Ársrit Ræktunarfélags Norðurlands - 01.01.1966, Síða 91

SIGURJÓN STEINSSON og ÆVARR HJARTARSON:
Sauðfjársæðingarstöðin að Lundi
og starfsemi hennar
Sumarið 1964 var hafizt handa um að stofna og starfrækja
sæðingastöð fyrir sauðfé. Leitað var til stjórnar Sambands
nautgriparæktarfélaga í Eyjafirði (S. N. E.), að hún léti í té
aðstöðu á Rangárvöllum en þar er uppeldisstöð búfjár-
ræktarstöðvarinnar á Lundi.
Stjórn S. N. E. brást fljótt við og sá um byggingu á húsi
fyrir 10—12 hrúta og aðstöðu í sama húsi til sæðistöku.
S. N. E. á húsið en sauðfjársæðingastöðin greiðir leigu af
því.
Aðdragandi þessa máls mun í aðalatriðum vera sá, að um
mörg undanfarin ár hafa verið hömlur á flutningi búfjár
og því talin hætta á of mikilli skyldleikarækt og þá einnig
það að vegna fjárskipta á liðnum árum varð féð ósamstætt
og í mörgum tilfellum kostarýrt.
Einhuga samstaða allra búnaðarsambandanna á Norður-
landi náðist um að standa að þessu fyrirtæki. Vegna sauð-
fjárveikivarnanna gat svæðið þó ekki orðið nema frá Jök-
ulsá á Fjöllum að austan og að Miðfjarðargirðingu að vestan.
Sótt var um að flytja hrúta úr Þistilfirði og þrátt fyrir
ýmsa erfiðleika, sem urðu þar á vegi, tókst fyrir skilning
og velvilja mætra manna að fá flutta þaðan fimm hrúta.
Þeir eru:
1. Leiri 105, f. 1959 (5 v.) frn Syðra-Álandi.
F. Prúður 95 frá Brúarlandi.
7