Dagblaðið Vísir - DV - 19.12.1995, Blaðsíða 10

10
ÞRIÐJUDAGUR 19. DESEMBER 1995
Spurningin
Hlakkar þú til jólanna?
María Þórunn Friðriksdóttir
skrifstofudama: Já, þaö geri ég.
Steingrímur Stefánsson ræsti-
tæknir: Já, já, þess vegna.
Magnús Tryggvason: Auðvitað.
Anna Vanessa Duarte nemi: Já.
Sigrún Sigmarsdóttir sjúkraliði:
Já, já, það hefur alltaf verið gaman
á jólunum.
Júlíus Jónsson rafvirkjanemi: Já,
já, ég er búinn að kaupa allt inn fyr-
ir jólin.
Lesendur
Skattamálin
stjörnurnar flytja burt
Konráð Friðfinnsson skrifar:
Ekki er óalgengt að „stórstirnin"
er þjóðirnar eignast eða eiga taki
saman föggur sínar og hverfi af
landi brott vegna óánægju með
skattastefnuna heima fyrir. íslend-
ingar eiga, líkt og aðrar þjóðir, sín-
ar stjömur sem veröldin hefur tekið
eftir svo um munar. Þar eru efst á
blaði popparinn Björk Guðmunds-
dóttir og tenórinn Kristján Jóhanns-
son.
Það var greint frá því í fréttum
DV nýverið að Kristján og Björk
hefðu bæði ákveðið á sínum tíma að
yfirgefa landið, m.a. sökum hárra
skatta. Vissulega er skattbyrðin
mikil í landi okkar. Það má þó skatt-
urinn eiga, hann mismunar ekki
mönnum. Hér borga allir skatta eða
eiga að greiða sama ' lutfall af tekj-
um sínum, þessi ríílegu 40%. En
auðvitað hækkar tíundin í krónum
talið eftir því sem launin hækka.
Þannig virkar prósentureikningur-
inn.
Spurningin er hins vegar ávallt:
Hve mikið er eftir í buddunni þegar
búið er að greiða keisaranum það
sem honum ber. Tökum dæmi af
manni sem þénar, segjum hundrað
milljónir á ári. Hann greiðir af
þeirri upphæð um 40 milljónir í
tekjuskatt. Vissulega mikið. En
hvað á þessi einstaklingur eftir til
eigin nota? Á milli 50 og 60 milljón-
ir. Og til að átta sig betur á svona
tölum geta menn gamnað sér við að
reikna út hve margar tveggja her-
bergja íbúðir í Reykjavík megi stað-
greiða með þeim peningum.
Staðreyndin er líka sú að eftir því
íroqua
! of a g«
cube's sMfÍtual jourfsijí
m Europ«*s glanour giMs
ean football
tsrsi tRa goalsi the föuls!
•4.on /turo fashion
8|f nau taulticulturöi looki
i Croatia S Russia
Fræg og rík: Björk Guðmundsdóttir og Kristján Jóhannsson. - Þau flúðu ís-
lensku skattastefnuna.
sem tekjurnar aukast þá minnkar
skattbyrðin hjá mönnum í raun.
Þetta segi ég sökum þess að rangt er
að mínu mati að tala um skattbyrði
sem „byrði“ nema í þeim tiifellum
þar sem hún kemur beinlínis í veg
fyrir að endar náist saman hjá fólki.
Og þar fer á stjá annar raunveru-
leiki sem blasir við fjölda fólks og
hann þekkja margir hér.
Nú tek ég fram að ekki þekki ég
til fjármála þeirra einstaklinga sem
að ofan er getið utan það sem lesa
má um í blöðum. Og ekki vil ég agn-
úast út í þá persónulega því mér er
hlýtt til þeirra og gleðst yfir vel-
gengni þeirra. Ég er líka að ræða
þessi mál almennt. Það breytir þó
ekki því að ef yfirvöld þessa lands
sjá ástæðu til þess að ívilna eitthvað
sérstaklega hinum frægu og vellríku
umfram aðra og telja það réttlætis-
mál hvað mega þá 60, 80 eða 100 þús-
und króna mennirnir segja? Sé það
sanngjarnt hlýtur að vera enn meiri
sanngimi að hinir siðarnefndu, sem
þurfa að lifa á sínum launum, sleppi
við tekjuskatt. Og munum að hvað
sem maðurinn er eða gerir í lífinu
þá þarf hann ákveðna upphæð til að
geta framfleytt sér og sínum. Á kjör-
um manna að þessu leyti er sem
kunnugt er gríðarlegur munur.
Enski lagatextinn á uppleið
Guðríður skrifar:
í sjónvarpsfréttum nýlega var
rætt við mann úr tónlistarheimin-
um, m.a. um það að nú bæri meira
á enskum lagatextum en áður. Á
uppgangsárum íslenskra dægurlaga
var viðburður að sungið væri á
öðru máli en ensku. Síðan breyttist
þetta og íslenskir dans- og dægur-
lagatextar voru í fyrirrúmi. Nú er
þetta að breytast aftur og enskur
lagatexti er á uppleið á ný hér á
landi.
Ég hef velt fyrir mér ástæðunni
því að ekki er enskan neitt meira í
sviðsljósinu hér á landi núna frem-
ur en endranær. Vinsælustu kvik-
myndirnar t.d. eru enn sem fyrr
flestar bandarískar.
Ég tel að þessi breyting nú eigi
sálrænar orsakir. Nú eru börn svo-
kallaðrar 68-kynslóðar mjög áber-
andi hópur í yngri kynslóðinni.
Þessi hópur hefur verið dálítið af-
skiptur uppeldislega. Mikið af for-
eldrunum hefur svo til alfarið unnið
úti og ekki verið til skiptanna við
heimilishaldið. Þeir voru taglhnýt-
ingar kommúnismans og aðhylltust
þjóörembu og þeir sem dvöldu í Evr-
ópu við nám eða slark sáu ekkert
nema Evrópu. Enski og bandaríski
heimurinn var nánast fordæmdur.
Afkvæmin eru einfaldlega orðin leið
á þessu mynstri foreldranna og
snúa sér þvf í gagnstæða átt. Ensk-
an á því greiðan aðgang hjá yngri
kynslóðinni.
Kannski er þetta ekki nákvæm-
lega rétta skýringin en gæti verið
eitthvað í þessa áttina. Fróðlegt
væri að heyra meira um þessar
vangaveltur.
Líknarstöðin Kattholt
Sigrfður Heiðberg skrifar:
Kattholt hefur nú starfað sem
líknarstöð á vegum Kattavinafélags
íslands síðan 29. júlí 1991 en félagið
á 20 ára afmæli að vori. í Kattholti
hafa átt samastað þúsundir katta
sem horfið hafa að heiman, svo og
útigangskettir af höfuðborgarsvæð-
inu öllu. Það er okkur, sem stöndum
að Kattholti, mikil ánægja að finna
hve vel starfseminni hefur verið
tekið, enda löngu ljóst að fyrir hana
var full þörf.
Það hefur þó valdið okkur
nokkrum áhyggjum hve mikil brögð
eru að því að eigendur óskiladýra
vitji þeirra ekki. Eins og gefur að
skilja getur Kattholt ekki hýst óskila-
dýr í það óendanlega og er því reynt
að finna ný heimili fyrir dýrin.
þjónusta
allan sólarhringinn
Aðeins 39,90 mínútan
k eða hringid í síma
550 5000
milli kl. 14 og 16
Gæslumaður í Kattholti hlynnir að einu óskiladýranna.
Það er því eindregin ósk okkar í
Kattholti að eigendur tapaðra katta
hafi samband við okkur vegna katta
sem hafa fundist. Við viljum brýna
fyrir kattaeigendum að merkja vel
dýrin sín, það getur skipt sköpum.
Nú hefur verið tekin í notkun í
Kattholti ný álma sem jafnframt
verður notuð fyrir viðbótarstarf-
semi, svo sem fyrir flóamarkað, sýn-
ingar o.fl. Fyrir þessi jól er efnt til
jólabasars og er þar margt góðra
muna. Allur ágóði rennur til styrkt-
ar starfseminni í Kattholti. Velunn-
urum Kattholts er hér með bent á að
hafa samband við skrifstofu Katt-
holts, t.d. hafi þeir eitthvað aflögu
sem nýst gæti á slíkum markaði.
I>V
Flóðahættan
yfirvofandi
Kristján hringdi:
Ég er undrandi á því að eng-
inn í öllu almannavarnarbatterí-
inu eða hjá Veðurstofunni skuli
hafa minnst á alvarlega flóða-
hættu hér í Reykjavík fyrr en
jaröfræðingurinn Jón Jónsson
benti á hana fyrir tilstilli DV.
Okkur er sagt að vonandi verði
ekki um annað að ræða en að
vatn komi upp úr einhverjum
skolpræsum. Gott og vel. En er
eitthvað á það að treysta? Því
vilja menn ekki gera viðeigandi
og öflugar varúðarráðstafanir?
Burt með tekju-
skattinn
Guðjón Magnússon hringdi:
Ég held að segja megi með
réttu að tekjuskatturinn hér á
landi sé sá ósanngjarnasti sem
finnst í kerfinu. Hann er vinnu-
letjandi, hann stuðlar að
skattsvikum í ríkum mæli og
hann er þrúgandi klafi á öllum
launþegum. Það hlýtur að vera
hægt að koma skattkerfinu öðru-
vísi fyrir. Best af öllu væri að
skattar væru sem mest inni í
vöruverðinu því þá er loks hægt
að fara að hefja spamað. En það
er kannski það sem ríkið vildi
síst af öllu?
Vitni vantar
að ákeyrslu
Hilmar Jónsson skrifar:
Aðfaranótt laugardagsins 9.
des. sl. var ekiö á bifreið mína,
Hyundai Sonata árg. 94 þar sem
hún var á stæði við Bessastaði.
Ekið var á bifreiðina að framan-
verðu og skemmdist m.a. hægra
frambretti svo og stuðari og
ljósabúnaður. Hugsanleg vitni að
þessu eru vinsamlega beðin að
gefa sig fram við ofanritaðan í
síma 565-2499.
Sjónvarpsfréttir
á „Sky News“
Ingólfur hringdi:
Ég var staddur sl. flmmtudag
hjá kunninga mínum sem nær
sjónvarpsstöðinni „Sky News“.
Ég sá að það er varla hægt að
bera saman þær erlendu fréttir
við þær er manni eru skammtað-
ar frá Sjónvarpinu og Stöð 2.
„Sky News“ sýndi t.d. fréttir
beint frá Bosníu og viðtöl við
þarlent fólk og svo síðar viðtöl
við Clinton, forseta Bandaríkj-
anna, þar sem hann var á heim-
leið frá París. Aðeins brot af
þessu kemur í sjónvarpsfréttum
hér, rétt eins og um stuttan út-
drátt sé að ræða. Þetta er engan
veginn viðunandi fréttaþjónusta.
Við og þeir
á vinnumark-
aðnum
Verkamaður skrifar:
Hefur okkur, sem stundum
lægst launuðu störfin, aldrei
dottið það í hug að það verði
aldrei neitt gert fyrir okkur lág-
launastéttina? Við erum í verka-
lýðsfélögum og kjósum fulltrúa
til að gæta okkar hagsmuna. En
hvernig ganga þeir frá samning-
unum? Jú, skrifað upp á með
þetta 3-5% launahækkun og ætl-
ast til að fá þá samþykkta á með-
an þeir sem samið er viö hækka
sín laun um tugi þúsunda króna.
Okkm er sagt að taka þessu þegj-
andi og hljóðalaust því annars
stefnum við þjóðarbúinu í hættu.
Við eigum að heita lýðræðisþjóð
og ég vona að við séum einnig
það gáfuð þjóð að við stöndum
saman og látum ekki oftar fara
svona með okkur. Og málin
verða aldrei lagfærð meö þessa
verkalýðsforystu við samninga-
borðin.