Dagblaðið - 18.10.1979, Blaðsíða 32

Skuldir Olíumalar hf.
nálgast tvo milljarða
framkvæmdastjórinn hefur hætt störfum og vill vita hvort halda á lífínuí
Athafnasvæði Olíumalar hf. við Smárahvamm.
DB-mynd: RagnarTh.
fyrirtækinu
Tómas Sveinsson framkvæmda-
stjóri Oliumalar hf. hefur látið af
framkvæmdastjórastörfum við fyrir-
tækið ög hefur Björn Ólafsson for-
seti bæjarstjórnar Kópavogs að
mestu tekið við stjórn á daglegum
rekstri.
Fjárhagsörðugieikar Olíumalar
hf. hafa aukizt til mikilla muna, þar
sem lítið hefur enn borizt af hlutafé
því sem átti að setja i fyrirtækið.
Skuldirnar námu orðið um 1100
milljónum er staða fyrirtækisins var
könnuð fyrir síðasta aðalfund. Nú
hefur heyrzt að skuldirnar nálgist tvo
milljarða króna.
DB ræddi við Tómas Sveinsson
um stöðu fyrirtækisins og sagði hann
að upphaflega hefði verið sent eftir
sér, sem einhvers konar kraftaverka-
lækni frá Framkvæmdastofnun og
hefði sú ráðning aðeins átt að vera nú
fram á haust. „Staða fyrirtækisins er
hins vegar slík,” sagði Tómas, ,,að
ég tók sjálfan^mig út af launaskrá.
Ég er því ekki í daglegri stjórnun
lengur, en hef auðvitað áfram
afskipti af fyrirtækinu sem stjórnar-
maður þess.
Það hefur enginn annar tekið
formlega við framkvæmdastjórn
Olíumalar, en við Björn Ólafsson
höfðum skipt með okkur verkum, en
Björn hefur tekið meira og meira á
sig.
Markaðurinn hefur dregizt gífur-
lega saman, sagði Tómas. Á siðasta
ári var framleiðslan 70—80 þúsund
tonn en nú aðeins um 30 þúsund
tonn. Fjármagnskostnaður er mikill
og skuldahalinn vefur svakalega upp
á sig. Hins vegar hafa ekki komið til
vandræði vegna launagreiðslna, þar
sem framleiðslan hefur staðið undir
þvi.”
,,Ég vil ekki segja að fyrirtækisins
biði klárt gjaldþrot,” sagði Tómas,
en því lengur sem það dregst að taka
ákvörðun um framtíð þess, því verra
verður ástandið. Það er mitt álit að
það ætti að vera búið að taka á-
kvörðun um það hvort setja á skepn-
una á vetur eða ekki.
Það er niðuistaða nefndar sem
fjallaði um Olíumöl hf., að ríkis-
sjóður eigi að gerast stór eignaraðili
að fyrirtækinu, með þeim sveitar-
félögum, sem þegar eiga hlut í því.
Það hefur hins vegar skapazt óvissa
nú vegna þess að ríkisstjórnin, sem
kom nefndinni á laggirnar, er nú
fallin.”
-JH.
Tveir fjórtán ára piltar fóru í nótt vel útbúnir rifjárnum laumulega inn ágeymslu-
svæði gáma við Sundahöfn. Tilgangurinn var að komast í gárna og finna helzt áfengi
og tóbak.
Slikan varning fundu þeir engan en auðveldlega tókst þeim að komast i gáma og
tóku þá það sem tiltækt var og freistaði augans. Höfðu þeir á brott með sér neyðar-
blys, svo og tvo riffla og nokkurt magn af haglaskotum.
Ekki fóru þeir langt áður en löngunin til að prófa eitt neyðarblys varð ómótstæði-
leg. Sást þetta neyðarblys er þeir skutu yfir Sundahöfninni og litlu siðar var öðru
skotið upp af Laugardalssvæðinu.
Þetta kom lögreglunni á sporið og náði hún drengjunum. sem játað hafa verkn-
aðinn og skýrt frá tilgangi fararinnar. Voru þeir með þýfiðer þeir voru teknir. Málið
er nú komiðtil RLR. - A.St.
SKULDIR TIMANS
UM 200 MILUÓNIR
—staðan samt batnandi—breytingar fyrirhugaðar
ÓlafurB. Thors
ekki íframboð
„Ég fer ekki fram I prófkjör
Sjálfstæðisflokksins í Reykjá-
vík,” sagði Ólafur B. Thors
borgarfulltrúi í morgun. „Við
sjálfstæðismenn höfum verk að
vinna í borgarstjórn og ég tel ekki
eðlilegt að þrír af efstu mönnum
Sjálfstæðisflokksins frá síðustu
borgarstjórnarkosningum sækist
samtimis eftir þingsæti.”
Þýðir þetta það að þú sért
borgarstjóraefni Sjálfstæðis-
flokksins í næstu borgarstjórnar-
kosningum?
„Það verða sjálfstæðismenn að
ákveða á sínum tíma, en ég tel að
ekki fari saman þingmennska og
starf borgarstjóra Reykjavikur.
Skuldir dagblaðsins Tímans nema
nú um 200 milljónum, að því er
Jóhann H. Jónsson framkvæmda-
stjóri staðfesti í viðtali við DB í gær.
Hann tók fram að hér væri ekki um
vanskilaskuldir að ræða, en vissulega
væru vextir og afborganir af slíkri
upphæð þungur baggi. Einnig sagði
hann aö veltufjármunir biaðsins
væruum lOOmilljónir.
Jóhann sagði að nú væri verið að
móta áætlun um brcytingar á blað-
inu, en úr þvi sem komið væri yrði
ekki lagt út'í þær fyrr en eftir kosn-
ingar, jafnvel eftir áramót.
Fjársöfnun, sem blaðið efndi til i
sumar meðal lesenda og velunnara,
hefur þegar skilað yFir 20 milljónúm
og er enn í gangi. Bjóst Jóhann við að
þetta ár kærni betur út en hið siðasta,
þrátt fyrirallt.
Að svo stöddu vildi Jóhann ekki
tjá sig um breytingarnar i smáat-
riðum, nema hvað ekki stæði til að
minnka útgáfuna. Að meðaltali hejur
blaðið verið 24,6 siður daglega að
Heimilistímanum og íslendingaþátt-
unum meðtðldum.
-GS.
mmmcBBBmBKSMmammn' !■, ■iiiiiili«MÉaaBMMiri'iiiniwrtij
frjáJst, nháð dagblað
FIMMTUDAGUR18. OKT. 1979.
Vilhjálmur
Hjálmarsson
hættir
þingmennsku
Vilhjálmur Hjálmarsson alþingis-
maður og fyrrverandi menntamála-
ráðherra mun ekki gefa kost á sér í
framboð að þessu sinni samkvæmt á-
reiðanlegum heimildum DB.
Vilhjálmur mun tilkynna heima-
mönnum þessa ákvörðun alveg á
næstunni.
Framsóknarmenn fengu í síðustu
kosningum tvo þingmenn kjöma á
Austurlandi. Tómas Ámason fyrrum
ráðherra var í öðru sæti og færist nú
væntanlega upp i hið fyrsta.
Framsóknarmenn á Austurlandi
telja nokkuð víst að Halldór Ásgríms-
son færist úr þriðja sæti upp í annað og
komist þar með líklega aftur á þing.
Halldór sat á þingi um skeið en féll í
seinustu kosningum. -HH.
Eðvarð og Svava hætta:
„Þetta fylgir
bara aldrinum”
— segirEðvarð
Sigurðsson
„Eg tilkynnti sjálfur á fulltrúaráðs-
fundinum í gærkvöldi, að ég gæfi ekki
oftar kost á mér í alþingisframboð,”
sagði Eðvarð Sigurðsson, formaður
Dagsbrúnar, i viðtali við DB í morgun.
„Þetta fylgir bara aldrinum,” sagði
Eðvarð, „annars hafa þingstörfin
aldrei verið nema hluti af mínu starfi.”
Spurður um það hvort ákveðið væri
hver fulltrúi verkamanna tæki nú sæti
hans i framboð til Alþingis, sagði
Eðvarð: „Um þetta er ekkert hægt að
segja. Nú er forval — annars væri þetta
•ekkert spennandi.”
Á fuUtrúaráðsfundi Alþýðubanda-
lagsfélaganna í gærkvöldi var einnig til-
kynnt að Svava Jakobsdóttir yrði ekki í
framboði. Forval Alþýðubandalags
hefst20. okt. -BS.
HaustmótT.R.:
Bjöm tryggði
sérsigurinn
Björn Þorsteinsson tryggði sér í
gærkvöldi sigur á haustmóti Taflfélags
Reykjavíkur er hann gerði jafntefU við
Björn Sigurjónsson. Hlaut Björn Þor-
steinsson 9 vinninga af 11 mögulegum.
Stefán Briem vann Benedikt Jónas-
son og hlaut 8,5 vinninga og 2. sætið á
mótinu. Sævar Bjarnason getur þó
hugsanlega náð Stefáni að vinningum.
Hann hefur 7,5 vinninga og biðskák
við Ásgeir Þ. Árnason.
í B-flokki hafa þeir Björn Árnason
og Róbert Árnason 8 vinninga og eru
efstir. Róbert gæti orðið einn um efsta
sætið þar sem hann á biðskák. í þeirri
skák stendur hann þó mjög höllum
fæti.
í C-flokki sigraði Eiríkur Björns-
son. Hann hlaut 8 vinninga og í D-
flokki sigraði Birgir Ö. Steingrimsson
með 9 vinninga. -GAJ-