Dagblaðið Vísir - DV - 26.03.1996, Blaðsíða 9

ÞRIÐJUDAGUR 26. MARS 1996
9
Utlönd
Mel Gibson hlaut loks náð fyrir augum óskarsakademíunnar:
Braveheart hlaut
5 óskarsverðlaun
- Susan Sarandon og Nicolas Cage valin bestu leikararnir
„Þetta er sannarlega stórkostlegt
kvöld fyrir mig,“ sagði leikarinn og
leikstjórinn Mel Gibson en hann
kom, sá og sigraði við afhendingu
óskarsverðlaunanna í Hollywood í
nótt. Mynd hans, Braveheart, sem
fjallar um skoska uppreisnarhetju á
miðöldum og Gisbon leikur sjáífur
aðalhlutverkið í, fékk alls fimm ósk-
arsverðlaun. Var Braveheart valin
besta myndin og fékk Gibson óskar-
inn fyrir leikstjórnina. Þá fékk
myndin óskarsverðlaunin fyrir
bestu kvikmyndatökuna, besta
hljóðið og bestu fórðunina. Mel Gib-
son, 40 ára, hefur verið tilnefndur
til óskarsverðlauna áður en skipar
sér nú á bekk með mörgum þekkt-
um leikurum sem hljóta óskarsverð-
laun sem leikstjórar.
Nicolas Cage hreppti óskarsverð-
launin sem besti karlleikari í aðal-
hlutverki fyrir leik sinn í myndinni
Leaving Las Vegas. Þar leikur hann
drykkfelldan handritshöfund. Er
þetta fyrsti óskar Cages.
Susan Sarandon hlaut óskarinn
sem besta leikkonan en hún leikur
nunnu sem á í samskiptum við
dauðadæmdan fanga í myndinni De-
ad Man Walking. Er þetta í fyrsta
skipti sem Sarandon fær óskarinn
en hún hefur verið tilnefnd fimm
sinnum.
Kevin Spacey hlaut óskarinn fyr-
ir leik í aukahlutverki í sakamála-
myndinni The Usual Suspects en
þar leikur hann fatlaðan svindlara.
Mira Sorvino hreppti síðan óskar-
inn fyrir aukahlutverk í mynd
Woddy Allens, Mighty Aphrodite,
en þar leikur hún símavændiskonu.
Emma Thompson hampaði ósk-
arsstyttu i lok hátíðarinnar en hana
fékk hún fyrir gerð handrits eftir
skáldsögu fyrir myndina Sense and
Sensibility. Emma hlaut óskarinn
fyrir besta leik 1992 og er fyrst í
sögu óskarsverðlaunanna til að fá
óskar fyrir bæði leik og handrits-
gerð.
Besta erlenda myndin var valin
Antonia’s Line frá Hollandi.
Leikarinn Christopher Reeve,
sem lamaðist eftir slys á hestbaki í
fyrra, kom hátíðargestum í opna
skjöldu þegar hann birtist í hjóla-
stólnum sínum og fjallaöi um
ábyrgð kvikmyndaiðnaðarins gagn-
vart gerð mynda um félagsleg mál-
efni. Var varla auga þurrt í salnum
eftir ræðu hans.
Gamla brýnið Kirk Douglas, faðir
Michaels, hlaut sérstök heið-
ursverðlaun óskarsakademíunnar
fyrir ævilangt starf sitt að kvik-
myndum og reis allur salurinn úr
sætum þegar hann veitti verðlaun-
unum viðtöku.
Leikkonan Whoopi Goldberg
stýrði verðlaunaafhendingunni og
þótti takast mun betur upp en
spjallþáttastjórnandinn David Lett-
erman í fyrra. Reuter
Mel Gibson þakkar fyrir óskarsverðlaunin sem hann hlaut fyrir leikstjórn. Símamynd Reuter
Biður Perot að fara ekki fram
Bob Dole, sem hefur tryggt sér út-
nefningu repúblikana sem forseta-
frambjóðandi Qokksins í nóvember,
bað Ross Perot, sem bauð sig fram í
síðustu forsetakosningum, um að
bjóða sig ekki fram í komandi kosn-
ingum. Sagði Dole að framboð Perots
mundi einungis hjálpa Bill Clinton
forseta til endurkjörs.
Forkosningar repúblikana fara
fram í Kalifomiu í dag. í gær sagði
Dole að repúblikanar hefðu reynt að
koma til móts við hugmyndir Perots
en þær hefðu strandað á neitunar-
valdi Clintons. „Clinton hefur verið
hindrun. Við skulum ekki gera bar-
áttuna erfiðari fyrir repúblikana.
Látum það verða létt verk að senda
Bill Clinton aftur heim til Little
Rock.“
Perot tók ekki vel í beiðni Doles. í
viðtali réðst hann bæði á repúblik-
ana og demókrata fyrir að takast
ekki að ná samkomulagi um fjárlaga-
frumvarpið fyrir 1996.
Perot er að safna fé tU eigin flokks
sem hann kallar Reform Party eða
Endurbótaflokkinn. Stefnir flokkur-
inn á að bjóða fram í forsetakosning-
unum í haust. Perot segist vilja fara
fram velji flokkurinn hann. Perot
fékk 19 prósent atkvæða í forseta-
kosningunum 1992. Reuter
pvl!
IBRAVEHEARTI
Réttað yfir
fjöldamorðingja
Ástralski fjöldamorðinginn, sem
ákærður er fyrir hrottafengin morð
á sjö bakpokaferðalöngum, hafði að
öllum líkindum uppi áform um rán
og morð á breskum ferðamanni.
Breski ferðamaðurinn er aðalvitni
ákæruvaldisns gegn meintum
fjöldamoröingja, ástralska vega-
vinnumanninum Ivan Milat. Hinn
51 árs gamli Milat er talinn hafa
myrt sjö ferðamenn á árunum
1989-’92 og hent illa útleiknum lík-
um þeirra í grafir sem hann útbjó í
Belangloskógi, um 100 km suðvestur
af Sydneyborg.
Talið er að Milat hafi ætlað að
ræna og myrða breska ferðamann-
inn sjálfum sér til skemmtunar, en
breska ferðamanninum tókst að
flýja undan honum. Líkin sem fund-
ist hafa af þeim myrtu eru öll mjög
illa útleikin, hafa verið bútuð sund-
ur og greinilega verið verr útileikin
en nauðsynlegt var til að taka fólk-
ið af lífi. Leitin aö fjöldamorðingjan-
um hefur lengi staðið yfir og mikill
ótti hefur hrjáð íbúa á athafnasvæði
morðingjans en þeir varpa nú önd-
inni léttar. Reuter
Panasonic
Ferðatæki RX DS25
Ferðatæki með geislaspilara,
40W magnara, kassettutæki,
útvarpi m/stöðvaminni og
fjarstýringu.
BESTA IVIYND
BESTI LEIKARI
Nicolas Cage - Leaving Las Vegas
BESTA LEIKKONA
Susan Sarandon - Dead Man Walklng
BESTI LEIKARI I AUKAHLUTVERKI
Kevin Spacey - The Usual Suspects
BESTA LEIKKONA I AUKAHLUTVERKI
Mira Sorvino - Mlghty Aphrodlte
BESTI LEIKSTJORI
Mel Gibson - Braveheart
BESTA ERLENDA KVIKMYND
Antonia's Line - Holland
BESTA FRUMSAMDA HANDRIT
i
The Usual Suspects - Christopher McQuarrie
BESTA HANDRIT BYGGT A OÐRU EFNI
Sense and Senslblllty - Emma Thompson
MATUR 0G KOKUR
/#/////////////
16 síðna aukablað um MAT OG KÖKUR
fylgir DV á morgun
Fjallað verður um matartilbúning
fyrir páskana.
Uppskriftir að kökum, brauðréttum og
ostaréttum verða birtar.
Sagt verður frá páskasiðum o.fl.