Dagblaðið Vísir - DV - 02.01.1999, Blaðsíða 25

Dagblaðið Vísir - DV - 02.01.1999, Blaðsíða 25
f LAUGARDAGUR 2. JANUAR 1999 Mafíósinn frá Moskvu var sýknaður í Genf 5f "¦ %éttir* „Hjarta mitt er ftult af þakklæti. Ég elska ykkur, ég elska ykkur, ég elska ykkur." Þetta voru orð Sergejs Anatolievitchs Mikhailovs, sem talinn er vera foringi rúss- nesku Solntsevomafíunnar, þegar kviðdómur i Genf sýknaði hann nú í desember vegna ónógra sannana. Lögreglumenn og saksóknarar í Sviss voru ekki jafn ánægðir og Mikhailov yfir sýknudóminum. Mikhailov, sem kallaður er Mik- has, hafði setið tvö ár í gæsluvarð- haldi í Sviss þegar réttarhöld hófust yfir honiun í Genf 30. nóvember. Sjálfur hélt hann því fram að hann væri sjálfstæður kaupsýslumaður sem útvegaði mönnum viðskipta- sambönd. Saksóknarar fullyrtu að Mikhas væri foringi mafíunnar sem kennd er við Solntsevohverfið í Moskvu. Samkvæmt rússnesku lögreglunni ræður Solntsevomafían yfir þriðj- ungi viðskipta í Moskvu auk þess sem hún er í nánu sambandi við mafíusamtök úti á landsbyggðinni í Rússlandi. Réttarhöldin yfir Mikhas þóttu for- vitnileg fyrir alla sem hafa áhuga á viðskiptum við Rússa. Meðal þeirra sem komu fyrir réttinn var kaup- sýslumaðurinn Alexander Abramovitch. Að sögn Abramovitch, sem kviðdómur sá reyndar einungis á myndbandi, skiptir ekki máli hvort menn stunda viðskipti með skó, lækninga- tæki eða skartgripi í Moskvu. Allir verða að greiða mafiunni verndar- tolla og mútur. Á fund foringjans Árið 1993 opnaði Abramovitch skartgripaverslun ásamt Austurrik- issmönnum. Austurríkismennirnir reyndu að bola honum frá með að- stoð Tanganomafíunnar. Kunningi Abramovitch gaf honum símanúm- er sem hann gæti hringt í vildi hann fá aðstoð. Abramovitch fékk þá aðstoð sem hann bað um. I Moskvu eru það greinilega sambönd eða skúrkar eða vinir en ekki lög- fræðingar sem leysa deilur þeirra sem eiga í viðskiptum. í þessu til- felli voru það félagar í Solntsevoma- fiunni sem þjörmuðu að Austurrík- ismönnunum. Abramovitch var ákaflega þakklát- ur og fékk stuttu seinna að koma á fund leiðtoga Solntsevomafíunnar, Sergejs Mikhas. jm :'-¦-¦. __. Erlent fréttaljós „Hann var foringinn. Það lék eng- inn vafi á því. Það var hann sem tók ákvarðanirnar," sagði Abramovitch við yfirheyrslurnar i Genf. Mikhas var vingjarnlegur og spurði Abramovitch, sem var með hjartakvilla, hvernig hann hefði það. „Ég hélt að hann væri björgun- armaður minn." En það var áður en reikningurinn kom. Fyrst krafðist Solntsevomafían 30 prósenta af viðskiptagróða Abramovitch. Síðan hækkaði kraf- an upp í 40 prósent. Að lokum krafð- ist mafian ekki bara prósenta af gróðanum heldur af'veltunni. Farið var að þjarma að Abramovitch og hann var þvingaður til að taka ónauðsynleg lán. „Ég missti tökin á versluninni minni. Þegar ég fór að heiman á Rússinn Sergej Mikhas hrósaði sigri ið sýknaður í Genf. Mikhas er talinn unnar í Moskvu. morgnana var ég ekki að hugsa um viðskipti heldur um hvort ég kæm- ist heim lifandi um kvöldið." í október 1995 brotnaði Abramovitch saman. Fyrir sparifé sitt keypti hann farmiða fyrir sig og fjölskylduna til Bandaríkjanna. En mafían lét hann ekki í friði þar og krafðist greiðslu. Abramovitch telur að hann hafi á tveggja ára tlmabili greitt mafíunni tvær milljónir doll- ara. Abramovitch er meðal fjölmargra vitna sem Robert Levinson í banda- rísku ahíkislögreglunni, FBI, hefur yfirheyrt vegna rannsóknar sinnar á starfsemi rússneskra mafiusam- taka. Annað vitni, majórinn Nikolaj Ou- porov, skýrði fyrir dómstólnum i Genf frá uppbyggingu Solntsevoma- fiunnar. Efst er ráð um 20 manna sem sjá um sameiginlegan sjóð. Undir þeim eru 20 deildir sem njóta talsverðs sjálfstæðis. Þær greiða gjöld i sjóðinn. Undir deildunum 20 er 65 undirdeildir og eru 20 manns í hverri þeirra. Samtals eru starfs- menn Solntsevomafiunnar um 1500. Ouporov greindi frá því að Solnt- sevomafían hefði verið stofnuð 1987 í samnefndu úthverfi Moskvu. Mik- has var sagður vera foringinn. Hann hafði árið 1984 fengið skil- orðsbundinn dóm fyrir trygginga- svik og misst starf sitt í hótelbrans- anum. Það var þá sem Mikhas hitti manninn sem nú er sagður vera hægri hönd hans, Viktor Averine. Frá 1992 hefur Solntsevomafían sett það fé sem hún græddi á svindli og fjárkúgun I lögleg fyrirtæki, að sögn Ouporovs. Svissnesk blöð hafa greint frá því að Mikhas sé vinur borgarstjóra Moskvu, Iouris Loujkovs, sem tal- inn er mögulegur eftirmaður Borís Jeltsíns Rússlandsforseta. Vegna tengsla sinna við borgarstjórann gat Mikhas gefið í skyn við svissneska fyrirtækið SCFI Holding að það gæti fengið að endurnýja vatns- leiðslur Moskvuborgar. Annað mögulegt verkefni, að sögn Mikhas, var lagning gasleiðslu mill Túrk- við komuna til Moskvu eftir að hafa ver- vera foringi rússnesku Solntsevomafí- Símamynd Reuter menistans og Úkraínu. Ekki eru nema nokkrar vikur síð- an fyrrverandi forsætisráðherra Úkraínu, Pavlo Lasarenko, var handtekinn í Sviss. Hann er grunað- ur um spillingu, um að hafa dregið að sér opinbert fé og hvítþvegið svarta peninga. Lasarenko er sagð- ur hafa hug á að verða forsætisráð- herra Úkraínu næsta sumar. Mikhas fékk ekki frið fyrir rúss- nesku lögreglunni. Hann var hand- tekinn 1989 vegna fjárkúgunar en. látinn laus eftir 19 mánaða gæslu- varðhald. Árið 1993 var hann enn á ný handtekinn í Moskvu. í þetta sinn var hann grunaður um aðild á morðinu á spilavítisforstjóranum Valeri Vlassov. Mikhas var sleppt eftir íhlutun háttsetts aðila í innan- ríkisráðuneytinu. Flúði frá Rússlandi í árslok 1993 hélt Mikhas til Ung- verjalands þar sem vinur hans Sem- ion Mogilevitch tók á móti honum. Talið er að Mogilevitch sé foringi úkrainsku mafiunnar í Mið-Evrópu. Mikhas dvaldi á ýmsum stöðum eftir komu sína til Ungverjalands áður en hann flutti til Sviss. Hann var meðal annars um skeið í Vínar- borg. Hann fékk ísraelskt vegabréf við sýndarhjónaband auk skihíkja frá öðrum löndum. í Sviss settist Mikhas að í bænum Borex skammt frá Genf. Dætur hans tvær, 13 og 15 ára, voru innritaðar í rándýra einkaskóla fyrir börn heldri manna í Evrópu. Mikhas og eiginkona hans, Ludmilla, eyddu um sem svar- ar 700 þúsundum íslenskra króna á mánuði í fatnað og ferðalóg. Svissneska lögreglan hleraði sím- töl Mikhas stuttu eftir að hann flutti inn í lúxusvillu sína. „Ég er númer eitt eða tvö í Solntsevo," á Mikhas meðal annars að hafa sagt við mann að nafni Yanets i Grikklandi. Skömmu seinna var Mikhas hand- tekinn á flugvellinum í Genf fyrir rúmum tveimur árum. Örlög ungs svissnesks lögmanns urðu hin sömu. Lögmaðurinn, sem svissnesku blöðin kalla I., er kvænt- ur rússneskri konu og talar rúss- nesku. Fyrir rétti greindi I. frá því að hann hefði orðið yerjandi Mik- has og heimsótt hann nær daglega í fangelsið, fyrst með öðrum lög- manni en síðan einn. „Af mannúðarástæðum" sam- þykkti I. að smygla bréfum Mikhas út úr fangelsinu til ástkonu hans, Tatjönu, í Moskvu. „Ég vorkenndi Mikhas. Hann var þunglyndur í einangruninni," út- skýrði lögmaðurínn ungi. Bréfa- sendingarnar urðu umfangsmeiri. Mikhas sendi einnig nánustu sam- starfsmönnum sínum símbréf og til- kynningar. Meðal þeirra sem fengu orðsendingu var rússneskur lög- maður sem svissnesk yfirvöld bönn- uðu að koma inn í landið. Bréfa- skriftirnir höfðu staðið yfir í eitt ár áður en svissneska lögreglan hand- tók lögmanninn unga. I. sat 10 vikur í gæsluvarðhaldi. Hann hefur nú skipt um starf. Sviss- neskir saksóknarar fullyrtu að bréf- in til Tatjönu væru á dulmáli og að Mikhas stýrði enn Solntsevomafí- unni úr fangelsinu. Um 3 þúsund Rússar búa á Genfar- svæðinu og þar er rússneskur banki. Lögregla fjölda Evrópuríkja, sem reynt hefur að fá sannanir fyr- ir starfsemi rússneskra mafíusam- taka, fylgdist spennt með réttarhöld- unum i Sviss. Það gerði einnig bandaríska lögreglan. Solntsevomaf- lan er talin hafa verið í sambandi við Rússann Vjacheslav Ivankov sem dæmdur var í 115 mánaða fang- elsi í New York í fyrra. Eitt rússnesku lykilvitnanna, sem saksóknaraembættið í Genf ætlaði að kalla í vitnastúku, var skotið til bana i Amsterdam í fyrra. Sjálfur fullyrti Mikhas fyrir rétti að hann hefði aldrei heyrt Solnt- sevomafíunnar getið. Hann kvaðst vera fórnarlamb samsæris keppi- nauta sinna i viðskiptum. Byggt á Reutef, Tribune de Genéve og Jyllands-Posten. Ef þú þarft að létta á þér komdu þá tíS Oauja litla SeltjaniaiTU&i 'K@fkjavik ¦Wafiiarfirái Kynningar- fundur í Háskólabíói 2. janúar n.k. ld. 13:0014:00 féfflfl ^/F,LIT~r *eP' ixrótta FMNAOUR Skráning í síma 561 3434

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.