Dagblaðið Vísir - DV - 26.03.1996, Blaðsíða 15

ÞRIÐJUDAGUR 26. MARS 1996
tilveran -
Skíðasvæði:
Þrjú á vegum
borgarinnar
Reykjavíkurborg • hefur um-
sjón með þremur skíðasvæðum,
I Bláfjöllum, Skálafelli og á
HengiJssvæðinu. Virka daga
eru svæðin opin frá 10 til 22 en
um helgar og á helgidögum frá
10. til 18. Um páskana verður
opið frá 10 til 18 frá skírdegi og
tÚ annars í páskum. Opnun
skíðasvæðanna fer að sjálf-
sögðu eftir veðri og þvi er fólki
ráðlagt að hringja í símsvara
áður en lagt er af stað. Siminn
er 580-1111.
Teitur Jónasson:
Keyrir úr
nágranna-
byggðum
Áætlun Teits Jónasson úr
Kópavogi og Garðabæ mánu-
daga til fostudaga er frá
Menntaskólanum i Kópavogi
Íkl. 16.40, aukaferð á miðviku-
dögum kl. 14 og laugardaga og
sunnudaga er farið kl. 9 og kl.
13. Frá M.K. er farið sem leið
liggur upp á Arnarnes, að Shell
í Garðabæ, Smára, Sæbóli og
Engihjalla.
i -sv
Haukur Brandsson:
Létt að skíða
á litlum skíðum
„Þetta er svona það nýjasta í þess-
um skíðabransa, ásamt snjóbrettun-
um, og þótt þetta virðist kannski
vera erfiðara “en að vera á stórum
skíðum þá er ég viss um að það er
bara léttara. Þetta er í það minnsta
mun skemmtilegra,“ sagði Haukur
Brandsson, skíðamaður úr Réttar-
holtsskóla. Tilveran rakst á Hauk
þar sem hann brunaði niður brekk-
urnar á að því er virtist stórum
inniskóm. Þegar betur var að gáð
kom i ljós að bindingarnar og kloss-
amir voru hefðbundin en skíðin lík-
lega um 150 sentímetrum styttri en
við hefði mátt búast miðað við hæð
Hauks.
„Maður þarf ekkert að vera orð-
inn góður á venjulegum skíðum til
þess að skíða á þessum. Það er bara
auðveldara að stýra þeim. Þetta er
rosalega gaman og ég kem hingað
nokkuð oft, þ.e. þegar einhver snjór
er,“ sagði Haukur. Hann sagðist
hafa komið með Réttarholtsskólan-
um þennan dag og orðið eftir og
sagðist vera að vonast eftir góðu
veðri og nægum snjó um páskana
svo hægt yrði að vera á skíðum.
-sv
Skíðaleiga
Sportleigan selur
notaðan búnað, skó frá
2.500 kr., skíði með
bindingum frá 5.500
kr. og stafir fást mjög
ódýrir.
Þeir sem vilja leigja
útbúnaðinn einn dag
fá hann í Sportleig-
unni á 1.700 kr.
Skólakrakkar fá hann
á 1.500 kr. Skíðaleigan
í Bláfjöllun býður all-
an útbúnaðinn á 1.800
kr. fyrir daginn, börn
á grunnskólaaldri fá
hann á 1.500 kr. og
skólafólk fær hann á
1.200 kr.
Hrafnhildur Heiða á brettinu sínu. Hún var hálffúl yfir að búið væri að loka
lyftunum en sagði daginn hafa verið góðan. DV-myndir ÞÖK
Skíðabrettakona:
Miklu skemmtilegra
„Ég fer reglulega á skíði en mér
finnst snjóbrettið miklu skemmti-
legra,“ sagði Hrafnhildur Heiða
Gunnlaugsdóttir, nemi í 8. bekk
Réttarholtsskóla, þegar DV hitti
hana í Bláfjöllum í síðustu viku.
„Þetta er miklu auðveldara þegar
maður er kominn upp á lagið með
þetta. Dagurinn hefur verið mjög
góður og það er fátt betra en að
renna sér í snjónum í góðu veðri.
Það er að vísu dálítið kalt í dag og
hálffúlt að það skyldi þurfa að loka
lyftunum vegna vindsins."
Hrafnhildur Heiða segist vera ný-
búin að fá brettið og því hafi hún
ekki farið mikið á það fram að
þessu.
„Ég er ákveðin í því að nota tim-
ann vel í páskafríinu og ætla að
vera hér eins mikið og ég get, svo
fremi að hér verði einhver snjór.
Það er lítið gagn að því að hanga
hér ef enginn er snjórinn," sagði
Hrafnhildur Heiða.
-sv
Töluverður
kostnaður
Það er varla hægt að segja
annað en talsverð útgjöld fylgi
því einu
að koma
sér á
skíða-
svæðin og
kaupa sér
aðgang að
lyftunum.
Bifreiða-
stöð ís-
lands,
BSÍ, sér
um rútu-
ferðirnar
upp í Blá-
fjöll og
kostar
ferðin fyr-
irfull-
orðna, 12
ára og
eldri, 650
kr. fram
og til
baka.
Börn yngri en 6 ára borga ekk-
ert en 6-12 ára borga 500 krón-
ur. Hálfur dagur í lyfturnar
kostar 800 kr. fyrir fullorðna
og 300 kr. fyrir börn. Heill dag-
ur kostar 1000 kr. fyrir full-
orðna og 400 kr. fyrir börn.
Hálfsdagskort gilda tO kl. 16
þá daga sem opið er til 22 en til
kl. 14 þá daga sem opið er til 18.
Guðmundur Jónasson:
Ferðir frá BSÍ
Rútan upp i Bláfjöll fer frá
BSÍ kl. 10 og 13.30 laugardaga
og sunnudaga, mánudaga og
föstudaga kl. 14 og 17 og þriðju-
daga, miðvikudaga og fimmtu-
daga kl. 14, 16 og 17. Bíllinn er
u.þ.b. eina klukkustund í Blá-
fjöll, frá B.S.Í., en hann fer
Laugarnes-Breiðholt, kemur
við í strætisvagnaskýlinu viö
I Sundlaugarnar í Laugardal,
Sunnutorgi, Olís Álfheimum, á
gatnamótum Bústaðavegar og
i Réttarholtsvegar, Mjódd, Fella-
í skóla og í Árbæ. Leiðin vestur-
bær- austurbær byrjar við
Mýrarhúsaskóla, þaðan er farið
í Melaskóla, BSÍ, Shell Miklu-
braut, Nesti Ártúnshöfða, Olís
Grafarvogi, að Hallsvegi og
Gagnvegi, Shell í Árbæ og
Kaupfélagi Mosfellsbæjar.
Tvær úr Ljósavatnsskóla:
Strákarnir eru
svo montnir
„Við erum búnar að vera á skíð-
um í dag en tókum svo sleðann fram
og skemmtum okkur vel hér í
brekkunni. Við fengum frí í skólan-
um í dag og fórum í skíðaferð í stað-
inn,“ sögðu þær stöllur Ása Valdís
Árnadóttir, 13 ára, og Bergdís Mjöll
Rúnarsdóttir, 11 ára, báðar nemend-
ur í Ljósavatnsskóla, rétt utan við
Selfoss, en þær lágu í snjónum og
sleiktu sólskinið þegar Tilveran var
í Bláfjöllum í síðustu viku.
Stúlkurnar sögðust ekki fara oft á
skíði enda ættu þær engar slíkar
græjur. Ása Valdís sagðist hafa
fengið lánuð skíði til fararinnar en
Bergdís Mjöll tók bara snjóþotuna
með.
„Þetta er búið að vera mjög gam-
an og veðrið er gott þótt það sé svo-
lítið kalt,“ sagði Ása og Bergdís tók
undir að ferðin væri góö tilbreyting
frá náminu en sagði að sér fyndist
ekkert kalt. Galdurinn væri bara að
klæða sig rétt.
Aðspurðar hvort skíðaparadísin
væri toppurinn á tilverunni sögðu
þær svo ekki vera. En eru það þá
strákarnir? „Nei, þeir eru svo
montnir. Ætli það eigi ekki bara eft-
ir að koma í ljós hvað það er sem er
toppurinn á tilverunni," sögðu
stúlkurnar.
-sv
Ása og Bergdís á sleðanum.
i