin einungis tilkynnt á
pósthúsinu. Þeir sem hafa gert sölutilkynn-
ingu fyrir þann tíma á önnur form sölutilk-
ynninga eiga einnig að snúa sér til næsta
pósthúss.
POSTGIROSTOFAN
i i »