Búnaðarsamband Austurlands - 01.01.1958, Side 3

elzta og veigamesta félagsmálastarfsemi á Austurlandi. lJað
átti 50 ára afmæli 1954. Þeirra tímamóta var minnzt meðal
annars með afmælisriti, sá Páll um útgáfu þess og skriíaði
sögu sambandsins þar í meginatriðum. Var það vel og
myndarlega af hendi leyst og ber höfundinum gott vitni.
Búnaðarsambandið hefur haft frumkvæði, forustu og fram-
kvæmdir í flesturn þeim málum, sem við koma landbúnaði
á Austurlandi, síðan það var stofnað. Búnaðarsamböndin í
landinu eru einn höfuðliðurinn í heildar félagsmálastarf-
semi landbúnaðarins. Gagnsemi og menningaráhrif slíkrar
starfsemi fer mjög eftir þeirri forustu, sem þeim velst hverju
sinni. Starfsemi sambandanna veit bæði inn á við og út á
við. Forustumennirnir þurfa að vera víðsýnir og starfhæfir
menn, sem njóta virðingar og trausts bændastéttarinnar á
félagssvæðinu og enn fremur og ekki síður að njóta sama
traust og virðingar út á við.
Búnaðarsamband Austurlands hefur uppfyllt þessi skil-
yrði ríkulega með forustu Páls Hermannssonar. Hann naut
hvers manns trausts og virðingar í sínunr byggðarlögum,
auk þess sem hann var áhrifaríkasti maður tit á við, sem
Austurland átti, fyrir þessi samtök. Er þess skemmst að
minnast frá erfiðleikaárunum á Austurlandi um 1950.
Austfirzkir bændur munu lengi geyma minninguna um
Pál Hermannsson í þakklátum huga.
Eg, sem þessar línur rita, hef verið samstarfsmaður Páls í
stjórn Búnaðarsambands Austurlands í 16 ár. Er ánægju-
legt að minnast þess samstarfs. F.ngan gæti ég hugsað mér
ánægjulegri samstarfsmann. Þar kemur svo margt til, svo
sem hæfileikar, drenglyndi og réttsýni, svo fátt sé nefnt.
Sömuleiðis gildir þetta fyrir öll önnur samskipti mín og
persónukynni af honum.
Söknuður er mér í huga, er ég minnist kynningarinnar
af Páli Hermannssyni, en ánægjulegt líka að geyma bjartar
minningar um hinn glæsilega, góða dreng.
Sveinn Jónsson.