Dagblaðið - 18.10.1979, Blaðsíða 31
DAGBLAÐIÐ. FIMMTUDAGUR 18. OKTÓBER 1979.
t
Utvarp
31
Sjónvarp
i)
t-------------------------------------------\
LEIKRIT VIKUNNAR - útvarp kl. 20.10:
Danska kaupmannsvaldið nær
tökum á bændasonum
—í leikríti kvöldsins sem er endurf lutt síðan 1965
Valur Gíslason fer með hlutverk Hreggviðs i leikriti kvöldsins. Hér er hann ásamt
þeim Árna Tryggvasyni og Sveini Einarssyni þjóðleikhússtjóra. DB-mynd Bj.Bj.
Brimar við Bölklett nefnist útvarps-
leikrit kvöldsins og er það gert eftir
samnefndri sögu Vilhjálms S.
Vilhjálmssonar.
Sagan gerist snemma á öldinni og
segir frá lífsbaráttu manna í
sunnlenzku sjávarþorpi. Með breyttum
tíma og atvinnuháttum verða menn að
breyta sjálfum sér. Guðni í Skuld er þó
ekki alveg á því. Hann ætlar að „rísa
úr duftinu” eins og hann sjálfur orðar
það og berjast við danska kaupmanns-
valdið og fyrir mannsæmandi kjörum.
Þeir eru líka til sem harðir eru af sér
eins og Arngrímur borgari sem virðist
þrátt fyrir allt eiga sínar veiku hliðar.
Höfundurinn Vilhjálmur S.
Vilhjálmsson fæddist á Eyrarbakka
1903. Hann tók Samvinnuskólapróf
1925 og var blaðamaður við
Alþýðublaðið 1926—46. Eftir að hann
hætti blaðamennskunni skrifaði hann
alltaf fastan dálk í Alþýðublaðið.
Hann var einn þeirra fyrstu sem
gerðu viðtöl í blöðum að sérgrein sinni.
Ritstýrði hann bæði tímaritum og
bókaflokkum um langt skeið. Þekkt-
astur er hann sennilega fyrir viðtals-
bækur sínar en hann samdi einnig
flokk skáldsagna og smásögur. Ein
þeirra, „Nýtt hlutverk”, var
kvikmynduð og seinna sýnd í
sjónvarpi. Þá þýddi Vilhjálmur einnig
nokkrar bækur. Hann lézt árið 1966.
Handrit og leikstjórn annaðist Þor-
steinn ö. Stephensen. Með hlutverkin
fara: Rúrik Haraldsson (Guðni '\
Skuld), Valur Gíslason (Hreggviður),
Arndís Björnsdóttir (Vala í Gerðum),
Haraldur Björnsson (Arngrímur borg-
ari), Guðrún Þ. Stephensen (Mamma),
Arnar Jónsson (Sigurður i Hraunkoti),
Baldvin Halldórsson (Geir), Björn
Jónasson (Drengurinn).
Leikrit þetta var áður flutt í út-
varpinu árið 1965. Það hefst kl. 20.10
og er liðlega klukkustundar langt.
-ELA.
ÍÖNGUR—útvarp kl. 19.40:
KLASSÍSK TÓNUST EFTIR
J
MENDELSONH, PÁL ÍSÓLFS
—ogfleirísem
í útvarpi í kvöld kl. 19.40 syngja
íslenzkir kórar og einsöngvarar nokkur
lög. Meðal þeirra sem syngja eru
Karlakór KFUM undir stjórn Jóns
Halldórssonar. KFUM kórinn er und-
anfari Fóstbræðra og syngur kórinn
m.a. BrenniðJ)ið vitar eftir Pál ísólfs-
son og Bára blá, sem er íslenzkt
þjóðlag.
María Markan syngur nokkur lög
eftir Pál ísólfsson og Sigurð
Þórðarson. Stúlknakór gagnfræða-
skólans á Selfossi syngur nokkur lög
eftir Schubert og Mendelsohn. Að
síðustu syngja þeir Jóhann Daníelsson
og Eiríkur Stefánsson lög eftir Áskel
Jónsson og George Poulton.
Söngurinn mun taka hálfa^
klukkustund í flutningi. -ELA.
Stúlknakór Gagnfræðaskólans á Selfossi syngur nokkur lög í útvarpi I kvöld.
MORGUNSTUND BARNANNA - útvarp kl. 9.05 í fyrramálið:
Villi villiköttur og innra stríö hans
,,Ég vil taka það fram að þetta er
ekki vandamála- eða raunveruleikasaga
heldur fyrst og fremst ævintýri,” sagði
Þröstur Karlsson barnabókarit-
höfundur og sjúkraliði í samtali við
DB. Þröstur hefur lesið 3 frumsamd-
ar barnasögur i morgunstund
barnanna í þessari viku og les þá fjórðu
í fyrramálið. Hún heitir Sak-
borningurinn og fjallar um Villa villi-
kött sem hafður hefur verið fyrir
rangri sök. Hann á í innra stríði á
meðan málið er óupplýst og segir sagan
m.a. frá því.
Áður í þessari viku hefur Þröstur
lesið sögurnar Litli apakötturinn,
Eltingaleikurinn mikli, Rolli í kosn-
ingaham og á mánudag mun hann lesa
síðustu söguna.
Þessar sögur eru allar sjálfstæðar en
fjalla þó allar um sömu persónur sem
eru dýr. Þær eru framhald bóka-
flokksins Þættir úr ævisögu Snata
gamla. Hafa komið út átta bækur i
þeim flokki. Þessar fimm sem Þröstur
les um þessar mundir verða væntanlega
gefnar út á næsta ári. Þröstur hefur
samið fleiri barnabækur og má þar
nefna Flöskuskeytið, sem út kom árið
1971, Leitin að náttúlfinum, Gullskipið
týnda og Þrælar soldánsins en það er
nýr bókaflokkur fyrir börn og
fullorðna, sem er i þann veginn að
koma út. Morgunstund barnanna er á
dagskrá útvarpsins í fyrramálið kl. 9.05
og tekur lesturinn stundarfjórðung.
-ELA.
Þröstur Karlsson les I fyrramálið
söguna sína, Sakborningurinn, 1
morgunstund barnanna.
DB-mynd Bj. Bj.
Þeir félagar Guóni Rúnar Agnarsson og Asmundur Jónsson hafa séð alllengi um
Áfanga og segjast ekki vera orðnir leiðir enn. Áfangar ættu þvi ekki að detta úr'
dagskránni alveg á næstunni. DB-mynd Ari.
ÁFANGAR—útvavp kl. 22.50:
Richard Thomp-
son kynntur
„Þessum þætti svipar til þeirra fyrri
sem við höfum verið með að undan-
förnu. Við höfum kynnt gítarleikarann
og lagasmiðinn Richard Thompson i
siðustu þáttum og höldum þvi eitthvað
áfram. Samhliða því að kynna tón-
listarferil hans kynnum við störf sem
hann hefur komið nálægt og tengjast
brezka þjóðlagarokkinu,” sagði
Ásmundur Jónsson, annar þeirra
félaga sem sjá um þáttinn Áfanga sem
er á dagskrá útvarpsins i kvöld kl.22.50.
„Richard Thompson var meðlimur í
hljómsveitinni Fairport Convention í
fimm ár. Hann var einn af mótendum
þjóðlagarokksins. í þættinum í kvöld
segjum við aðallega frá honum nú
síðari árin eða frá 1972 til dagsins i
dag,” sagði Ásmundurennfremur.
,,Nú síðári árin hefur Richard
Thompson starfað með eiginkonu sinni
og munum við því fjalla eitthvað um
sameiginlegan feril þeirra. Þau hjón
gerðust múhameðstrúar fyrir fimm
árum síðan og verðum við með einn
þátt, væntanlega næsta fimmtudag,
V_________________________________
sem fjallar þá um trúaráhrif í lífi
þeirra. í þeim þætti verða sennilega
aðeins útvangspunktar um þróun
þeirra en ekki algerlega fjallað um þau.
Þau aðhyllast þann hluta múhameðs-
trúar sem kallast „súfismi”. Munum
við eflaust fjalla um tónlist sem tengist
þeim trúarflokki.
Richard Thompson er virtur tón-
listarmaður þó hann sé kannski ekki
vinsæll nema hjá ákveðnum hópi
manna. Hann er ekki einn af þeim sem
komizt hefur á vinsældalistann. En
hann hefur sinn ákveðna aðdáendahóp
sem fylgir honum og hefur gert í fleiri
ár.
Upphafið á því að fórum að kynna
Richard var ný plata með þeim
hjónum. Sú plata er léttari en fyrri
plötur hans en ég veit ekki hvað hún
gerir í sjálfu sér,” sagði Ásmundur
'Jónsson að lokum. Félagi hans, Guðni
.Rúnar Agnarsson, er stjómandi þáttar-
ins ásamt honum og er þátturinn
þriggja stundarfjórðunga langur.
-ELA
t
^tlfurfyuðuu
g>ilfurf)útjum
gamla
muni
móttaka i BRAUTARHOLTI 6.
fimmtud.og f östud. kl. 5~7 eh.
BARTSKERINN
Laugavegi 128 v/Hlemm
Sími 23930
Vandlátir koma
aftur og aftur
SÉRPANTANIR í
PERMANENT.
HALLBERG GUÐMUNDSS0N
Þ0RSTEINN Þ0RSTEINSS0N
Lóðir í Arnarnesi
Lóðir til sölu í Arnarnesi. Upplýsingar á Lög-
fræðiskrifstofu Vilhjálms Árnasonar hrl.,
Iðnaðarbankahúsinu, Lækjargötu 12, símar
16307 og 24635.