Búnaðarsamband Austurlands - 01.01.1958, Síða 85

87
Kappreiðadómnefnd skipuðu: Ari Björnsson, Egilsstaða-
kauptúni, Einar Einarsson, Ormarstöðum, og Guttormur
Þormar, Geitagerði.
Að þessu loknu sleit form. „Freyfaxa“, Pétur Jónsson,
mótinu.
I sambandi við mótið var haldinn aðalfundur L. H. Hófst
hann á föstudag og stóð fram á laugardag. Fulltrúar voru
mættir víðsvegar af landinu.
Um mótið í heild má segja, að það hafi farið prýðilega
fram, en þó var þátttaka ekki nægjanlega almenn, því úr
sumum sveitum kom enginn með hesta. Þær raddir heyrð-
ust fyrir mótið, að til lítils væri, að halda slík mót hér því
reiðhross væru lítt til. En sem betur fer hefur komið í ljós,
að þessi skoðun er röng. Hér eru engu síður til góðir hestar,
en í öðrum landshlutum. Þetta kom í Ijós á mótinu og
hefði e. t. v. komið enn betur í ljós ef meiri þátttaka hefði
fengizt. Valdurinn að þátttökuleysi mun vera skortur á
tömdum hrossum. Aðalatriðið er ekki, að hafa mergð hrossa,
heldur að þau séu tamin og geti orðið mönnum til gagns og
ánægju.
Það er ekki hægt að segja nú, að hesturinn sé þarfasti
þjónninn, þar sem við lifum nú á öld véla og tækni, en
þrátt fyrir það mun erfitt að vera án hans. Svo mikið hesta-
mannsblóð er í okkur Islendingum, að við munum eiga
erfitt með að sætta okkur við, að hann hverfi af sjónarsvið-
inu. Hann hefur veitt mörgum ánægju á liðnum tímum og
svo mun vafalaust verða enn.