Dagblaðið - 24.02.1981, Blaðsíða 5

DAGBLAÐIÐ. ÞRIÐJUDAGUR 24. FEBRÚAR 1981.
5
Lögreglan íHafnarfirði rafmagnslaus óveðursnóttina:
TALSTÖENN DAUD OG
SAMBAND Á MIIU BÍLANNA
XI
lærum af reynslunni, segir yf irvarðstjóri
„Jú, það er rétt að rafmagn fór af
lögreglustöðinni óveðursnóttina og
við vorum talstöðvarlausir. Það er til
vararafstöð en hún var óvirk þannig
að við gátum ekki notað hana. Það er
verið að vinna að því núna að koma
henni í gagnið,” sagði Steingrímur
Atlason yfirlögregluþjónn í Hafnar-
firði í samtali við DB.
Er rafmagnið fór af óveðursnótt-
ina í síðustu viku varð lögreglustöðin
í Hafnarfirði rafmagnslaus. Vararaf-
stöð var gerð fyrir nokkrum árum
fyrir lögreglustöðina, en hún hefur
aldrei verið tengd. „Menn læra af því
ef eitthvað kemur fyrir. Þetta var að
sjálfsögðu mjög bagalegt fyrir okkur.
Það hjálpaði okkur mikið að
hjálparsveit skáta kom með talstöð
til okkar. Við gátum ekki notað hana
til að komast í samband við bílana
okkar en við vorum í sambandi við
hjálparsveitina. Póstur og sími er að
vinna að því núna að hanna fyrir
okkur stöð þannig að hún fari ekki af
í rafmagnsleysi. Þó við værum með
vararafstöð núna dygði það ekki til
að drífa talstöðina. Til þess þyrfti tvo
geyma sem við höfum ekki,” sagði
Steingrímur.
„Þá er einnig mjög slæmt að bíl-
arnir hafa ekki samband sín á milli
svo við gátum ekki notað þá. Við
vorum með einn bíl fyrir utan hjá
okkur, en það var alveg þýðingar-
laust vegna þéss að bílarnir hafa ekki
þetta samband. Ég reikna með að ef
óveður skylli á núna þá hefðum við
vararafstöðina í lagi, þar sem unnið
hefur verið við hana, en talstöðin
væri dauð og er það auðvitað mjög
slæmt.”
-ELA
Er einhvers staðar gat íalmannavamakerfinu:
Almannavamanefndir f Kópavogi
og HafnarRrði boðuðu ekki fundi
þrátt fyrir að Almannavamir ríkisins teldu það æskilegt óveðurskvöldið í síðustu viku
„Það er gert ráð fyrir að almanna-
varnanefndir taki afstöðu til yfirum-
sjónar ef náttúruhamfarir verða, en í
Hafnarfirði og Kópavogi eru það lög-
reglustjóri og bæjarfógeti sem eru
æðstu menn almannavarna,” sagði
Guðjón Petersen framkvæmdastjóri
Almannavarna ríkisins er DB innti
hann eftir því hvort almannavarna-
nefndir héldu ekki fundi er neyðar-
ástand skapast, eins og gerðist sl.
mánudagskvöld. DB hefur fengið
staðfest að almannavarnanefndir í
Kópavogi og Hafnarfirði hafi ekki
kallað tii fundar umrætt kvöld. Hins
vegar var strax kallað til fundar í
Reykjavík og hjá almannavarna-
nefnd Suðurnesja.
,,Ég veit ekki hvaða mat þeir hafa
lagt á það ástand er varð óveðurs-
nóttina,” sagði Guðjón ennfremur.
„Við höfum sent bréf til allra al-
mannavarnanefnda á landinu þar
sem óveðrið geisaði til að afla okkur
upplýsinga um það. Almannavarnir
rikisins sendu út tilkynningu strax um
áttaleytið er séð var að óveður var í
aðsigi. Þá vöru einnig sendar viðvar-
anir til vakthafandi manna hjá al-
mannavarnanefndum og bent á það
að æskilegt væri að nefndir kæmu
saman. Annars vil ég ekki leggja mitt
mat á nauðsyn þess að nefndirnar
kæmu saman í Hafnarfirði og Kópa-
vogi fyrr en ég hef heyrt skýringar
þessara manna,” sagði Guðjón
*Petersen.
DB hafði samband við Einar Ingi-
mundarson bæjarfógeta í Hafnar-
firði en hann vildi ekki tjá sig um
þetta mál í blöðin. Ekki náðist í
Ásgeir Pétursson bæjarfógeta í
Kópavogi.
- ELA
Skuldir íslands eriendis vaxa ískyggilega:
Stefnt yf ir rauða
strikið á þessu ári
—skuldastaða ríkisins verður íárslok komin
í 36,6% af þjóðarf ramleiðslunni samkvæmt
lánsfjáráætiuninni
„Skuldastaða islenzka rikisins er
að komast yfir rauöa strikið. Sé
miðað við lánsfjáráætlun þessa árs
verður skuldastaða rikisins i árslok
36,6% af þjóðarframleiðslunni. Það
þykir varhugavert þegar farið er yfir
35% i þessum efnum,” sagði Lárus
Jónsson (S) á þingi í gær.
Lárus sagði að ríkisstjórnin áform-
aði lántökur á árinu 1981 samtals 138
milljarða gkr. en sama áætlun í fyrra
hljóðaði upp á 85 milljarða gkr.
„Erlendar Iántökur eru komnar í
meira og minna óefni,” sagði Lárus.
„Skuldir erlendis eru nú 50% hærri í
erlendri mynt en þær voru í janúar
1977. Eftir þetta ár verða skuldirnar
erlendis 70% hærri í erlendri mynt en
þær voru 1977,” sagði Lárus.
„Greiðslubyrðin af erlendum
lánum er komin í 15,4% af verðmæti
útflutningsins. Rikisstjórnin áætlar
hana 15%, en hún er hærri. 15%
mörkin í þessum efnum þykja mjög
varhugaverð,” sagði Lárus.
Nýtt met í lántöku
Lárus sagði að í ár væri gert ráð
fyrir algerlega nýju meti í lántöku til
handa ríkissjóði auk þess sem stór-
kostlegt met hefði verið sett í skatt-
heimtu á þjóðina.
M.a. er ráð fyrir þvi gert í lánsfjár-
áætlun nú að kaup lífeyrissjóðanna á
verðbréfum ríkissjóðs verði i ár
169% hærri en gert var ráð fyrir i
lánsfjáráætlun þá. Þá var boginn svo
spenntur að lífeyrissjóöunum að þeir
gátu hvergi nærri orðið við fyrir-
mælum um verðbréfakaupin.
Ragnar Arnalds svaraði fyrir-
spurnum Lárusar frá því í fyrri viku.
Kom fram í svari Ragnars að á
síðasta ári hefði innlend fjáröflun
ríkissjóðs staðizt samkvæmt áætlun.
Var fjáröflun innanlands 27,5 millj-
arðar gkr. en var 24 i lánsfjáráætlun.
Ragnar kvað verðbréfakaup lif-
eyrissjóðanna hafa orðið 4,8 millj-
örðum gkr. minni en áætlað hafi
verið og bankakerftð hefði keypt
verðbréf fyrir 1,7 milljarð gkr. minna
en ráð var fyrir gert. Aðrar tekjur
hefði hins vegar farið svo fram úr
áætlun að fjáröflun innanlands hefði
staðizt.
Einkaaðilar
drjúgir við að slá lán
Erlend lántaka opinberra aðila
varð um 53 milljarðar á sl. ári eða
3—4 miiljörðum meiri en gert var ráð
fyrir í áætluninni. Kvað ráðherrann
það nær eingöngu hafa verið vegna
framkvæmda í raforkumálum.
Erlend lántaka einkaaðila fór hins
vegar 16 milljarða fram úr áætlun.
Lántökur áárinu í fyrra urðu því 104
milljarðar gkr. en áttu að verða 85
milljarðar samkvæmt áætlun fyrir
árið.
í fyrra kvað nýja ríkisstjórnin
niðurskurð á lánveitingum til opin-
berra framkvæmda og hafði Lárus
Jónsson spurt hvernig sá niður-
skurður hefði gengið i fyrra. Kvað
ráðherrann þau áform ekki hafa
staðizt að fullu og hefðu raforku-
framkvæmdir sett þar strik í reikn-
ing. Dregið hefði verið úr lántökunt'
til opinberra framkvæmda um 309
milljónir og Framkvæmdasjóði tókst
að draga úr lánveitingum sínum um
2,525 milljarða gkr. og standa þannig
við niöurskurð lána til framkvæmda
að fullu samkvæmt áætlun.
Fráleit vinnubrögð
Bæði Lárus Jónsson og Kjartan
Jóhannsson (S) lýstu fráleit þau
vinnubrögð ríkisstjórnar að leggja
fram frumvarp til lánsfjárlaga og
ætlast til umræðu um það án þess
að fyrir liggi fjárfestingar- og láns-
fjáráætlun ásamt fleiri gögnum. En
þar sem viðbótaruppiýsingar fengust
frá ráðherranum kváðust þeir ekki
andmæla þvi að frumvarpið væri af-
greitt til nefndar og tilskilin gögn
kæmu þangað áður en nefndin af-
greiddi málið. . „
Þetta œtlar að verða sérdeilis erfiður og umhleypingasamur vetur. Ökumenn í höfuð-
borginni hafa hvað eftir annað fengið að kenna illilega á veðráttunni allt síðan í des-
ember. Hlákan undanfarna daga hefur ekki dugað til að eyða háum hálkuhryggjum á
götum borgarinnar — og nokkur dæmi höfum við heyrt um menn, sem skemmt hafa
bíla slna við að lenda skyndilega i holu mitt á milli hryggjanna.
DB-mynd: Bj.Bj.
Sambandið
seldi ekki
„músa-
hveitið”
— birtmyndaf
„gölludu hveiti sem
notaðerí
skepnufóður”
Komið hefur í ljós að innflutn-
ingur á hveiti sem gerður var að
umtalsefni í frétt DB á laugardag
og föstudag var ranglega eign-
aður Innflutningsdeild Sam-
bandsins. Hið rétta er að fyrir-
tækið I. Brynjólfsson og Kvaran
flutti inn hveitið margumrædda. í
fréttunum var sagt frá hveiti sem
bíll frá Skipadeild Sambandsins
færði bakaríi einu i Reykjavík.
Kom í ljós að mýs höfðu komizt í
farminn og göt voru á pokum
eftir þær. Engu að síður fóru
pokarnir inn í bakaríið. Heil-
brigðiseftirlitið kannaði málið á
föstudaginn og stöðvaði fram-
leiðslu í bakaríinu. Skömmu síðar
kom bíll frá Sambandinu og náði
í hveitið. Af þeim orsökum töldu
menn að Sambandið hefði flutt
hveitið inn, en það er rangt.
Skipadeildin flutti það inn fyrir I.
Brynjólfsson og Kvaran. Inn-
flutningsdeild Sambandsins sendi
blaðinu athugasemd vegna þessa
máls í gær þar sem segir m.a.:
„Umrætt hveiti var alls ekki
hveiti frá Innflutningsdeild Sam-
bandsins og hefur aldrei komið
inn í birgðastöð deildarinnar. Það
er lágmarkskrafa til fjölmiðla að
þeir kynni sér staðreyndir þeirra
mála sem verið er að skrifa um,
t.d. í þessu tilviki með því að afla
sér upplýsinga um hver sé seljandi
hveitisins. Hér er verið að blanda
Innflutningsdeild Sambandsins
inn í mál, sem er henni algerlega
óviðkomandi.
Það er því um fréttafölsun hjá
Dagblaðinu að ræða, þegar birt
er mynd af hveiti, sem sagt er úr
umræddu bakaríi, en er í reynd
gallað hveiti sem notað er í
skepnufóður, og hefur aldrei
verið selt sem vara til mann-
eldis.” -ARH