Dagblaðið Vísir - DV - 26.03.1996, Blaðsíða 8

8
ÞRIÐJUDAGUR 26. MARS 1996
Útlönd
Breski nautgripaiðnaðurinn stendur á öndinni vegna riðuveikinnar:
Gæti þurft að fella
þriðjung stofnsins
Breski nautgripaiðnaðurinn
stendur á öndinni og bíður eftir
ákvörðun breskra yfirvalda og Evr-
ópusambandsins um aðgerðir til að
stemma stigu við riðuveikinni sem
greinst hefur í breska nautgripa-
stofninum. Líklegt er talið að hluti
stofnsins verði felldur til að reyna
að koma í veg fyrir útbreiðslu veik-
innar. Breski nautgripastofninn er
um 11 milljónir gripa og talað hefur
verið um að fella 4 milijónir þeirra.
Þó er talið að aðallega þurfi að fella
eldri nautgripi, því yngri nautgripir
eru síður taldir sýktir af veikinni.
Bretar hafa látið það skýrt í ljós að
þeir muni leita til Evrópusambands-
ins um íjárhagslega hjálp til að
bæta skaðann. Ef Bretar þyrftu að
fella allan nautgripastofn sinn er
talið að það muni kosta þá yfir 2.000
milljarða punda.
Breski Verkamannaflokkurinn
hefur haldið uppi harðri gagnrýni á
stjómarflokk íhaldsmanna fyrir allt
of litlar og seinvirkar aðferðir til
lausnar vandamálinu. „Vandamálið
er ekki aðeins sýkt nautakjöt, held-
ur einnig sýkt stjómvöld og arfleifð
þeirra af lygum og vantrausti,"
sagði Harriet Harman, talsmaður
Verkamannaflokksins í heilbrigðis-
málum.
Síðan ljóst var að neysla á sýktu
kjöti getur valdið hinni banvænu
Creutzfeldt-Jakob veiki í mönnum
hafa verslunareigendur skipt út
nautakjöti fyrir aðrar kjöttegundir
og verðlag á nautakjöti hefur fallið
um meira en fjórðung af hundraði.
Meðal þeirra sem gripið hafa til að-
gerða er McDonalds skyndibitastað-
urinn í Bretlandi sem flytur nú inn
nautakjöt frá öðrum löndum í ham-
borgara sína.
Fjölmargar þjóðir, sem hafa keypt
nautakjötsafurðir frá Bretum, hafa
stöðvað innflutning á kjötinu. Evr-
ópusambandið fundar nú stíft um
aðgerðir til að hefta hugsanlega út-
breiðslu veikinnar og breskir nauta-
kjötsframleiðendur bíða ákvörðun-
ar með eftirvæntingu.
Ljóst er að minnkandi sala nauta-
kjöts mun auka söluna á öðrum
kjötafurðum, eins og lamba-, svína-
og kjúklingakjöti. Einnig er talið að
fiskneysla eigi eftir að aukast vegna
þess.
Reuter
Fjöldagifting samkynhneigðra:
Stuðningur
við réttlæti
Um 175 hommar og lesbíur gengu
í „táknrænt" hjónaband í San
Francisco í gær í fyrsta sinn sem
slík athöfn var leyfð í Bandaríkjun-
um. Þessi fjöldagifting er söguleg,
því San Franciscoborg er sú fyrsta í
landinu sem viðurkennir hjónabönd
samkynhneigðra. Þó öllum hefðum
sé fylgt við þessi hjónabönd, hefur
athöfnin ekkert lagalegt gildi.
„San Francisco er að sýna um-
heiminum að íbúar hennar vilji
styðja við bakið á réttlæti og sann-
girni,“ sagði lesbían Carole Migden
við athöfnina. Áður höfðu 3.000
hommar og lesbíur í borginni til-
kynnt um sambúð sína á síðustu
fimm árum í borginni, sambúð sem
nú fæst viðurkennd.
Hinn íhaldssami repúblikaia, Pat
Buchanan, hefur lýst vanþóknun
sinni á athöfninni. „Þessi athöfn
gerir gys að hefðbundnum giftingar-
athöfnum og ég er sannfærður um
að hún sé staðfesting þess að sið-
ferðisgildum í þjóðfélaginu fer
hnignandi." Reuter
Lesbíurnar Maxine Cincora og Jan Stafford voru ánægðar þegar þær voru gefnar saman á fjöldavígslu samkyn-
hneigðra í San Francisco f gær. DV-mynd Reuter
Jeltsín er hér mjög alvörugefinn á svip á fundi sínum með Haraldi Noregs-
konungi en Rússlandsforseti er nú í tveggja daga opinberri heimsókn í Nor-
egi. DV-mynd Reuter
Jeltsín leitar stuðn-
ings Norðmanna
Boris Jeltsín Rússlandsforseti
leitar nú eftir stuðningi Norðmanna
í viðleitni sinni til að koma í veg
fyrir útbreiðslu Nato í austurátt.
Boris Jeltsín er nú í tveggja daga
opinberri heimsókn í Noregi og hitt-
ir Gro Harlem Brundtland til við-
ræðna í dag. Landamæri Noregs og
Rússlands eru einu landamæri
þeirra síðarnefndu við Nato-ríki.
Jeltsín kom nokkuð á óvart þegar
hann lýsti því yfir að hann væri
ekki á móti því að ríki í Austur-Evr-
ópu gengju 1 Nato. Jeltsín lét síðar í
ljós að hann teldi að slíkt væri í
lagi, svo fremi sem ríkin tækju ekki
að sér hernaðarskuldbindingar.
Áður hafði komið upp hugmynd
meðal franskra embættismanna Atl-
antshafsbandalagsins að ný ríki,
sem gengju í Nato, gætu gert það á
pólitískum grunni án nokkurra
hernaðarskuldbindinga. Jeltsín
sagði að ef þjóðir Austur-Evrópu
gengju í Nato með fullum skuld-
bindingum myndi það geta skipt
veröldinni enn einu sinni upp í
tvær andstæðar hernaðarblokkir.
Reuter
Kínverjar vara Bandaríkin við afskiptum:
Hota þeim verri
útreið en í
Víetnamstríðinu
- segjast geta ráðist á Taívan á 5 mínútum
Wen Wei Po, eitt af málgögnum
stjórnvalda i Kína, varaði Banda-
ríkjamenn við því í dag að það yrði
þeim afar dýrkeypt reyndu þeir að
beita valdi til að koma í veg fyrir
sameiningu Kína og Taívans. Yrði
sú lexía dýrkeyptari en bæði Kóreu-
stríðið og Víetnamstríðið. Blaðið
undirstrikaði að þó Kínverjar hefðu
hætt heræfingum á Taívansundi
þýddi það ekki að Alþýðuherinn
gæti ekki gripið til frekari aðgerða
ef hann neyddist til þess.
„Alþýðuherinn útilokar ekki
möguleikann á frekari hernaðarað-
gerðum ef forseti Taívans fer í að-
gerðir sem miða að því að skilja
Taívan frá móðurlandinu," hafði
blaðið eftir hernaðarsérfræðingum.
Heræfingum Kínverja á Taívan-
sundi var ætlað að kúga Taívan,
sem Kínverjar líta á sem óróahérað
í Kína, til að hætta við öll áform um
sjálfstæði. Stjórnvöld á Taívan segj-
ast ekki leita sjálfstæðis fyrr en Kín-
verjar hefji lýðræðislegar umbætur.
Blaðið hæddist að hernaðarmætti
Bandarikjanna en stór herskipafloti
á vegum þeirra var staddur nærri
Taívan dagana fyrir forsetakosning-
arnar um helgina. „Það er fyrirsjá-
anlegt að ef Bandaríkjamenn beittu
valdi til að hindra sameiningu Kína
og Taívan þá yrði þeim kennd lexía
sem yrði mun alvarlegri en bæði
Kóreu- og Víetnamstríöið,“ sagði
blaðið og bætti við að þó herskipa-
floti Bandaríkjamanna væri tækni-
lega betur búinn en floti Kínverja
gæti hann ekki várið Taívan vegna
nálægðar eyjunnar við Kína.
„Það er ekki hægt að treysta á
Bandaríkin, þau hugsa einungis um
eigin hagsmuni þegar á reynir,“
sagði blaðið í viðvörunarorðum
beindum að stjórnvöldum á Taívan.
Blaðið vísaði á bug efasemdum um
að Kínverjar gætu ráðist á Taívan
og fullyrti að kínverskar hersveitir
gætu náð hvaða takmarki sem er á
eynni á fimm mínútum.
Reuter
Stuttar fréttir i>v
Kjarnorkubann undirritaö
Frakkland, Bretland og Banda-
ríkin undirrituðu 11 ára gamlan
sáttmála um bann kjarnorku-
vopna á Suður-Kyrrahafi.
Kohl sterkari
Helmut
Kohl, kanslari
Þýskalands,
kom sterkur
út úr auka-
kosningum í
þremur sam-
bandslöndum.
Virðast Þjóð-
verjar þó sjá fram á aö þurfa að
herða mittisólarnar.
Friðarsinni efstur
Uzi Baram, ferðamálaráðherra
og friðarsinni, var efstur í for-
kosningum ísraelska verka-
mannaflokksins í gær en Ehud
Barak utanríkisráðherra var
annar. Úrslitin þykja vísbending
um hver verði eftirmaður Simon-
ar Peresar.
Tóbaksiðnaður berst
Meðan pólitísk og lagaleg staöa
bandaríska tóbaksiðnaðarins
vernsar eyðir hann milljónum
dollara í áróðursherferð þar sem
lögð er áhersla á verndun banda-
rískra starfa.
Minnast valdaráns
Tugþúsund-
ir Argentínu-
manna söfnuð-
ust saman fyr-
ir framan for-
setahöllina í
Buenos Aires
til að minnast
þess að 20 ár
voru liðin frá síðasta valdarán-
inu. Menem forseti lýsti því sem
degi hryllings og dauða.
Löggumorðingi aflífaður
Stjórnarandstæðingur, sem
fundinn var sekur um að myrða
lögregluþjón í Bahrain, var tek-
inn af lífi.
Reykhugsanir slæmar
Áströlsk rannsókn sýnir að
það eitt að hugsa um að reykja
getur skaðað fóstur.
Mikil heróínframleiðsla
Mikil heróínframleiðsla á sér
stað í Burma þrátt fyrir að helsti
eiturlyfjabarón landsins hafi gef-
ið sig fram í fyrravor.
Heimsækir Póliand
Elísabet
Englands-
drottning er í
Póllandi og er
það í fyrsta
skipti sem
breskur þjóð-
höfðingi heim-
sækir landið.
Pólverjar líta á heimsóknina sem
viðurkenningu á stöðu þeirra í
Evrópu.
Sex drepnir á bar
Byssumenn ruddust inn á bar í
Sao Paulo í Brasilíu og myrtu sex
manns. Er það 15. morðiö í borg-
inni á árinu sem tengist átökum
glæpagengja.
Ræðst viö í Kashmír
Indverskir stjórnarerindrekar
hittu Kashmíra að máli í tilraun
til að koma á friðsamlegum sam-
skiptum.
Sony vinsælast
Sony er vinsælasta merkið í
Bandaríkjunum samkvæmt nýrri
könnun en General Electric og
Ford koma á eftir.
Díana beðin afsökunar
Ökumaðurinn sem varð valdur
að árekstri sem Díana prinsessa
lenti í hefur beðið hana afsökun-
ar vegna glannalegs aksturs.
Nýr 100 dollara seðill
Nýr 100 dollara seðill hefur
verið settur á markað til að
koma í veg fyrir tilraun til fals-
ana. Reuter