Dagblaðið Vísir - DV - 04.12.2003, Side 24

24 FIMMTUDAGUR 4. DESEMBER 2003
Sport XJV
Ensk lið bítast
um Rivaldo
Brasilíski landsliðs-
maðurinn Rivaldo hefur
»• fengið þrjú tilboð frá
félögum á Englandi en
hann var sem kunnugt er
leystur undan samningi hjá
AC Milan á dögunum.
Umboðsmaður Rivaldo
sagði að farið yrði vel yfir
tilboðin á næstu dögum en
vildi ekki nefna frá hverjum
þau hefðu komið. Hann
sagði þó að Liverpool væri
ekki eitt þessara þriggja liða
en orðrómur um að hann
væri á leið þangað hefur
verið þrálátur undanfarið.
Viduka styður
Gray
Ástralski framherjinn Mark
Viduka vill að forráðamenn
Leeds ráði Eddie Gray í
starf stjóra Leeds en hann
hefur verið bráðabirgða-
stjóri hjá félaginu síðan
Peter Reid var rekinn.
Samskipti Viduka og Reid
voru aldrei góð en honum
sinnir augljóslega betur við
Gray þar sem hann vil
halda honum áfram.
McBride aftur í
enska boltann?
Blackburn Rovers eiga
þessa dagana í viðræðum
við bandaríska liðið
Columbus Crew um að fá
framherjann Brian McBride
að láni út tímabilið.
McBride lék um tíma með
Everton í fyrra og gerði
mjög góða hluti. Everton
vildi kaupa hann en af því
varð ekki. McBride er 31 árs
og hefur skorað 20 mörk í
67 landsleikjum fyrir
Bandaríkin.
Houllierver
sína menn
Gerard Houllier,
framkvæmdastjóri Liver-
pool, vill að samtök
framkvæmdastjóra í
Englandi taki á gagnrýni
stjóra, sem eru í
samtökunum, á leikmenn
annarra liða. Steve Bruce,
stjóri Birmingham, vandaði
Frakkanum Florent
Sinama-Pongoile ekki
kveðjurnar þegar hann
nældi í ódýra vítaspyrnu
síðustu helgi. I loullier
fannst gagnrýni Bruce á
^ sinn mann ekki vera
réttmæt og vill að á slíku
verðitekið.
Ellert Jón Björnsson hyggst segja upp samningi sínum við Val þar sem hann vill
vera frjáls allra mála í janúar. Útilokar samt ekki að vera áfram á Hlíðarenda
Segir upp samningi EllertJón Björnsson ætlar að segja upp samningi sinum við Val en útilokar samt ekki að leika fyrir
félagið næsta sumar. Það erþó klárt að hann leikur ekki fyrir lA næsta sumar.
Ekkert verður af því að knattspyrnu-
maðurinn Ellert Jón Björnsson leiki með sínu
uppeldisfélagi, ÍA, á næstu leiktíð eins og
margir áttu von á. Hann ætlar að segja upp
samningi sínum við Val á næstu dögum til þess
að vera laus allra mála í janúar því þá á hann
betri möguleika á að komast að hjá félagi
erlendis. Ef ekkert verður af því útilokar hann
ekki að leika áfram með Valsmönnum en segir
þó klárt að hann leiki ekki með Skagamönnum
því hann sé ekki sáttur með framkomu þeirra í
hans garð og í raun sé hann hundfúll út í
forráðamenn félagsins.
„Já, ég hef rétt á að segja upp samningnum
mínum við Valsmenn núna og ég ætla að nýta mér
þann rétt,“ sagði Ellert Jón í samtali við DV Sport í
gær.
Það gerir hann svo hann eigi auðveldara með að
komast að hjá félagi erlendis en bætir þó við að ef
ekkert verði af því þá komi vel til greina að leika
áfram með Valsmönnum.
„Það kom tilboð í mig í febrúar frá RKC
Waalwiijk í Hollandi en Skagamenn höfnuðu því. Ég
hef haidið smá sambandi við félagið síðan og er
einnig með hollenskan umboðsmann þannig að
það er aldrei að vita nema þeir hafi enn áhuga á að
fá mig til liðs við sig. Það em að minnsta kosti meiri
líkur á að ég komist út ef ég er samningslaus en ef ég
væri á samningi hjá einhverju félagi. Ef ekkert gerist
þá getur vel farið svo að ég leiki áfram með
Valsmönnum. Þeir vita mína stöðu, hvað ég er að
hugsa og hafa fullan skilning á því," sagði Ellert.
Léleg framkoma
Margir bjuggust við því að þegar Valsmenn féllu,
og ljóst var að Ellert gæti fengið sig lausan, að hann
myndi ganga til liðs við sitt uppeldisfélag, ÍA, enda
er Ellert Jón búsettur á Skaganum með sína
fjölskyldu. Bikarmeistararnir hafa verið í sambandi
við Ellert og vildu gera við hann samning en Ellert er
ekki ánægður með það sem Skagamenn hafa verið
að bjóða honum og er gramur út i framkomu
forráðamanna félagsins.
„Viðræðurnar við Skagann eru sigldar í strand og
það er alveg á hreinu að ég leik ekki með þeim
næsta sumar. Ég var með fi'nan samning við
Valsmenn og samningurinn sem Skagamenn hafa
boðið mér er ekki nærri eins góður og í raun bara
lélegur. Ég er hundfúll yfir framkomu Skagamanna
og það ekki í fyrsta sinn því það muna örugglega
margir eftir uppákomunni sem varð þegar þeir
settu mér stólinn fyrir dyrnar þegar ég vildi komast
erlendis. Samskipti mín við þessa stjórn hafa verið
mjög erfið alla tíð og ég held að það sé bara best fyrir
alla að ég komi ekkert nálægt félaginu."
Enginn græðir
Ellert er uppalinn Skagamaður og hefur reynst
félaginu góður þegn í gegnum árin sem og
ijölskylda hans sem hefur í gegnum árin unnið
mikla sjálfboðavinnu fyrir félagið. Ellerú finnst
kveðjumar sem hann fær frá félaginu ansi kaldar en
verst finnst honum þó að enginn skuli græða á
þessu veseni - allir tapa.
„Ég hef leikið með ÍA frá því ég var lítill strákur og
verið mjög liliðhollur félaginu sem og mín
fjölskylda. Ég gerði til að mynda nýjan samning við
félagið 2002 þrátt fyrir það sem á undan var gengið.
Með því vildi ég undirstrika hollustu mína við
félagið en ég hef fengið afar lítið til baka. Það sem fer
samt mest í taugarnar á mér er að það græðir
enginn á þessu og ég kem þar að auki verst út úr
dæminu. Þeir hafa hafnað tveim tilboðum frá
erlendum félögum í mig undanfarin ár þar sem þeir
hefðu getað grætt á mér og ég hefði einnig verið í
betri málum ef ég hefði komist á mála hjá félagi í
Hollandi og það vildi ég. Nú er ég síðan tilbúin að
koma aftur til þeirra og þá geta þeir ekki einu sinni
boðið mér sómasamlegan samning. Ég skil þetta
ekki.“
henry@dv.is
Tryggvi Guðmundsson ER með mörg járn í eldinum þrátt fyrir að Ítalíuförin hafi
dottið upp fyrir. Ætlar ekki að fara til reynslu nema hann geti beitt sér að fullu.
Fór ekki til Empoli
Ekkert verður úr því í bili að Tryggvi
Guðmundsson fari til ítalska félagsins Empoli
eins og vonir stóðu til um. Tryggvi meiddist á
æfingu með íslenska landsliðinu í Mexíkó á
dögunum og varð fyrir viJdð að fresta för sinni
til Italíu og ekki er ljóst í dag hvort hann fær
aftur tækifæri hjá ítalska félaginu.
„Því miður varð ekkert af þessari för vegna
meiðslanna," sagði Tryggvi í samtali við DV Sport
í gær frá Noregi en hann er allur að hressast eftir
meiðslin sem hann hlaut í San Francisco. „Ég er
farinn að æfa aftur fótbolta með Stabæk. Þetta
gengur hægt en er samt allt að koma."
Tryggvi brotnaði á ristinni í sumar með
Stabæk og meiðslin sem hann hlaut í
Bandaríkjunum voru á sama stað og því óttuðust
margir að hann hefði brotnað aftur.
„Ég fór í myndatöku þegar ég kom til Noregs
og sem betur fer reyndist ég ekki brotinn. Svæðið
er enn þá mjög aumt og ég var mjög hræddur um
að ég hefði brotnað aftur. Þetta er leiðinlegt svæði
til þess að vera meiddur á og það tekur oft
drjúgan tíma að jafna sig."
Tryggvi er ekkert að velta sér mikið upp úr því
þótt draumurinn um að spila á Ítalíu sé
væntanlega úr sögunni í bili.
„För mín til ítalíu er í biðstöðu í dag en því
miður er það oft þannig að þegar maður þarf að
bíða lengi leita félögin oft annað. Ég get samt ekki
gert annað en að setja þetta á bið því það er klárt
að ég fer ekki til reynslu á meðan ég er aðeins í 75-
80% standi. Nógu erfitt er nú að standa sig þegar
maður er 100%. Það verður bara að koma í ljós
hvort þeir hafa enn áhuga á mér þegar ég er klár í
að koma á ný en ég á ekkert frekar von á að það
verði ofan á,“ sagði Tryggvi sem er samt ekkert
farinn að örvænta um að hann verði heimilislaus
því hann segist vera með nokkur önnur járn í
eldinum.
„Það er ýmislegt í gangi en ekkert sem ég get
tjáð mig um á þessari stundu."
Samningur Tryggva við Stabæk rennur út um
áramótin og hann segir klárt að hann leiki ekki
áfram með félaginu.
„Ég tók ákvörðun um það í samráði við Stabæk
að ljúka samstarfinu og því leik ég ekki fleiri leiki
með félaginu. Ég er mjög rólegur yfir ástandinu
því þetta bjargast ailt."
henrytzdv.is
Byrjaður að æfa Tryggvi, sem berst hér við Eið Smára á
landsliðsæfingu, er byrjaður að æfa á ný en fer væntanlega
ekki til ítaliu.