Dagblaðið Vísir - DV - 26.07.2002, Blaðsíða 14

14
FÖSTUDAGUR 26. JÚLÍ 2002
Skoðun J3V
Hvenær ferðu að
sofa á kvöldin?
Spurt á leikjanámskeidi í Tónabæ.
Ingibjörg Karlsdóttir, 8 ára:
Svona um tíuleytiö.
Sólvelg Anna Pálsdóttir, 8 ára:
Klukkan níu á kvöldin.
Alexander Gabríel Guðfinnsson, 7 ára:
Klukkan hálftíu en þá segir mamma
mér aö fara aö sofa.
Elva Þóra Arnardóttir, 8 ára:
Klukkan níu, ég þarf nefnilega aö
vakna klukkan sjö á morgnana.
Katrín Ólöf Georgsdóttir, 6 ára:
Stundum fæ ég aö vaka lengi.
Ferjusiglingar frá Þorlákshöfn
Frá Dover í Bretlandi
Miöstöö ferjusiglinga til og frá meginlandinu.
Skarphéóinn Einarsson
skrifar:
Nýlega var sýndur á BBC, hér í
Bretlandi, þar sem ég dvel um þess-
ar mundir, tveggja tíma þáttur um
ísland. Þátturinn vakti gífurlega at-
hygli en sending þessi náði um allt
Bretland, Skotland og írland. Fyrri
hlutinn var um lífið á íslandi, m.a.
frá hvalaskoðun, frá Bláa lóninu
o.fl. Seinni hlutinn var um náttúru
landsins; jökla, eldfjöll, Mývatn,
Látrabjarg, einnig skemtilegur þátt-
ur um íslenska refinn og fugladráp
í Eyjum og í Látrabjargi. í þessum
seinni hluta var þulur Magnús
Magnússon.
Ég hef hitt fólk sem hefur mikinn
áhuga á að ferðast um Island og
einnig aðra sem vilja dvelja á höfuð-
borgarsvæðinu og í nágrenni þess.
En til þess að komast til íslands og
taka bílinn með þarf að fara frá eyju
úti fyrir Skotlandi og þaðan til
Austfiarða. Þetta sefia margir fyrir
sig, jafnt erlendir sem íslenskir
ferðalangar með góða bíla.
Vegakerfið á Islandi er ekki af því
tagi að hægt sé að hrópa húrra fyr-
ir leiðinni til Austfiarða og því er
það óheppilegur kostur og vekur
furðu að ekki skuli vera siglt frá
Þorlákshöfn, t.d. til Aberdeen. Væru
slíkar ferjusiglingar staðreynd
mundi vera hægt að koma vörum á
markað með flutningabílum, þ.m.t.
ferskum fiski og iðnaðarvörum fyr-
ir fiskvinnslu sem íslendingar eru
nú orðnir framarlega í að framleiða.
Tii baka mætti svo taka ýmsar vör-
ur ásamt farþegum.
Það er algeng sjón á vegum Bret-
lands að sjá flutningabíla frá
Hollandi en þeir aka t.d. með öll
blóm sjálfir til Bretlands. Þjóðverjar,
Frakkar og Belgar aka sínum vörum
frá Dover um Bretland. Einnig eru á
ferð rútur, einkabílar og mótorhjól
sem koma með ferjunum. Engu virð-
ist skipta þótt vinstri handar akstur
„Ég minnist þess að í blöð-
um var greintfrá því að sá
mœti stjórnmálamaður Al-
freð Þorsteinsson hefði und-
irritað fyrir hönd Reykjavík-
ur viljayfirlýsingu við
hreppsnefnd Ölfushrepps um
að leitað yrði eftir aðilum
erlendis sem vildu taka að
sér að hefja ferjusiglingar
frá Þorlákshöfn. “
sé í Bretlandi og hægri á meginland-
inu. Umferðarmenningin er orðin
slík að það skiptir engu máli lengur.
íslendingar eiga að vísu nokkuð
ólært í þeim efnum en það stendur
vonandi til bóta.
Ég minnist þess að í blöðum var
greint frá því að sá mæti stjórn-
málamaður Alfreð Þorsteinsson
undirritaði fyrir hönd Reykjavíkur
viljayfirlýsingu við hreppsnefnd
Ölfushrepps um að leitað yrði eftir
aðilum erlendis sem vildu taka að
sér að hefia ferjusiglingar frá Þor-
lákshöfn. Alfreð er maður, sem er
vanur að láta orð verða að veru-
leika. Það sanna hans verk viða, t.d.
Nesjavellir o.fl. Fróðlegt væri að
heyra hvar þessi hugmynd er nú
stödd. Ekki er vafi á að hægt er að
stórauka ferðamannastraum til ís-
lands með tilkomu ferjusiglinga
milli Þorlákshafnar og Evrópu.
Bókhaldsóreiða Kvikmyndasjóðs
Jótiann Sigurösson
skrífar:
Enn streyma fram fréttirnar af
misferli í íslenska viðskiptalífinu og
virðist nú sem hinum ógnvænlegu
glæpum á sviði ofbeldis, t.d. líkams-
árása og rána, hafi fækkað í bili, en
í staðinn koma glæpir sem meira
tengjast einstökum fyrirtækjum og
hinu opinbera. Það er eins og alda
þessara tegunda frétta hellist yfir
nú í sumarblíðunni. Það eru bank-
arnir, allir með tölu, sem eiga bágt
vegna skuldunauta sinna og er þar
ekki allt komið upp á yfirborðið -
og svo opinberar stofnanir og fyrir-
tæki.
Nú síðast Kvikmyndasjóður ís-
lands þar sem framkvæmdastjóran-
„Týnda reikninga hjá
Kvikmyndasjóði fyrir
ferðalög framkvæmdastjór-
ans, upp á hálft 4. hundrað
þúsund krónur, er t.d. ekki
hægt að flokka undir pólitísk-
ar ofsóknir, eða hvað?“
um er vikið frá, um stundarsakir
a.m.k., vegna bókhaldsóreiðu. Er
hann þráspurður af fréttamönnum
og pistlahöfundum í ljósvakamiðlum
hvort hann sé „sáttur" við brottvikn-
inguna! Framkvæmdastjórinn virð-
ist ekki ósáttur, ekki við ráðherra
a.m.k., og segist koma galvaskur til
starfa á ný en bókhaldsmál Kvik-
myndasjóðs séu nú í mjög „ásættan-
legu“ formi.
En ávallt eru einhverjir sem furða
sig á að menn séu settir af vegna
óreiðu í bókhaldi og fiármálum, t.d.
þeir sem vilja tengja brottrekstur
framkvæmdastjóra Kvikmyndasjóðs
höfnun styrks til Hrafns Gunnlaugs-
sonar kvikmyndaleikstjóra úr Kvik-
myndasjóði. Týnda reikninga hjá
Kvikmyndasjóði fyrir ferðalög fram-
kvæmdastjórans, upp á hálft 4.
hundrað þúsund krónur, er t.d. ekki
hægt að flokka undir pólitískar of-
sóknir, eða hvað? - En meðal ann-
arra orða: Er ekki full þörf á allsheij-
ar „rassíu“ í viðskiptaheiminum,
opnberum sem einkareknum? Mér
sýnist það.
Að skrá
„Aðeins skal vera til eitt eintak af skránni og
það skal geymt á aðalskrifstofunni."
Einhvern veginn á þessa leið er það efnislega,
ákvæðið sem stjórn SPRON og hinir fimm
fræknu yfirtökumenn hafa deilt um fyrir dóm-
stólum. Stjórnin vildi nefnilega ekki leyfa manni
sem skoðaði skrána á skrifstofunni að skrifa hjá
sér minnispunkta.
Dómarinn komst að merkilegri niðurstöðu.
Það er bannað að taka með sér ljósrit af skránni
en heimilt að skrifa hana alla niður á blað og
hafa hana með sér handskrifaða.
Ljósritlistin
Þetta er mikill Salómónsdómur. Dómarinnar
vitnar meðal annars til þess, að það hafi fylgt
manninum frá því að hann náði tökum á ritlist-
inni að skrá upplýsingar til þess að treysta rétta
varðveislu þeirra. Minni manna sé hverfult og
óvarlegt að treysta því, einkum þegar um mikið
magn upplýsinga sé að ræða eins og í þessu til-
viki. Þetta er auðvitað hárrétt athugað hjá dóm-
aranum. Ekki er hins vegar ljóst hvers vegna
bannað er að ljósrita. Kannski vegna þess að
ljósritlistin hefur ekki fylgt manninum frá því
að hann náði tökum á ... ritlistinni.
hjá sér skrána
Garri tekur ekki afstöðu í þessu máli, held- I
ur nefnir það hér sem aðdraganda að öðru og
pínulítið skyldu. Það liggja nefnilega víðar
umdeildar skrár en hjá Sparisjóði Reykjavík-
ur og nágrennis og ein slík er væntanleg úr
prentsmiðju á næstu dögum. Þetta er álagn-
ingarskrá skattstjóra.
Fýsn og hnýsni
Eins og allir vita liggur þessi skrá frammi,
öllum til sýnis, í nokkra daga eftir birtingu.
Svo er henni lokað og almenningi bannað að
fletta i henni meir. Blað nokkurt birtir ár-
lega helstu tíðindi úr skránni og aðrir fiöl-
miðlar lepja þau upp af áfergju. Eftir að
skránni er lokað verða forsvarsmenn blaðs-
ins hins vegar að ganga á milli verslana og
hirða óseld eintök úr hillum. En í nokkra daga
er sem sagt öllum heimilt að skrá hana hjá sér,
ljósrita hana, gefa hana út og bjóða til sölu.
Næstum engin umræða heyrist um að þetta sé
siðlaust framferði. Það er alveg ótrúlegt þegar
rifiaöur er upp kórinn sem sífellt hefur upp
raust sína þegar fréttist af því að einhvers staðar
i samfélaginu séu haldnar skrár. Til dæmis þeg-
ar það fréttist að lögreglan héldi málaskrá með

Mrtistjóri Igf ^
nöfnum vitna og grunaðra. Að ekki sé nú minnst
á gagnagrunn á heilbrigðissviði.
Hjá skattinum eru hins vegar líka á ferðinni
viðkvæmar upplýsingar. „Viðkvæmar persónu-
upplýsingar" svo notað sé tískuheitið - á því er
enginn vafi - en þetta eru upplýsingar sem
ALLA þyrstir í að skoða. Og það eru nú einu
sinni tvær hliðar á öllum
málum. Líka siðferðinu. C\<UTt,
Stjórn Hafskips fundar
Enn margt óupþlýst?
Hafskipsævintýrið
Kristján Ólafsson skrifar:
Nú er að komast í tísku aftur að
skrifa um Hafskipsævintýrið. Sá
grein í tímaritinu Mannlífi en hún er
skrifuð af miklu þekkingarleysi og
augsýnilega einungis í þeim tilgangi
að selja ritið og auglýsa gæsluvarð-
hald þeirra manna sem saklausir
urðu að þola þá raun. Að vísu góð
upprifiun. En hver var forsendan að
falli Hafskips? Þar var mikið „plott“
að baki, líka innan Hafskips, tii þess
að Eimskip og síöar Samskip fengju
lykilstöðu í sjóflutningum tU og frá
landinu og einnig umhverfis landið.
Þarna spilar svo inn i fáokun Flug-
leiða í farþegaflutningum og er sú
saga raunaleg. Enginn þorir lengur að
efna hér til farþegaflutninga á sjó, en
hingað sigla glæsileg farþegaskip sem
íslendingum er beint frá og bent á að
fljúga. Hinn sanni bakgrunnur um
brotthvarfs Hafskips er enn óskráður.
Stöðumælasektir
Tryggvi sendi þennan pistil:
Ég átti eitt stutt erindi í verslun
eina i miðbænum núna um daginn.
Ég var svo sem 5 mínútur frá bílnum
minum. Þegar ég kem aftur er komin
stöðumælasekt. Viku seinna legg ég í
annað stæði og skrepp frá í svona 2-3
mínútur. Þegar ég kem aftur að bíln-
um mínum er komin enn ein sektin!
Það er eins og stöðumælaverðir borg-
arinnar geri sérstaklega i því að fylgj-
ast með fólki og tékka hvort það hafi
greitt í stööumælana. Ef ekki þá kepp-
ast þeir við að skrifa sekt áður en eig-
andi bifreiðarinnar kemur aftur.
Þetta finnst mér óþolandi. Eitt er víst.
Ég fer framvegis í Kringluna eða
Smáralindina ef ég þarf að gera ein-
hver innkaup. Þar eru rúm bílastæði
og öll ókeypis.
Þunnu skjáirnir henta betur
Bara betra verö, takk.
Þunnan skjá, takk
Ari hringdi:
Ég er orðinn leiður á að hafa tölvu-
skjáinn minn, þungan og stóran, uppi
á borði. Ég sé að komnir eru á mark-
að, og það fyrir nokkuð löngu, mun
betri og fyrirferðarminni tölvuskjáir,
en þeir kosta ógynni fiár. Ég var í
Englandi nýlega og sá þá þessa flötu
skjái í búðarglugga á hagstæðu verði
og hefði keypt einn, hefði ég treyst því
að hann passaði við mina tölvu þegar
heim kæmi. En oft lendir maður i
vandræðum vegna svona kaupa sé
ekki allt tekið með í reikninginn í
byrjun. Nú skora ég á íslenska söluað-
ila tölvuskjáa og tölva fyrir almenn-
ing að bjóða þessa flötu skjái á viðráð-
anlegu verði.
Frekar Sinfóníuna
Halldóra Sigurðardóttir hringdi:
í lesendabréfi í DV nýlega var fiall-
að um rekstur Sinfóníunnar og ríkis-
sjóvarpsins og velt upp þeim mögu-
leika að önnur hvor þessara stofnana
yrði lögð niður. Ég tek undir með
bréfritara að margfalt frekar vildi ég
að Sjónvarpið hyrfi en Sinfónínan.
Hana vil ég alls ekki missa og hlusta
á hana bæði beint og svo í útvarpinu
þegar ég kemst ekki á tónleika henn-
ar. En Sjónvarpið mætti fara strax.
Ik

Lesendur geta hringt allan sólarhring-
inn í síma: 550 5035.
Eða sent tölvupóst á netfangið:
gra@dv.is
Eða sent bréf til: Lesendasíða DV,
Skaftahlíð 24. 105 ReyKJavík.
Lesendur eru hvattir til aö senda mynd
af sér til birtingar meö bréfunum á
sama póstfang.