Ársrit Ræktunarfélags Norðurlands - 01.01.1941, Side 29
31
seint gekk þeim að koma út blómunum, vegna þess hve
kalt blés.
Þó blómstraði margt af trjánum alveg prýðilega vel, en
það var allt að því mánuði seinna, en oft er, þegar vel
viðrar á vorin.
Sérstaklega mætti nefna Syrenu og Gullregn, sem
blómstruðu af hinni mestu prýði.
Trjáfræi var sáð af nokkrum tegundum í vor og var
það mest fræ, sem til var frá fyrra ári.
Græðlingar voru settir af ýmsurn runnum.
Ribs og sólber blómstruðu mikið í vor, svo útlit var
fyrir góða berjauppskeru. En það fór á annan veg. Þegar
berin voru í þann veginn að þroskast, komu svo afskap-
lega mikil óþrif í ribsið, sem eyðilagði bæði blöð og ber,
og þar við bættust svo kuldarnir, sem hjálpuðu til að eyði-
leggja berin.
Berjauppskera var því öll með minsta móti í haust. Á
trjánum bar ekki mikið á óþrifum.
Blómrœkt. Það er heldur lítið að segja unr blómin í
sumar og fremur fátt af nýju. En eitt er hægt að segja, þó
ekki sé það nýtt, að til er margt af fögrum blómum, sem
þroskast hér, þó kalt viðri. Og þó misjafnlega gangi, er
það altaf eitthvað meira og minna, sem nær góðum
þroska. Fjölæru og tvíæru blómin blómstruðu bara mik-
ið, þó þau væru fremur seint á ferðinni. Sérstaklega mætti
nefna ýmsar Campanúllur, senr blómstruðu af mikilli
prýði seinnipartinn í sumar.
Einæru blómin blómstruðu seint og sum voru rétt að
springa út, þegar kuldarnir komu. Það var með minsta
móti, sem hægt var að selja af sumarblómaplöntum í vor,
af því að fræið var mjög takmarkað. Við fengum ekkert
nýtt blómafræ. Var bara notað það, sem til var frá fyrra
ári.
Matjurtir. Með matjurtirnar gekk það dálítið erfiðlega
framan af sumrinu. Og átti kalda tíðarfarið mestan þátt