Dagblaðið Vísir - DV - 02.07.2003, Síða 9

MIÐVIKUDAGUR 2. JÚLÍ2003 FRÉTTIR 9
Útgerðarmenn í Noregi ósáttir
SJÁVARÚTVEGUR: Sigurd
Teige, formaður samtaka
norskra útgerðarmanna, botn-
ar hvorki upp né niður í ný-
gerðum síldarsamningum
Norðmanna og (slendinga.
Hann segir samkomulagið
ganga þvert á samkomulag
hagsmunasðila í norskum
sjávarútvegi og stjórnvalda
og hefur hann heimtað fund
með Kjell Magne Bondevik
forsætisráðherra og Jan Ped-
ersen utanríkisráðherra vegna
málsins, að því er fram kemur
í norskum fjölmiðlum. Samtök
fiskvinnslu- og fiskeldisstöðva
í Noregi eru heldur ekki
ánægð með samninginn og
segja Norðmenn hafa gefið of
mikið eftir (nýlegu samkomu-
lagi þeirra við íslendinga.
Oryrkjum fjölgar um 11%
ALMANNATRYGGINGAR: Ör-
orkulífeyrisþegar á aldrinum
16-66 ára eru nú um 10.400
en voru tæplega 6.000 fyrir
10 árum. Á þessum sama
tíma hefur íslendingum á
sama aldursbili fjölgað um
11%. Konum sem metnareru
til 75% örorku hefur fjölgað
um 82%, eru nú um 6.400, og
hefur þeim fjölgað mun
meira en körlum sem eru nú
um rúmlega 4.000. Öryrkjum
hefur því fjölgað um 75% í
heild á þessu tíu ára tímabili,
mest á fyrri hluta þess, frá
1993-95, en þá var ástandið á
vinnumarkaðnum slæmt.
Þeim fjölgaði svo aftur um
16% frá 1999-2000 og er sú
fjölgun að hluta rakin til nýrra
laga um matá örorku.
STAÐSETNING f ORÐUM: Allar myndir eiga skilið að vera merktar. Engar undantekningar eru á því.
Alhæfingar um afbókanir eiga ekki við um ódýrari gististaði:
Afbókanir ekki vandamál
$
Miklar afbókanir erlendra
ferðamanna í ferðum til íslands
takmarkast við dýrari hótel og
gististaði og alhæfingar um að
afbókanir séu vandamál í hótel-
og gistibransanum öllum nú í
sumar eiga ekki við rök að
Istyðjast. Þetta segir Markús
Einarsson, framkvæmdastjóri
Bandalags íslenskra farfugla,
sem rekur 26 farfuglaheimili
víðs vegar um landið.
„Þessi umræða undanfarið um
miklar afbókanir hefur farið í taug-
arnar á okkur því okkur virðist hún
hafa dálítið færst yfir á greinina í
heild. Ég hef verið í sambandi við
kollega innan geirans, þar á meðal
hjá ferðaþjónustu bænda, og þar
kannast menn heldur ekki við
þetta. Mér virðist þetta einkum
eiga við um dýrari hótel og kannski
hafa þau verðlagt sig of hátt. Hjá
okkur eru afbókanir í massavís ekki
vandamál og ekki hjá neinum þeim
sem ég hef rætt við í geiranum og
eru í ódýrari kantinum á markaðn-
um. Ferðaheildsalar erlendis kann-
ast heldur ekki við þetta.“
Þvert á móti segir Markús stefna í
að sumarið verði algert metsumar
hjá farfuglaheimilunum, traffíkin
hafi aldrei verið meiri og starfsfólk
eigi í vandræðum með að koma
fólki að. Hins vegar sé það stað-
reynd að bókanir hafi borist seinna
en venjulega. Stærðarinnar vegna
segir hann að farfuglaheimilin séu
marktækur mælikvarði á ferða-
mannastrauminn, að minnsta kosti
ákveðinn hluta hans.
„Við rekum hátt í 30 farfugla-
heimili allt í kringum landið og
erum með yfir 100 þúsund
gistinætur á ári. Við ættum því að
geta tekið púlsinn á þessu að ein-
hverju leyti. Mér finnast þetta ansi
miklar alhæfingar og skil ekki á
hvaða forsendum ferðamálastjóri
og samtök ferðaþjónustunnar hafa
tekið mjög undir þessar fréttir sem
sérstakt vandamál í greininni allri.
Samkvæmt fréttum er þetta vanda-
mál á Fosshótelunum en alls ekki
alls staðar." fin@dv.is
Óánægja verslunareiganda með gatna-
gerðarframkvæmdirí Bankastræti:
Full búð afvörum en
engir viðskiptavinir
Gatnagerðarframkvæmdir sem
staðið hafa yfir í Bankastræti og
Lækjargötu um nokkurra mán-
aða skeið hafa valdið vegfar-
endum og verslunareigendum í
miðbænum nokkrum vandræð-
um. Annar hluti framkvæmd-
anna átti að klárast 17. júní en
hefur tafist og segir búðareig-
andi í Þingholtsstrætinu sínar
farir ekki sléttar.
„Ég horfi á túristana rölta fram
hjá hinum megin við sandinn á
Bankastrætinu og það er alveg ljóst
að þeir átta sig ekkert á því að hér
sé verslun sem þeir gætu haft
áhuga á. Eða þá hreinlega að þeir
nenni ekki að vaða hingað yfir til að
skoða í gluggana hjá mér,“ segir
Rannveig Laxdal, eigandi búðar-
innar íslensk ull í Þingholtsstræti 3.
„Ég sit uppi með fulla búð af vör-
um og enga viðskiptavini. Senni-
lega væri skynsamlegast að taka
með sér golfsettið í vinnuna og æfa
sig í að slá upp úr sandglompum
hérna fyrir framan búðina. Ekki
þarf ég að ómaka mig við að af-
greiða viðskiptavini, það er ljóst,“
segir Rannveig. Eins og gefur að
skilja er sérstaklega óþægilegt fyrir
hana, sem rekur verslun fyrir ferða-
menn, að aðgengi að verslun henn-
ar sé erfitt á mesta ferðamanna-
tíma ársins.
Lýkur í næstu viku
Hjá Gatnamálastofu Reykjavíkur
fengust þær upplýsingar að fyrri
VAÐIÐ I SANDI: Rannveig Laxdal.eigandi verslunarinnar Islensk ulfstendur við
gatnamót Þingholtsstrætis og Bankastrætis.Verslunin er í baksýn,en eins og sjá má
þarf að vaða sandinni I gegnum framkvæmdasvæði til að komast að versluninni frá
Bankastrætinu.
hluta framkvæmdanna í Banka-
stræti, frá Ingólfsstræti til Skóla-
strætis, myndi ljúka snemma í
næstu viku. Þessar framkvæmdir
áttu að klárast fyrir 17. júní en
„ófyrirsjáanlegir erfiðleikar vegna
lagnavinnu" hefðu valdið töfunum.
Síðari hluti framkvæmdanna, sem
er frá Skólastræti til Lækjargötu,
klárast svo í ágúst.
Þar á bæ var sagt að vissulega
væru framkvæmdirnar óþægilegar
fyrir marga búðareigendur en sum-
ir þeirra væru þó hæstánægðir með
að ráðist hefði verið í þær. Bæði
vegna þess að það bætti útlit gatn-
anna og einnig vegna þess að tími
hefði verið kominn til að veitukerið
væri endurnýjað.
kja@dv.is
Notaðir bílar hjá
Suzuki bílum hf.
Honda HRV, bsk.
Skr. 2/02, ek. 31 þús.
Verð kr. 1690 þús.
Suzuki Grand Vitara 2,0, bsk.
Skr. 6/01, ek. 73 þús.
Verð kr. 1791 þús.
Suzuki Jimny JLX, bsk.
Skr. 6/00, ek. 54 þús.
Verð kr. 1160 þús.
MMC Space Star, bsk.
Skr. 5/00, ek. 54 þús.
Verð kr. 990 þús.
Subaru Legacy GL Wagon, bsk,
Skr. 7/99, ek 64 þús.
Verð kr. 1390 þús.
Subaru Forester 2,0 AX, ssk.
Skr. 3/98, ek. 89 þús.
Verð kr. 1180 þús.
Sjáðu fleiri á suzukibilar.is
$ SUZUKI

SUZUKI B
Skeifunni 17,
Suzuki Baleno GLX, 4 d., bsk
Skr. 8/99, ek. 39 þús.
Verð kr. 990 þús.
Suzuki Liana, bsk.
Skr. 2/02, ek. 10 þús.
Verð kr. 1380 þús.