Dagblaðið - 26.02.1979, Blaðsíða 13

Dagblaðið - 26.02.1979, Blaðsíða 13
DAGBLADID. MÁNUDAGUR26. FEBRÚAR 1979. Erlendar fréttir JÓNAS HARALDSSÖp REUTER Carter boðar leiðtoga ísraels og Egypta til fundar Carter Bandaríkjaforseti hefur út- nefnt Bernard Rogers sem nýjan yfir- mann bandaríska hersins og NATO í Evrópu, í stað Alexanders Haig hers- höfðingja, sem lætur af störfum 1. júní nk. Alexander Haig var áður aðalráðgjafi Nixons fv. Bandaríkjafor- seta í innanríkismálum, einmitt meðan Watergatemálið stóð sem hæst. Hann hefur látið að því liggja að hann sækist eftir útnefningu Repúblikanaflokksins fyrir forsetakosningarnar í Banda- ríkjunum á næsta ári. Hinn nýi yfirmaður, Bernard Rogers, er 57 ára gamall, viðurkenndur hernaðarsérfræðingur og ópólitiskur, að því er sagt er. Undir hans stjórn verða 4,1 milljón manna undir vopnum. 13 Tveir helztu ráðherrar í Bandaríkjastjórn: „Grípum til vopna ef nauðsyn kref ur — til verndar olíuhagsmunum okkar í Miðausturlöndum Helztu ráðherrar í stjórn Carters Bandaríkjaforseta hafa lýst því yfir að Bandaríkjamenn séu tilbúnir til að grípa til vopna til þess að verja hags- muni sína vegna olíukreppunnar í íran. James Schlesinger orkuráðherra og Harold Brown varnarmálaráðherra sögðu í gær, að ef nauðsyn krefði myndu Bandaríkin beita her sínum til þess að vernda olíuhagsmuni sína í Miðausturlöndum. Ráðherrarnir gáfu þessar sam- hljóða yfirlýsingar sinn í hvoru við- talinu. Þetta eru hörðustu yfirlýsing- ar bandarískra ráðamanna til þessa, vegna þess ástands sem skapazt hefur í orkumálum Bandaríkjanna vegna ástandsinsí íran. Schlesinger sagði að Bandaríkin hefðu mikilvægra hagsmuna að gæta á þessu svæði og „við verðum að reyna að gæta þeirra hagsmuna, þar sem það er okkur lífsnauðsyn að gera það," sagði ráðherrann. , ,Þess vegna hefur hernaðaríhlutun verið íhug- uð," bætti hann við en neitaði að gefa frekari skýringar á orðum ! sínum. Um 20% af þeirri olíu sem Banda-- ríkjamenn nota, kemur frá þessu svæði. Harold Brown varnarmála- ráðherra sagði í viðtalinu að olía frá Miðausturlöndum væri Bandaríkja- mönnum lífsnauðsyn og ef þyrfti að verja olíulindir í Saudi-Arabíu yrði að grípa til allra tiltækra meðala, einnig hernaðaríhlutunar. Flugvéla- móðurskip stórveldanna af stað Nýjasta flugvélamóðurskip Sovét- manna, Minsk, sem er 45 þúsund tonn að stærð er nýfarið í gegnum Bosphorus og Dardanellessund á leið sinni til Miðjarðarhafs. Ekki er vitað um ákvörðunarstað. Þá hefur flugmóðurskip Banda- ríkjamanna, Constellation, sem er 80 þúsund tonn að stærð, lagt af stað frá flotastöð á Filippseyjum. Tals- maður Bandaríkjastjórnar segir að ferðir skipsins séu ekki tengdar stríði Kinverja og Víetnam. Nýr yf irmaður N ATO í Evrópu Carter Bandaríkjaforseti hefur enn ýtt á eftir leiðtogafundi ísraels og Egyptalands. Hann vill fá leiðtoga þessara ríkja til viðræðna við sig síðar í þessari viku, til þess að fjalla um nýjan friðarsamning landanna. Carter er í stöðugu sambandi við leið- toga beggja ríkjanna um þessar mundir. Búist er við að Menachem Begin forsætisráðherra Israels komi á fund- inn og Mustapha Khalil forsætis- ráðherra Egyptalands. Aðilar beggja þjóðanna, sem starf- að hafa í friðarnefndunum í Wash- ington munu fljúga heim til viðræðna við leiðtoga sína fyrir fundinn. Ekkert hefur heyrzt um viðbrögð leiðtoga ísraels og Egyptalands vegna fyrirhugaðs fundar. V-Þýzkaland: Kanslarinn liðtækur í skák Helmut Schmidt kanslari V-Þýzkalands er allþokkalegur skákmaður. Kanslarinn tefldi nýlega við stórmeistarann Lothar Schmid í fjöltefli og stórmeistarinn hafði það ekki fyrr en eftir þrjá og hálfan tíma. íslendingar kannast vel við Lothar Schmid, síðan hann var aðaldómari i hinu fræga einvígi milli Spasskys og Fischers í Laugardalshöll áriö 1972, Lothar var einnig aðaldómarí í einvígi þeirra Karpovs og Kortsnojs i fyrra. Lothar Schmid tefldi við þrjútiu manns i fjölteflinu og sex náðu því að gera jafntefli við meistarann. Meðal þeirra sex var Loki Schmidt, eiginkona kanslarans, sem skaut þur bónda síiiiim ref fyrir rass. Þau hjónin eiga því þarna sameigin- legt áhugamál, svo leiða má getum að því hvað þau gera, ef þau geta ekki sofið. Útvörður landleíðar- innar til Hanoi fallinn sókn Kínverja heldur áf ram inn í Víetnam—f undum Öryggisráðs S.Þ. f restað til morguns Kínverskt herlið hefur hertekið landamærabæinn Dong dang eftir mikla baráttu við úrvalssveitir víet- namska hersins að því er segir í frétt- um frá Kína. Bærinn er mjög mikilvægur hernaðarlega og beittu Víetnamar þeim hersveitum sínum, sem kallaðar eru Fljúgandi tígrisdýrin. Don dang er útvörður land- leiðarinnar til Hanoi, en þangað liggur bæði aðalvegurinn og járn- «C Tegning OlipluinX Rússneski björninn er aðeins farinn að bylta sér vegna innrásar Kínverja í Víetnam. brautarlínur. Heimildir Tokyo og Bankok greina að í vændum sé stór orusta í bænum Lang Song og eigi sér stað miklir hergagnaflutningar þangað. Hanoi útvarpið hefur greint f rá þvi að bardagar séu þegar hafnir i fjöllunum í kring um Lang Song. Mjög gott orð fer af kinversku hermönnunum. Þeir eru sagðir gæta eigna óbreyttra víetnamskra borgara, eftir að þeir hafa hertekið bæi og þorp og fari þeir um bæina snerta þeir ekkieigur manna. Harðar deilur voru milli kínversku og sovézku fulltrúanna í Öryggisráði Sameinuðu þjóðanna vegna innrásar Kínverja og hafa þær deilur staðið i 3 daga, án sjáanlegrar niðurstöðu. Fundum öryggisráðsins hefur verið frestað til morguns.

x

Dagblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið
https://timarit.is/publication/260

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.