Dagblaðið Vísir - DV - 21.06.2003, Blaðsíða 12
12 FRÉTTiR LAUGARDAGUR 21. JÚNl2003
Útíönd
Heimurinn í hnotskum
Umsjón: Guðlaugur Bergmundsson og Kristinn Jón Arnarson
Netfang: gube@dv.is / kja@dv.is
Sími: 550 5829
Saddam sennilega á lífi
ÍRAK: Sérfræðingar bandarísku
leyniþjónustunnartelja að lík-
legra sé að Saddam Hussein sé
lífs frekar en liðinn. Samræður
milli náinna stuðningsmanna
einræðisherrans fyrrverandi
sem þeim hefur tekist að hlera
síðustu vikur renna stoðum
undir þessa tilgátu. Þar hafa
þeir talað um að Saddam verði
að vernda.
Þetta hefur bandaríska blaðið
New YorkTimes eftir ónefnd-
um embættismönnum innan
leyniþjónustunnar, en opinber-
lega hefur þetta ekki fengist
staðfest. Þar kom einnig fram
að leit að Saddam hefur verið
aukin síðustu daga. Leynisveit
innan bandaríska hersins, sem
kallastTask Force 20, hefur far-
ið fyrir leitinni síðustu vikur.
Of kjaftforir
NETIÐ: Það er varasamt að vera
kjaftfor á Netinu. Þetta hafa
nokkrir Bretar í atvinnuleit
fundið út. Eftir að hafa mætt í
atvinnuviðtal lýstu þeir því á
Netinu - einn sagði að vinnu-
veitandinn væri „tíkfrá helvíti"
og annar að hann hefði logið
um reynslu sína. Vinnuveitand-
inn fann hins vegar ummæli
þeirra og hvorugur var ráðinn.
Hamas er óvinur friðar
MÁUN RÆDD: Colin Powell, utanríkisráðherra Bandaríkjanna, og Mahmoud Abbas, forsætisráðherra heimastjórnar Palestínu,
gátu leyft sér að brosa um stund fyrir blaðamenn. Hætt er þó við að lítið hafi verið hlegið þegar Vegvísir til friðar var ræddur, því
illa hefur gengið að koma honum í gagnið. Rúmlega 60 manns hafa látið lífið í átökum síðustu vikna.
Colin Powell, utanríkisráð-
herra Bandaríkjanna, fundaði
með Ariel Sharon, forsætisráð-
herra ísraels, og Mahmoud
Abbas, forsætisráðherra
heimastjórnar Palestínu, í gær
til að reyna að koma friðarferl-
inu í Mið-Austurlöndum aftur
af stað.
Powell hvatti þá báða til að reyna
að stöðva ofbeldishrinuna sem
staðið hefur yfir frá því Vegvísir til
friðar var kynntur en lagði sérstaka
áherslu á að skæruliðasamtökin
Hamas ættu mesta sök á ófriðnum.
Kallaði hann samtökin „óvini frið-
ar“ eftir fundinn með Ariel Sharon.
Powell hvarf af landi brott aftur
eftir átta klukkutíma fundalotu með
leiðtogum þjóðanna en svo virðist
sem engin afgerandi niðurstaða
hafí náðst. Mikilvægt var þó að
Powell hafi tekist að ræða við deilu-
aðila og reynt að smyrja hjól friðar.
Takast þarf á við Hamas
Eftir fundinn með Ariel Sharon
sagði Powell að mikilvægt væri að
Abbas myndi ekki bara reyna að
komast að samkomulagi um vopna-
hlé við Hamas og önnur samtök
herskárra Palestínumanna. Nauð-
synlegt væri að koma í veg fyrir að
slík samtök hefðu bolmagn til að
ráðast á ísraela. „Hamas hefur verið
óvinur friðar, sérstaklega síðustu
tvær vikurnar. Svo lengi sem sam-
VEGVÍSIR í VANDA
4. JÚNÍ: Fundur Bandaríkjamanna,
Palestínumanna og (sraela i Aqaba.
8. JÚNÍ: Palestínskir skæruliðar
hafna Vegvísinum til friðar.
10. JÚNÍ: ísraelar reyna að myrða
Hamas-leiðtogann Abdel-Aziz al-
Rantissi.
11. JÚNÍ: 17 látast í sjálfsmorðsárás
á ísraelskan strætisvagn.
19. JÚNÍ: Gyðingum og ísraelskum
hermönnum lendir saman þegar
þeir síðarnefndu reyna að taka nið-
ur landnemabyggð.
tökin byggja á hryðjuverkum og of-
beldi og stefna að eyðingu ísraels er
ljóst að okkur er mikill vandi á
höndum sem verður að takast á við
í heild sinni," sagði Powell.
En hann lagði einnig áherslu á að
fsraelar þyrftu að fara varlegar í sak-
irnar í baráttu sinni gegn hryðju-
verkum. „ísrael verður að grípa til
aðgerða til að hjálpa Palestínu-
mönnum að lifa eðlilegu lífi.“
„Megum engan tíma missa"
Eftir fundinn með Mahmoud
Abbas hvatti Powell hinar stríðandi
fylkingar til að vinna hraðar að
samningum um að ísraelskir her-
menn hverfi frá norðanverðu Gaza-
Abbas sagði síðar við
blaðamenn að tilraunir
hans til að fá herskáa
Palestínumenn til að
fallast á vopnahlé væru
vonlausar efísraels-
menn myndu ekki
hætta hernaðaraðgerð-
um sínum á landsvæð-
um Paiestínumanna.
svæðinu og Betlehem á Vesturbakk-
anum. Þannig myndu Palestínu-
menn geta tekið við stjórn öryggis-
mála á svæðunum. „Það verður að
hafa hraðann á. Við megum engan
tíma missa án þess að eitthvað ger-
ist í þessum málum. Við viljum ekki
að hryðjuverkamenn hafi sigur,"
sagði Powell.
Abbas sagði síðar við blaðamenn
að tilraunir hans til að fá herskáa
Palestínumenn til að fallast á
vopnahlé væru vonlausar ef ísraels-
menn myndu ekki hætta hernaðar-
aðgerðum sínum á landsvæðum
Palestínumanna. Hamas og önnur
smærri samtök af svipuðu tagi hafa
neitað að samþykkja Vegvísinn
nema Israel dragi her sinn til baka.
Enn ein árásin
En á meðan Powell ræddi við
Sharon og Abbas um frið kom ber-
lega í ljós að Hamas-samtökin eru
ekki í friðarhug. Byssumenn myrtu
ísraelskan landnema og særðu þrjá
aðra á Vesturbakkanum þegar þeir
sátu fyrir bfl þeirra og skutu á hann.
Tveir hinna særðu voru bandarískir
ferðamenn í heimsókn hjá ættingj-
um sínum. Síðar um daginn lýsti
hernaðararmur Hamas ábyrgð á
árásinni á hendur sér.
i
:
TÁRAGASIBEITT: Grísk óeirðalögregla beitti táragasi á mótmælendur í þorpi fimm
kílómetra frá mótsstað leiðtoga ESB. Mikill viðbúnaður var vegna mótmælanna,
16.000 her- og lögreglumenn voru til taks til að halda mótmælendum í skefjum.
Leiðtogafundur Evrópusambandsins í Grikklandi:
Umdeild stjórnarskrá
Leiðtogar ríkja Evrópusam-
bandsins fögnuðu fyrstu drög-
um að nýrri stjórnarskrá í gær
og sögðu hana gera löggjöf
sambandsins skýrari og ein-
faldari en verið hefur. Ekki eru
þó allir jafn ánægðir með
hana.
Spánverjar, Bretar og Pólverjar
gáfu til kynna að þeir væru ekki
sáttir við það hvernig stjórnarskráin
nýja tekur á málum á borð við kosn-
ingarétt og neitunarvald ríkja. Það
er því ljóst að langur vegur er fram
undan við að sníða stjórnarskrána
þannig að allir verði ánægðir.
Það var Valerie Giscard d’Estaing,
fyrrverandi Frakklandsforseti, sem
afhenti drögin á leiðtogafundi Evr-
ópusambandsins á Grikklandi. Þau
voru prentuð á 68 síðum og eru af-
rakstur 16 mánaða vinnu 105
manna nefndar. Giscard sagði að
reynt hefði verið að fara vandfarinn
meðalveg milli hagsmuna ríkjanna
innan ESB annars vegar og stofnana
sambandsins hins vegar.
í drögunum er gert ráð fyrir rót-
tækum breytingum á stofnunum
ESB, sem hafa ekki þótt nógu skil-
virkar og byggja um of á skrifræði.
Mótmælendur láta til sín taka
Eins og venja er orðin með leið-
togafundi helstu ríkja heims söfn-
uðust mótmælendur saman í
grenndinni og létu vel í sér heyra.
Grísk óeirðalögregla skaut táragasi
að mótmælendum í gær til að dreifa
mannljölda sem hafði kastað stein-
um að lögreglunni og reynt að kom-
ast í gegnum vegatálma. Þetta gerð-
ist þegar um 4.000 mótmælendur
söfnuðust saman f þorpinu
Marramas, um það bil fimm kfló-
metra frá mótsstað leiðtoga Evr-
ópusambandsins. Mun fleiri tóku
hins vegar þátt í friðsamlegum mót-
mælum annars staðar í þorpinu.