Ársrit Ræktunarfélags Norðurlands - 01.01.1941, Side 23

25
IV. KÚABÚIÐ.
Það hefur skilað ágætum arði bæði árin og veldur
mestu þar um, slysalaus afkoma, gott mjólkurverð og til-
tölulega ódýr rekstur. Hefur kúabúið bæði árin borið
verulegan hluta af hallanum við tilraunirnar og hina ó-
arðbæru starfsemi félagsins og gert það kleift að halda
öllu í horfinu, þótt styrkur til starfseminnar hafi ekki
vaxið í neinu hlutfalli við dýrtíðina. Yfirleitt er þó ekki
hægt að segja, að kýrnar séu neinar afburðaskepnur, en
þær eru vafalaust orðnar miklu jafnari og eðlisbetri en
þær voru fyrir 15—16 árum og vafalaust mætti auka af-
köst þeirra nokkuð, frá því sem þau nú eru, með meiri
fóðurtilkostnaði.
V. FRAMKVÆMDIR OG FJÁRHAGUR.
Þess er varla að vænta, að miklar nýjar framkvæmdir
hafi orðið á þessum árum. Aðkeypt efni til slíkra fram-
kvæmda hefur bæði verið illfáanlegt og dýrt. Stöðin að-
eins haft yfir að ráða vinnukrafti af skornum skammti og
svo mjög tvísýnt um fjárframlög til stofnunarinnar, því
þótt 3 ríkisstjórnir hafi setið síðan Lög um rannsóknir og
tilraunir i pdgu landbúnaðarins voru staðfest og þing-
hald verið einu sinni og tvisvar ár hvert, þá hefur ekki
ennþá tekist að koma stjórnarvöldunum í skilning um, að
það sé ekki einhlítt að setja lög, það þarf líka að fram-
fylgja þeim og ætla fé til framkvæmdanna.
Tilraunalögin voru sett í þeim tilgangi að tryggja við-
hald og vöxt þess vísis að landbúnaðartilraunum, sem
búið var með fjögra áratuga starfi að koma á fót, og fyrst
og fremst var tilgangurinn sá, að tryggja hina fjárhagslegu
afkomu þessarar starfsemi.
Árangurinn er enn sem komið er sá, að fjárhagslega
séð hefur tilraunastarfsemi aldrei svifið meira í lausu