Dagblaðið Vísir - DV - 16.03.1999, Blaðsíða 10
10
ÞRIÐJUDAGUR 16. MARS 1999
Spurningin
Hvað ætlar þú að gera
um páskana?
(Spurt í Hveragerði)
Sigurður Sólmundarson nemi: Ég
er ekki búinn að ákveða það en býst
við að ég skemmti mér og neyti
áfengra drykkja í ómældu magni.
Brynja Ósk Ólafsdóttir nemi: Ég
vil helst bara slappa af hér i Hvera-
gerði.
Steimmn Þorsteinsdóttir, starfs-
maður á Ási: Ég verð að vinna alla
páskana.
Kristbjörg Erla Hreinsdóttir,
starfsmaður Hverakaups: Helst
vildi ég fara til Danmerkur því þar
hef ég veriö áður. En ætli maður
verði ekki að vinna um páskana.
Ragnar Ágúst Nathanaelsson
nemi: Mig langar bara að passa
hundinn minn og aðra hunda eða
leika mér við vin minn.
Anna Jóna Reynisdóttir nemi: Ég
vil fara til útlanda með mömmu.
Lesendur
Við eigum miðin,
þeir útvöldu fiskinn
Hve mikið mætti hækka öll laun, bætur og ellilífeyri frá kvótakerfinu í núver-
andi mynd, hefði allt frákast og fiskúrgangur farið f vinnslu, segjum frá ár-
inu 1990? - Vægt reiknað á 120-130 milljarða króna.
Garðar Björgvinsson skrifar:
Ég vil byrja á að þakka Jóni Sig-
urðssyni, fyrrverandi framkvæmda-
stjóra, fyrir hnitmiðaðar blaða-
greinar um hneykslið mikla, stjórn
fiskveiða. Önundur Ásgeirsson á
einnig þakkir skildar fyrir skrif sin
um sama efni. Sem betur fer eru
það ekki bara sjómenn sem sjá
óréttlætið, því um það bil 75% þjóð-
arinnar standa nú orðið agndofa
yflr afstöðu stjórnvalda gegn al-
menningi í þessu landi og tali
þeirra um góðæri.
Fólk í öllum stéttum bíður kosn-
inganna 8. maí nk. Stóra málið er,
hver flokkanna er líklegur til að
gera stóra hluti i þessum málum. Er
það fólkið í gömlu flokkunum sem
búið er að taka þátt í öllu svínarí-
inu? Nú dugar ekki að setja upp
nýtt og trúverðugt augnaráð. Nei,
nú er grauturinn aðeins í stærri
skál og heitir Samfylking. Sá er
munurinn. Ekkert dugir þjóðinni
annað en gjörbreytt hugarfar.
Hvaðan ætti það að koma? Varla
annars staðar frá en úr sjálfri bók
bókanna, heilagri ritningu. Svo ein-
falt er það. Það má því að skað-
lausu, og ekki kannski seinna
vænna, efla Kristilega lýðræöis-
flokkinn. En það er ekki nóg, þótt sá
flokkur fengi svo sem 1 eða 2 menn
á þing. Aðalaflgjafinn er Frjálslyndi
lýðræðisflokkurinn. Sverrir Her-
mannsson er fagmaður og honum
einum er það gefið að breyta þjóðfé-
laginu til bjartari framtíðar. Honum
fylgir úrvalsfólk sem vill þjóðinni
allt hið besta.
Hve mikið mætti hækka öll laun,
örorkubætur og ellilífeyri frá kvóta-
kerfinu í núverandi mynd, ef t.d.
allt frákast og fiskúrgangur heföi
farið í vinnslu, segjum frá árinu
1990? Það mun vægt reiknað 120-130
milljarðar króna. Vilji menn fram-
hald á þessum hryðjuverkum gegn
móður náttúru, framhald á vald-
niðslu, aukna stéttaskiptingu og
stórvirkari lénsherra, þá kjósa
menn D-listann eða Framsókn. Vilji
menn að hópur Davíðs tvístrist út
um víðan völl í stjórnleysi, þá kjósa
menn yfir sig Samfylkinguna í
grautarskálinni eða aðra arma
hennar sem menn kunna ekki að
nefna.
Á íslandi mun með undraverðum
hætti geta birst frelsi, jöfnuður og
hamingja með samstöðu kristilega
þenkjandi fólks með Sverri Her-
mannsson í stafni. Þá kann hinni
svörtu hönd sem heldur íslensku
þjóðfélagi í heljargreip sinni að
verða svipt burt. Engin ill öfl eru
nógu sterk til að standast það ef
þjóðin biður í einlægni um frelsi
sitt og lífshamingju á ný.
Vatnsósa viður, verðlaust hús
Óskar skrifar:
Mikið finnst mér fréttin um hús-
ið í Hafnarfirðinum, þar sem
veggjatítlurnar höfðu farið hamfor-
um, vera einkennileg. í viðtali við
eiganda hússins kom m.a. fram að
húsið væri metið á um 9 milljónir
króna. Þama hafa nú áreiðanlega
fleiri en ég fengið bakþanka. Mér
sýnist húsið ekki vera sá bógur,
hið ytra a.m.k., að þar færu 9 millj-
ónir af grunninum - verðmæti
mjög góðrar 4ra herbergja íbúðar (í
sambýlishúsi að vísu). í öðra lagi
fannst mér mjög vanta í sjónvarps-
fréttina a.m.k. hvar eigandinn
hefði keypt hið gallaða hús, hver
framleiddi það eða hvort það væri
innflutt.
Nú er allt kapp lagt á að upplýsa
mann um veggjatítlur og vatnsósa
við sem þær sækjast í. Það finnst
mér ekkert aðalatriði því þessar
bjöllur finnast hér ekki nema inn-
fluttar, og þá alveg óvart. Mér
finnst hins vegar rannsóknarefni
hvort svona atburður, sem er jú
einstakur, verður ekki til þess að
sá er seldi hina gölluðu vöru, þ.e.
húsið, greiði kaupanda hana að
fullu til baka. Hús úr vatnsósa viði
er jú verðlaust hús, og hefur aldrei
verið 9 milljóna króna virði.
Einokunin er óþolandi
„Undarlegt er aö ódýrara skuli aö fljúga alla leið frá Evrópu til Ameríku en
milli Evrópu og íslands. Veit hin fjarstýröa Samkeppnisstofnun íslands
nokkuð um þetta?“
Bjartmar Jónsson skrifar frá
Noregi:
Ég er einn af þúsundum íslenskra
útlaga á Norðurlöndunum og ann-
arra íslendinga á erlendri grundu
sem ofbýður einokunarvald Flug-
leiða þegar kemur að fólksflutning-
um til og frá íslandi. Með fullri virð-
ingu fyrir starfsfólki flugfélagsins er
margt sem veldur reiði, undrun og
áhyggjum hjá venjulegu fólki, sem
neyðist til að eiga viðskipti við þetta
flugfélag hér erlendis, og eflaust öðr-
um viðskiptavinum á íslandi.
í mörg ár, áður en ég nauðugur
viljugur, varð einn af útlögum frá
minni fósturjörð, heyrði ég harma-
kvein íslendinga búsettra í Evrópu
er kvörtuðu um há fargjöld og vafa-
sama viðskiptahætti flugfélagsins.
Nú hef ég fengið smjörþefinn sjálf-
ur. Maður vildi gjaman fá einhverj-
ar skýringar frá félaginu og þá ekki
síður samgönguráðherra, ríkis-
stjórn íslands og sessunautum
hennar á Alþingi, samviskunnar og
smælingjanna vegna.
Eitt er t.d. hvort það flokkist ekki
undir óeðlilega viðskiptahætti að
við sem fljúgum með Flugleiðum
milli íslands og Skandinavíu niður-
greiðum fyrir þá farþega sem fljúga
með félaginu milli Evrópu og Amer-
iku. Undarlegt er að ódýrara skuli
að fljúga alla leið frá Evrópu til Am-
eríku en milli Evrópu og íslands.
Veit hin fjarstýrða Samkeppnis-
stofnun íslands nokkuð um þetta?
Skyldi einokunarflugfélag eins og
Flugleiðir ráða sínu fargjaldi algjör-
lega sjálft, eða kann Alþingi einhver
áhrif að hafa á fégræðgi einokunar-
félaga (einkaleyfishafa), eða fer
þetta kannski eftir hagsmunatengsl-
um eða ráðandi stéttum og fylgi-
nautum þeirra á íslandi, hve langt
svona fyrirtæki komast í ofurverð-
lagningu?
Nú, svo er möguleikinn á því aö
hér sé einfaldlega á ferðinni ein-
hvers konar „ástandsokur" af hálfu
„Einokunarleiða hf.“ - afsakið; ég
meina Flugleiða hf. Lengi lifi hin
fijálsa samkeppni, svo langt sem
hún ristir.
Hættum Clinton-
róginum
Ásgerður skrifar:
Ég er orðin yfn’ mig undrandi hve
íslenskir íjölmiðlar endast til að
teygja og toga Clintonhjónin banda-
rísku fram og til baka vegna Lewin-
sky stúlkunnar. Þetta er orðin ein
leiðinlegasta umræða sem lengi hef-
ur gengið. Meira að segja þurfti
einn gesturinn í „Þetta helst...“ að
fara að búa til oröið „clintonsksur"
eins og til að halda vitleysunni við.
Þetta er ekkert sniðugt lengur.
Clinton forseti hefur skaðast af mál-
inu öllu, eins og búast mátti við, en
hann er sterkur stjómmálamaður
og ber sig vel þrátt fyrir and-
streymiö. En hættum nú Clintonróg-
inum sem fyrst. „Please"!
Falsanir í banka-
kerfinu?
Gunngeir hringdi:
í fréttatíma hjá Islenska útvarps-
félaginu nýlega, svo og á Stöð 2, var
greint frá því að í rannsókn væri
meint fölsun af hálfu bankastjóra
Búnaðarbankans á tryggingavíxl-
um ásamt innheimtu þeirra. Einn
aðstandandi þeirra hefði orðið
gjaldþrota og þama hefði verið um
að ræða „aftöku'” af hálfu bankans.
Ég sá viðtal við bankastjóra Búnað-
arbankans þar sem hann tók fyrir
að svona nokkuð stæðist og málið
auk þess fymt. Hér má vera að rétt
sé með farið hjá bankastjóranum og
vonandi að svo sé. Hins vegar
þarfnast þetta mál fyllri skýringar
eins og öll mál af þessu tagi, úr því
þau koma fram fyrir almenning yf-
irleitt.
Tilræðið við
leigubílstjórann
Reiður borgari skrifar:
Fólk hrökk við er það heyrði um
morðtilræðið við leigubílstjórann,
sem slapp þó vegna þess að sárið
var ekki hættulegt. Illur er tilgang-
urinn engu að síður. Mikið lá því
við að ná tilræðismanninum og sex
lögreglubílar og hundar tóku þátt í
leitinni. Það má lögreglan eiga, að
hún er orðin ansi glögg við að ná
þessum óþokkum. En þá kemur að
þætti dómara. Það er eins og þeir
vinni gegn lögreglunni, enda var
úrskurður dómara að árásarmann-
inum skyldi sleppt, nokkrum tim-
um eftir að hann játaði verknaðinn!
Hvers vegna má ekki dæma á staðn-
um eða svo að segja? Svona mönn-
um má fyrir engan mun sleppa.
Er Briggs sekur?
Hólmfríður hringdl:
Ég var að lesa viötal í DV við
Bretann Briggs, sem dæmdur hefur
verið í 7 ára fangelsi fyrir að flytja
hingað til lands rúmlega 2000 E-töfl-
ur. Mér finnst mál þetta afar ein-
kennilegt og trúi því engan veginn
að maður þessi sé jafn sekur og
dómurinn segir til um. Ég vitna
líka til orða verjanda Briggs og spyr
ennfremur: Hefur þáttur íslendings
á Benidorm veriö nægilega rann-
sakaður? Ég held að Briggs þessi sé
í mesta lagi eitt þessara „burðar-
dýra", en ekki sá eini stórseki.
Ávísanir og
falsarar
Garðar H. Guðmundsson skrifar:
Ég er undrandi á því hvemig við-
skiptahættir era að þróast þessa
stundina. Ég sendi dóttur mína til
að versla fyrir mig í 10-11 í Engi-
hjallanum. Hún var með 2000 króna
ávísun og átti að kaupa fyrir 1800
kr. Henni var neitað um afgreiðslu
af þeim sökum að svo mikið væri
um ávisanafals. Þetta er harður
dómur yfir þeim sem nota ávísanir.
Eigum við að gjalda fyrir örfáa fals-
ara? Ég hef ekki fengið yfirlýsingu
frá mínum banka um að ávísanir
séu ekki lengur gjaldgengar sem
greiðsla. Ég skora á forstjóra 10-11
að endurskoða þessi mál. Það er
erfitt að fara aftur í verslun með
ávísun fyrir þá sem vísað er frá
eins og í dæminu hér að ofan.