Ársrit Ræktunarfélags Norðurlands - 01.01.1941, Síða 22
24
Túnstærðin er lík bæði árin, en þó má vera, að nýjar
sáðsléttur hafi nokkru meiri áhrif síðara árið. Garðarnir
eru dálítið stærri árið 1942 heldur en 1941, nálægt einum
ha. síðara árið. Kornlandið var tæpir 2 ha. 1941 og heldur
minna 1942. Lítil áherzla hefur verið lögð í rófnarækt
síðan kálflugan komst í algleyming, því hún skemmir
rófurnar mikið. Þó má, þrátt fyrir kálfluguna, vel rækta
rófur til matar með sæmilegum árangri, ef snemma er
sáð og vaxtarskilyrðin eru góð.
III. FRÆÐSLUSTARFSEMIN.
Árið 1941 stunduðu þessir nemendur garðyrkjunám
sumarlangt:
Jónína Kjartansdóttir frá Svalbarði, Þistilf., N.-Þing.
María Jóhannsdóttir, Kirkjubóli, Fáskrúðsfirði.
Að vorinu: Bragi Axelsson, Ási, Kelduhverfi, N. Þing.
Árið 1942 voru engir garðyrkjunemar hér, höfðu 5 sótt
en allir brugðust, og sumir án þess að tilkynna forföll. Er
þetta einn af mörgum átakanlegum vitnisburðum um
vaxandi óáran og óorðheldni fólksins, sem „ástandið"
svonefnda, í víðri merkingu, hefur í för með sér.
Fjöldi fólks hefur heimsótt stöðina eins og áður. Flestir
koma aðeins til að sjá trjá- og blómagróðurinn. Af meiri-
háttar heimsóknum, í því augnamiði að kynnast tilrauna-
starfseminni, minnist ég sérstaklega, að verknemar beggja
bændaskólanna heimsóttu stöðina vorið 1941. Kristján
Karlsson, skólastjóri, var fararstjóri Hólamanna, en Guð-
mundur Jónsson kennari hafði forustu Hvanneyringa.
Síðastliðið vor komu röskir 100 Húnvetningar, konur
og karíar, í kynnisför og skoðuðu stöðina.