Búnaðarsamband Austurlands - 01.01.1958, Blaðsíða 43

fjárins. Meðal afurðir þess hóps hefur verið 21.8 kg. reikn-
aður kjötþungi eftir á, en 22.8 kg. eftir á sem komið hefur
upp lambi. En mestar afurðir eftir á, meðaltal 511 árin,
hefur Einar Jónsson Litlu-Grund haft 22.5 kg. reiknaðan
kjötþunga og jafnmikið eftir á, sem komið hefur upp lambi,
en liann hefur fengið allar sínar félagsær með lömbum að
hausti öll árin.
Fljótsdælingar eiga margir all gott fé, og fer það víða
batnandi á síðustu árum. í Fljótsdal hefur lítið verið flutt
af hrútum úr öðrum sveitum, nema af Jökuldal. Þó hafa
komið þangað nokkrir hrútar úr Þistilfirði á síðustu árum.
Fjárræktarfélagið á sjálft einn hrút þaðan, Garp XV, frá
Holti, sem fékk á sl. hausti I. verðl. sem einstaklingur, og
II. verðl. fyrir afkvæmi.
Fóðrun er í Fljótsdal sums staðar orðin góð, en misjöfn
eftir bæjum. Sveitin er kjörin til sauðfjárræktar. Snjólétt og
veðursæld á veturna, og afréttarlönd fram úr skarandi góð.
Þegar á allt er litið eru afurðir hjá félaginu í Fljótsdal ekki
eins miklar og vænta mætti. Þær hafa þó farið vaxandi og
var félagið næst hæsta félagið með afurðir sl. ár.
Það er styrkur fyrir Sauðfjárræktarfélag Fljótsdalshrepps
að hafa Klausturbúið innan vébanda sinna. Þar er nú unnið
markvisst að því að kynbæta fjárstofninn, og verður eflaust
gert á meðan Jónas Pétursson ræður þar búi. Fer ekki hjá
því að þar kemur fram stofn, sem liefur mikið kynbótagildi,
þegar tímar líða.
Það urðu vonbrigði fyrir þá, sem starfa að sauðfjárrækt á
Austurlandi, þegar Búnaðarþing vildi ekki verða við þeirri
ósk Búnaðarsambands Austurlands að mæla með því, að á
Skriðuklaustri yrði með lögum ákveðið að starfrækja kyn-
bóta- og tilraunabú fyrir sauðfé, rekið af ríkinu. Hefði það
verið lögfest hefði betur verið tryggt að búið yrði rekið sem
slíkt í framtíðinni, og myndi þá fremur hafa verið lagt fram
fé beint til kynbótastarfsins, sem nú er ekki gert, en væri
mjög þýðingarmikið.