Dagblaðið Vísir - DV - 21.06.2003, Blaðsíða 10
10
LAUCARDAGUR 2 l.JÚNÍ2003
■
xO
_______|
1
Góðar fréttir en...
Landsframleiðsla á fyrsta ársfjórðungi jókst
um 3,3% að raungildi miðað við sama tíma á
liðnu ári, samkvæmt mælingum Hagstofunnar.
Umskiptin eru því mikil frá síðari hluta liðins árs
þegar samdráttur varð og í heild dróst lands-
framleiðslan saman um 0,5% á síðasta ári.
Þessar bráðabirgðatölur Hagstofunnar sýna
mikinn viðsnúning í efnahagslífinu og benda til
að sú hagsæld sem spáð hefur verið sé þegar
byrjuð. Hitt er svo annað að hættumerkin eru
enn til staðar. Drifkrafturinn í hagvextinum er
vöxtur einkaneyslu sem að stórum hluta má
rekja til bifreiðakaupa og útgjalda erlendis. ís-
lendingar virðast því ekki ætla að nýta góðærið í
aukinn sparnað. Vandinn liggur hins vegar fyrst
og fremst í því að sjöunda ársfjórðunginn í röð
dregst fjárfesting saman. Samdráttur í fjárfest-
ingu samhfiða litlum sparnaði er hættumerki.
Nær 4% raunaukning í samneyslu á fyrsta árs-
fjórðungi veidur einnig áhyggjum en samneysla
hefur aukist að raungiidi síðustu sex ársfjórð-
unga.
A næstu misserum er mikilvægt að drifkraftur
hagvaxtar verði í skynsamlegum fjárfestingum
og allt bendir til þess að svo verði með mestu
framkvæmdum sem íslendingar hafa nokkru
sinni upplifað. En það brevtir í engu að hættu-
merkin eru til staðar.
Sjálfstætt framboð?
Guðmundur Arni Stefánsson, þingmaður
Samfylkingarinnar, telur að flokkurinn eigi að
bjóða sér fram í öllum sveitarfélögum í næstu
sveitarstjórnarkosningum: „Ég vil brýna okkur
öll til átaka í næstu fyrirséðu kosningum,
þ.e.a.s. sveitarstjómarkosningum - sem var
auðvitað gmndvöllurinn að þeim góða árangri
Yfirlýsing Guðmundar Árna er
merkileg og að líkindum skynsam-
leg pólitískt. Fyrir stjórnmálaflokk
er ekkert mikilvægara en að hlúa
að innra starfi og innra starf
flokka kristallast ekki síst í kring-
um þátttöku í sveitarstjórnum.
Halldór Ásgrímsson, formaður
Framsóknarflokksins, vakti at-
hygli á því löngu fyrir síðustu
borgarstjórnarkosningar að þátt-
taka framsóknarmanna í Reykja-
víkurlistanum hefði komið niður á
flokksstarfi í höfuðborginni.
sem náðist 10. maí síðastliðinn - og að við ein-
setjum okkur hér og nú að við bjóðum fram í
hverju einasta sveitarfélagi undir merkjum
Samfýlkingarinnar í þeim sveitarstjórnarkosn-
ingum sem í hönd fara að þremur árum liðn-
um. Þá þurfum við auðvitað engu að kvíða þeg-
ar upp renna alþingiskosningar að fjórum árum
liðnum hið síðasta. Við erum klár í slaginn.
Höldum okkar striki," sagði Guðmundur Árni á
flokksstjórnarfundi Samfýlkingarinnar síðast-
liðinn fimmtudag.
Þegar blaðamaður DV spurði þingmanninn
hvort sjálfstætt framboð Samfylkingarinnar
ætti einnig við um Reykjavík sagði hann að
menn gætu túlkað ummælin eins og þeir vildu.
f Morgunblaðinu í gær segist Guðmundur Árni
vilja vera reiðubúinn tif þess: „Mér heyrist
tónninn í ýmsum samstarfsaðilum innan R-list-
ans vera þannig að það sé rétt fyrir Samfylking-
una að vera í stakk búin fyrir sérframboð."
Yfirlýsing Guðmundar Árna er merkileg og að
líkindum skynsamleg pólitískt. Fyrir stjórn-
málaflokk er ekkert mikilvægara en að hlúa að
innra starfi og innra starf flokka kristallast ekki
síst í kringum þátttöku í sveitarstjórnum. Hall-
dór Ásgrímsson, formaður Framsóknarflokks-
ins, vakti athygli á því löngu fyrir síðustu borg-
arstjórnarkosningar að þátttaka framsóknar-
manna í Reykjavíkurlistanum hefði komið nið-
ur á flokksstarfi í höfuðborginni.
Enn er langt í sveitarstjórnarkosningar og
þrjú ár eru langur tími í stjórnmálum. En margt
bendir til þess að samstarfsflokkarnir í Reykja-
víkurlistanum séu að fjarlægjast hver annan -
ekki aðeins vegna innri átaka heldur fyrst og
fremst vegna þess að æ fleiri gera sér grein fyrir
því hverju er fórnað með þátttöku í kosninga-
bandalagi.
Út með draslið
(FRAMBOÐ: Össur býður sig fram til endurkjörs í haust. Margt í ræðu Ingibjargar
Sólrúnar benti til að hún hefði líka hug á formannsstólnum - sem myndi skýra hvers
vegna hún ýfði upp sárin í R-listanum sem annars virtist tilefnislaust.
RfTSTJÓRKARBRÉF
ÓlafurTeiturGuðnason
olafur@dv.is
Reykjavíkurlistinn er púður-
tunna. Það var augljóst fyrir
um hálfu ári af þeim við-
brögðum sem komu fram inn-
an hans við ákvörðun Ingi-
bjargar Sólrúnar Gísladóttur
um þingframboð. Og nú hefur
það enn verið staðfest eftir að
Ingibjörg Sólrún „hreinsaði til
í geymslunni" hjá sér.
Einhverra hluta vegna ýfði Ingi-
björg Sólrún upp hin hálfs árs
gömlu sár á fundi flokksstjórnar
Samfylkingarinnar í fyrradag og
stráði í þau salti. í ræðu sinni lagði
hún til atlögu við þá söguskýringu
að hún hefði með þingframboði
sínu gengið á bak orða sinna. Og
ekki varð hjá því komist í þeirri
málsvörn að leggja til samstarfs-
flokkanna í Reykjavíkurlistanum.
Hörð gagnrýni
Ingibjörg Sólrún sagði að svo virt-
ist sem stuðningsmenn alira flokka
annarra en Samfylkingarinnar væru
að „tala sig upp í þessa söguskoð-
un“, sem væri fráleit. Hún hefði
engan svikið heldur hefðu „fram-
sóknarmenn og vinstri-grænir
ákveðið" að hún yrði að standa upp
úr stóli borgarstjóra. Hún sagðist
draga í efa að aðgerðir flokksstofn-
ananna hefðu verið í samræmi við
vilja almennra flokksmanna og
kjósenda. Viðbrögð samstarfsflokk-
anna hefðu verið bæði „einkennileg
og ósanngjörn".
Þetta er hörð gagnrýni og fyrir
fram ljóst að hún hjálpaði ekki til við
að halda friðinn í R-listanum. Guð-
mundurÁrni Stefánsson bætti síðan
um betur og lagði til við flokksmenn
að þeir „einsettu sér hér og nú“ að
bjóða fram undir eigin merkjum í
öllum sveitarfélögum landsins í
næstu sveitarstjórnarkosningum.
Guðmundur Árni hefur staðfest að
hér var engin fljótfærni á ferð held-
ur undanskilur hann ekki Reykjavík
í þessu sambandi enda hafi sér
heyrst „tónninn í ýmsum samstarfs-
aðilum innan R-Iistans“ gefa Sam-
fylkingunni tilefni til þess að undir-
búa sérframboð.
Snyrtileg geymsla
Fyrsta spurningin sem vaknar er
hvers vegna verið er að vekja upp
þennan draug núna og kalla eftir
þeim harkafegu viðbrögðum sem
svo sannarlega hafa komið fram. „Ef
ég geri það ekki núna veit ég ekki
hvenær ég geri það,“ var skýringin
sem Ingibjörg Sólrún gaf á því að
hún „hreinsaði til í geymslunni".
Þessi skýring stenst hins vegar
ekki af þeirri einföldu ástæðu að
geymsla Ingibjargar Sólrúnar er
mjög snyrtileg. Hún var nefnilega
margoft búin að taka til í henni fyrir
fundinn í fyrradag, eins og allir vita
og hafa fengið að fylgjast með. Hún
hefur margoft svarað ásökunum um
að í framboði hennar til Alþingis
hafi falist svik við R-listann. Allir
þekkja rök hennar í málinu. Það er
búið að ræða þetta. Ekkert nýtt kom
fram í þessari síðustu málsvörn. Til
hvers?
„Stuðningsmenn for-
mannsins myndu því
væntanlega henda á
lofti ummæli hennar
um að hún þyrfti að
„taka til ígeymslunni"
og spyrja: Hvers vegna
tekur fólk venjulega til í
geymslum? Jú: Til þess
að koma fyrir meira
drasli."
Klár í slaginn
Hugsanleg skýring er sú að Ingi-
björg Sólrún telji að R-listinn sé
hvort sem er að líða undir lok og vilji
árétta málsvörn sína áður en það
gerist til þess að henni verði síður
kennt um ósköpin. Ef R-listinn er
um það bil að springa er hreinsun-
araðgerð hennar ósköp skiljanleg,
fyrirbyggjandi aðgerð. Hins vegar
eru þrátt fyrir allt engar áþreifanleg-
ar vísbendingar um að kviknað sé í
púðurtunnunni. Skýringin er því
fremur langsótt.
Önnur skýring er sú að málsvöm-
in hafi verið hluti af framboðsræðu
Ingibjargar Sólrúnar vegna for-
mannskosninga í Samfylkingunni á
landsfundi í haust. Þetta er miklu
sennilegri skýring og raunar afar
sennileg.
Ingibjörg Sólrún sagði það nánast
bemm orðum í ræðu sinni að hugur
hennar stæði til formennsku. Hún
sagðist myndu taka að sér þau verk-
efni sem flokksmenn óskuðu eftir,
sem þýðir á mannamáli: „Ef þið vilj-
ið mig sem formann þurfið þið bara
að nefna það. Ég er klár í slaginn."
Framboðsræða
Ingibjörg Sólrún sagði líka að sú
skylda hvíldi á Samfylkingunni að
virða það „trúnaðarsamband við
kjósendur" sem hefði verið komið á
með framboði hennar. Hvað þýðir
þetta? „Ykkur ber að gefa mér hlut-
verk við hæfi."
Hún sagði líka að það væri lítið
sem ekkert mark takandi á skoðana-
könnunum. Eini raunvemlegi mæli-
kvarðinn á árangur Samfylkingar-
innar væri samanburður á úrslitum
síðustu og næstsíðustu kosninga.
Og hún rakti þennan samanburð
bæði f prósentum og þingmanna-
tölu floldcsins. Hvað er þetta annað
en svar við því sem notað hefur ver-
ið gegn henni, að Samfylkingin fékk
minna fylgi í kosningunum en í
skoðanakönnunum undir lok síð-
asta árs, áður en Ingibjörg Sólrún
bauð sig fram? Einnig að þessu leyti
var ræðan framboðsræða.
Og f framboðsræðu ril embættis
formanns Samfylkingarinnar er
ósköp eðlilegt - í þessu tilviki jafnvel
nauðsynlegt - að gagnrýna forystu-
menn annarra flokka þótt þeir séu
samstarfsflokkar í R-listanum. í
þessu ljósi þarf ekki að spyrja: Til
hvers?
Eðlileg tiltekt
Össur Skarphéðinsson ætlar hins
vegar að gefa kost á sér til for-
mennsku áfram. Og stuðningsmenn
hans minna á að Ingibjörg Sólrún
lýsti því yfir þegar þau Össur skiptu
með sér verkum fyrir kosningar að
hann yrði áfram formaður; hún
sagði opinberlega að hún myndi
ekki bjóða sig fram til formanns.
Þeir líta því svo á að með framboði
til formanns væri hún að ganga á
bak orða sinna, rétt eins og Fram-
sókn og Vinstri-grænir litu á hún
væri að ganga á bak orða sinna með
þingframboði.
Stuðningsmenn formannsins
myndu því væntanlega henda á lofti
ummæli hennar um að hún þyrfti
að „taka til í geymslunni" og spyrja:
Hvers vegna tekur fólk venjulega til í
geymslum? Jú: Til þess að koma fyr-
ir meira drasli.
Getur R-listinn stjórnað?
Allt þetta varpar ljósi á hina ann-
ars óskiljanlegu hreinsun sem fór
fram í geymslu Ingibjargar Sólrúnar
á flokksstjórnarfundinum í fyrradag
sem virtist í fyrstu óskiljanlegt
skemmdarverk á R-listanum.
Viðbrögð samstarfsflokkanna í
Reykjavík voru hörð eins og við var
að búast. Alfreð Þorsteinsson segir
að Ingibjörg Sólrún hafi sjálf hann-
að þá atburðarás sem hún gagn-
rýndi. Og Steingrímur J. Sigfússon
segir að dæmin sanni að hún beri
minni umhyggju fyrir R-listanum en
sjálfri sér! Sér kæmi ekki á óvart þótt
hún gréti endalok hans þurrum tár-
uin þegar hann væri henni ekki
lengur það tæki sem hann áður var.
Hvorki meira né minna!
Það er augljóslega ekki rétt sem
Stefán Jón Hafstein hélt fram í út-
varpsviðtali í gær að samstarfið í R-
listanum væri betra nú en elstu
menn ræki minni til. Þeir væru þá
fæddir í gær. Stefán Jón lagði það
raunar sjálfur af mörkum á dögun-
um að kalla meintar þreifmgar fé-
laga sinna um myndun nýs meiri-
hluta „rottugang" þótt ekkert lægi
fyrir opinberlega um að þær hefðu
átt sér stað!
Púðrið í R-listanum er aftur orðið
þurrt og forystumenn flokkanna
feika sér að eldinum eins og ekkert
sé. Það má vel vera að R-listinn sitji
við völd út kjörtímabilið. Það er hins
vegar meira vafamál að sífelldar,
þungar ásakanir borgarfulltrúa og
forystumanna flolckanna hver í ann-
ars garð séu Reykvflcingum bjóð-
andi. Það er vafamál að Reykjavík-
urlistinn sé hæfur til að gegna því
hlutverki sem hann var kosinn til.