Þjóðviljinn - 26.08.1988, Blaðsíða 10
FÖSTUDAGSFRÉTTIR
Niðurfœrslan
Hækkun húsnæðisvaxta
Jón Baldvin Hannibalsson: Ekki stórmál að hœkka húsnœðisvexti.
Svavar Gestsson: Hœkkun húsnœðisvaxta í 7°/o kostar lántakanda
margra ára vinnu
Að loknum ríkisstjórnarfundi á
þriðjudag sagði Jón Baldvin
Hannibalsson fjármálaráðherra
að það væri ekki stórmál þótt
vextir á húsnæðislánum hækk-
uðu. Ef gengisfellingarleiðin yrði
farin myndi greiðslubyrði hús-
næðiskaupenda aukast enn meira
og um 5% í óbreyttu ástandi.
Svavar Gestsson alþingismaður
segir hækkun vaxta á húsnæðisl-
ánum úr 3,5% í 7% lengja þann
tíma, sem tekur að vinna fyrir
láni, um nokkur ár.
Eftir ríkisstjórnarfund á
þriðjudag var Jón Baldvin spurð-
ur að því hvort kratar gætu sam-
þykkt hækkun húsnæðisvaxta.
„Það er ekki stórt mál í þessu
dæmi,“ sagði Jón. Menn yrðu að
bera þetta saman við það ef geng-
isfellingarleiðin yrði farin og
lánskjaravísitala hækkaði um
10% eða um 5% að óbreyttu á-
standi. Niðurfærsluleiðin lækk-
aði hins vegar lánskjaravísitö-
luna. Pannig myndi greiðslubyrði
húsbyggjenda trúlega lækka
meira en sem svaraði 1,5% vaxta-
hækkun. Kjarni málsins væri sá
að kappsamlega væri unnið að
nýju húsnæðislánakerfi og húsn-
æðisfjármögnunarkerfi sem
væntanlega gengi í gildi um ára-
mót. Hér væri því verið að tala
um þrjá mánuði.
Þessi afstaða fjármálaráðherr-
ans er ekki í takt við skoðun
flokkssystur hans Jóhönnu Sig-
urðardóttur sem hefur iýst sig
andvíga hækkun húsnæðisvaxta.
Þorsteinn Pálsson forsætisráð-
herra hefur einnig lýst yfir and-
stöðu sinni.
Svavar Gestsson alþingismað-
ur setti upp dæmi á blaðamanna-
fundi á miðvikudag. Hann sagði
að ef vextir á húsnæðislánum
hækkuðu úr 3,5% í 7% myndi
það þýða að maður með þriggja
miljóna lán yrði fjórum árum
lengur að vinna fyrir láninu en
áður.
-hmp
Hjólbarðaverkstœði
Hækkanir nú í vikunni
Verið að komast undan efnahagsaðgerðum. Hver sjálfum sérnœstur.
Ekki nema 20-30% álagning ísmásölu
Fást hjólbarðar á „gamla verðinu" eftir efnahagsaðgerðir ríkisstjórnarinnar? Mynd: Ari
Af því hafa borist spurnir að
hjólbarðaverkstæði séu að
hækka þjónustu sína þessa dag-
ana og vekur það ákveðnar grun-
semdir um að með því séu þessi
fyrirtæki að koma sér undan því
að fyrirhugaðar efnahagsaðgerð-
ir stjórnvalda komi niður á þeim.
Á nokkrum dekkjaverkstæð-
um fengust þær upplýsingar að
verð á þjónustu þeirra hefði
hækkað um u.þ.b. 7% í þessari
viku og á nokkrum öðrum stöð-
um eru svipaðar hækkanir fyrir-
hugaðar á næstunni.
Hækkanir þessar eru skýrðar
með því að verð á þjónusta
dekkjafyrirtækja hafi lengi staðið
í stað og ekki fylgt almennri verð-
lagsþróun. - Það bjargar sér hver
og einn eins og hægt er og á með-
an verðlag er frjálst er ekki óeðli-
legt að menn hækki sína þjónustu
sem ekki hefur hækkað mikið
undanfarið þegar séð er fram á að
það verði ekki mögulegt síðar,
sagði einn viðmælandi blaðsins
þegar þessar hækkanir voru
bornar undir hann.
- Ef litið er á þróun verðlags á
dekkjum og þjónustu dekkja-
verkstæða undanfarin ár má sjá
að verðlag á okkar vörum og
þjónustu hefur síður en svo
hækkað meira en almennt verð-
lag í landinu, sagði Viðar Hall-
dórsson hjá Gúmmívinnustof-
unni.
Aðspurður um ólöglegt verð-
samráð hjólbarðaverkstæða
sagði Viðar að því væri ekki að
neita að verkstæðin fylgdust með
verðlagi á öðrum stöðum og það
þýddi lítið að vera með hærra
verð en aðrir á markaðinum en
sagði að sér fyndist ekki rétt að
líta eingöngu á það hvort um
sama verð væri að ræða á öllum
stöðum heldur einnig það hvort
þetta verð væri sanngjarnt eða
ekki.
- Smásöluálagning er nú ekki
nema milli 20-30% og ég sé ekki
að það sé hægt að reka verkstæði
með öllu minni álagningu, sagði
Viðar.
•Þ
Fiskiðnaður
Heimshlaupið
Leitað að
hlaupurum
Piltur og stúlka fœdd
1974 send til New York
Vegna Heimshlaupsins ‘88,
sem haldið verður samtímis um
allan heim þann 11. september
n.k., leitar Rauði kross íslands að
tveim fulltrúum íslenskrar æsku
til að fara fyrir íslands hönd til
New York og vera viðstödd upp-
haf hlaupsins.
Ein stúlka og einn piltur verða
valin úr hópi umsækjenda sem
þurfa að uppfylla þau skilyrði að
vera fædd árið 1974, tala góða
ensku, hafa tekið þátt í félags-
málum og/eða listum og vera til-
búin að koma fram í sjónvarpi.
Umsóknum þarf að koma á
framfæri fyrir26. ágúst nk. í síma
623170 hjá Rauða krossinum.
Karvel Pálmason
Vill sjá
útfærsluna
Maður hins stranga
verðlagseftirlits.
Færa vextina niður
Karvel Pálmason varaformað-
ur Verkamannasambandsins
sagði eftir miðstjórnarfund ASÍ í
gær að hann vildi sjá útfærsluna á
niðurfærsluleiðinni áður en hann
hafnaði henni. Hann hefði alltaf
verið nraður strangs verðlagseft-
irlits og útilokaði ekki að það
væri framkvæmanlegt ef menn á
annað borð meintu það.
í samtali við Þjóviljann sagði
Karvel að menn yrðu að gera sér
ljóst að ef þessi leið ætti að tak-
ast, yrði að setja mannskap í
verðlagseftirlit til að halda því til
streitu og jafnvel útfæra það í við-
urlögum. En er Karvel þá tilbú-
inn að samþykkja einhverja
launalækkun? „Ég er ekki að
samþykkja eitt né neitt, ég vil
bara skoða þessa leið eins og aðr-
ar, sjá hvort hún er líkleg til að
verja okkar fólk þeim áföllum
sem gætu dunið yfir og eru þegar
farin að dynja yfir,“ sagði Karvel.
Um millifærsluleiðina hafði
Karvel það að segja, að hann
hefði ekki séð neina útfærslu á
henni. Ef menn hygðust hins veg-
ar færa einhverjar stærðir niður
ætti að færa vextina niður líka.
-hmp
Leiðrétting
Ég hlýt að biðja Þjóðviljann
minn að láta af uppteknum hætti
og gera mér ekki þann ógreiða að
titla mig sí og æ framkvæmda-
stjóra Oryrkjabandalagsins. Ég
gegni hér starfi félagsmálafull-
trúa og finnst ærinn heiður að
því. Hins vegar er í leiðinni rétt
að gera iesendum grein fyrir því
að framkvæmdastjóri Öryrkja-
bandalagsins, og þar með fram-
kvæmdastjóri minn, er sú ágæta
kona Ásgerður Ingimarsdóttir
sem gegnir því starfi af mikilli
prýði.
Helgi Seljan
Þjóðviljinn biður Helga, Ás-
gerði og lesendur afsökunar og
heitir því að nefna menn og hluti
sínum réttu nöfnum héðan í frá.
Hætla á salmonellumengun
Rannsóknastofnunfiskiðnaðarins: Sífellt unnið að gerð úttekta á
salmonellu íýsmum sjávarafurðum. Gœti skaðað markaðsstöðu
íslendinga alvarlega efsalmonellafyndist ísjávarafurðum til
manneldis
Sem betur fer hefur ekki enn
orðið vart salmonellumeng-
unar við vinnslu sjávarafurða til
manneldis en hinsvegar í fiski-
mjöli. Matarsýking sem rekja
mætti til íslenskra sjávarafurða
yrði okkur mikill álitshnekkir og
gæti skaðað markaðsstöðu okkar
alvarlega, sagði dr. Grímur Vald-
imarsson örverufræðingur og
forstjóri Rannsóknastofnunar
fiskiðnaðarins við Þjóðviljann.
Að sögn dr. Gríms er nú svo
komið að salmonellubakteríur
eru orðnar hluti af lífríkinu hér
við land og tíðni sýkinga í fólki
orðin svipuð og erlendis. Á
undanförnum árum hefur salm-
onella einangrast úr um 80 ís-
lendingum á ári.
Salmonellubakteríur þrífast
vel þar sem er nægjanlegur raki
og næringarefni. Þess vegna finn-
ast þær nær alltaf í sjó og vatni
sem mengast hefur af skólpi eða í
yfirborðsvatni. Rottur bera sýkil-
inn nær alltaf og algengt er einnig
að fuglar séu smitberar. Rann-
sóknir hafa sýnt að 15-20% máva
hérlendis smitaðir.
í síðasta fréttabréfi Ríkismats
sjávarafurða vekur dr. Grímur
máls á því hvort hætta sé á salm-
oneilumengun við vinnslu sjáv-
arafurða hérlendis. Reglulega
eru tekin sýni af fiskfram-
leiðslunni og send Rannsókna-
stofnun fiskiðnaðarins til rann-
sókna. Mest áhersla hefur verið
lögð á viðkvæmustu vöruna, til
dæmis skelfisk og forsoðna
rækju. Um þessar mundir stend-
ur einmitt yfir úttekt á salmonellu
f ýmsum sjávarafurðum á vegum
örverudeildarinnar.
Aðspurður hvernig aðbúnaði
fiskvinnslustöðva væri háttað hér
á landi, sagði dr. Grímur að hann
væri þó nokkuð góður en samt
sem áður yrðu menn sífellt að
vera vakandi fyrir bættum aðbún-
aði í fyrirtækjunum. Dr. Grímur
sagði að til að fyrirbyggja salm-
onellusýkingu í vinnslu sjávaraf-
urða yrðu menn að tryggja að
vinnsluvatnið í fiskvinnslunni
væri ávallt klórblandað og að
aldrei mætti nota strandsjó til
þvotta eða fiskvinnslu nema að
undangenginni rannsókn.
-grh
10 SÍÐA - ÞJÓÐVILJINN - NÝ7T HELGARBLAÐ