Dagblaðið Vísir - DV - 02.01.1999, Blaðsíða 49

Dagblaðið Vísir - DV - 02.01.1999, Blaðsíða 49
LAUGARDAGUR 2. JANÚAR 1999 &ikmyndir « i ^ Bíóborgin - Holy Man Sölumaður af guðs náð ** Eftir að hafa verið um tíma í lægð náði Eddie Murphy sér vel á strik í tveimur kvikmyndum, The Nutty Professor og Dr. Doolittle. Hvað hann aftur á móti hefur séð við hlutverk hins „heilaga manns" í Holy Man er erfitt að koma auga á. Kannski hefur hann hugsað sem svo að þarna væri tækifæri fyrir hann að losna úr þeim ýktu gamanhlutverkum sem hafa verið einkenni á ferli hans. Allavega talar hann sjálf- sagt þrisvar sinnum minna í Holy Man en í öðrum myndum sínum og glottir sjaldnar en áður. Murphy hefur samt ekki erindi sem erfiði, til þess er persónan of veikburða og Murphy ekki nógu sterkur á svellinu. Mótleikarar hans Jeff Goldblum og Kelly Preston eru í nánast jafnstórum hlut- verkum og hann en þær persónur eru ekki eins áhugaverð- ar, formúlukenndar Hollywoodtýpur. Holy Man fer ágætlega af stað. Goldblum leikur sölustjór- ann Ricky hjá sjónvarpsmarkaði og er dálítið beittur ádeilu- tónn á þessa leiðinlegu starfsemi að finna í myndinni. Ricky er að missa starfið vegna þess að salan hefur ekki aukist. Þegar springur hjá honum á hraðbraut birtist upp úr þurru, sköllóttur og hvítklæddur maður sem segist heita G og minnir mest á búddamunk og segist geta hjálpað honum. Þótt Ricky sé langt í frá hriflnn af G, sem hann telur vera hálfklikkaðan, fer það nú svo að hann situr uppi með hann. í samkvæmi einu, sem Ricky heldur til að reyna að bjarga andlitinu, koma í ljós leyndir hæfileikar hjá G sem Ricky sér að hann getur nýtt sér í sjónvarpsmarkaðinn. G, sem er allur af vilja gerður, kemur fram í sjónvarpi, slær í gegn og verður nánast átrúnaðargoð milljóna manna. En eftir því sem G verður vinsælli verður hann daprari og að sama skapi fer samviskan að kvelja Ricky. Þegar líður á myndina verður sagan leiðinlegri og vitlaus- ari og dofnar mjög yfir myndinni. Eddie Murphy reynir K« I j hvað hann getur V I K IH V II 0 a aösameinagaman ' og drama í leik sinn en fær kannski ekki þá aðstoð frá leik- KRINGLUBI Kringlunni 4-6, sími 588 0800 www.samfilm.is EINA BÍÓID MEÐTHX DIGITAI ÍÖJXUM SÖLUM Eddie Murphy, hvítklæddur f hlutverki G. stjóranum sem hann þarf greinilega á að halda og því nær hann ekki halda athyglinni auk þess sem persónan er mjög loðin. Holy Man er þó þolanleg fram í lokin þegar væmnin nær yfirtökum í atriði þar sem Jeff Goldblum játar í beinni útsendingu hvílíkur aumingi hann er. Þá varð manni öllum lokið og var þeirri stundu fegnastur að komast út í hreint ís- lenskt vetrarloft. Leikstjóri: Stephen Herek. Handrit: Tom Schulman. Kvik- myndataka: Adrian Biddie. Tónlist: Alan Silvestri. Aðalhlut- verk: Eddie Murphy, Jeff Goldblum, Kelly Preston og Robert Loggia. Hilmar Karlsson Sýndm/ísl.talkl. 1,3, og 5. Sýnd kl. 12.30 09 2,45. THX Digital.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.