Árbók Landsbókasafns Íslands - 01.01.1973, Side 11

LANDSBÓKASAFNIÐ 1972 11
Innan þjóðdeildar voru á árinu skráð 1542 verk, og var þar af um endurskráningu
532 verka að ræða.
Spjöld alls voru 5328 og skiptust milli höfundaskrár og flokkaðrar skrár.
Islenzk bókaútgáfa 1971 reyndist samkvæmt aðföngum vera:
397 bækur (yfir 48 s.)
141 bæklingur (5—4^ s.)
215 tímarit
78 blöð
141 ársskýrslur, reikningar o. s. frv.
58 prentsmiðjur og fjölföldunarfyrirtæki skiluðu efni til safnsins 1972 samkvæmt
prentskilalögum. Fjórtán aðilar afhentu á árinu prentskilaskylt efni, sem unnið var
erlendis.
Arið 1972 var þjóðdeildarefni á sýningum sem hér segir í Safnahúsi:
22. apríl - 30. júní. Sýning vegna sjötugsafmælis Halldórs Laxness rithöfundar (23.
apríl).
10. júlí — 6. sept. Sýning vegna 75 ára afmælis Hins íslenzka prentarafélags.
Auk þess var lánað efni á sumarsýningu Árnastofnunar í Árnagarði og afmælissýn-
ingu Bæjar- og héraðsbókasafnsins í Hafnarfirði í október. Dagana 28. okt. - 4. nóv.
voru lánuð um 40 bindi Leirárgarða- og Beitistaðaprents til sýningar í Bæjar- og hér-
aðsbókasafninu á Akranesi. Bókaverðir úr Landsbókasafni komu sýningunni fyrir, og
við opnun hennar flutti Ólafur Pálmason stutt erindi um efnið.
Loks voru þýðingar á verkum Nordahls Griegs lánaðar til sýningar í Norræna hús-
inu 15. desember, er flutt var þar dagskrá í minningu um skáldið.
Unnið hefur verið að því að gera úr garði skrá um tímarit og blöð þjóðdeildar,
sem nú koma út, ásamt stofnanaritröðum. Skráin auðveldar að fylgjast með aðföngum
þessa efnis og flýtir mjög fyrir skýrslugerð til Hagstofunnar um útgáfu blaða og tíma-
rita (sbr. Hagskýrslur).