Dagblaðið Vísir - DV - 16.11.2001, Side 6

6
FÖSTUDAGUR 16. NÓVEMBER 2001
I>V
Fréttir
Landsfundur Samfylkingarinnar hefst í dag:
I leit að sjálfri sér
„í lífssýn Samfylkingarinnar eru
öflugt efnahagslíf, góð velferð og
kraftmikil menntastefna samferða-
menn en ekki andstæður. Hvert
hvílir á hinu og fær ekki þrifist án
hinna.“ Þetta segir Össur Skarphéð-
insson, formaður Samfylkingarinn-
ar, í ávarpi sínu til flokksfélaga á
endurbættum vef flokksins í tilefni
þess að síðdegis hefst fyrsti reglu-
legi landsfundur flokksins. í drög-
um að stjórnmálaályktun, og raunar
öðrum ályktunum lika, er einmitt
tekið á öllum þessum þáttum og
m.a. eru athyglisverðar velferðar-
og menntamálaályktanir sem ásamt
efnahagsstefnunni mynda það sem í
stjórnmálaályktun fundarins er
kallað „gullni þríhyrningurinn" í
samfélagssýn jafnaðarmanna.
Fundurinn er haldinn í skugga
nokkurs mótlætis sem Samfylking-
in hefur mætt í skoðanakönnunum
og vonbrigða með að sá andarungi
sem menn voru að vona að yrði
fljótlega að hvítum svani hefur
hvergi nærri staðið undir vænting-
um.
Gæti fundið sig
Ljóst má þó vera að forusta
flokksins og al-
mennir flokks-
hestar hafa á síð-
ustu vikum og
mánuðum verið
að vinna heima-
vinnuna sina og
fmna leiðir til að
styrkja innviði
og stefnu flokks-
ins þannig að
hann öölist hvort
tveggja í senn skarpari sjálfsmynd
og skýrari ímynd í hugum kjósenda.
Þetta kemur fram í viðamiklum og
ítarlegum ályktanapakka sem ligg-
ur í drögum fyrir fundinum. „Auð-
vitað hefur margt í málefnavinn-
unni verið hvatt áfram af slakri út-
komu í skoðanakönnunum og það
má kannski segja að Samfylkingin
sé með þessu að koma sér upp sterk-
ari prófil og skýra myndina," segir
Óskar Guðmundsson, blaðamaður
og félagi í Samfylkingunni. „Sam-
fylkingin varð til úr mörgum flokk-
um en nú er komið að því að hún
fari að finna sjálfa sig sem flokk og
sem eina heild en á það hefur skort.
Ég hef það á tilfinningunni að eitt-
hvað slíkt gæti gerst í kringum
þennan fund, að flokkurinn muni í
raun flnna sjálfan sig,“ segir Óskar.
Össur
Skarphéðlnsson.
Hryggsúlan
Ekki er við því að búast að
ágreiningur verði um hinn „gullna
þríhyrning" í samfélagssýn flokks-
manna, enda eru allir sem blaðið
ræddi við vegna málsins sammála
um að í þessum stefnuþáttum felist
hryggsúla flokksins - þar sé að
fmna þau atriði sem sameini flokk-
inn. Áhersluatriðin á öðrum svið-
um eru hins vegar ekki alveg jafn
óumdeild og ber þar langhæst Evr-
ópumálin. Tvær tillögur liggja fyrir
fundinum. Annars vegar er það til-
laga ungra jafnaðarmanna sem
gengur út á að flokkurinn taki, i
kjölfar umræðunnar um Evrópu-
skýrsluna sem lögð er fyrir fundinn,
ákvörðun um að beita sér fyrir því
að sækja um aöild. Ályktun flokks-
forustunnar gengur þó mun
skemra: „Úttektin bendir til að eng-
in einstök atriði geri aðildarum-
sókn erfiða eða óhugsandi og má
þar nefna bæði sjávarútveg, full-
veldi þjóðarinnar og efnahagsmál.
Landsfundurinn samþykkir að Evr-
ópuskýrslan verði nú til umfjöllun-
ar á almennum félags- og kynning-
arfundum, enda nauðsynlegt að
stefnumótun í þessum efnum verði
ekki aðeins verkefni sérfræðinga,
embættismanna og atvinnustjórn-
málamanna heldur flokksmanna
allra.“
Samfylklngarfundur
Frá stofnfundi Samfylkingarinnar en þá voru menn bjartsýnir á að flokkurinn myndi vaxa hratt og veröa öflugt mótvægi
við Sjálfstæðisflokkinn. Það hefur ekki gerst með þeim hætti sem vonast var til.
Stefnan sett á Evrópu
Evrópumálin eru sá pólitíski
áherslupunktur sem mest spenna
ríkir um fyrir fundinn. 1 flokknum
er greinilega almenn stemning fyrir
því að skoða með jákvæðum hætti
möguleikann á aðildarumsókn.
Ágúst Ágústsson, formaður Ungra
jafnaðarmanna, segir tillögu UJ
hafa fengið góðar viðtökur annarra
en ungliða. Meðal þess sem fram
kemur í greinargerð með tillögu
Ágústar og félaga er þetta: „Sam-
fylkingin vill vera valkostur meiri-
hluta kjósenda sem gera sér grein
fyrir hinum ótvíræðu kostum aðild-
ar og vilja ganga til liðs við þjóðir
Evrópu. Evrópuúttekt Samfylking-
arinnar hefur staðfest kosti ESB-að-
ildar og skilgreint samningsmark-
miðin og er því eftir engu að bíða.“
Ágúst treystir sér þó ekki til að
meta hvort tillögurnar fái svo mik-
inn hljómgrunn að þær kynnu að
verða samþykktar. Svo virðist þó
sem enginn viðmælenda blaðsins
vilji útiloka að málið fari lengra og
visa í það að mál af þessu tagi geti
náö ákveðnu „flugi“ á fundinum.
Kárahnjúkar
En þó að Evrópumálin eigi ef-
laust eftir að bera hæst í fréttum af
þessum fundi þá eru fjölmörg önnur
áhugaverð atriði þarna líka. Eitt
þeirra er afstaðan til stóriðju en í
Birgir
Guðmundsson
fréttastjóri
Innlent fréttaljós
ályktunardrögum fundarins er
áréttuð sú stefna að bíða skuli með
að taka afstöðu til Kárahnjúkavirkj-
unar þar til umhveríismatsferli fyr-
ir virkjunina sé endanlega lokið. Þá
er lýst ánægju með þann farveg að
stórframkvæmdir skuli fara í um-
hverfismat. Einar Már Sigurðarson
hefur verið talsmaður stóriðju fyrir
austan og lenti í sumar nokkuð upp
á kant við forustu flokksins, eink-
Ágúst Hervar
Ágústsson. Gunnarsson.
um Össur Skarphéðinsson. Einar
segir nú að sú niðurstaða sem leggja
eigi fyrir fundinn sé vel ásættanleg
og fráhvarf frá þeirri stefnu sem
menn hafi verið með í sumar þegar
„mér fannst forustan vera á leið út í
fenin", eins og hann orðaði það.
Hann viðurkennir þó að vissulega
sé með þessu verið að fresta ágrein-
ingi sem sé fyrir hendi í flokknum
þar til úrskurðurinn fellur, en það
sé engu að síður fullgild afstaða að
vilja bíða hinnar endanlegu niður-
stöðu. Aðrir virðast sammála Ein-
ari um að ólíklegt sé að virkjunar-
málin verði deiluefni á fundinum,
enda miðist afstaða forustunnar við
að lægja öldur á meðan verið sé að
stilla flokkinn betur saman og
byggja hann upp.
Verkalýöshreyfingin
Þetta flokksbyggingarsjónarmið,
sem miðast að því að hjálpa flokkn-
um að „finna sjálfan sig“, svo notuð
séu orð Óskars Guðmundssonar,
kemur raunar víðar fram í ályktun-
um fundarins. Þar eru t.d. marg-
þættar og ítarlegar ályktanir um
innra flokksstarfið og flokkinn sjálf-
an. Auk þess má merkja þar meðvit-
aða tilraun til þess að efla eða jafn-
vel endurvekja tengsl flokksins við
verkalýðshreyfinguna. Þetta kemur
t.d. fram í því að veruleg áhersla er
lögð á „korporatiska" nálgun við
uppbyggingu atvinnulifsins, þ.e.a.s.
til komi þríhliöa samstarf atvinnu-
lífs, samtaka launþega og stjóm-
valda. Almennt er það forsenda fyr-
ir slíkri þjóðarsáttarnálgun að hin
pólitisku samskipti flokka séu góð
inn í verkalýðshreyfinguna og að
þar ríki traust. Hervar Gunnarsson,
formaður Verkalýösfélags Akraness
og fyrrum varaforseti ÁSÍ, segir í
samtali við DV að Samfylkingin
hafi ekki veriö í eins góðum tengsl-
um við launþegahreyfinguna og
menn höfðu verið að vona i upphafi
og að þörf sé að bæta úr því. Kveðst
hann hafa heyrt gagnrýnisraddir
frá pólitískum samherjum sínum á
vettvangi verklýðshreyfingarinnar í
þessa veru.
Framkvæmdastjórnin
Þetta tengist raunar öðru máli
sem nokkuð hefur verið bollalagt
um í aðdraganda
fundarins. Her-
var Gunnarsson
er einmitt einn
þeirra sem orðað-
ir hafa verið við
starf formanns
framkvæmda-
stjórnar flokks-
ins en Ágúst Ein-
arsson prófessor,
sem gegnt hefur því embætti, ætlar
ekki að gefa kost á sér áfram. Her-
var neitar því ekki að ýmsir hafi
rætt við hann um þetta en hann sé
hins vegar ekki búinn að gera upp
við sig hvort hann gefi kost á sér.
Uppástungur um Hervar koma
greinilega sem tilraun til að senda
út merki um betri og nánari tengsl
við verkalýðshreyfinguna. En fleiri
hafa verið nefndir til sögunnar
einmitt í þetta embætti - fólk sem er
talið mjög frambærilegt þó kostir
þess liggi ekki í því að tilheyra
verklýðshreyfingunni. Ása Ric-
hardsdóttir hefur unnið á flokks-
skrifstofunni við undirbúning
þingsins og eru margir áfram um að
fá hana í embættið. Sjálf segist Ása
ekki hafa verið að sækjast eftir
þessu en neitar því ekki að við hana
hafi verið rætt. Það þykir styrkur
Ásu að hún er starfsöm og hug-
myndarík og ekki með augljósan
pólitískan metnað utan að starfa í
flokknum, auk þess sem flestir eigi
auðvelt að vinna með henni. Það
gæti því stefnt í spennandi kosning-
ar um formennsku í framkvæmda-
stjórninni.
Ása
Richardsdótir.
Kyrrð um forustuna
Hins vegar virðast þau Margrét
Frimannsdóttir varaformaður og
Össur Skarphéðinsson mjög traust í
sessi og engar raddir heyrast um að
þeim sé ógnað. Því má reikna með
að þau verði endurkjörin einróma.
Ritari flokksins, Steinunn Valdís
Óskarsdóttir, hefur hins vegar
ákveðið að gefa ekki kost á sér.
Loks má nefna að enn ein birtingar-
mynd þess að hér er á ferðinni
flokkur í „leit að sjálfum sér“ er að
þrjár tillögur munu koma fram um
nýtt nafn á flokknum. Það eru tillög-
ur Guðmundar Árna Stefánssonar
og Lúðvíks Bergvinssonar um að
taka upp viðhengið sem Alþýðu-
flokkurinn notaði - jafnaðarmanna-
flokkur íslands. Jóhann Geirdal
leggur hins vegar til nafnið „Al-
þýðubandalag" en Ásta Ragnheiður
Jóhannesdóttir hefur lagt til að
flokkurinn heiti Samfylkingin -
jafnaðarflokkurinn.
Umsjón: Birgir Suömundsson
netfang: birgir@dv.is
Krataboð
Talsverð eftirvænting er meðal
vinstrimanna vegna landsfundar
Samfylkingarinnar sem hefst í
kvöld, föstudagskvöld. Ljós er að
þarna verður
mikil hátíð og
margt gert til
að efla liðsand-
ann en þó virð-
ist flokkurinn
enn bera þess
nokkur merki að
vera samsettur
úr þremur mis-
munandi flokk-
um. Þannig er fullyrt í pottinum að
í kvöld, föstudagskvöld, hyggist
gamlir eðalkratar halda Sighvati
Björgvinssyni sérstakt hóf, eins
konar kveðjuhóf vegna þess að
mönnum þótti sem það hafi aldrei
almennilega verið gert á sínum
tima. Það sem vekur athygli pott-
verja er hins vegar að það munu
einkum vera gamlir alþýðuflokks-
menn sem eru á boðslistanum ...
Munaði mjóu
Flestum ber saman um að af-
hending Edduverðlaunanna hafi
heppnast ágætlega þótt athöfnin
hafi verið dálítið stirð á köflum og
. einstaka sinn-
um nánast
I vandræðaleg.
Það hefur hins
| vegar verið upp-
lýst að úrslitin
voru mjög tví-
1 sýn í ýmsum
flokkum og voru
dæmi um að at-
kvæði almenn-
ings réðu úrslitum um hver bar
sigur úr býtum. Þá má geta þess að
í einum verðlaunaflokki munaði
aðeins einu atkvæði á fyrsta og
öðru sæti þegar búið var að telja
saman bæði atkvæði almennings
og fagfólks. Pottverjar hafa hins
vegar ekki komist að því í hvaða
flokki þetta var ...
Þau komu á eftir Loga
Meira um Edduna. Þar var sem
kunnugt er Logi Bergmann Eiðs-
son kjörinn sjónvarpsmaður ársins
eftir að gerð hafði veriö könnun
meðal almenn-
ings af Gallup.
Minna var hins
vegar gefið upp
um hverjir voru
í næstu sætum
þar á eftir en nú
liggur það fyrir í
pottinum. Röðir
var þessi: 1. Log:
Bergmann Eiðs
son, 2. Gísli Marteinn Baldurs-
son, 3. Elln Hirst, 4. Þorsteinn J
Vilhjálmsson, 5.-6. Egill Helga-
son 5.-6. Bogi Ágústsson, 7.-8.
Ómar Ragnarsson, 7.-8. Jón Ár-
sæll Þórðarson, 9. Eva María
Jónsdóttir.
Sviðsettar fréttir!
Fréttastofa sjónvarps hefur sætt
gagnrýni - m.a. á Alþingi - fyrir að
hafa sviðsett fréttir af brottkasti en
Bogi Ágústsson vísaði slíku á bug
í tíufréttum sjón-
í varps í fyrra-
kvöld. Vef-þjóð-
viljinn sendir
fréttastofunni
tóninn í gær
vegna þessa og
segir: „Fréttastof-
an sá ekki um
sviðsmynd, leik
og gerð handrits.
Það gerðu aðrir andstæðingar afla-
markskerfisins. Fréttastofan sá hins
vegar um upptökuna og ber ábyrgð
á því að hafa kynnt þennan leikara-
skap sem fréttaefni. í raun hefði
það verið skárra fyrir fréttastofuna
ef hún hefði einfaldlega leigt bát og
Magnús Þór Hafsteinsson hefði
sjálfur farið í sjógallann og kastað
fiskinum fyrir borð. Þá sæti hún
ekki uppi með það í dag að hafa lát-
ið teyma sig á asnaeyrunum heldur
aðeins að þar á bæ eru stunduð
ómerkileg vinnubrögð."